ढॅण टे ढॅण! आम्ही मिक्सर घेतला! इतके दिवस मिक्सर नाही, म्हणून पावलोपावली अडत होतं. एकदा एक पांढर्‍या दगडाचा खलबत्ता मिळतो (आयुर्वेदिक दवाखान्यात वगैरे औषधं खलायला वापरतात तसला) तो आणला. काही दिवसांनंतर खरडा वाटता वाटता खलाचे दोन तुकडे. (एवढा जीव लावून बनवलेला खरडा टाकून द्यायचा जिवावर आल्यामुळे मी हावरटासारखा वरचा खरडा उचलला - होय, ब खवचटासारखं खिक् करून हसली - तर त्यात चक्क दगड लागत होते. मग जड मनानं मी तो टाकून दिला. :( असो.)मी मग नुसताच खल आणला, तर परवा बत्ताच फुटला. :( त्याच पावली तिरिमिरीत जाऊन मी, अ आणि ब मिक्सर घेऊन आलो. :) काल मँगो मिल्कशेक बनवून ढोसून झाला.