Skip to main content

वर्धापन दिनाच्या मिपाला लै म्हणजे लै शुभेच्छा. :)

लेखक प्रा.डॉ.दिलीप बिरुटे यांनी शुक्रवार, 29/08/2014 10:24 या दिवशी प्रकाशित केले.
नमस्कार मंडळी. मंडळी मिपा आज आठव्या वर्षात पदार्पण करीत आहे आज हे एक सदस्य म्हणुन लिहितांना मिपाच्या चांगल्या वाईट गोष्टींचा साक्षीदार म्हणुन मला मनापासून अतिशय आनंद वाटत आहे. मिपाच्या समृद्ध अशा प्रवासात मी मिपाच्यासोबत या क्षणापर्यंत सोबत आहे, त्याचाही खुप आनंद वाटत आहे. मिपाच्या सुरवातीला गणेशचतुर्थीच्या रात्रीच्या बारा वाजता निरोप आला ’मास्तर, मिपा सुरु झालंय. लवकर आयडी घ्या आणि लिहा’ मंडळी गेल्या सात वर्षात क्वचितच मी मिपापासून दूर राहीलो असेल. जमेल तसं लिहिलं आपण लोकांनी प्रतिसाद दिला कौतुक केलं. प्रसंगी टीका केल्या, भांड्लो. मिपा म्हणजे माझ्या कुटुंबातला एक भाग झाला आणि मी मिपाच्या कुटुंबाचा. मिपानं मला अनेकदा मुड व्यवस्थित नसल्यावर लेखांच्या माध्यमातुन मानसिक आधार दिला. कधी खो खो हसवलं, कधी रडवलंही, कधी विचार करायला लावला, काही गोष्टी शिकवल्या, काही विसरायला लावल्या. आज असे अनेक प्रसंग माझ्या डोळ्यासमोर उभे आहेत. मिपानं एक ओळख नसलेला मोठा मित्र परिवार दिला. कधी कोणाशी खूप बोलावं वाटलं. कधी कोणाच्या लेखनातला अनुभव आपला वाटला. माझे आणि मिपापरिवाराचं एक ऋणानुबंध निर्माण झाले. आभासी जगाशी फ़ारसा संबंध ठेवू नये, विश्वास टाकु नये, नेट डिसकनेक्ट केलं की संपलं, अस समजणारा मी मिपाच्या जगात रुमुन गेलो आहे. आणि आज खुप आनंदी आहे. मिपाचे ॠण व्यक्त करता येणे शक्य नाही. मिपासाठी उत्तम लिहिता यावं, उत्त्म ते वाचता यावं, कधी कडाक्याचं भांडण व्हावं, पुन्हा चलो यार गले मिलो अशी भावना उभी राहावी, वास्तव जगाबरोबर याही जगाची उत्त्म ओळख व्हावी, विचारांची देवाण-घेवाण व्हावी आणि मिपानं हे सर्व केलं आहे. मिपानं मला आजच्या क्षणापर्यंत जो लाखमोलाचा आनंद दिला आहे, त्या मिपा व्यवस्थापनाचा, संपादकांचा आणि सर्व मिपाकरांचा, वाचकांचा मी आभारी आहे, मिपाच्या पुढच्या वाटचालीला मी मन:पूर्वक शुभेच्छा देतो. काय आपणही असाच विचार करता ? :)
वाचने 23305
प्रतिक्रिया 88

प्रतिक्रिया

प्रचेतस शुक्रवार, 29/08/2014 10:32
मिपाला ८ व्या वर्धापनदिनानिमित्त मनःपूर्वक शुभेच्छा. मिपाने जालीय मित्रांबरोबरच खर्‍या आयुष्यातही असंख्य मित्र मिळवून दिले. मिपाकरांसोबत बर्‍याच नवनवीन ठिकाणी भटकंती करता आल्या, उत्तम लेखन वाचता आले. मिपाचे खूप खूप आभार.

