Skip to main content

इगतपुरीचा पाऊस

लेखक प्रकाश बाळ जोशी यांनी शुक्रवार, 01/07/2011 20:26 या दिवशी प्रकाशित केले.
इगतपुरीचा पाउस म्हणजे धोधो कोसळणारा. पंधरा पंधरा दिवस सूर्याचे दर्शन घडू न देणारा. सर्वांगात मुरणारा पाउस. घाट चढून येणाऱ्या ढगांनी वेढलेल्या इगतपुरीत इतका मिट्ट काळोख कि कुणी डोळ्यात बोट घातले तरी कळणार नाही. वार्‍यावर स्वार होऊन येणाऱ्या ढगांशी लपंडाव खेळण्यातली गम्मत काही न्यारीच आणि तासान तास न संपणारी. त्या इगतपुरीच्या पावसाचा आवेग , ती अंग भिजवणारी ओल, भिजलेलं रान आणि काळ्या कुट्ट ढगांच्या मध्येच डोकावणारे करड्या रंगाचे प्रकाश झोत पकडण्याचा एक प्रयत्न " इगतपुरी रेन्स" या पेंटिंग मध्ये केला आहे. बऱ्याच वर्षापूर्वी काढलेलं हे पेंटिंग आर्टीस्ट सेंटर इथे भरवलेल्या प्रदर्शनात लोकांपुढे आले आ

मनाचं मंथन

लेखक स्वप्ना_तुषार यांनी शुक्रवार, 01/07/2011 18:10 या दिवशी प्रकाशित केले.
आज पुन्हा आभाळ भरून आलं होतं असं कित्तीदा तरी होतं..कित्तीदा तरी झालंय आणि होतंच राहलंय ... का कुणास ठाऊक पण आज मात्र बरसेल असं वाटलं आणि तस्संच झालं .. बरसून गेलं आणि सारा आसमंत कसा शांत झाला. गुलजारच्या इजाजत मधल्या "त्या" - बरस जायेगी तो अपनेआप थम जायेगी डायलॊगची आज पुन्हा आठवण झाली. खरतर बरसत आत होतं बाहेर तर फ़क्त पाऊस पडत होता ..!! पण आजचा पाऊस जरा वेगळाच होता..मनातली जळमटं, काजळी धुवून काढणारा! नेहमीसारखा पुन:पुन्हा त्याची वाट पहायला लावणारा उकाडा आज पावसानंतर नव्हता. ब-याच दिवसांच्या आत दाटलेल्या वेदनेला मोकळी वाट मिळाली ..हो डोळ्यांनीच ती करून दिली.

पिंगु आणी शाळा(बालकाव्य)

लेखक अत्रुप्त आत्मा यांनी शुक्रवार, 01/07/2011 15:06 या दिवशी प्रकाशित केले.
एक छोटा पिंगु नेहमी शाळेत जातो आई ओरडेल म्हणुन पटकन डबा खातो खाताना झाली गंमत घश्यात अडकला घासं लवकर खायला लागलं म्हणुन झाला त्रासं घरी आल्यावर आई डबा पाहुन चिडली नीट खाल्ला नाही म्हणुन वरात काढली मग आमी शांगतो नीट डबा खाल्ला त्या येडपट चिंगुनी धक्का देऊन पाडला माझी चूक नाही मला नको ओरडू मग तूच म्हणतेस? चिडलं माझं करडू उद्या पासुन शाळेत देऊ नको डब्बा मधल्या सुट्टीत खेळेन लपंडाव-पाणी-धप्पा डबा खायची कटकट आमच्या मागुन जावी त्याच्या ऐवजी फक्त मधली सुट्टी रहावी आसा आहे पिंगू आणी त्याची शाळा वाजली शेवटची घंटा चला आता प---ळा.... पराग दिवेकर...

छोटे वारकरी ---

लेखक निवेदिता-ताई यांनी शुक्रवार, 01/07/2011 14:11 या दिवशी प्रकाशित केले.
आमच्या गावातील बालकमंदिरातील छोट्यांची दिंडी (पाउले चालती पंढरीची वाट) निघाली आहे.
From

हैयोहैयैयो नाडी ग्रंथ ताडपट्टयातील नावाच्या उल्लेखांचे प्रात्यक्षिक दाखवणार

लेखक शशिकांत ओक यांनी शुक्रवार, 01/07/2011 12:42 या दिवशी प्रकाशित केले.
मित्रांनो, नाडीग्रंथांवर अनेकांनी बरेच लिखाण दोन्ही बाजूनी केले आहे. या धाग्याने नाडीग्रंथांचे प्रात्याक्षिकाचा अनुभव घेणाऱ्यांसाठी माहिती.... ....आज दि, १ जुलै ला इतिहास संशोधन मंडळाच्या पोतदार सभागृहात सायंकाळी ६ वाजता भाषण आहे. त्यात हैयोहैयैयो नाडी ग्रंथ ताडपट्टयातील नावाच्या उल्लेखांचे प्रात्यक्षिक दाखवणार आहेत. इच्छुकांनी नोंद घ्यावी. मिपाच्या धोरणांत अशी माहिती देणे बसणारे नसेल तर धागा काढून टाकावा.

