बसते बिचारी एकटी आजी
देवापुढती वाती वळत
असते मुखात नामस्मरण
कधी तिचे ना कंटाळत..
गत आयुष्याचा पाढा
असते स्वत:शीच उगाळत
गालावर एखादा अश्रू
नकळत येई ओघळत..
सोसले जे आयुष्यभरात
जाईे डोळ्यासमोर तरळत
वेग वाती वळण्याचाही
जाई वाढत तसाच नकळत..
सखा जीवनातुन का गेला
सोडून अर्ध्यावरुनी पळत
आसवात का भिजती वाती
जिणे रोजचे राहीे छळत..
.
प्रतिक्रिया
1 Mar 2016 - 11:23 am | मुक्त विहारि
आमच्या वडिलांची आई अशीच वाती वळत बसत असे.
असो,
आजचा दिवस तिच्याच आठवणीत जाणार...
1 Mar 2016 - 11:40 am | नीलमोहर
डोळ्यांसमोर आज्जी आली, अशीच वाती वळत बसलेली,
त्या वातींसारखेच तिचेही आयुष्य..
1 Mar 2016 - 12:57 pm | एक एकटा एकटाच
फार मस्त
1 Mar 2016 - 1:14 pm | भरत्_पलुसकर
हे असं मागं राह्य्लेल्यांच लय अवघड आसतय जिण.
1 Mar 2016 - 2:29 pm | विदेश
मुक्त विहारि, नील मोहर, एक एकटा एकटाच, भरत_पलुसकर ...
प्रतिसादासाठी धन्यवाद !
1 Mar 2016 - 2:39 pm | पद्मावति
सुरेख कविता.
1 Mar 2016 - 2:42 pm | स्पा
आजीची आठवण आली
:(
1 Mar 2016 - 2:49 pm | एस
कविता आवडली.
1 Mar 2016 - 2:57 pm | बोका-ए-आझम
सुदैवाने माझ्या आज्यांवर ही वेळ आली नाही पण एखादा एकाकी वृद्ध माणूस पाहिला की उदास वाटतं.
1 Mar 2016 - 8:46 pm | सुमीत भातखंडे
.
1 Mar 2016 - 10:08 pm | विदेश
पद्मावति, स्पा, एस, बोका-ए-आझम, सुमीत भातखंडे .....
मन:पूर्वक धन्यवाद .
5 Mar 2016 - 4:04 pm | गणेशा
कविता भुतकाळात घेवुन जाते .. आवडली
5 Mar 2016 - 4:12 pm | तर्राट जोकर
आमच्या समोरचे आजोबा परवाच गेले. खूप मनमिळावू, चांगले होते स्वभावाने. आजीही तशाच. दोघे कधीही कुठे जायचे असेल तर सोबतच जायचे. नेमके परवा कधी नव्हे ते आजोबा एकटेच कुठल्या तरी गावाला वर्षश्राद्धानिमित्त गेले, तिकडेच हार्टअटॅक येउन गेले. घरच्यांना कुणालाही भेटायला चान्स मिळाला नाही. त्या आजींची अवस्था शब्दांपलिकडली आहे. :(
5 Mar 2016 - 4:17 pm | गणेशा
अस काही वाचल.. पाहिल की खुप वाईट वाटते ..
----
कविता पुन्हा वाचली आणि ह्या ओळी आता हेलावून गेल्या
सखा जीवनातुन का गेला
सोडून अर्ध्यावरुनी पळत
आसवात का भिजती वाती
जिणे रोजचे राहीे छळत..
.
5 Mar 2016 - 4:12 pm | निशांत_खाडे
एक नंबर..
5 Mar 2016 - 9:03 pm | अत्रुप्त आत्मा
सगळी अवस्था जशीच्या तशी पकडलित की हो! :(
6 Mar 2016 - 10:20 am | जव्हेरगंज
अप्रतिम !
6 Mar 2016 - 7:02 pm | नूतन सावंत
अप्रतिम.
22 Mar 2016 - 6:08 am | विदेश
गणेशा, तर्राट जोकर , निशांत_खाडे , आत्मबंध , जव्हेरगंज , सुरन्गी -
सर्वांचे मनापासून आभार !
22 Mar 2016 - 7:15 am | रेवती
सुदैवाने आज्ज्यांवर ही वेळ आली नाही पण दोन्ही आजोबा नंतर एकटेपणात हरवून गेले. ही कविता वाचून चौघेही डोळ्यासमोर आले. कविता आवडली. एकदम मनात सय दाटून आली.
23 Mar 2016 - 4:13 pm | विदेश
रेवती -
प्रतिसादासाठी धन्यवाद !
23 Mar 2016 - 5:09 pm | पैसा
सुंदर कविता.
26 Mar 2016 - 3:30 pm | विदेश
पैसा -
आपल्या प्रतिसादासाठी धन्यवाद !
27 Mar 2016 - 8:40 am | पाषाणभेद
भावलेली कविता