साहित्यः फिलो शीट्स - बाजारात तयार मिळतात. २ पॅकेट ऑलिव्ह ऑइल - १ वाटी काजु - १ वाटी आक्रोड - १ वाटी बदाम - १ वाटी पिस्ता - १ वाटी दालचिनी पावडर - १ चमचा वेलची पावडर - १ चमचा साखर - २ वाटी मध - १/२ वाटी स्टार फुल - ३ लवंग - १०-१२ केक करायचे एक भांडे कृती: १. काजु, आक्रोड, बदाम व पिस्ता हे सगळे एकत्र करावे. त्यात ४ चमचे साखर, दालचिनी पावडर व वेलची पावडर टाकुन मिक्सर मधे एकदा फिरवुन घ्यावे. त्याची खुप बारीक पावडर करु नये. २. केक करायच्या भांड्यामधे खाली ऑलिव्ह ऑइल लावावे. ३. त्यात १ शीट टाकावी. भांड्याच्या आकाराप्रमाणे बाकीची शीट कापुन घ्यावी.

साहित्य - एका मुळ्याची पाने, हरबरा डाळ अर्धी वाटी, फोडणीचे साहित्य, दोन चमचे तेल, लाल तिखट एक छोटा चमचा, चवीनुसार मिठ. आज सकाळी मंडईत गेले होते, तेथे पांढरेशुभ्र मुळे दिसले, घ्यायचा मोह झालाच, कोशिंबीर होइल एक वेळची, एक मुळा घेतला, तो घेताना भाजीवाला म्हणाला- मागील पाला काढून टाकू का - म्हटले अरे नको (मनात- भाजी करुयात आज मस्त- आणी नवर्याला ओळखायला लावुयात,), घेउन आले मुळा घरी, त्याचा पाला काढून स्वच्छ धुतला, बारीक चिरुन ठेवला, तोपर्यंत हरबरा डाळ भिजत घातली, अर्ध्या तासाने डाळ चांगली भिजल्यावर कढइ मध्ये जिरे-मोहरी, हिंग, हळद घालून खमंग फोडणी केली, त्यात भिजलेली डाळ घातली चांगली परतुन घेतल