चौकटराजा शुक्रवार, 29/08/2014 10:39
एका खंग्री माणसाला जरासे " मुक्त" व्यासपीठ हवे होते. तिथे सर्वानीच मुक्तपणे व्यक्त व्हावे असे स्थापकाना वाटत होते. आजही हे व्यासपीठ मुक्तच आहे. माणूस व जनावर यातील फरक विचारानी व्यक्त होणे हा आहे.प्राणीही आपला राग, प्रेम व्यक्त करीत असतो. आपणही तो व्यक्त करावा पण माणसाच्या पातळीला येऊन.हीच अपेक्षा वर्धापन दिनाच्या निमित्ताने.

संजय क्षीरसागर शुक्रवार, 29/08/2014 11:13
मालक, टेक्निकल टीम आणि मंडळाला हार्दिक शुभेच्छा विथ धन्यवाद! a आणि मुलानं काल पूर्ण केललं हे पेंटींग

सुधीर शुक्रवार, 29/08/2014 21:27
लै शुभेच्छा. :) माझ्याही... माझ्यासारख्या वाचनमात्र मिपाकराला मिपानेच चार शब्द लिवायला, अभिव्यक्त व्हायला शिकीवलं. त्यामुळे मिपाचे आणि मिपाकरांचे ऋण कधीही न फिटणारे आहेत. मिपा उत्तरोत्तर प्रगती करो आणि मिपा परिवार वृद्धिंगत होहो ही मनापासूनची सदिच्छा!!

धर्मराजमुटके शुक्रवार, 29/08/2014 12:14
खरे म्हणजे शुभेच्छा द्यायला किंवा एकूणच जास्त औपचारीक वागायला आवडत नाही. स्वतःच्या वाढदिवसाला कोणी शुभेच्छा दिल्या तरी अवघडायला होतं. ( काय करणार शिव्या खाल्ल्याशिवाय आम्हाला जमतच नाही ! ) मिपावर एवढी वर्ष पडीक आहे म्हणजे शुभेच्छा बाय डिफॉल्ट इन्क्लूड आहेतच. तरी पण लोकलाजेस्तव शुभेच्छा !

चिगो शुक्रवार, 29/08/2014 12:21
मिपाला अनेकानेक शुभेच्छा आणि धन्यवाद.. लगे रहो, मिपा आणि मिपाकर्स.. संक्षींनी टाकलेलं चित्रही अत्यंत सुंदर आहे.. :-)

अविनाशकुलकर्णी शुक्रवार, 29/08/2014 12:35
मिपा वर धागे काढण्या मजा काहि औरच आहे.. मी २०० धागे गुंफले मी. पा. वर.. फुल २ धमाल..किति उडाले ते आठवत नाहि..२०० मात्र राहिले

अविनाशकुलकर्णी शुक्रवार, 29/08/2014 12:36
मिपा वर धागे काढण्या मजा काहि औरच आहे.. मी २०० धागे गुंफले मी. पा. वर.. फुल २ धमाल..किति उडाले ते आठवत नाहि..२०० मात्र राहिले....समस्त मिपाकरांना शुभेच्छा.

प्रा.डॉ.दिलीप बिरुटे शुक्रवार, 29/08/2014 13:21
काका, तब्यतीला सांभाळा किती दगदग कराल :) धागे किती उडाले पेक्षा राहिले किती...हा धागे राहिल्याचा ,जो आनंद आपल्या चेह-यावर दिसतो त्याचा शप्पथ मला हेवा वाटतो. -दिलीप बिरुटे (अविकाकांच्या मिपावारिल शिल्लक लेखनाचा फ्यान) ;)

विवेकपटाईत शुक्रवार, 29/08/2014 12:36
मिपाला अनेकानेक शुभेच्छा आणि धन्यवाद.. आमच्या सारख्या शेंकडो अज्ञानी लोकांना लेखकू बनविण्याचे मह्त्त कार्य मिपा असेच करत राहो ही अशा.

शिद शुक्रवार, 29/08/2014 14:10
मिपाला ८ व्या वर्धापनदिनानिमित्त मनःपूर्वक शुभेच्छा. मिपाची अशीच उत्तरोत्तर प्रगती होत राहो हीच श्री चरणी प्रार्थना. समस्त मिपाकरांना व त्यांच्या कुटूंबियांना श्री गणेश चतुर्थीच्या हार्दिक शुभेच्छा. || गणपती बाप्पा मोरया ||

सस्नेह शुक्रवार, 29/08/2014 15:02
हे मुक्त माध्यम आम्हासारख्या कुणीच नसलेल्याना कुणीतरी बनवण्यासाठी असेच हजार वर्षे बहरत राहो !

