कारसाठी अ‍ॅक्सेसरीज कोणत्या घ्याव्यात?

बोराट ह्या चित्रपटा मध्ये बोराटला त्याच्या गाडीला एक अ‍ॅक्सेसरी बसवुन हवी असते ती , अ‍ॅक्सेसरी सर्वात महत्वाची !

तुम्हाला मिळाली तर मलाही कळवा ;)

अवांतर : अधिक माहीती करिता चित्रपट पहावा .

सर्वप्रथम अभिनंदन!

माझे (फुकटचे) सल्ले -

कार कव्हर - जर गाडी दिवसेंदिवस पडिक राहणार असेल तर कवर घेण्यात अर्थ आहे. अन्यथा सुरुवातीचे काही दिवस वापरले जाईल नंतर रोज काढण्या-घालण्याचा कंटाळा येईल.

फुट मॅट - जनरली गाडीसहित येते. परंतु, सेकंड हॅन्ड असल्यामुळे मिळाले नसेल तर घेणे.

सन शेड - मी घेतलेले नाही तरीही एसीचा परिणाम जाणवण्यासाठी उपयोगी पडू शकेल.

ऑटोमॅटिक टायर इंफ्लेटर / मॅन्युअल टायर इंफ्लेटर - गरज नाही. शहरात तरी प्रत्येक ठेचेला 'पंचरवाले' आहेत.

रॅट गार्ड - माझ्याकडे नाही. तरीही प्रकार उपयोगी दिसतोय. तुमच्या घराच्या आसपास उंदीर्/घुशी असतील तर घ्या.

अन्य बाबतीत सवडीने लिहीन.

ग्यारेज घ्या
(संदर्भ काळ्या पहाडाला इचारावा)

चार्जर, मोबाईल होल्डर आणि मला फार उपयोगी पडलेली गोष्ट म्हणजे रीअर पार्किंग क्यामेरा. नवशिके असाल तर त्या क्यामेराचा फारच उपयोग होतो आणि गाडी एकदाही न ठोकता नीट पार्क करता येते.

अधिकृत विक्रेत्याकडे काहीही घेऊ नका कारण ते तिप्पट भावाने मिळते. माझ्या माहितीच्या अधिकृत विक्रेत्याने मला हे सांगितले होते कि गाडी विकून जितका नफा मिळतो तितका किंवा त्यापेक्षा जास्त नफा आम्हाला अ‍ॅक्सेसरीज विकून मिळतो. मुंबईत सायन कोळीवाडा येथे गेलात तर अ‍ॅक्सेसरीज अजून स्वस्त मिळतील. आणि तेथे न लाजता चार दुकानात त्याच वस्तूंची किंमत विचारायची आणि जेथे जे स्वस्त असेल तेथे ते घ्यायचे. कार घेतल्यावर बर्यच लोकाना "असं कसं करायचं" म्हणून भीड पडते. लक्षात ठेवा भीड भिकेची बहिण हि म्हण आहे.

टायर इनफ्लेटर ही अत्यंत गरजेची गोष्ट आहे. पंचरवाल्यांवर विश्वास ठेवणे म्हणजे मुर्खपणा ( मिपावरच एक धागा आहे )
लिंक बघता येत नाहीये, पण मी कोइडो चा हवामापक वापरतो, अमेझोन वर मिळतो, ३०० -४०० ला असेल, अचुक आहे.
हवा भरण्यासाठी एक पायपंप घेतका आहे लोकल मार्केट मधुन, ६०० ला, तो निट काम करतो. गेल्या १२ महिण्यात कोणत्याही वाहनाला पंचर झालेले नाही, हवा घरीच भरतो.
कवर शोपक्लुस वर स्वस्त मिळतात.

