Skip to main content

दिवाळी स्पेशल कट्टा..

लेखक नानबा यांनी गुरुवार, 17/10/2013 या दिवशी प्रकाशित केले.
मंडळी, दिवाळी येऊ घातलीये. सुट्ट्या, फ़राळ, भटकंती किंवा आरामाचे आपापले कार्यक्रम ठरले असतील किंवा ठरू लागले असतील. सोबत एखादा दिवाळी गप्पा कट्टा झाला तर? गेल्या अचानक डोंबिवली कट्ट्याप्रमाणेच भेट, गप्पा, खाबूगिरी, अजून गप्पा, अजून खाबूगिरी असा विचार आहे. ठिकाण, तारीख, वेळ प्रतिक्रियांमध्ये चर्चा करून ठरवूया. कोणाकोणाला जमेल यायला?? समस्त मुंबई, पुणे आणि येऊ इच्छिणा-या मिपाकर मंडळींचे दिल से स्वागत आहे.
वाचने 18511
प्रतिक्रिया 87

प्रतिक्रिया

मुक्त विहारि गुरुवार, 17/10/2013
कुठलाही दिवस आणि वेळ चालेल.. @ प्रथमेश, तुच साधारण दिवस आणि वेळ का नाही सांगत..

चौकटराजा शुक्रवार, 18/10/2013
मी येणार माझे कानट्रीबुशन मेहुणे मुवि देणार !

नानबा शुक्रवार, 18/10/2013
दिवस रविवार १० नोव्हेंबर ठरवला तर चालेल काय?? ठिकाण - डोंबिवली वेळ - सकाळी १०.३०-११ पर्यंत गप्पा नाष्टा कट्टा...

चौकटराजा शुक्रवार, 18/10/2013
ऐला प्रथम शेट ,आमचं पैकं मुवि देणार म्हटल्यावर तुम्ही येकदम नास्टा कट्ट्यावर काय आले ब्वॉ ! म्हण्जे दुपारचं जेवण सासूकडं करायच काय आम्ही ऑं ...?

मुक्त विहारि शुक्रवार, 18/10/2013
सासूकडं करायच काय आम्ही ऑं ...?" अजिबात नाही.तुमचे दुपारचे जेवण आमच्या कडे...

नानबा शुक्रवार, 18/10/2013
दिवाळीत काहीजण बाहेरगावी असतील, काहीजणांना घरात दिवाळसण असेल, या सगळ्या शक्यता गृहित धरून पुढला रविवार.

किसन शिंदे शुक्रवार, 18/10/2013
दिवाळीत काहीजण बाहेरगावी असतील, काहीजणांना घरात दिवाळसण असेल, या सगळ्या शक्यता गृहित धरून पुढला रविवार.
नाना, ऐन दिवाळीच्या दिवशी दुपारी झालेला कट्टा.. 1

भाते शुक्रवार, 18/10/2013
भ्रमणध्वनीवर कट्ट्याची नोंद करून ठेवली आहे. सध्यातरी १० तारखेला काही पुर्वनियोजित कार्यक्रम नसल्याने कट्ट्याला यायला जमेल.

मुक्त विहारि शुक्रवार, 18/10/2013
स्टेशन जवळ असेल तर अगदी उत्तम...

सर्वसाक्षी शुक्रवार, 18/10/2013
कट्ट्यास हार्दिक शुभेच्छा!

नानबा शुक्रवार, 18/10/2013
१० ला बरेच जण आहेतसं दिसतंय.. (किसनदेव, सूड आणि स्पा वगळता)

क्लिंटन शनिवार, 19/10/2013
१० तारखेला मी पण यायचा प्रयत्न करेन. ९९% नक्की. शक्यतो ठिकाण स्टेशनजवळ हवे.आणि मेगाब्लॉकच्या वेळा सांभाळल्या जाव्यात ही अपेक्षा :)

उपास शनिवार, 19/10/2013
हायला डोंबिवली चा जिल्हा पुणे येत नाही का? ;) शुभेच्छा कट्ट्यास.. - (जिथे रीक्षा नाही तिच मुंबई, बाकी सगळी उपनगरे मानणारा पक्का गिरगावकर) उपास

तिमा रविवार, 20/10/2013
कट्ट्यास शुभेच्छा. ६ त १६ आम्ही उत्तर-पूर्व राज्यांच्या दौर्‍यावर आहोत.

मुक्त विहारि रविवार, 20/10/2013
१७ तारीख जमेल का? कारण मला पण १७ तारीख योग्य वाटत आहे. कदाचित अजून एक दोघांना पण १७ तारीख कदाचित जमू शकेल...