मनीषा शुक्रवार, 29/08/2014 15:10
मनःपूर्वक शुभेच्छा ! ....आणि धन्यवाद

मदनबाण शुक्रवार, 29/08/2014 15:52
सर्व मिपाकर तंत्रज्ञ,संपादक मंडळ आणि मिपाकर मंडळी यांचे अभिनंदन ! एका मराठी मंचावर इतक्या विविध क्षेत्रातली मंडळी एकत्र येउन सातत्याने विविध विषयांवर लिखाण करत आहेत,आणि सर्वांना आनंद देत आहेत. :) माझ्या पाहण्यात तरी इतका मुक्त-मोकळा आणि सुरेख मंच जालावर कुठेही उपलब्ध नाही. हा धागा पाहिल्यावर मी माझा सदस्य कालावधी पाहिला, ६ वर्ष ६ महिने... या काळात मिपा आणि मिपाकरांनी मला भरभरुन दिले, आणि त्या बद्धल मी मिपा आणि मिपाकरांचा मनःपूर्वक आभारी आहे. हा मंच असाच बहरलेला राहो आणि त्यात अनेक उत्तम मंडळींची भर पडो हीच सदिच्छा व्यक्त करतो. :)

मदनबाण.....

आजची स्वाक्षरी :- Vigneshwara Ashtotra Shatanama

प्यारे१ शुक्रवार, 29/08/2014 16:14
मि पा ला वर्धापनदिनाच्या हार्दिक शुभेच्छा! आज या ठिकानी मी सगळ्या मंडळांचे आभार ह्याठिकानी माणतो. मंडळांमध्ये संस्थापक मंडळ, सल्लागार मंडळ, संपादक मंडळ, कंपू मंडळ, अ‍ॅण्टीकंपू मंडळ, आण्टी मंडळ, मिपा मित्र मंडळ, मि पा डूख धरु मंडळ, माचिसमित्र मंडळ, तेल, तूप मित्रमंडळ, अवांतर मित्र मंडळ, भ्रमण मित्र मंडळ, खादाडी मित्रमंडळ, व्हॉट्सॅप, चेपु मित्र मंडळ, उगाच्च खवट्पणा मित्रमंडळ, उगाच्च विरोधक मित्र मंडळ, शुद्ध्लेखन (हे असंच ल्ह्यायचंय) आग्रहधरु मित्रमंडळ मिपाशेफ मित्र मंडळ, ह्या आनि अशाच अणेक मंडळांचा समावेश आहे. पुण्हा एकदा आभार्स. आणि गणेशोत्सवाच्या हार्दिक हार्दिक शुभेच्छा!

पिंगू शुक्रवार, 29/08/2014 16:17
मिपाला शुभेच्छा.. मिपाने कितीतरी मित्र दिले आणि मिपा माझ्या जालीय आयुष्यातील मोलाची गोष्ट आहे.

किसन शिंदे शुक्रवार, 29/08/2014 17:31
मिपाला वर्धापनदिनाच्या भरपूर शुभेच्छा!! गेल्या चार वर्षात मिपाने असंख्य मित्र दिले, त्यातले काही अगदी सुख-दु:खाच्या गोष्टी वाटून घेण्याइतपत जीवाभावाचे झाले. त्याचबरोबर बर्‍याच वर्षांची गडकोट भटकंतीची मनातली सुप्त इच्छाही याच मित्रांच्या सोबतीने करायला मिळाली. थोडं काही गमावलं असेनही कदाचित पण खुप काही कमावलं आहे मिपाच्या सानिध्यात.

अजया शुक्रवार, 29/08/2014 17:33
मिपाला वाढदिवसाच्या अनेकानेक शुभेच्छा.नुसतेच जालीय नाही तर जीवलग बनुन गेेलेल्या सख्या ही मिपाचीच देणगी.आपल्या माणसाचे आभार मानत नाहीत ,म्हणून आमचे वाचन विचार पाकृंसह जगणेच समृृध्द करणार्या मिपासाठी काय पन!!

