दुष्काळ, कर्ज यात बुडालेले शेतकरी असोत का नर्मदातीरी भंगलेली घरटी असोत.. दु:ख शेवटी काळीज पिळवटणारेच असते.. नाहीच आस जेथे जगण्यात काय आहे? आयुष्य ठेवलेल्या सरणात काय आहे? दिसतात येथ सारे मिठ्ठास बोलणारे.. स्वार्थात रंगलेल्या शब्दांत काय आहे? आता नको पुन्हा ती आश्वासने, दिलासे.. बोलावयास सारे.. पोटात काय आहे? तू सांग देवराया आता कसा जगू मी.. काळीज फाटलेले.. ठिगळात काय आहे? देऊ कसा भरवसा कोमेजल्या मनाला.. तुटतात जेथ नाती मैत्रात काय आहे? असतो असाच थोडा पाऊस सांडलेला.. भेगाळल्या धरेला पुरणार काय आहे? पडत्या घरास माझ्या सोडून मीच जातो.. अवशेष दावणार्‍या दगडांत काय आहे? (विषण्ण) राघव

ट्राफिक सिग्नलवर एक मुलगा भीक मागायला येतो... आळशी आहेत... ह्यांना भीक मागायची सवय लागलीयं असं आम्ही म्हणतो... खीशातून २ रुपये काढून त्याच्या हातावर टेकवतो... आज फार उपकार केले ह्या अविर्भावात मग आम्ही मिरवतो... खरंच ते आळशी आहेत का? हे आम्ही पडताळत नाही... आणि पडताळणार तरी कसे?...

फार दिवस गादीचे..फार दिवस गादीचे.. |धृ| अशी असावी गादी जवळी. श्रीमंतीची जणू ही गोळी. द्रौपदीची असेच थाळी विक्रेत्याची मग गुपचिळी ग्राहकाची बसे दातखिळी फार दिवस गादीचे..फार दिवस गादीचे.. |धृ| साधीसुधी गादी नसे नशिबाचे फिरले फासे भागामागून भाग येतसे मिपाकरांना वेठितसे सर्व्हरवरती ताण बसे फार दिवस गादीचे..फार दिवस गादीचे.. |धृ| गादी घेतो भाग आवरा मालिकेचा रस्ता सावरा लेख पाहुनी जीव घाबरा मिपाच्या ह्या "व्होल वावरा" जाउ नका "एनी व्हेअरा" फार दिवस गादीचे..फार दिवस गादीचे.. |धृ|

मेघांचा डफ, तडीतेची थाप गगनाच्या अधरी, मल्हारराग लय.. जलतरंग, भुई छेडीता तालास येई, लयबद्ध जाग पवनाने धरिला सुर अन नाचे गणेश धा धिन धिन धा .... धा धिन धिन धा शुभसुंदर .. अरूपाचे रूप गौरीतनय .. तो गण नृप लोभस मुर्त .. मुखगजस्वरूप आल्हादघन, सांबनंदन नाचे गणेश धा धिन धिन धा ... धा धिन धिन धा पदी पैंजणे .. झंकारती रसभाव मुखी .. साकारती तुंदील तन .. मोही मती अंगांग मीन, मुद्रेत लीन नाचे गणेश धा धिन धिन धा ... धा धिन धिन धा आकाशगंगा .. तेजाळली नक्षत्रे नभी .. उल्हासली चैतन्यगंधी .. हर्षावली विश्वाचा मंच, अपुरे अनंत नाचे गणेश धा धिन धिन धा ... धा धिन धिन धा

हेरंबा... आरंभा...