एक गोपनिय कट्टा.

राम राम मंडळी, मिपाचे लोक कुठे गप्पा मारत बसतील याची काय ग्यारंटी नै. असेच रमत गमत काही मंडळी वेरुळला येऊन गेली. मलाही काही मिपाकरांना भेटायला नेहमी आवडतं. धन्या आणि वल्ली हे माझे मित्रच पण या निमित्ताने मला अतृप्त आत्मा यांना आणि प्रगोला भेटायला मिळालं. मजा आली.

प्रगो,वल्ली,अतृप्त आत्मा,किसनदेव,सतीश गावडे(धन्या) आणि प्रा.डॉ.

मंडळी गप्पांना काय विषय नसतो, मनभरुन कोसळणा-या पावसारखे आम्ही आडवे तिडवे उभे बरसलो, नै म्हणायला जाता जाता मी वल्ली किसनदेव संपादकीय गोष्टीवर बोललो. काही सदस्यांवर बोललो, काहींच्या लेखनावर बोललो. काहींच्या विचित्र गोष्टींबद्दल बोललो. सारांश अनेक माणसं आपापल्या वृत्तींसह येतील तेव्हा त्यांना सोबत घेऊन मिपा इंजॉय केलं पाहिजे आम्ही असंही बोललो. प्रगो फारसे काही बोलले नाही. मी, धन्या,बुवा आणि वल्ली आणि मधे मधे किसन देव बोलले. काय बोलले सर्वच काय सांगायचं नसतं नै का. आणि हो, अतृप्त आत्मा यांनी मला दोन अत्तराच्या बाटल्या दिल्या. धन्स. मला त्यातला आवडता असा मोगरा त्यांनी दिला. मनभर सुगंध दरवळला आणि मी जरा ब्याकमोड मधे गेलो. मैत्रीण म्हणायची आपल्याला बुवांकडून हे हे मागवायचं हं, मी हो म्हटलेलं आठवतं. मी गॉगल लावला आणि डोळ्यांना वाट करुन दिली. बाकी, मोगरा कसला दरवळला, क्या कहु... अजून खुप काही गोष्टी. पण, लिहायचा कंटाळा. दोन क्षण मजेत गेलेत. धन्स मिपाकर. :)