चाललोय....

च — चक्कर_बंडा,
काळेसावळे ढग, दरीतल्या सावल्या पावसाचा साज, बुजलेली पाऊलवाट, वाऱ्याचे बहाणे, सोनकीचे डोलणे मुरवत चाललोय.... हिरवीगारं कुरणं, दगडी शेवाळ विहीरीतला खोपा, कुत्र्याच्या छत्र्या चंद्रमौळी विसावा, खापरी कौलं निरखत चाललोय.... देवळाची पायरी, चाफ्याचा दरवळ सोनसळी पावलं, पैंजणांचा गुंजारव नजरेतला नखरा, माळलेला गजरा आठवत चाललोय.... क्षण तुझ्या दरवळत्या अस्तित्वाचे कण तुझ्या विरघळत्या भासांचे दशकं सरली, चालण्याचा मोह सुटेना जगणं कसलं ??? फरफट नुसती..... तरीही....जगत चाललोय....... आयुष्य उधळत चाललोय.......
3217 वाचन
💬 प्रतिसाद (11)

चौथा कोनाडा
Fri, 05/12/2023 - 13:00 नवीन
+१ व्वा, सुंदर .... आवडली रचना ! किती चित्रदर्शी आहे !
देवळाची पायरी, चाफ्याचा दरवळ सोनसळी पावलं, पैंजणांचा गुंजारव नजरेतला नखरा, माळलेला गजरा आठवत चाललोय...
वाह, क्या बात !

💖

कर्नलतपस्वी
Fri, 05/12/2023 - 14:45 नवीन
दशकं सरली, चालण्याचा मोह सुटेना जगणं कसलं ??? फरफट नुसती..... तरीही....जगत चाललोय....... ओझं वेळच्या वेळी झटकले की फरपट होत नाही. कवीता आवडली.

प्रा.डॉ.दिलीप बिरुटे
Fri, 05/26/2023 - 14:49 नवीन
आवडली कविता. लिहिते राहा. -दिलीप बिरुटे

खिलजि
गुरुवार, 06/01/2023 - 01:13 नवीन
एकदा वाचून पोट नाही भरलय दोनदा वाचली, तिसऱ्या खेपला मंचावर आलोय तऱ्ही वाचत चाललोय, वाचत चाललोय कविता कसली, थेट काळजात घुसली तरी वाचत चाललोय वाचत चाललोय