आकर्षणाचे नियम

Law of attraction अर्थात आकर्षणाचा नियम याविषयावरचा whatsapp समुह सुरु करत आहोत. आकर्षणाचा नियम याबद्दल बर्याच जणांनी वाचलं असेल,"सिक्रेट" हे पुस्तक तसेच याच विषयावरचा चित्रपटही पाहिला असेल. तुम्ही सतत जो विचार कराल तसेच परिणाम तुम्हाला मिळतील.ही या नियमाची सुरुवात;पण फक्त सकारात्मक विचार करुन हवं तसं घडेल का? मग त्यासाठी काय करावं लागेल? काय करता येईल? ते सकारात्मक विचार फलद्रुप होण्यासाठी आणखी काय काय करावं लागतं? त्यासंबंधी चर्चा ,माहितीची देवाणघेवाण यासाठीच आहे हा समुह. हा आकर्षणाचा नियम आहे तरी काय? तो कसा वापरायचा? वापरताना होणार्या चुका कोणत्या? तो केव्हा कशाप्रकारे अस्तित्वात येतो? काय तर्क आहे या आकर्षणाच्या नियमामागे? प्रभावीपणे वापरता येण्यासाठी काय करता येईल? याबाबत इथे बोलता येईल. काहीजणांची या विषयात बर्यापैकी प्रगतीही झाली असेल.आकर्षणाचा नियम हा त्यांच्या रोजच्या जीवनाचा भागही झाला असेल.अशा जाणकारांशी इथे चर्चा करता येईल.त्यांनी केलेले उपाय,केलेले प्रयोग याबाबत बोलता येईल.अनुभव सांगता येतील. त्याशिवाय 'आकर्षणाचा नियम' या विषयावरचे या विषयाशी संबंधित असे लेख,पुस्तके,व्याख्याने,शिबीरे यांचीही माहिती देता येईल. मनातल्या इच्छेपासून ते परिणामांपर्यंतचा प्रवास यशस्वी कसा करता येईल यासंबंधीचा संवाद इथे व्हावा;अशी अपेक्षा आहे.Law of attraction खरा की खोटा याची चर्चा इथे करता येणार नाही. मिपावर Law of attraction या विषयावर या आधी धागे निघाले आहेत.पण मूळ विषय सोडून ट्रोलिंगच जास्त झालं. समुहात सामील होण्यासाठी इच्छुकांनी 'आकर्षणाचे नियमसाठी' असा व्यनि करुन सोबत आपला WhatsApp क्रमांकही द्यावा. विश्वास ही Law of attraction ची सुरुवात आहे. जसा विश्वास तसं प्रत्यंतर.विश्वास ठेवून सकारात्मक कृती केली की हवी ती माणसं आपोआप भेटतात,हव्या त्या घटना आपोआप घडायला सुरुवात होते. उद्याचा दसरा हा सीमोल्लंघनाचा दिवस.नकारात्मक विचारांना उल्लंघून सकारात्मक विचारउर्जेच्या क्षेत्रात प्रवेशासाठी हे आवाहन. सर्वांना उद्याच्या दसर्याच्या शुभेच्छा.