निनाद मुक्काम … सोमवार, 21/10/2013
अनिवासी असल्याने अनेकदा प्रत्यक्ष कट्यावर जाणे होत नाही मात्र वृत्तांत आवर्जून वाचला जातो , एक सल्ला असा होता की दिवाळी निमित्त संपूर्ण महाराष्ट्रातील मिपाकरांना एकत्र कट्टा करायला मिळावा म्हणून महाराष्ट्रातील एखादे नवे , उपेक्षित पण दर्जेदार पर्यटन स्थळी कट्टा सहल आयोजित केल्यास , नवीन स्थळासोबत नविन ओळखी सुद्धा वास्तविक जीवनात होतील.

सुबोध खरे सोमवार, 21/10/2013
सतरा चालेल, जितके जास्त सदस्य तितके चांगले. एखादा प्रायोजक भेटला तर सोन्याहून पिवळे.

नंदन सोमवार, 21/10/2013
कट्ट्याला हार्दिक शुभेच्छा! त्याच सुमारास मुंबईत असलो तरी १७ ला जमेल असं वाटत नाही :( - मात्र जमलंच तर नक्की हजेरी लावून जाईन. गेल्या फेरीच्या वेळी गविंनी आयोजित केलेला पॉप टेट्स, कोरम मॉलचा कट्टा अजून आठवतो.

नानबा सोमवार, 21/10/2013
जागा भन्नाटच आहे. पण तिकडे नंतर सविस्तर कट्टा ठेऊ. पॉपटेट्स ला जाण्याचे पॅरामीटर्स थोडे वेगळे असतात.. ;)

सुबोध खरे सोमवार, 21/10/2013
(आजकाल) पॉपटेट्स नको. तेथे पॉप संगीताचे सूर उच्चरवात चालू असतात त्यामुळे घसा फोडून बोलावे लागते वर पदार्थाचे दर दुप्पट असतात. गर्ल/ बॉय फ्रेंड बरोबर "इन"किंवा "हिप" आहोत दाखवायला ठीक आहे. "मिसळ पाव" किंवा "कट्टा" संस्कृतीशी फटकून राहणारे लोक जास्त दिसतात. असे माझे वैयक्तिक मत आहे कारण अलीकडेच तेथे जाण्याचा योग आला.

नानबा सोमवार, 21/10/2013
विक्रोळी पॉपटेट्स पासून थोडं पुढे गेलं की डाव्या हाताला कैलाश मॅन्शन म्हणून बिल्डींग आहे. तिथे साल्स पिझ्झा म्हणून आहे. पॉपटेटस सारखीच जागा, फक्त दुपारी १२ ते रात्री १२ हॅप्पी अवर्स असतात. (पॉपटेट्स मध्ये दुपारी २.४५ ते संध्याकाळी ७.१५) शिवाय पॉपटेट्स ला स्पर्धा म्हणून काढलेलं असल्यामुळे दर पॉपटेट्स पेक्षा निदान २५% स्वस्त आहेत, आणि बरीच जास्त व्हरायटीसुद्धा आहे. शिवाय कर्णकर्कश्श संगीताऐवजी मोठ्या स्क्रीनवर आवाज बंद ठेऊन क्रिकेट किंवा फूटबॉलच्या मॅचेस सुरू असतात.

गवि शुक्रवार, 25/10/2013
Pop Tate's विषयी एका दर्शनात असा समज होणे साहजिक आहे. पण त्या संगीताचा त्रास नसलेला वेगळा सेक्षन असतो. बाकी इन किंवा हिप आहोत असे दाखवण्यासाठी हाही गैरसमज आहे. इथे टेस्ट अफलातून आहे. शो शा साठी जाणे हे ठिकाणावर अवलंबून नसून ते जाणार्याच्या हाती आहे.

नानबा शुक्रवार, 25/10/2013
पण गवि, एकदा साल्स ला जाऊन बघा. पॉपटेट्स नक्की विसरायला लावेल अशी जागा आहे. टेस्ट, व्हरायटी, खिसा सगळ्या बाबतीत (सध्यातरी) साल्स बरं आहे.

सुबोध खरे शुक्रवार, 25/10/2013
आपले म्हणणे मान्य आहे. आम्ही तेथे दुसर्याच्या आमंत्रणावर गेलो होतो आणि एकंदर रागरंग तसा दिसल्याने वरील प्रतिसाद दिला. आपण आमंत्रण दिल्यास नक्की येउन आमच्या मतात सुधारणा करण्यास आनंदच होईल.

प्रभाकर पेठकर शुक्रवार, 25/10/2013
दूरदेशी असल्याने येऊ शकत नाही आणि नेहमी नेहमी 'येऊ शकत नाही' हे सांगण्यानेही आता कानकोंडं वाटायला लागलं आहे. वृत्तांत येऊ द्यात, मन मारून वाचण्यात येईल. कट्ट्यास शुभेच्छा..!

llपुण्याचे पेशवेll सोमवार, 28/10/2013
ओ काका, मग जवळच्या देखी येता तेव्हा जमवत जा ना कधीतरी. :)

त्रिवेणी शुक्रवार, 25/10/2013
पुण्यात पण होईल का कट्टा? मला पण मिपा कट्टा attain करायचा आहे, मी अजून एकही कट्ट्याला नाही आले. (नवर्‍याचा हात 2 महिन्यापासून प्लास्टर मध्ये आहे सो पुण्याच्या कट्टा प्रतीक्षेत), नाहीतर मी पण आले असते दिवाळी स्पेशल कट्ट्याला.

