✍ मराठी साहित्य, संस्कृती आणि लेखनाचे व्यासपीठ

अंगणात ही स्कुटी अशीच राहु दे -

— विदेश,
(चाल:- जीवनात ही घडी अशीच राहू दे) अंगणात ही स्कुटी अशीच राहु दे पेट्रोलच्या टाकीवरी गंज वाढु दे ||धृ|| रंगविले गॅरेजात कितिक देखणे आवडले गाडीला खूप खर्चणे स्वप्नातही बंद ना कधीच वाटु दे |१| हळुच तिला पुसण्याचा छंद आगळा गाडीचा त्याविण का व्यर्थ हा लळा वर्षातुन छंद बंद कधि न होऊ दे |२| ...पाहु दे असेच तिला आता गंजता राहु दे पेट्रोल भाव नित्य वाढता महागाईत पायपीट सार्थ होऊ दे |३|
2224 वाचन
💬 प्रतिसाद (9)

सूड
Sun, 11/20/2011 - 14:36 नवीन
मी टर उडवण्याचा प्रयत्न करत नाहीये, पण ते मीटर मध्ये बसलं नसतं. आताही चालीवर म्हणताना ओढाताण होतेय. एकंदरीत प्रयत्न आवडला.
↩ प्रतिसाद: अन्या दातार

तिमा
Sun, 11/20/2011 - 13:22 नवीन
विडंबनाचा प्रयत्न आवडला. पण चालीवर म्हणून बघताना 'मीटर' मधे बसत नाही, त्यासाठी काही बदल आवश्यक.

५० फक्त
Sun, 11/20/2011 - 16:20 नवीन
ती मिटरभर चालणार नाहीये मग मिटर मध्ये बसली काय अन नाय काय, जाम भारी आवडली कविता. अजुन, या गंजलेल्या स्कुटीमु़ळं पुन्हा एकदा मुळ गाणं म्हणुन पाहिल आपण आयुष्यातलं बरेच गंजके क्षण असेच धरुन बसतो ना उगाचच, ना ते कुठं जाउ शकतात आणि ते आपल्याला कुठं नेउ शकतात, तरीसुद्धा आपण त्यांना दररोज पुसत वगैरे बसतो.

विदेश
Sun, 11/20/2011 - 23:59 नवीन
राहु दे पेट्रोल भाव नित्य वाढता पूर्ण चालीबरहुकूम मला स्वतःला इथला 'पेट्रोल' हा एकच शब्द अजूनही खटकतोय . बाकी सर्व - पिण्डे पिण्डे मतिर्भिन्ना . धन्य वाद.