मिसळ < आणि > पाव : शतशब्दकथा स्पर्धा

आ
आदूबाळ यांनी
 ·  लेख
लेख
जवळजवळ दोन वर्षांपूर्वी आतिवास यांनी एक नवाच वाङ्मयप्रकार मिपावर आणला. (शीर्षक सोडून) शंभर शब्दांत कथा. मिपाकरांना हा प्रकार बेहद्द आवडला. इतकंच कशाला, "शतशब्दकथा" हे नावदेखील मिपाकर चिगो यांनी दिलेलं आहे. त्यानंतर अनेक मिपाकरांनी उत्तमोत्तम शतशब्दकथा लिहिल्या, लिहीत आहेत. मिपाकरांच्या अभिव्यक्तीला प्रोत्साहन देण्यासाठी जाहीर करत आहोत शतशब्दकथा स्पर्धा - पण खास मिसळपाव पद्धतीने - खमंग तर्री मारून! या स्पर्धेच्या दोन फेर्‍या असणार आहेत. आणि त्यात परीक्षकांबरोबर वाचकांचाही सहभाग असणार आहे!
पहिली फेरी:
- ता० १ ऑगस्ट २०१५ ते १५ ऑगस्ट २०१५ या कालावधीत स्पर्धेत सहभागी होऊ इच्छिणार्‍या मिपाकरांनी शतशब्दकथा लिहून स्वतःच प्रसिद्ध करायची आहे. - जर कथा आवडली असेल तर वाचक कथेला आपलं मत देऊ शकतात. वाचकांनी आपलं मत "+१" असं लिहून आपल्या प्रतिक्रियेमध्ये नोंदवायचं आहे. (प्रत्येक प्रतिसादकाचं एकच मत ग्राह्य धरलं जाईल.) - ता० १६ ऑगस्ट ते २० ऑगस्ट मध्ये वाचकांच्या मतांची बेरीज घेतली जाईल आणि सर्वाधिक मतं प्राप्त करणार्‍या तीन शतशब्दकथा अंतिम फेरीत जातील. - ता० १६ ते २० ऑगस्ट या दरम्यान परीक्षकही तीन इतर कथांची निवड अंतिम फेरीसाठी करतील.
अंतिम फेरी:
- अशा प्रकारे अंतिम फेरीत सहा लेखक आणि त्यांच्या सहा शतशब्दकथा दाखल होतील - ता० २१ ऑगस्ट ते ३० ऑगस्ट मध्ये या सहा लेखकांनी आपल्या शतशब्दकथेचा पुढील भाग (मराठीतः सीक्वल!) शतशब्दकथेच्या स्वरूपातच लिहायचा आहे! - वाचक पहिल्या फेरीप्रमाणेच आपलं मत प्रतिसादात "+१" लिहून नोंदवू शकतात. - ता० ३१ ऑगस्ट नंतर परीक्षक त्यांचं गुणांकन देतील. - वाचकांच्या मतांना आणि परीक्षकांच्या गुणांकनाला समान महत्त्व देऊन तीन विजेते घोषित करण्यात येतील. विजेत्या स्पर्धकांना मिपातर्फे पारितोषिकस्वरूपात पुस्तकं आणि मानपत्र देण्यात येईल. सूचना: प्रत्येकी एकच कथा स्पर्धेसाठी ग्राह्य धरली जाईल. एकापेक्षा अधिक कथा प्रकाशित केल्यास पहिली कथा स्पर्धेसाठी ग्राह्य धरली जाईल. - स्पर्धेचा हेतू मिपावर नवे साहित्य येणे हा आहे. त्यामुळे पूर्वप्रकाशित शतशब्दकथा (म्हणजे ता० १ ऑगस्ट २०१५ आधी कुठेही प्रकाशित झालेली कथा) स्पर्धेसाठी ग्राह्य धरली जाणार नाही. - पहिल्या फेरीत कथेचं सीक्वल प्रकाशित करू नये. फक्त सहा लेखकांना/कथांना स्पर्धेसाठी सीक्वल लिहायची संधी मिळेल. - काही प्रश्न असल्यास कृ० साहित्य संपादक मंडळाशी संपर्क साधावा.
वर्गीकरण
लेखनविषय (Tags)
वाङ्मय
कथा
लेखनप्रकार (Writing Type)
प्रकटन
21387 वाचन
💬 प्रतिसाद (101)