प्यारे१ रविवार, 27/10/2013
पुणे कट्टा रादर कट्टे धागा वगैरे काढून अगदी व्यवस्थित झालेले आहेत. अभ्यास काय वाढवा? बनयान ट्री नि सरुटॉबाने हे दोन आठवतातच. अर्थात हा इतिहास झाला. कधीकाळी दिल्लीवर नि अटके पार झेंडे लावलेले 'पेशवे' नंतर बेक्कार कर्जबाजारी झाले होते नि बाजारबुणग्यांच्या नादात देशोधडीला लागल्यात जमा होते हा देखील इतिहासच. (धाग्याचा काश्मिर झाला तर मला बोल लावू नयेत. बाकी आम्ही नाना फडणवीसांच्या शेजारचे तर रास्त्यांच्या गावचे बरं. ;) ;) )

विश्वनाथ मेहेंदळे सोमवार, 28/10/2013
पुणे कट्टा रादर कट्टे धागा वगैरे काढून अगदी व्यवस्थित झालेले आहेत
तसे एकेकाळी पुण्यात शिवाजी महाराजांचे वास्तव्य होते रे भाऊ. उगाच प्रागैतिहासिक काळातले दाखले का देताय? मुळात हल्ली पुण्यात कट्टे होतच नाहीत. वैयक्तिक भेटीगाठी रग्गड होत असतील म्हणा. त्यांना कट्टे म्हणायचे ?

क्रेझी शुक्रवार, 25/10/2013
एक आयडियाची कल्पना आली - कट्टा सुरू असतांनाचं व्हीडीओ शुटींग करायचं आणि निदान प्रत्येकाची ओळख त्याव्दारे करून द्यायची. बाकी मग खाद्यपदार्थ, जागा, वेळ, दिवस असे छोट-मोठे तपशील टाकल्यास हरकत नाही. मग हा व्हीडीओ तूनळीवरून इथे शेअर करायचा म्हणजे सर्व मिपाकरांना अप्रत्यक्षरित्या का होईना पण कट्टयात सामील झाल्यासारखं वाटेल :)

वरुण मोहिते सोमवार, 28/10/2013
शक्य असेल तर कट्टा कर्जत चालेल का ??म्हणजे पुणेकरही येउ शकतिल आणि मुंबईकरही. फार्म हाउस आणि जेवणाचा नियोजन आमच्याकडे लागू (बाकि खर्च असेल तर आपापला) पुणेकरही येउ शकतिल म्हणुन विचारले.

मृत्युन्जय सोमवार, 28/10/2013
फार्म हाउस आणि जेवणाचा नियोजन आमच्याकडे लागू (बाकि खर्च असेल तर आपापला) आयला फुकटातला कट्टा पुणेकर सोडतोय होय. काय विमे. अभ्यास वाढवा.

क्लिंटन सोमवार, 28/10/2013
कट्टा १० तारखेला असता तर नक्कीच आलो असतो.पण १७ तारीखेला येता येणार नाही :(

विजुभाऊ सोमवार, 28/10/2013
क्लिंट्या.लेका स्वत: होऊन कधीतरी एखादी तारीख सांग की. प्रत्येक वेळेस तू इतरानी ठरवलेली तारीख नाकारतोस. अवांतर : गारंबीला वकीली चांगली केली असतीस........

बॅटमॅन सोमवार, 28/10/2013
गारंबीचा बापू नामक श्री.ना.पेंडशांची प्रसीद्द कादंब्री आहे तिच्यातले गाव. हे प्रतेक्श आहे क नाही ते माहिति नाहि.

पिंगू सोमवार, 28/10/2013
१० तारखेला सध्या तरी पूर्वनियोजित कार्यक्रम नाही आहे. तेव्हा कट्ट्याला यायचा प्रयत्न करेन. फक्त मध्येच काही दुसरा कार्यक्रम डोकावायला नको..

मुक्त विहारि सोमवार, 28/10/2013
बाकी तुम्हाला कुठे हवा आहे? "झिंबाब्वे ते झुमरीतलय्या" कुठलेही ठिकाण सुचवा. मी तर सुर्यावर पण यायला तयार आहे.

वरुण मोहिते सोमवार, 28/10/2013
कर्जतला चालणार असेल तर मला कळवा, बाकी कुठेही असेल तरी चालेल