सूर्याची जरा अधिकच फाकलेली किरणं. जणू सुटकेच्या प्रयत्नात. पण ब-याचदा ती समाधानी दिसतात कैदेतल माफक स्वातंत्र्य उपभोगताना उमटत जातात खुणा कधी कधी त्यांच्या बंडाच्या प्रकाशाच्या सावल्या जशा, आणि मग संध्याकाळी घाई घाईने ती गोळा करतात सगळ्या सावल्या आणि बांधून नेतात पुन्हा , नकोच पुरावा त्यांच्या बंडाचा, किंवा साध्या कुजबुजण्याचा सुद्धा. त्या सगळ्या सगळ्या सावल्यांमध्ये माझी सुद्धा सावली दिसते माझ्यातून फाकलेल्या धगधगणा-या, पोळलेल्या, किरणांसकट तेव्हा समजते निरर्थक धडपड, किरणांची नव्हे तर सूर्याची स्वतःपासून सुटण्याची!

मेंढीताई मेंढीताई अंगभर लोकर, मज्जा बाई - थंडी जोरात वाजली तरी तुला ऐकू येतच नाही ? बेडूकराव बेडूकराव का ओरडता डराव डराव ? येत नाही झोप तुम्हाला - बाळावर का चिडता राव ! मनीमाऊ मनीमाऊ म्याऊ म्याऊ बंद करा, उंदीर दिसत नाही तोवर- तुम्ही जरा मौन धरा ! भूभूदादा भूभूदादा येता जाता तुम्ही भुंकता - चोर चोरी करतानाच तुम्ही नेमके कसे पेंगता ? बगळोपंत बगळोपंत दिसतो तुमचा एकच पाय - तलावातल्या माशांनी खाल्ला का हो दुसरा पाय ?

(भाव(खावू)गीत):फेसबुकमुळे