प्रतिक्रिया

निमिष सोनार
Mon, 08/03/2015 - 17:38 नवीन
.. सहजपणे शतशब्द्कथेच्या नावाखाली खपवला जाण्याची भीती वाटते आहे..

आदूबाळ
Mon, 08/03/2015 - 17:57 नवीन
विषय कोणताही चालेल. खपवायला काय काहीही खपवता येईल. पण मत देणारे वाचक त्या खपाऊ मालाला कितपत आपलंसं करतील हा प्रश्नच आहे.
↩ प्रतिसाद: निमिष सोनार

आदिजोशी
Mon, 08/03/2015 - 17:52 नवीन
नव्या उपक्रमाबद्दल मिपा व्यवस्थापनाचे अभिनंदन. सिक्वल लिहायची कल्पना पटली नाही. कथा पूर्ण असली पाहिजे. दोन भाग झाले की एकच कथा दोन भागात लिहिल्यासारखे होते. कथा १०० भागात संपली पाहिजे असं माझं मत आहे. असो. लेखकांना शुभेच्छा :)

प्यारे१
Tue, 08/04/2015 - 01:30 नवीन
>>>>कथा १०० भागात संपली पाहिजे हो ना! आम्ही किती भाग झाले 'होणार सून मी या घरची' संपायची वाट बघतोय. ;) मिपासाठी या निकषावर फ़क्त बुवांची सिरीज उतरते. १०० मध्ये संपवतील नक्की! (हलकं घ्या बुवा) आता एक सुचवणी : स्पर्धेसाठीची कुठलीही कथा अथवा छायाचित्रं ही लेखकाच्या/ छायाचित्रकाराच्या नावाशिवाय यावीत. एका विश्वासू व्यक्तीला व्यनि मार्फ़त कथा किंवा छायाचित्रं पोचाव्यात आणि नंतर एका ठराविक क्रमानं गोष्टी प्रकाशित व्हाव्यात. फ़क्त कथेसंबंधी अथवा छायाचित्रांसबंधी खरं मत त्यामुळे समजेल. आतादेखील बहुतांश तसंच होतं मात्र कुठेतरी 19 20 होतंच. लेखक कोण आहे? अमुक ढमुक म्हणजे कथा चांगलीच आहे असं होऊ नये असं वाटतं. यात गोपनीयतेमुळे नवीन लोकांचा फ़ायदा होऊ शकतो.
↩ प्रतिसाद: आदिजोशी

जेपी
Mon, 08/03/2015 - 18:28 नवीन
स्पर्धेला शुभेच्छा.एक सुचना- विजेत्याला पुस्तकाऐवजी कुपन द्यावे.(उदा.bookganga वर सोय आहे) विजेते आवडची पुस्तकी घेतील.(एक कथा पुर्वी लिहीली होती पण वेळेअभावी प्रकाशीत नाही. केली.आता या format मधे perfect बसेल)

तुडतुडी
Tue, 08/04/2015 - 12:16 नवीन
वाचकांची मतं लक्षात घेताना केवळ +१ एवढच बघू नये . सगळ्यांचे प्रतिसाद लक्षात घ्यावेत . कृपया 'शीर्षकविहीन ( शतशब्दकथा-स्पर्धा-कथा)' ह्या कथेवरचा शब्दबम्बाळ ह्यांचा प्रतिसाद पहावा

