मिसळपाव
काळेसावळे ढग, दरीतल्या सावल्या
पावसाचा साज, बुजलेली पाऊलवाट,
वाऱ्याचे बहाणे, सोनकीचे डोलणे
मुरवत चाललोय....
हिरवीगारं कुरणं, दगडी शेवाळ
विहीरीतला खोपा, कुत्र्याच्या छत्र्या
चंद्रमौळी विसावा, खापरी कौलं
निरखत चाललोय....
देवळाची पायरी, चाफ्याचा दरवळ
सोनसळी पावलं, पैंजणांचा गुंजारव
नजरेतला नखरा, माळलेला गजरा
आठवत चाललोय....
क्षण तुझ्या दरवळत्या अस्तित्वाचे
कण तुझ्या विरघळत्या भासांचे
दशकं सरली, चालण्याचा मोह सुटेना
जगणं कसलं ??? फरफट नुसती.....
तरीही....जगत चाललोय.......
आयुष्य उधळत चाललोय.......
काव्यरस
| लेखनविषय: |
|---|
वाचने
3271
प्रतिक्रिया
11
प्रतिक्रिया
कविता आवडली
कविता आवडली
जगणं कसलं ??? फरफट नुसती.....
छान लिहिलंय!
कविता आवडली!
कविता आवडली!
आवडली
+१ व्वा, सुंदर .... आवडली रचना !
किती चित्रदर्शी आहे !
वाह, क्या बात !
💖
दशकं सरली, चालण्याचा मोह
दशकं सरली, चालण्याचा मोह सुटेना
जगणं कसलं ??? फरफट नुसती.....
तरीही....जगत चाललोय.......
ओझं वेळच्या वेळी झटकले की फरपट होत नाही.
कवीता आवडली.
आवडली कविता.
आवडली कविता.
प्रतिसादाबद्दल सर्वांचे
प्रतिसादाबद्दल सर्वांचे मनापासून आभार.
छान
आवडली कविता. लिहिते राहा.
-दिलीप बिरुटे
जब्राव जबराव जबराव
एकदा वाचून पोट नाही भरलय
दोनदा वाचली,
तिसऱ्या खेपला मंचावर आलोय
तऱ्ही वाचत चाललोय, वाचत चाललोय
कविता कसली, थेट काळजात घुसली
तरी वाचत चाललोय वाचत चाललोय
जब्राव जबराव जबराव
व्वा. सुंदर.
व्वा. सुंदर कविता.