कावळा बायकांनाच का शिवतो?

शशीकाका पण क्रिप्टिक लिहायला लागले ;)

धाग्याचा हेतू नक्की काय आहे समजले नाही किंवा काही समजून घेण्याआधी प्रतिसादांनी आणखी कन्फ्यूज केलेय. पण तरी हे वाचून माझा एक किस्सा आठवला, फार पूर्वी लग्ना आधी एकदा मित्राबरोबर मॉलमध्ये या सेक्शनहून त्या सेक्शनमध्ये फिरता फिरता मी एकटाच टीशर्ट च्या भागात गेलो, बकेटमधील ढिगारा छानपैकी उपसू लागलो, हँगरला लटकावलेले चाळू लागलो, अगदी अंगाला वगैरे लाऊन आरशात बघू लागलो, आणि इतक्यात एक सेल्स गर्ल पुढे येऊन म्हणाली, "सर ये लेडीज सेक्शन है" ... असला ओशाळलो मी.. तरीही वेळ मारून न्यायला मैत्रीणीसाठी बघतोय अशी चक्क थाप ठोकली. पण ज्या प्रकारे अंगाला वगैरे लाऊन मी आरसा न्याहाळत होतो त्यावरून ती पचली नसावी. बरोबरचा नालायक मित्र पाठोपाठ हजर होऊन ज्या प्रकारे हसला ते पाहता नक्कीच नाही..

कावळा बायकांना शिवत असेल तर कावळी पुरुषांना शिवत असेल ओ.

विनोदी म्हणताय ना, ठीकाय. समोर मुली, कळत्या वयाच्या नाती बसलेल्या असतील तेव्हा हाच विनोद असाच वाचून दाखवा. त्यांची काय प्रतिक्रिया येते ती कळवा. प्रतिसाद वैयक्तिक वाटल्यास संपादक मंडळाने उडवून टाकावा. :)

अपेक्षित आयडींकडून अपेक्षित प्रतिसाद.

टाकणार्‍यांनी सकाळी सकाळी धागा टाकला पण मिसळीच्या मॅनेजर्सनेही हा धागा तस्साच ठेवला आहे... मिसळीचे अभिनंदन... उच्च अभिरुची आणि धागा टाकण्याचे स्वातंत्र्य दिल्याबद्दल बाय द वे या सदस्याला हेही सांगावे पूर्वी .... जाऊ दे

. . . . . . . . . .. . . . . . .. . . . . . . . . . . . . . .

लहाणपणापासुन मला जितकं आठवतंय त्यावरुन सांगतो की आमच्या घरी मासिकपाळी दरम्यान आई किंवा बहीणी घरात वेगळ्या बसलेल्या अश्या पाहील्या नाहीत किंवा असं क्रिप्टीक बोललेलं देखील स्मरत नाही. दररोज घरातील नियमित केली जाणारी सगळी कामं ते व्यवस्थित करत असत फक्त देवाची पूजा सोडून. कधीकाळी मैत्रिणीने तिला 'चर्म्स' आले आहेत असं सांगितल्यामुळे ह्या शब्दाची नविन माहीती मिळाली व आजतागायत आई/बायकोबरोबर बोलताना आम्ही हाच शब्द वापरतो.

ओक काकांच्या नेताजींबद्दलच्या आणि अन्य काही चांगल्या धाग्यांवर चुकून कधी प्रतिक्रिया न देणार्‍यांनीही इथे हजेरी लावून धाग्याचे शतक लावल्याबद्दल मंडळ हाबारी आहे! असाच कृपालोभ असू द्यावा. यशोधरा आणि पेठकर काका, तुम्हाला काय म्हणायचं आहे ते कळलं आहे, पण झोपेचे सोंग घेतलेल्याला जागे करता येत नाही. एवढे बोलून मी माझे ५० शब्द संपवते.

कावळ्यांच्यात कावळा शिवणे हा प्रकार नक्कीच पाळत नसावेत असा एक अंदाज आहे ... नाहीतर मग कावळा बिचारा कावळीशी जवळिक करायला जायचा अन कावळी म्हणायची "आता मी बाहेर बसते ...जस्ट कावळा शिवला " =))

बर्‍याच जणाना लेखात लिहिलेय ते वाचून इतकं चिडायला काय झालं हेच मला कळत नाही. पाळी हा फक्तं बायकांनी बायकांशी बोलायचा विषय कींवा अजिबात (सौम्यसाही) विनोद न करण्याचा विषय का बरे? तिथे ओककाका फक्तं आपली फजिती सांगतायत. आणि अश्या फजित्या होतात हे आपणा सगळ्यानाच माहित्येय. आम्ही आठवीत असताना कुठल्याश्या धड्यात विस्पर शब्दं आला होता तेव्हा एका मुलीने विस्पर म्हणजे कुजबुज असेल तर ते पॅक कसलं दाखवतात टिवीवर असं आमच्या सराना विचारलं होतं वर्गात. सरांनी पण बायकांचे रूमाल असतात आणि बायका कुजबुजत बोलतात म्हणून त्यांचे नाव विस्पर असे सांगितले. पाळी ही काहितरी लपवायचि , प्रचंड सिक्रेट, पुरूषांशी तर अज्जिबात न बोलायची गोष्टं आहे असे समजल्याने कित्येक बायका अगदी मरणाच्या दारात अ‍ॅडमिट झाल्यात आमच्या हॉस्पिटलात. यापेक्षा पाळी ही एक अत्यंत नैसर्गिक गोष्ट आहे आणि त्यात फार काही लपविण्यासारखे नाही हे समजून चालू लागणे उत्तम. जसे हगूमुतूचे लहान मुलांचे जोक्स निरागस असतात तेव्हा गोड वाटतात मात्रं काहीवेळा मोठे लोक जोक्स बीभत्सपणे मारतात तेव्हा ईक्स वाटतं तसंच . हा किस्सा मला तरी निरागस वाटला. असेच आपण उगाच सापसाप म्हणून भुई धोपटू लागलो तर जगात केव्हातरी 'स्त्रीपुरूष यांच्यातील मानसिक भेद तरी संपणे' हे कठिण आहे.