आदूबाळ
Tue, 08/04/2015 - 13:15 नवीन
होय.
↩ प्रतिसाद: तुडतुडी

चिगो
Tue, 08/04/2015 - 14:09 नवीन
वाचकांची मतं लक्षात घेताना केवळ +१ एवढच बघू नये . सगळ्यांचे प्रतिसाद लक्षात घ्यावेत . कृपया 'शीर्षकविहीन ( शतशब्दकथा-स्पर्धा-कथा)' ह्या कथेवरचा शब्दबम्बाळ ह्यांचा प्रतिसाद पहावा
अर्रे व्वा.. म्हणजे 'निगेटीव्ह मार्किंग' का? ;-) आयडीयाची कल्पना चांगली आहे. ('निगेटीव्ह मार्कींग'प्रेमी) चिगो
↩ प्रतिसाद: तुडतुडी

प्रसाद गोडबोले
Tue, 08/04/2015 - 20:17 नवीन
बहुतेक सर्वच शशक दुसरा भाग लिहायचा असे मनात धरुन लिहिल्या जात आहे ! हे ही भारीच आहे कारण बहुतांश कथा उत्सुकता ताणण्यात यशस्वी ठरत आहेत . तेव्हा पहिल्या शशक वरुन इलिमिनेशन न करता +१ असा स्कोर ची बेरीज जाहीर करुन लीडर बोर्ड करावा अन मग दुसर्‍या भागातील +१ त्यात मिळवुन फायनल निर्णय घ्यावा ... काय सांगता... सुरुवातीला बोरिंग वाटलेल्या कथेचा दुसरा भाग तुफ्फान असेल तर !

आदूबाळ
Wed, 08/05/2015 - 00:21 नवीन
हम्म. पुढच्या टायमाला करू हा प्रकार. लीडरबोर्डची आयड्या भारी आहे.
सुरुवातीला बोरिंग वाटलेल्या कथेचा दुसरा भाग तुफ्फान असेल तर !
स्पर्धा संपल्यावर भाग २ लिहायचं स्वातंत्र्य अर्थातच लेखकांना आहे.
↩ प्रतिसाद: प्रसाद गोडबोले

आदूबाळ
गुरुवार, 08/06/2015 - 11:29 नवीन
१०० शब्द-मर्यादा: आतापर्यंत दोन कथा सोडता इतर कथांमध्ये कमी (८७ शब्दांची एक) वा आधिक शब्द (१०३-१२८) वापरले गेले आहेत. ज्यांच्या कथालेखनावरून स्फूर्ती घेऊन ही स्पर्धा सुरू झाली आहे त्या आतिवास यांच्या प्रत्येक कथेत १०० शब्दांचं बंधन काटेकोरपणे पाळलं गेलं आहे. लेखकांनी शंभर शब्दांचे बंधन काटेकोरपणे पाळायचा प्रयत्न करावा. तसेच, याचीही एक आठवण: सूचना: प्रत्येकी एकच कथा स्पर्धेसाठी ग्राह्य धरली जाईल. एकापेक्षा अधिक कथा प्रकाशित केल्यास पहिली कथा स्पर्धेसाठी ग्राह्य धरली जाईल.

सुधीर
Wed, 08/05/2015 - 10:20 नवीन
आतिवास यांच्या प्रत्येक कथेत १०० शब्दांचं बंधन काटेकोरपणे पाळलं गेलं आहे.
ओह! हे माहीत नव्हते. सर्वांना शुभेच्छा! विजेत्या कथांव्यतिरीक्त इतर वेचक कथांना उजवीकडच्या रकान्यात वेगळी प्रसिद्धी दिली तर आवडेल. आंजी सारक्या नवीन पात्रांच्या प्रतिक्षेत.
↩ प्रतिसाद: आदूबाळ

नीलमोहर
गुरुवार, 08/06/2015 - 13:14 नवीन
१०० शब्दांमध्ये फक्त शब्दच धरले जाणार की विराम चिन्हेही ? इंग्लिश शब्देही चालणार ना? धन्यवाद..
↩ प्रतिसाद: आदूबाळ

श्रीगुरुजी
Wed, 08/05/2015 - 13:15 नवीन
मिपाच्या पहिल्या पानावर फक्त शतशब्द्कथांच्या लिंक्स दिसत आहेत. इतर धागे शोधावे लागत आहेत. स्पर्धेतील सर्व शतशब्दकथा एका वेगळ्या ग्रुपमध्ये हलविता येतील का?