मूषक प्रतिबंधक औषध मुळीच घेऊ नका. ते सारखे चार दिवसांनी फवारत बसावे लागते. आणि इंजिन चा भाग गरम झाल्याने ते उडून जाते. मुळात हे उग्र वासाचे द्रव्य असते ज्यामुळे उंदीर त्यापासून लांब राहतात. यापेक्षा साधे ओडोनिल (बाथरूम मध्ये वापरतो ते) किंवा डांबराच्या गोळ्या जास्त दिवस टिकतात. पावसाळ्यात/ हिवाळ्यात आपण परत आलात कि बाहेर थंडी असते पण कार चे इंजिन गरम असते त्या उबेला उंदीर येतात किंवा पाण्यापासून दूर म्हणून तेथे चढून बसतात. आणि मग सवयीने तेथील वायरी कुरतडतात. एकतर कार च्या खालच्या बाजूला मिळणारी लोखंडी जाळी तेथे बसवा किंवा ratol सारखे मूषक नाशक विष वापरा. आणि मधून मधून डांबराच्या गोळ्या चुरा करून टाका. (अक्खी गोळी कार बाहेर काढली कि घरंगळून खाली पडून जाते.)

SMARTPHONE MOUNT विकत घे . जीपीएस चालू असताना फार उपयोगी पडतो . डॅशबोर्ड किंवा काचेवर लावता येतो .

अगदी अत्यावश्यक त्याच अ‍ॅक्सेसरीज घ्याव्यात, काही दुकानदार गरज नसतान अनावश्यक गोष्टी गळ्यात मारतात गाडी बरोबर काय मिळालेय हे जर कळले तर काही सांगता येइल.

कव्हर - नव्याची नवलाई. काही दिवसांनी कंटाळा येतो. कव्हर घालूनही सोसायटीत जेंव्हा गाडीवर चरा येतो (येऊ नये; पण) तेंव्हा रागाने ते कव्हर कायमचं डिकीत टाकलं जातं.
मोबाईल चार्जर - १२व्ही सॉकेट असेल तर घ्याच. अतिशय उपयोगी.
फूट मॅट - घ्या. गाडी स्वच्छ रहायला मदतीची. पण चांगली घ्या. काळी रबरी नको. एक आणखी पर्याय म्हणजे गाडीचा फ्लोअर व टॉप (आतून) लॅमिनेट करून मिळतो आफ्टरमर्र्केट शॉप्स मधे.
रॅट्गार्ड कुचकामी
सनशेड शिवाय काही अडणार नाही.
इन्फ्लेटर ठीक आहे घ्या; पण मुळात स्टेपनीसकट बाकी सर्व चाकं ठणठणीत असली की विशेष अडू नये.

वर नमूद न केलेल्या अ‍ॅक्सेसरी

कार परफ्यूम - चांगलासा तुम्हाला आवडेल असा. अँबी प्युअर वैयक्तिक मला खूप उग्र वाटले. गोदरेज एअर ठीक्ठाक. जेल्/हँगिंग मला अधिक आवडतात. किंवा सरळ स्प्रे. अपहोल्स्ट्री स्प्रे सुधा मिळतो.

जीपीएस - महागडी अ‍ॅक्सेसरी. आजकाल मोबाईल मधे मॅप्स अस्तात. पण कधीकधी हवंहवंसं वाटतं ते जीपीएस.

फ्रंट गार्ड / स्टिकर / एलईडी इत्यादी गोष्टी लावून मूळ गाडीची ग्रेस जाते असं माझं तुम्हाला सांगणं आहे. (अवांतर - झेन च्या दारांवर भलं मोठं ४*४ लिहिलं म्हणजे झेन डोंगर चढत नाही. काय एक एक करतील ना माणसं मानसिक समाधानासाठी !)

डॅक बद्द्ल कुणी कसं बोललं नाही? एलेक्साय ला डेक येत नाही. तो आफ्टरमार्केट घेत असाल तर वेगळा धागा काढा. मोठा विषय आहे.

अ‍ॅलॉय व्हील्स - आणखी एक महागडी अ‍ॅक्सेसरी. पण नीट शोभेल असे अ‍ॅलोयज लावले तर चार चांद लागतात गाडीला.

फॉग लँप्स - उपयोगी. धुकं बिकं जात नाही जे गाडीसोबत येतात त्या फॉगलँप्स नी. ते वेगळे असावे लागतात. पण असेही, इट्स अ गुड कॉस्मेटिक अ‍ॅक्सेसरी टू हॅव.

नेक रेस्ट - नेक सपोर्ट - हा उपयोगी ठरतो.