दिपक.कुवेत शुक्रवार, 29/08/2014 17:37
खर्‍या अर्थाने ईथे बहरता येतं आणि लाख मोलाचं म्हणजे शाळा सुटल्यावर जी मराठि लिहायची सवय सुटलेली असते ती ईथे नुसतीच पुर्ण होत नाहि तर अवर्णनीय असा आनंद देउन जाते. मिपा असचं उत्तओरोत्तर बहरत राहो हिच सदिच्छा.

कापूसकोन्ड्या शुक्रवार, 29/08/2014 17:48
मिपा एक मित्र आणि मी उपकृत आहे. काथ्याकुटे रचिला पाया कट्टा झालासे कळस मी २०१०/१०१२ मध्ये रियाध सौदी अरेबिया इथे नोकरीनिमित्त होतो. एकटा असताना त्या वाळवंटात मिपा साथीला होता. थोडेफार लेखन केले. पण वाचनच जास्त. झपाटून टाकणारे जयंतराव कुलकर्णी यांचे युद्ध पट पुन्हा पुन्हा वाचले. गवी चे ''मृत्यु लेख आणि भयकथा" अप्रतिम. गवीनी केलेले घुबडाचे बाळंतपण तर खूप एन्जॉय केले. यकूचे लेख पण 'सर्किट आणि सर्कॅस्टिक वाटायचे (सादात माँटो विषयी,आणि परिक्रमा. विश्वास ठेवा, यकु ची बातमी वाचून मी एकटा रियाध मध्ये खुप रडलो. कुणाचा कोण पण फक्त दोन चार वेळा चॅटिंग काय केले, तो आपला होउन गेला. अजुनही लिहिताना डोळ्यांच्या कडा ओल्या झाल्या. असो पाककृती उल्लेखा करावाच लागेल.सोत्रीचे पेयप्रशन धरून पाककृती जर विदाउट फोतो असेल तर पहीले कल्ला 'फोटू' चा आणि शाहाकारी लोकांनी विचारलेले यात बटाटा...... घालू का? प्रावासवर्णन तर उत्तमच. (कित्येक प्रवासवर्णनातले फोटो माझ्या डेस्कटॉपवर विराजमान झाले.) आणि उत्कर्षबिंदू म्हणजे कट्टा. आणि त्यांचे फोटो. सर्वात अर्क म्हणजे चरच्ररीत मिसळीवरच 'कट किंवा तर्री' म्हणजे प्रतिसाद. तो कटकारस्थानातला कट पण आणि तर्री तला पण. अत्यंत आवश्यक. एक खोड अशी जडली की, सेलेब्रिटि लेखकांचे अपवाद वगळता मी तर प्रथम प्रतिसाद पाहतो. मिपा असेच दिवसेंदिवस प्रगती करो अशी त्या जगनियंत्याला प्रार्थना. सर्व संस्थापकांचे, सम्पादकांचे टेक्निशियन लोकांनी या लश्करच्या भाकरी भाजल्या बद्दल धन्यवाद.

क्रेझी शुक्रवार, 29/08/2014 18:22
सर्वप्रथम मिपाला वाढदिवसाच्या हार्दिक शुभेच्छा, तुम जिओ हजारो साल..साल के दिन हो पचास हजार हीच गणपती बाप्पाकडे प्रार्थना. आजचा मिपाचा लोगो खुपच सुंदर आहे, अष्टविनायक आणि मिपाचे आठ विभाग ह्यांची कल्पक मांडणी आवडली.

बाबा पाटील शुक्रवार, 29/08/2014 18:48
पण मिपा मुळ मालक विसोबा खेचर उर्फ तात्या अभ्यंकर यांनाही कुणीतरी बोलवा रे.सध्या ते थोबाड पुस्तकावरील ओसरीमध्ये व्यस्त आहे.