तुषार काळभोर
गुरुवार, 08/06/2015 - 09:07 नवीन
समथिंग लाईक 'दिवाळी अंक'
↩ प्रतिसाद: श्रीगुरुजी

श्रीगुरुजी
गुरुवार, 08/06/2015 - 13:13 नवीन
वेगळा ग्रुप केलेला दिसतोय. पण स्पर्धेतील कथा त्या ग्रुपमध्ये आणि "नवीन लेखन" विभागात पण दिसत आहेत. त्यामुळे या कथा सोडून इतर धागे झाकोळले गेले आहेत. या कथा फक्त त्या ग्रुपमध्येच दिसाव्यात व "नवीन लेखन" मध्ये दिसू नयेत अशी सूचना आहे.
↩ प्रतिसाद: श्रीगुरुजी

आदूबाळ
गुरुवार, 08/06/2015 - 13:36 नवीन
अंतिम फेरीत गेलेल्या सहा लेखकांचीच सीक्वल्स स्पर्धेसाठी ग्राह्य धरली जातील. सर्वांनीच सीक्वल लिहिल्या तर स्वागत आहेच
↩ प्रतिसाद: dadadarekar

खेडूत
गुरुवार, 08/06/2015 - 13:40 नवीन
पहिल्या सहा व्यतिरिक्त अन्य लेखकांनी मूळ कथेच्या प्रतिसादातच सिक्वल लिहीला तर? (अन्यथा हे शंभर आणि ते शंभर असा धाग्यांचा गुंता होईल. शिवाय सिक्वल एकाच असावा असा नियम थोडाच आहे?)
↩ प्रतिसाद: आदूबाळ

तुडतुडी
गुरुवार, 08/06/2015 - 14:31 नवीन
कृपया पुढच्या वेळेला अशी कथांची स्पर्धा घेताना 'पहिल्या भागाचा अर्थपूर्ण शेवट ' हा निकष पण लावावा . दुसरी गोष्ट म्हणजे, पहिली कथा कैच्या कै . , दुसरी बरी , तिसरी चांगली , चौथी उत्कृष्ट असं होत असल्यामुळे लेखकाची शेवटची कथा लक्षात घेत येईल काय ?

कहर
गुरुवार, 08/06/2015 - 16:25 नवीन
१००% सहमत. पहिली कथा अर्थपूर्ण असेल आणि शेवट कथेतच होत असेल तरच सिक्वेल बद्दल अंदाज बांधता येणार नाही. या गोष्टीचा विचार निकष साठी करावा.
↩ प्रतिसाद: तुडतुडी

माहितगार
गुरुवार, 08/06/2015 - 16:02 नवीन
अबब! पूरच आला आहे, शतशब्द कथांचा पाहता पाहता महोत्सव झालाय. दिवाळी अंका प्रमाणे मिपाने स्वातंत्र्य दिवस अंकाची तयारी करण्यास हरकत नाही.

कहर
गुरुवार, 08/06/2015 - 16:38 नवीन
एखादि कथा अशा रीतीने संपली कि सिक्वेल शक्यच नाही असे वाचकाला वाटायला हवे. आणि त्यानंतर सिक्वल लिहिण्यात लेखकाची खरी कसोटी लागेल. नाहीतर "आमची गाडी बंद पडली आणि सुनसान वाड्याचे दार किरकिरत उघडले … " इथे पहिली कथा संपणार आणि to be continued… सारखी दुसरीकथा (सिक्वेल) "समोर कंदील घेऊन एक म्हातारा उभा होता" अशा काहीशा वाक्याने सुरु होणार अशा कथांमध्ये पुढच्या भागाची उत्सुकता असली तरी तिला पूर्ण कथा म्हणता येईल का ?