डॅशबोर्डवर देवाची मूर्ती - श्रद्धेनुसार.

स्टिअरिंग कव्हर - केंव्हाही चांगलं.

स्टिअरिंग नॉब (ते जात्यासारखं फिरवायला) - युसलेस

एकदा टेफलॉन पॉलिश, डेशबोर्ड पॉलिश करून घेतलंत तर उत्तम.

सुरुवातीला इतकं पुरेसं ठरू शकतं. पुढे घ्यालच अजून.

आजवर उंदरांसाठी एकही उपाय प्रभावी ठरलेला नाही हे सांगू इच्छितो.

ट का अभिनंदन. :)

वेलकम टु द वॅगन आर क्लब.
माझीही पहिली चारचाकी सेकन्ड हॅन्ड वॅगन आरच.

अ‍ॅक्सेसरीज मध्ये सर्वप्रथम घेतलेल्या गाडीत काय काय आहे ते पहा.
१) म्युजिक सिस्टीम स्पीकर सहीत. (ब्लु टुथ नवीन सिस्टीम मध्ये येतं. फोन जास्त येत असतील तर चांगली सोय)
२) रिव्हर्स पार्किन्ग सेन्सर
३) फॉग लॅम्प
४) सीट कव्हर्स
५) स्टेअरीन्ग व्हील कव्हर
६) मड फ्लॅप
७) फ्लोअर मॅट
८) चार्जर ड्युअल वाला घ्या. तो ही ब्रॅन्डेड. एक गट्टु येतो तो गाडीच्या पॉइन्ट मध्ये खुपसायचा.
त्याला दोन युएसबी केबल चार्जिन्ग जोडु शकतो. सॅमसन्ग वै चे २५० ते ३५० मध्ये येतील.

हे बेसिक असावे.

१) डोअर सील गार्ड
२) क्रोम प्लेटेड डोअर हॅन्डल्स
३) डे लाइट रनिन्ग
आणि ही यादी वाढवत न्याल तितकी....

महत्त्वाची अ‍ॅसेसरी विसरली वाटतं ! लिंबू, मिरची, कोळसा एकत्र बांधलेले सुरक्षा यंत्र विकत घ्या. भारतात तेच वापरतात म्हणून महागड्या सेफ्टी फीचर्स असलेल्य गाड्या जास्त खपत नाहित असा अंदाज आहे. (कृ. ह. घ्या.) :)

ठो . . . मेलो ... टका इकडे लक्ष दया

हाफशेंच्युरी निमीत्त श्री.टवाळ कार्टा यांचा सत्कार तिन हिरव्या मिरच्या ,दोन लिंबु आणी एक बिब्बा देऊन करण्यात येत आहे.

शुभेच्छुक-जेपी आणी तमाम बाइक कार्यकर्ते.

उंदरांचा त्रास टाळण्यासाठी कार पार्किंगजवळ एखादा बोका पाळा..!!

मामोऑ-

नै मी काय म्हणते. अ‍ॅक्सेसरीजवर एवढे पैसे उडवण्यापेक्षा आधी ड्रायव्हर लायसन काढ हो टका. आणि गाडीही शिकुन घे हो चिमणकडुन. ;)

मामोऑ

शीडी Rear View Mirror ला टान्गुन घ्या !
झालेच तर "हीच माझी BMW / Mercedes / [आपला लाडका Brand ] असे रेडीयम स्टीकर लावून घ्या!

१. पाठीमागे "बग्तुस काय रागानं, वरटेक केलंया वागानं" असं लिवा.
२. नंबरप्लेटला घड्याळ किंवा कमळ चिक्टवा (हाताची व्हॅल्यू घसरलेली आहे).
३. काळ्या किट्ट सन फिल्म लावा. त्यावर दोन पैलवान लढतायतचा स्टिकर आणि "पैलवान" लिहिलेला स्टीकर लावा.
४. पुढे बंपरच्या पुढे "उपसरपंच - मुणगे बुद्रूक" असा काहितरी अर्ध वर्तुळाकार लिहिलेला बोर्ड (फक्त पितळेचा) लावा. त्याला हार पण घाला.
५. एक किलोमीटर अंतरावर ऐकू येणारे दोन स्पीकर बसवा. शिवाय तमाशा गाण्यांची एक आणि ढाकचिक ढाकचिक वाली एक अशा दोन सीडी खरेदी करा.