विकास शुक्रवार, 29/08/2014 19:32
मिपा आणि मिपाकरांना वर्धापनदिना निमित्त शुभेच्छा. मराठी मधे एक अतिशय सक्रीय सोशल मेडीयम तयार करून आणि त्यावर सातत्याने (न कंटाळता + वेळ काढून) काम करण्याबद्दल मालकांचे आभार!

मूकवाचक शुक्रवार, 29/08/2014 20:31
मिपाला वर्धापन दिनाच्या अनेकानेक शुभेच्छा!

आयुर्हित शुक्रवार, 29/08/2014 20:42
मिपा आणि मिपाकरांना वर्धापनदिना निमित्त हार्दिक शुभेच्छा. आणि समस्त मिपाकरांना व त्यांच्या कुटूंबियांना श्री गणेश चतुर्थीच्या हार्दिक शुभेच्छा. || गणपती बाप्पा मोरया ||

दशानन शुक्रवार, 29/08/2014 21:13
मिपाला वाढदिवसाच्या अनेकानेक शुभेच्छा! माझ्या जालिय व व्यक्तिगत जीवनामध्ये मिपाबद्दल माझ्या मनात नेहमीच एक आदराचे स्थान होते व आहे. आज मी जो पण काही आहे, त्यात फार मोठा वाटा मिपाचा व मिपावरील सृह्द मित्रांचा आहे. अशीच प्रगती होत राहो!

एस शुक्रवार, 29/08/2014 22:05
हे मिपा गेले बरेच दिवस माझी फोटोग्राफीवरील बडबड सहन करतेय त्याबद्दल धन्स हो मालक! :-) या गराड्यात मज्जा आहे हो तुमच्या... :-)

अत्रुप्त आत्मा शुक्रवार, 29/08/2014 23:18
मला व्यक्त होण्यास,सर्वाधिक वाव दिलेल्या मि.पा.ला __/\__ https://lh6.googleusercontent.com/YFkIAD4rmLSWH8Az5UmZpXUVuOpjOFaJ7iqWnmsx_Hg=w1146-h644 तसेच.. येथील सर्व आय.डी आणि आय.ड्यांना(सुद्धा! :D ) अनेकानेक धन्यवाद! लहानपणचा धुडगुस http://www.sherv.net/cm/emo/happy/happy.gifघालायची मज्जा सर्वाधिक इथेच आहे*. http://www.sherv.net/cm/emoticons/yes/green-yes-text-smiley-emoticon.gif ============= *आणि स्मायल्या टाकण्याचिही http://www.sherv.net/cm/emo/funny/1/running-around-smiley-emoticon.gif

प्रभाकर पेठकर शनिवार, 30/08/2014 02:27
आखाती प्रदेशात मराठी बोलणं, वाचणं आणि लिहीणं जवळ जवळ दुरापास्त असतानाच भाचीच्या सांगण्यावरून मनोगतावर दाखल झालो. मनोगताने मराठी लिहायला, वाचायला, संवाद प्रस्थापित करायला एक व्यासपिठ उपलब्ध करून दिले. तात्यांसारखा मित्र दिला. पुढे तात्या मनोगतातून बाहेर पडले आणि त्यांनी हे, मिसळपाव, संस्थळ सुरु केले. तात्यांच्या निमंत्रणानुसारच मिसळपाववर आलो आणि इथलाच होऊन गेलो. इथेही अनेक मित्र मिळाले. चांगले विचार वाचावयास, व्यक्त करण्यास मिळाले. तात्यांच्या 'लेखन-स्वातंत्र्याच्या वेडापायी' अनेकदा मिपाचा दर्जा घसरायचा, माझे ह्यावर तात्यांशी वाद व्हायचे पण तात्यांचा स्वतंत्र्य आग्रह आणि हे संस्थळ तात्यांच्या मालकीचे आहे हा माझा विचार मला नेहमीच माघार घ्यायला लावायचा. जे कांही लेखन मी इथे केलं त्याने मला स्वतःला समाधान दिलं आणि त्यासाठी मी तात्यांचा नेहमीच ऋणी राहीन. मालक निलकान्त, मिपाकर तंत्रज्ञ मंडळी, संपादक मंडळ आणि मिपाकर सदस्य ह्यांचे अभिनंदन आणि पुढील वाटचालीसाठी अनेकानेक शुभेच्छा..! उद्याउठून माणूस चंद्रावर कायम वास्तव्यासाठी जाईलही,.... मी मिपावरच असेन.

