बलात्काराविरूद्धचा रामबाण उपाय

नेमके हेच शेवटच चार प्रश्न कधीपासून पडलेत रे मित्रा! काय बोलणार?

दुनिया झुकती है | झुकाने वाला चाहिये| अंधश्रद्धेने मती कुंठीत होते. गांभीर्याचा भाग असा कि अंधश्रद्धेचे बळी हेच अंधश्रद्धेचे खरे वाहक असतात. बापूंवरच्या श्रद्धा हा त्या भक्तांचा व्यक्तिगत मामला आहे असे म्हटले की झाले. त्याची चिकित्सा करायला कोणी जात नाही.

हे खरे गुरू नव्हेत रे! खरा गुरू म्हणजे काही तरी ज्ञान देणारा. हे फक्त लोकांच्या भाबडेपणाचा लाभ उठवणारा बिनभांडवली धंदा करत आहेत. समाजाला उपयोगी असलेली डॉक्टरकी सोडून हा धंदा करण्यामागे किती प्रचंड फायदा मिळत असेल याचा विचार करून बघ.

असल्या कल्टमधे ओढले जाणारे लोक मानसिकदृष्ट्या कमकुवत असतात. डोके खांद्यावर असणारा कोणीही माणूस असल्या भाकडकथांवर विश्वास ठेवणार नाही. प्रभावी व्यक्तिमत्व आणि मुलायम वाणी यांच्या जोरावर अश्राप लोकांना कल्टमधे ओढणे सोपे जात असावे.

सहमत,
पण असल्या मानसिकदृष्ट्या कमकुवत लोकांची प्रचण्ड संख्या पाहूनच डोळ्याला अंधारी येते..

माझे बापु एकदम जालिम माणुस आहे. एकदा त्यांना भारताच्या बॉर्डरवर न्या आणि बघा. पाकिस्तान व चायनिझ वंश त्यांच्या प्रखर तेजा मुळे जगातुन कायमचे नाहिसे होतील.पण त्यामुळे भारतातील लोंकावर खुप ताण पडेल म्हणुन बापु जात नाहीत.

कशाचा तरी सश्रद्ध जप केल्याने स्वतामध्ये ज्यामुळे आत्मविश्वास, त्वेष, धाडस जागॄत होतो ते म्हणा... मग ते 'हर हर महादेव' असेल वा 'अनिरुद्ध' ... आपण कसे काय ठरवणार??

-सूर्यपुत्र.

अनिरुद्ध बापू (डॉक्टर अनिरुद्ध धैर्यधर जोशी)

वैद्यकीय शिक्षण : नायर हॉस्पिटल - मुंबई(टोपीवाला राष्ट्रीय वैद्यकीय महाविद्यालय)एम. बी. बी. एस. - इ. स. १९७८एम. डी. (मेडिसीन) - इ. स. १९८२

दुनिया झुकती है | झुकाने वाला चाहिये|

त्यांच्या संदेशात किती अंतर्विरोध आहे:

यापुढे कोणीच माझ्या मुलींकडे वाकडया नजरेने पाहू शकणार नाही

...बलात्कार करणारी व्यक्ती नपुंसक होईल व तसे झाल्याचे सर्वांना लगेच कळेल .

म्हणजे नक्की बलात्कार होईल की नाही?
आणि बलात्कारी नपुंसक झाला की नाही हे सर्वांना कसं कळेल? त्याला सर्वांसमक्ष बलात्काराचा प्रयत्न करून आपण असमर्थ आहोत हे दाखवावं लागेल काय?

जी व्यक्ती रोज पाच वेळा श्रीअनिरुद्ध गुरूक्षेत्रम मंत्र म्हणेल त्या व्यक्तीवर कोणी कुठ्ल्याचप्रकारे जबरदस्ती करू शकणार नाही.

पण जबरदस्ती करणारी व्यक्ती देखील तो मंत्र रोज पाच वेळा म्हणत असेल तर काय होईल?

०५. अहिल्या संघाच्या बल गटास व श्रीचंडिका आर्मीच्या गटास स्वतः परमपुज्य बापू असे टेक्निक शिकवणार कि ज्याने बलात्कार करणारा लागलीच कायमचा नपुंसक होईल.

पहिल्यांदा म्हटलय : जी व्यक्ती रोज पाच वेळा श्रीअनिरुद्ध गुरूक्षेत्रम मंत्र म्हणेल त्या व्यक्तीवर कोणी कुठ्ल्याचप्रकारे जबरदस्ती करू शकणार नाही.

आता पुन्हा ही टेक्निकची काय भानगड आहे?