कहर
गुरुवार, 08/06/2015 - 19:05 नवीन
कृपया सिक्वेल आणि प्रीक्वेल मधला फरक स्पष्ट करा. कथेचा पहिला भाग रहस्यमय लिहून दुसऱ्या भागात तसे का घडले स्पष्टीकरण देणे याला सिक्वेल म्हणायचे का ?

सदस्यनाम
गुरुवार, 08/06/2015 - 19:15 नवीन
अहो बक्षीस प्रॉपर कथेलाच देतील हो. प्रीक्वल सिक्वल समजणारे परीक्षक असणारच की. निदान ५० मार्क तरी त्यांच्या हातात असणारच. तुम्ही लिहा बिनधास्त.
↩ प्रतिसाद: कहर

धर्मराजमुटके
गुरुवार, 08/06/2015 - 20:30 नवीन
कृपया ह्या शतशब्दकथांचे वेगळे पान बनविता येईल काय ? उदाहरणासाठी ऐसीवरचा भा.रा. भागवत विशेष अंक बघा. म्हणजे नेहमीचे इतर लेख व्यवस्थित वाचता येतील.

प्रसाद गोडबोले
Fri, 08/07/2015 - 11:47 नवीन
http://www.misalpav.com/comment/726016#comment-726016 ह्यावर संपादक मंडळाचे आणि साहित्य संपादकांचे आणि नीलकांत चे काय मत आहे ? अन्य भाषातील साहित्य मिपावर चालेल का ?

तुडतुडी
Fri, 08/07/2015 - 12:07 नवीन
मला वाटतं एखाद दुसरं वाक्य हिंदी , इंग्लिश मध्ये चालू शकतं पण अर्धी किवा पूर्ण कथाच इतर भाषेत असावी हे पटलं नाही . हे मराठी संकेतस्थळ आहे आणि इथे मराठीचा आग्रह असलाच पाहिजे . अहो आपणच असं करायला लागलो तर आपल्या मराठीचं काय होणार ? आधीच पुढची पिढी इंग्लिशमय झालीये . :-( आणि फक्त मी पा वरच नै तर इतर वेळी सुधा आपण हटकून मराठीतच बोललं पाहिजे .

प्रसाद गोडबोले
Fri, 08/07/2015 - 12:54 नवीन
मला वाटतं एखाद दुसरं वाक्य हिंदी , इंग्लिश मध्ये चालू शकतं पण अर्धी किवा पूर्ण कथाच इतर भाषेत असावी हे पटलं नाही
हे आपल्याला वाटते हो ! पण इथे संपादक मंडळ आणि नीलकांतला काय वाटते हे महत्वाचे आहे ! काही माणसे उगाचच इथेही हिंडी रेट्ण्याचा प्रयत्न करतात , आपण त्यांच्याशी वाद घालु नये , आपण डायरेक्ट संपादकांकडे बोलावे , ते ठरवतील ! एक्गाद दुसरा ईम्ग्रजी हिंदी शब्द मराठीत आणणे निराळे अन हिंदी अख्खी भाषाच व्याकरणासकट मराठी संकेतस्थळावर रेटणे निराळे ! आपण वादात पडु नये ! संपादक ठरवतील काय ठरवायचे ते ! आता उद्या हिंदी किंव्वा इंग्रजी किंव्वा उर्दु लेखनाला मिपावर परवानगी मिळाली तर आम्हाला आनंदच आहे आम्ही अन्य भाषातही लिहितोच की :)
↩ प्रतिसाद: तुडतुडी

तुडतुडी
Fri, 08/07/2015 - 14:45 नवीन
पण इथे संपादक मंडळ आणि नीलकांतला काय वाटते हे महत्वाचे आहे !>>> महाराज मी पा काय फक्त संपादक मंडळ आणि नीलकांत च्या जीवावर चालतं का ? आणि मी त्यांच्याशीच बोलतेय तुम्हाला मी कुठं काय म्हणलाय का ? तुम्ही कशाला वादात पडताय ?