प्रा.डॉ.दिलीप बिरुटे शनिवार, 30/08/2014 05:42
>>>>>>उद्याउठून माणूस चंद्रावर कायम वास्तव्यासाठी जाईलही,.... मी मिपावरच असेन. क्या बात है ! -दिलीप बिरुटे

अर्धवटराव शनिवार, 30/08/2014 06:35
मिपा... मित्रा... माझ्या आयुष्यात आल्याबद्दल आणि मला आपलं म्हटल्याबद्दल अनेकानेक धन्स रे. आठाव्या वर्षात पदार्पण केलस. किती कोवळं वय तुझं. पण.. पण किती भारी प्रगल्भता... आणि ति सुद्धा किती अवखळ...एखादा तुफानी निर्झर जणु. असाच नांदत रहा मित्रा. तुला उदंड आयुष्य लाभो. तृषार्तांची तहान भागवायची तुझी शक्ती उदंड वृद्धींगत होवो. हॅप्पी बड्डे मित्रा...

तुषार काळभोर शनिवार, 30/08/2014 12:45
मिपाचे ॠण व्यक्त करता येणे शक्य नाही. मिपासाठी उत्तम लिहिता यावं, उत्त्म ते वाचता यावं, कधी कडाक्याचं भांडण व्हावं, पुन्हा चलो यार गले मिलो अशी भावना उभी राहावी, वास्तव जगाबरोबर याही जगाची उत्त्म ओळख व्हावी, विचारांची देवाण-घेवाण व्हावी आणि मिपानं हे सर्व केलं आहे. मिपानं मला आजच्या क्षणापर्यंत जो लाखमोलाचा आनंद दिला आहे, त्या मिपा व्यवस्थापनाचा, संपादकांचा आणि सर्व मिपाकरांचा, वाचकांचा मी आभारी आहे, मिपाच्या पुढच्या वाटचालीला मी मन:पूर्वक शुभेच्छा देतो.

माहितगार शनिवार, 30/08/2014 17:36
उपरोक्त सर्वच धन्यवाद आणि शुभेच्छांना आमचा +१ + मिपाच्या अद्याप लिहीत्या न झालेल्या वाचकांकडूनही त्यांच्या आवडीच्या विषयाय लेख्न व्हावे हि शुभेच्छा.

माहितगार शनिवार, 30/08/2014 17:38
उपरोक्त सर्वच धन्यवाद आणि शुभेच्छांना आमचा +१ + मिपाच्या अद्याप लिहीत्या न झालेल्या वाचकांकडूनही त्यांच्या आवडीच्या विषयानुसार मिपावर उत्तरोत्तर अधीकाधीक लेखन व्हावे हि शुभेच्छा.

डॉ सुहास म्हात्रे रविवार, 31/08/2014 01:17
मिपाला ८ व्या वर्धापनदिनानिमित्त मनःपूर्वक शुभेच्छा~! रोज मराठीत (व्हर्च्युअल) गफ्फा वाचायला आणि हाणायला यासारखे दुसरे मराठी संस्थळ नाही !!

माम्लेदारचा पन्खा रविवार, 31/08/2014 14:18
या निमित्ताने मिपाच्या जन्माचा आणि वाढीचा एक तक्ता नवीन मेम्ब्रांसाठी कोणी प्रकाशित करू शकेल काय? सं मं इकडे लक्ष देईल काय ?

कवितानागेश रविवार, 31/08/2014 14:25
वरच्या सगळ्यांशी सहमत. :) 'शुभेच्छा' हा इतका एकच शब्द मिसळपावबद्दलच्या भावना व्यक्त करायला पुरेसा नाही.

पोटे रविवार, 31/08/2014 16:54
छान

श्रीरंग_जोशी सोमवार, 01/09/2014 09:34
मिपाबद्दलच्या भावना शब्दांत मांडणे कठीण आहे. हा वृक्ष असाच बहरत राहो व माझ्यासारख्या अनेकांना त्याची छत्रछाया मिळत राहो.