मिसळपाव
वैराण वाळवंटी जीवदेठ शांतवेना..
तृष्णेस बंध नुरले, ढग आटले नभीचे!
आई तुझ्याविना मज नाही कुठे दिलासा..
तुझिया कुशीत सारे भय लोपते मनीचे..
येथेच ठाव घेई, ते शब्दब्रह्म, "आई"
तुजलाच अर्पितो मी भवदु:ख मम उरीचे..
आता कुठे-कशाला स्वत:स गुंतवू मी?
मन आसवांत न्हाते तुजवाचुनी कधीचे..
आनंद शोधतांना फिरुनी इथेच येतो!
भेटीत माय तुझिया सुख दाटले जगीचे!!
काही दिवसांपासून श्रीविठ्ठलाची मूर्ती सतत डोळयांपुढे येत होती. कुठे फोटो दिसेल, कुठे एखादा अभंग ऐकू येईल, कुणी वारकरी भेटेल.. एक ना दोन..! त्यातून स्फुरलेल्या या ओळी. वाचून बघितल्यावर मात्र ह्याच ओळी विठुराया प्रमाणेच आपल्या आईसही लागू पडतात हे दिसले..
मुमुक्षु
वाचने
6579
प्रतिक्रिया
12
प्रतिक्रिया
१ नो
१ नो कॉमेंट्स
२ तुमचे वय काय हो?
खराटा
(येथे उत्तम काथ्या बारीक कुटून मिळेल)
अतिशय
अतिशय सुंदर भावपुर्ण ओळी...
आई काय आणि विठुमाउली काय.. आपल्या लेकरांची काळजी करतात.
त्यांचे ऋण फेडणे ही खुप अवघड गोष्ट आहे.
सुंदर... अजुन येवु द्या असेच..
आणि हो... वयात काही नसते असे कोणीतरी म्हटले आहे. नसेल म्हटले तर मी म्हणतो.
--अवलिया
+१
In reply to अतिशय by अवलिया
वयात काही नसते असे कोणीतरी म्हटले आहे. नसेल म्हटले तर मी म्हणतो. (+१)
ह्म्म
या ओळी थोड्याशा तुटक वाटतात.
आई तुझ्याविना मज नाही कुठे दिलासा..
बाकी छान!
सालो
आनंद
आनंद शोधतांना फिरुनी इथेच येतो!
भेटीत माय तुझिया सुख दाटले जगीचे!!
अरे वा ! छानच.
-- लिखाळ.
अप्रतिम..
अतिशय भावपूर्ण...
आनंद शोधतांना फिरुनी इथेच येतो!
भेटीत माय तुझिया सुख दाटले जगीचे!!
सुरेख...!
- (सर्वव्यापी)प्राजु
https://praaju.blogspot.com/
आभार
सगळ्यांचे मनापासून आभार :)
मुमुक्षु
सुंदर कविता
कविता खूप आवडली
www.shrikrishnasamant.wordpress.com
श्रीकृष्ण सामंत
"कृष्ण उवाच"
shrikrishnas@gmail.com
नि:शब्द!
नि:शब्द!
बर्‍याच दिवसांनी एक अत्यंत उच्च दर्जाची, प्रासादिक कविता वाचायला मिळाली आणि खूप खूप समाधान वाटले! मुमुक्षूराव, मी आपला ऋणी आहे!
आपल्या काव्याचा चाहता!
तात्या.
अतिशय प्रासादिक रचना!
उत्स्फूर्तता कळतेच आहे! सुंदर रचनेबद्दल अभिनंदन.
(मी या.वि.क.ना. का.न. :) )
चतुरंग
अप्रतिम..
अप्रतिम..
आणि सद्ध्या वारी नाही तर अजूनच काळजाला घर पाडते कविता..
आनंद शोधताना फिरुनी इथेच येतो
आनंद शोधताना फिरुनी इथेच येतो!
भेटीत माय तुझिया सुख दाटले जगीचे!!
भारी...
---
तुझ्याच आठवांचे गीत माझ्या मनात आई..
तीच चंद्रभागा सुरांची..अन तू माझी विठाई...
- शब्दमेघ