माले का मालूम भाऊ?

'कोनं बगरवलन बे
माह्या सपनाईचा कचरा?
डुंगा करूनस्यानी ठेवलो होतो
जाराले सोपा जाते.
कोनं बगरवलन बे?'

माले का मालूम भाऊ!

'साला सपना त सपना
सपन्याचा कचरा बी
डबल मेहनत कराले लावते!'

येवड्या जल्दीमदि कोटी चाल्लास गा?
पिक्चर पावाले
कोनाय हिरोहिरोईन?
भाई अना कतरीना
मानुसमाऱ्या वाघ हिंडून रायला ना बे?
माले का मालूम भाऊ!
टायगर त कसाबी जिंदा रायल,
पर तू जिंदा रायसीन का?

'गारा पडतीन म्हून माहीत नोहोता
माहित राहून बी का तोफ झाडला रायता मना'
अगा बंड्या, गारा काहून पडते गा?'
​'​माले का मालूम भाऊ!​'​
अबे विकास! गारा काहून पडते बे.
' क्लायमेट चेंज, बाबूजी'
'हा का रायते त गा?'
'माहीत करून बी का तोफ झाडान का बाबूजी?'

गावातले सप्पा पोट्टे कोटी गेले जी?
बांद्याइवर​.​
बाप्पा बाप्पा! तपनीत काम करून रायले सबजन!
नाई जी, बांदीत क्रिकेट टुर्नामेंट खेळाले जातत
मंग कोनाय तुमच्या गावचा विराट कोहली?
मले का मालूम भाऊ!
काऊन जी, तुमी म्याच नाई पाहा का?
'कोनाजवर येवडा खाली येर रायते जी!
कामापासून फुरसत नसे माले!'
'मंग पोट्याइले सांगा!
त्याइले त बाप्पा दुनियाभरची फुरसत!'
'तुमीच सांगून पायजान भाऊ.'

कोनं चोरलन बे
माह्या रातीची निदरा?
सोळा सालाची जमा करूनस्यानी ठेवलो होतो
माह्या पोराले देईन मंलो होतो

माले का मालूम भाऊ!

हव! मीच कायले रडू!
चोर बी असा खतरनाक,
पुऱ्या गावाचीच निदरा चोरी केलन!

'अबे विकास, प्रिया वारीएरसंग
घुंगराल्या बालावाली पोट्टी कोन होय बे?'
' थांब सच्या, गुगल करून पायतो!'
.
.