सर्वप्रथम ट्का यांचे गाडी घेतल्याबद्दल अभिनंदन,
वर वेल्लाभट यांनी फ्लोअर लॅमीनेशन करुन घ्यायला सांगीतले आहे. ते करताना जास्त सुळ्सुळीत मटेरीअल वापरु नका. कारण त्यावरुन पाय्/मॅट घसरते आणी कालांतराने ते लॅमीनेशन फाटते. आणी मग लॅमीनेशनच्या आतमधे गेलेली माती काढताना खूप त्रास होतो. मी एक मोठे पाय पुसणे स्क्वेअर फुटाच्या भावाने खरेदी करुन ते हव्या त्या आकारात कापुन त्याचा मॅट म्हणून वापर करतोय.. खूप स्वच्छ वाटते.

टका यांचे गाडी घेतल्याबद्दल अभिनंदन...

बर्‍याच जणांनी सल्ले दिले आहेत त्यामुळे मी वेगळा सल्ला काय देणार..? रिवर्स सेन्सर आणि कॅमेरा, मोबाईल स्टॅड आणि चार्जर ह्याच मला उपयोगी पडलेल्या अ‍ॅक्सेसरीज आहेत.

मी left blind spot mirror पण वापरतो. पण याचा उपयोग wagan-R ला होणार नाही कारण tall boy design असल्याने डाव्या बाजूला ब्लाईंड स्पॉट तुम्हाला जाणवत नसावा.

बाकी कबूतरांपासून मुक्ती मिळवण्यासाठी कोणी अ‍ॅक्सेसरीज सुचवाल काय? एक धागा ह्यावर काढावा म्हणतो.

व्ह्याकुम क्लियर ऐवजी प्रेशर ने हवा मारता यॆईल ज्यामुळे गाडीतील धुळ काढता येईल असं एसी व्होल्टवर असलेलं मशीन मिळतं का ?? आणि कोणतं चांगलं ???

-दिलीप बिरुटे

या "लाडी गाडी"ने शंभर पार केल्या बद्दल एक आत लटकवायची बाहुली,एक झेंडा,"येतीस का जाऊ" हा स्टीकर आणि एक चांगला डस्टर कपडा देऊन सत्कार करण्यात येत आहे.

सत्कारार्थी जेपी आणि मित्रपरीवार.

स्वगत :जेप्या माझ्या गळ्यात ही जबाबदारी टाकून कुठे गेलाय ते कळेना आणि चिमण त्याला बोल्वायला जातो सांगून दोन दिवस गायब आहे

स्टीकर "पाहतेस काय? प्रेमात पडशील" असा हवा

टक्याचे अभिनंदन व पुढील कामगिरीसाठी शुभेच्छा.

अनेक प्रतिसाद माहितीपूर्ण अन रोचक आहेत.

तर मिनी फ्रिज घ्या. १२ वोल्ट वर चालतो. मध्ये गोदरेज चा छोटु कूल नावाचा आला होता.

हे अ‍ॅक्सेसरीज घेणं म्हणजे वेळकाढू लोक्ससाठी गाडीचे लाड पुरवणे. गरजेच्या सगळ्या सोई गाडीच्या उत्पादकांनी केलेल्या असतात. पण नवीन नवीन गाडीवानांसाठी गाडीचे सुख अनुभवण्यात हा प्रकार जरा मजा आणतो.
गरज म्हणून गाडी घेणारे काहीही घेत नाहीत. पण हौस म्हणून गाडी घेणारे बर्‍याच गोष्टी घेतात. आपली हौस म्हणून घेतलेली गाडी सजवण्यात प्रचंड मानसिक समाधान असते.
दर दोन तीन महीन्यांनी परफ्यूम बदला. आणि पेन ड्राईव्हला मूड प्रमाणे गाणी वर्गवारी करून भरून घ्या. कितीही ट्राफिक लागलं तरी चीडचीड होत नाही.