Skip to main content

रातराणी

लेखक निरन्जन वहालेकर यांनी सोमवार, 08/03/2010 13:42 या दिवशी प्रकाशित केले.
रातराणी सूर्य अस्ताला गेल्यावर, अंधाराच्या साम्राज्यात, प्राणिमात्र विसावतात आपापल्या खुराड्यात ! राऊळे होतात रीती, अस्तित्व नाकारुन परमेशाचे. तुझ्या लालदिव्याच्या माडीचा आसमंत मात्र उजळतो लख्ख, अन रस्ते ओसंडून वाहू लागतात अंधाराचे साम्राज्य नाकारुन ! रात्र मंदावतांना, अंधाराच्या साम्राज्यात, तू घेतला असतो वसा. अखंड सौभाग्यवतिचा, रातराणीचा , अनुभवण्या बलात्कार हक्कांचे, टिचभर पोटाच्या खळग्यासाठी ! असहाय्य वृद्ध मायबाप, अन तान्हुल्याचा आक्रोश, आदळत असतो कानावर, करकरत्या खाटेवरच्या कोंदट सम्भोगात ! ! ! निरंजन वहालेकर अलीबाग
काव्यरस
करुण
लेखनविषय:
वाचने 2021
प्रतिक्रिया 6

प्रतिक्रिया

विसोबा खेचर सोमवार, 08/03/2010 13:51
तू घेतला असतो वसा. अखंड सौभाग्यवतिचा, रातराणीचा , अनुभवन्या बलात्कार हक्कांचे, टिचभर पोटाच्या खलग्यासाठी !
रौशनीची चाळ आठवली..!
आसहाय वृध्ह मायबाप, अन तान्हुल्याचा आक्रोश, आदलत असतो कानावर, करकरत्या खाटेवरच्या कोंदट सम्भोगात ! ! !
जबरा कविता..! तात्या.

निरन्जन वहालेकर शनिवार, 13/03/2010 06:57
पहिलाच प्रयत्न होता मिपा वर लिहिण्याचा. पण तात्या तुम्ही जी दाद दिली त्यात सर्व काही अभिप्रेत आहे. धन्यवाद् तात्या . जबरा ! ! !. फ़क्त तीनच शब्द.पण पानभर अभिप्राय वाचून जे मिळाले नसते त्यापेक्षा जास्त आनंद व समाधान ह्या तीनच अर्थांनी ओतप्रोत भरलेल्या शब्दानी मिळाले. जबरा धन्यवाद् तात्या ! ! ह्या शब्दांची उचलेगिरी करून चारोल्यांचे संपादन करण्याची सम्मति असावी पुन्हा एकदा आभार. निरन्जन .

मेघवेडा सोमवार, 08/03/2010 14:59
जबरदस्त!! -- मेघवेडा भय इथले संपत नाही, मज तुझी आठवण येते मी संध्याकाळी गातो, तू मला शिकवीली गीते..! मेघवेड्याचे वेडे विचार!!

राजेश घासकडवी सोमवार, 08/03/2010 15:16
राउले होतात रीती, अस्तित्व नाकारुन परमेशाचे.
तू घेतला असतो वसा. अखंड सौभाग्यवतिचा,
करकरत्या खाटेवरच्या
यातलं परमेश नाकारणं, वसा (स्वीकारणं), आणि करकरत्या खाटेवर (अंधार नाकारणाऱ्याकडून) सहन करणं....सगळे नाकारणारे व हीच सनातन स्वीकारणारी... प्रभावी आहे. रातराणीचं रूपक अजून खुलवता आलं असतं असं वाटलं. रोज रात्री फुलणाऱ्या नववधूच्या बेगडी शृंगाराचा सुगंध वगैरे... राजेश