प्रसाद गोडबोले
Fri, 08/07/2015 - 16:33 नवीन
ख्यॅ ख्यॅ ख्यॅ तुम्ही कशाला वादात पडताय? >>> अभ्यास वाढवा =))
↩ प्रतिसाद: तुडतुडी

कॅप्टन जॅक स्पॅरो
Fri, 08/07/2015 - 21:49 नवीन
१०० शब्दांपेक्षा कमी जास्तं शब्द असणार्‍या कथा स्पर्धेमधुन बाद केल्या जाव्यात. लेखकांना कुठल्याही प्रकारचा बदल संपादक अथवा साहित्य संपादक मंडळाने करुन देउ नये. अपवाद नावामधे [शतशब्दकथा स्पर्धा] असा फ्लॅग टाकणे. हि स्पर्धा आहे. नो सेकंड चान्स.

माम्लेदारचा पन्खा
Fri, 08/07/2015 - 21:55 नवीन
डु आयडीने बक्षिस मिळवल्यास त्याला ते कसे देणार ? ....की त्यालाच तडीपार करणार ?

माम्लेदारचा पन्खा
Fri, 08/07/2015 - 22:02 नवीन
ह्या निमित्ताने डु डेटा उप्द्ते होइल !!
↩ प्रतिसाद: आदूबाळ

शब्दबम्बाळ
Sat, 08/08/2015 - 14:22 नवीन
आजची साक्षरी वरती शुद्धलेखनाला अनुमोदन देणारे तुम्हीच ना हो?! पूर्वपरीक्षण वापरा कि राव!
↩ प्रतिसाद: पाटीलअमित

जेपी
Wed, 08/12/2015 - 20:52 नवीन
आदुदादु आता तुमीच राहिलात.लिवा लिवा!! अठरा च्या जागी साडेतीन पावलाचा स्टार्ट अशी.. लिवा!!!!
↩ प्रतिसाद: आदूबाळ

मधुरा देशपांडे
Fri, 08/14/2015 - 22:49 नवीन
कथा प्रकाशित करण्यासाठी उजवीकडे 'लेखन करा' असे दिसत असेल, तेथुन 'स्पर्धा' हा विभाग निवडा आणि ही कथा प्रकाशित करा. म्हणजे ती स्वतंत्र लेखाच्या स्वरुपात दिसेल आणि त्यावर प्रतिसादक मतं देऊ शकतील.
↩ प्रतिसाद: नीलांबरी

श्रीरंग_जोशी
Fri, 08/14/2015 - 23:06 नवीन
[शतशब्दकथा स्पर्धा] दोष कुणाचा? - ही शशकथा वरच्या प्रतिसादात राहू दिल्याने काही बिघडणार नाहीये. संपादक मंडळाला वाटले तर ते उडवू शकतात.
↩ प्रतिसाद: नीलांबरी

आदूबाळ
Sat, 08/15/2015 - 11:15 नवीन
नमस्कार. शशक स्पर्धेच्या पहिल्या फेरीचा आज शेवटचा दिवस. आज मध्यरात्री १२ वाजता (भाप्रवे) मतदान बंद होईल. पहिल्या फेरीचे निकाल लवकरात लवकर (जास्तीत जास्त ता० २० पर्यन्त) जाहीर केले जातील. ही योग्य जागा नव्हे, पण स्पर्धेला दिलेल्या अभूतपूर्व प्रतिसादासाठी सगळ्यांचे मनापासून आभार!