भटकायला जाताय?

चिंब पावसात शहराचा परिसर सोडून दूर कुठे तरी निसर्गाच्या सानिध्यात जावं. निसर्गाचे वैभव बघावं. दाट धुकं, निसरडी पायवाट, हिरवंगार रान आणि खळाळता प्रवाह हे सारं सारं बघण्याची... ह्याला स्पर्श करण्याची हौस सर्वांनाच असते. अश्या वेळ कुठे जावं हे आसपासच्या मित्रांना विचारलं जातं. मित्र भटकणारे असले तर उत्तमच. नाहीतर कधी तरी अपुरी माहिती आपल्याला मिळते. अश्या वेळी अशी भटकंती ठरवतांना आंतरजालावरील काही सुविधा आपल्याला फार उपयोगी पडू शकतात. त्यापैकी खाली काही देत आहे. सर्वात महत्वाचं म्हणजे मार्ग आणि नकाशा. यासाठी दोन सुविधा खुप उत्तम आहेत. याहू.कॉमचे याहू मॅप ही सुविधा आपल्याला एका शहरापासून दुसर्‍या शहरापर्यंत कसे जायचे याचा लगतचा मार्ग शोधून देते. आणि हो महाराष्ट्रातील तालूका पातळी पर्यंत सुध्दा ही सोय उपलब्ध आहे. फक्त नकाशा दाखवून ही सोय थांबत नाही तर गाडी कशी न्यावी? कुठे वळवावी ? आदींची सुध्दा माहिती देतं. ही सगळी माहिती आपल्या मोबाईलवर एसएमएस करून सोबत नेऊ शकतो. याहू मॅपचा पत्ता http://in.maps.yahoo.com/ असा आहे. पुणे ते जेजूरी जाण्याचा मार्ग यात असा दाखवलेला आहे. सोबतच बाजूला माहिती दिलेली आहे. अशी सुविधा गुगल सुध्दा देतं. गुगल मॅप मध्ये सुध्दा अश्या प्रकारे दोन ठिकाणं देऊन त्यांच्यातील रस्त्यांची माहिती आपण घेऊ शकतो. अंतर , वळण आदींची माहिती ते देतं. एवढंच नाही तर नकाशावर एखादा मार्ग बदलता सुध्दा येऊ शकतो. गुगल मॅपचा पत्ता http://maps.google.co.in असा आहे. खालच्या चित्रात पुणे ते जेजूरी असा मार्ग दिलेला आहे. सोबतच बाजूला माहिती सुध्दा दिलेली आहे. हे सर्व दोन शहरांच्या मध्येच शक्य आहे असं नाही तर पुण्यातील दोन ठिकाणांमधीक अंतर सुध्दा याच पध्दतीने काढता येईल. किंवा मार्ग शोधता येईल. पुण्या भोवतालचे पर्यटन स्थळे सांगणारी काही संकेतस्थळे खाली देत आहे. http://www.aroundpune.com/ http://www.punediary.com/picnic_spots.html http://www.punesite.com/ http://www.maharashtratourism.gov.in/mtdc/html/MaharashtraTourism/Defau… जाता जाता : गुगलची स्थानिक सेवा वापरून आपण पुण्यातील सध्या चालू असलेले चित्रपट, त्यांच्या वेळा सुध्दा बघु शकतो. याचा पत्ता http://www.google.co.in/movies असा आहे. याशिवाय तुम्हाला काही माहिती असेल तर येथे नक्की द्या. - नीलकांत