बदल ----लघुकथा ----जयनीत दीक्षित

लेखक जयनीत यांनी शुक्रवार, 01/07/2011 10:51 या दिवशी प्रकाशित केले.
नारायण! नारायण!! नारदमुनी प्रवेश करते झाले. या मुनीश्रेष्ठ या! काय हालहवाल आहे पृथ्वीतला वरचा? ब्रम्हदेव म्हणाले. अहो आश्चर्यम्! खलु आश्चर्यम्!! नारदमुनी म्हणाले! विराजमान व्हा, अन जरा विस्ताराने सांगा मुनीवर! कसले आश्चर्य? ब्रम्हदेव म्हणाले. फार थोडया काळात खूपच बदल घडला आहे पृथ्वी वर देव. नारद मुनी म्हणाले. कसला? ब्रम्हदेवांनी विचारले. काही काळा पूर्वी तेथे सर्वत्र राजेशाही होती ह्यावर विश्वासच बसत नाही देव, आता तिथे सगळीकडे लोकशाहीचा बोलबाला आहे. नारदमुनी म्हणाले. असं! मग? ब्रम्हदेव म्हणाले. ह्या लोकशाही बद्दल सर्वत्र फार गोड गोड बोलल्या जाते आणि फार छान सुंदर सुंदर लिहिल्या जाते.

नानासाहेब फडणवीसांचे चित्र विकणे आहे

लेखक यकु यांनी शुक्रवार, 01/07/2011 10:23 या दिवशी प्रकाशित केले.
भारतातील सर्वात महत्त्वाच्या ऐतिहासिक मुत्सद्यांपैकी एक नाना फडणवीसांचे पोट्रेट लंडनच्या सोथबी ऑक्शन हाऊसमध्ये लिलावासाठी ठेवण्यात आले आहे. हे चित्र ब्रिटीश इस्ट इंडिया कंपनीचा चित्रकार थॉमस सीटनने सन १७७८ मध्ये काढले असल्याची चित्राच्या मागे नोंद आहे. मूळ नाव बालाजी जनार्दन भानू असलेले नाना फडणवीस हे पेशवाई दरम्यानच्या मराठा साम्राज्यातील एक आघाडीचे मंत्री होते. सन १७७३ मध्ये नारायणराव पेशव्यांचा खून झाल्यानंतर, फडणविसांच्या नेतृत्वाखालील बारभाईचे कारस्थान इतिहासात प्रसिद्ध आहे.

गणितप्रेमींसाठी मोठ्ठा खाऊ!

लेखक निनाद यांनी शुक्रवार, 01/07/2011 10:19 या दिवशी प्रकाशित केले.
विकीपिडियावर गणिताच्या शाखा हा लेख आहे. या लेखात,
  • गणिताच्या शाखा
  • मोजणी
  • संरचना
  • अवकाश
  • बदल
  • पाया आणि तत्त्वज्ञान
  • विसंधी गणित
  • उपयोजित गणित
  • सामान्य गैरसमज
  • गणित आणि भौतिक वास्तव
असे अनेक विषय चर्चिलेली आहेत. लेखनाचा अंदाज येण्यासाठी लेखाचा काही भाग देत आहे.

रागांचा महासागर आता एका क्लिकवर

लेखक यकु यांनी गुरुवार, 30/06/2011 20:28 या दिवशी प्रकाशित केले.
बाराशे रागांचा डेटाबेस आणि सहाशे रागांच्या ऑडिओ क्लिप्स उपलब्ध करून देणारी 'ओशन ऑफ रागाज्' ही वेबसाइट म्हणजे संगीतप्रेमींसाठी तसेच अभ्यासकांसाठी एक पर्वणीच ठरली आहे. यामुळे भारतीय संगीतातील सगळी घराणी जवळ आली आहेत. त्याविषयी... [ सौजन्यः म. टा. ] टाटा मोटर्स कंपनीतून निवृत्त झालेले गदे यांचा हा वैयक्तिक संग्रह वेबसाइटवर आल्यामुळे आता सर्वांसाठी खुला झाला आहे. आपल्या पंचवीस वर्षांच्या संग्रहाचे रुपांतर 'ओशन ऑफ रागाज्' मध्ये करण्यासाठी त्यांना दीड वर्ष लागलं.
Subscribe to