साती यांचा प्रतिसाद अत्यंत समर्पक आणि संतुलित.

हॅ हॅ हॅ.. लहानपणी "ताकत के लिये" असलेल्या औषधांच्या बाटल्या घेऊन रस्त्याकडेला टेम्पो लावून बसलेल्या वैदूंकडचे बलदंड पैलवानांचे फोटो पाहून आम्हालाही अशी ताकद हवी असं वाटून घरी मी अन माझ्या शाळकरी मित्राने त्या औषधांसाठी पैसे मागितले. तेव्हा आमच्या आयांची रिअ‍ॅक्शन पाहून अशीच काहीशी अवस्था झाली होती. ती ताकद वेगळी इतकंच त्यावेळी कळलं. विषयाच्या औचित्याबद्दल काही टिप्पणी: हो. एखादी गोष्ट रद्द होण्यासाठी तिची रद्दी होणं आवश्यक असतं हे आवडतं वाक्य मी बर्‍याच ठिकाणी पेरत असतो. अनावश्यक टॅबू विषय नष्ट व्हायचे तर त्यांच्याविषयी बोलून बोलूनच त्याची रद्दी होईल. तार्किकदृष्ट्या विषय आणि मांडणी ही कितपत आकर्षक आहे त्यावर मत देत नाही, पण एक हलकाफुलका किस्सा सांगितला आहे. स्त्रीविषयक काही टार्गेट असा उद्देश उघडपणे मनात नसावा. असे प्रसंग अगदी आयाबहिणी, पत्नी, मैत्रिणीसमोर सांगून हलकेच घेतलं जाणं उत्तमही असेलच. पण पण पण.. समजा अशा घरगुती ग्रुपमधे आपण असा प्रसंग वर्णिला. त्यापैकी सर्वांनीच तो हलके घेतला. फक्त सदरहू ग्रुपपैकी एका बहिणीला किंवा मावशीला किंवा दोघींना किंवा मोठ्या मामाला तो संकोचजन्य वाटला आणि त्यांनी कौटुंबिक बैठकीत तसं मत नोंदवलं तर शांतपणे ते स्वीकारणं किंवा मूळ उद्देश बाजूला ठेवून दिलगिरी व्यक्त करणं हे जास्त योग्य ठरावं. त्या दोघींना नाही ना बरं वाटलं, मग गडबड झालीच.. अशावेळी तिथल्यातिथे त्यांची विचारसरणी कशी कालबाह्य आहे किंवा मूळ किस्सा कसा लॉजिकल होता हे पटवून वाद वाढवणे योग्य वाटेल का? दररोज दोन पेग दारु पिणे कदाचित आरोग्याला अपायकारक असेल किंवा नसेल. स्वतःला त्यापासून अपाय असेल किंवा उपाय असेल.. पण घरातल्या आईला किंवा पत्नीला किंवा वडिलांना त्या पिण्याने मनस्ताप होत असेल तर ती थांबवणेच इष्ट नाही का? अशा वेळी त्यांना त्रास झाला इतके कारण बास नाही का? किती मिलिलीटर दारु दिवसाला चालते आणि त्याच्या सध्याच्या मेडिकल लिमिट्स काय आहेत किंवा अन्यत्र रोज माफक मद्यपान घराघरात कसे चालते किंवा ते चालणे कसे कालानुरुप आहे याची माहिती तिथे आपल्या घरच्यांना देऊन काय उपयोग? मिसळपाव हे एक्स्टेंडेड कुटुंब मानल्यास एखाददुसर्‍या व्यक्तीच्या मनाला दुखवणारे काही झाले असल्यास त्या हरकतीचा योग्य मान किंवा मौन यापैकी एक व्हावे. धाग्यात आक्षेपार्ह काही नाही. असते तर तो शिल्लक राहिलाच नसता. धाग्यात काही तात्विक मुद्दा असता आणि त्याला कोणी तात्विक विरोध केला असता तरी ते योग्यच..पण कोणाचे मन दुखावल्यास त्यावर तार्किक प्रतिवाद करु नये असं मत आहे. यशोधरा यांनी फक्त हरकत नोंदवली आहे. धागा अप्रकाशित केलेला नाही याची नोंद घ्यावी लागेल.