दाभोळकरांचे एक पुस्तक आहे - ना मी आता विसरले - पण त्या पुस्तकात ह्या बापूंचा पूर्वेतिहास दिला आहे. लोणावळ्यामध्ये गायनॉकॉलॉजिस्ट म्हणून प्रॅक्टीस करत असताना ह्या माणसाविरुद्ध स्त्रियांशी गैरवर्तन केल्यावरुन तक्रार नोंदवण्यात आली होती. शेवटी ग्रामस्थांकडून मार खाऊन हे गृहस्थ तेथून अंतर्धान पावले ते सर्व देवांचा अवतार म्हणून मुंबैला प्रगट झालेत आणि आजतागायत आपल्या लीला दाखवत आहेत!

पुस्तक मिळाले की नाव व पान क्रमांक देईन.

एक फार पूर्वीची चर्चा आठवली. आत्तापर्यंत हा मूर्खपणा बंद झाला असेल असं वाटलं होतं, पण अजूनही तेच चालू आहे हे वाचून अत्यंत वाईट वाटलं. :(

तुम्हाला अजुनही अशा गोष्टींचे आश्चर्य वाटते? लोक पैसे दुप्पट करतो असे सांगणार्‍यांवरही विश्वास ठेवतात आणि दु:खापासुन मुक्ति देतो असे सांगणार्‍यांवरही विश्वास ठेवतात. अनेकदा कळते पण वळत नाही, परिस्थितीने गांजलेला माणुस अशांच्या नादी लागतो.
या सत्पुरुषाविषयी असे ऐकले आहे की ते 'बापु'ज बँक ऑफ रामनाम' असे मुखपृष्ठ असलेल्या वह्या भक्तांना वाटतात आणि भक्त त्या वह्या यांच्या/ रामाच्या नावाने भरतात आणि त्यांच्या पायी सादर करतात. अशा एका भक्ताला मी हरप्रकारे सांगुन पाहिले की वह्या अशा वाया घालविण्यापेक्षा नाव तोंडी घे आणि कोर्‍या वह्या एखाद्या गरजु विद्यार्थ्याला दे. त्याला पटले नाही वर तो माझावर रागावला. चालायचेच. उद्या अशा बलात्कार निवारण मंत्रजपाची शिबिरे सुरु झाल्याचे ऐकु आल्यास आश्चर्य वाटणार नाही. सहभागी होणार्‍यांपैकी कुणीही त्या सत्पुरुषाला असा प्रश्न विचारणार नाही, की सर्व स्त्रियांच्या वतीने हे महाराज असा मंत्र स्वतःच का जपत नाहीत की ज्यायोगे बलात्कार्‍याला तसे कृत्य करण्यापूर्वीच केवळ नपुंसकत्वच नव्हे तर अर्धांगवायुचा झटकाही येईल.

तद्दन मूर्खपणा आहे. लोकही कसे काय बुद्धी गहाण टाकतात कोणास ठाऊक.

ह्या. ह्या. ह्या..

बुवांबरोबर(अत्रुप्त आत्मा) ठाण्यातल्या तलावपाळीवर फिरत होतो तेव्हा तिथे जे दृश्य पाहीलं त्याची आठवण आली. ;)

मी नाही सांगत, बुवा जेव्हा हि प्रतिक्रिया पाहतील तेव्हा तेच ह्याच्यावर लिहतील. ;)

शुद्ध मुर्ख पणा आहे हा सगळा. अनिरुद्ध माझ खरं नाव आहे, ह्या माणसानी नाव चारचौघात सानगायची सोय ठेवली नाही आज. :(

ह्या असल्या मूर्खपणा मूळ , अजून जगात भारताची मागासलेली प्रतिमा आहे .

हा हा हा. हसू आवरत नाहीये. काही न बोललेले बरे.

निव्वळ भोंदुगिरी...

अवांतर - डॉक्टर असून त्यांनी निवडलेल्या "या" व्यवसायामध्ये पडण्यासाठी काय करावे? कोणी मार्गदर्शक धागा टाकेल का मिपावर? :p

च्यायला, बापू येडपट नाही, टाळ्या वाजवून दाद देणारे लोक मला येडपट वाटतात. :)

-दिलीप बिरुटे

मृगनयनीबाईंच्या प्रतिक्रियेच्या प्रतीक्षेत आहे ....

असा बापु कुठे नेऊण कापु ?

शांत शांत.
ह्या ११ उपायानंतर ह्या उपायांना हसणार्‍या लोकांना नपुंसक बनविण्याचा मंत्र त्यांनी गुप्त ठेवला आहे.
तेव्हा बरीक सांभाळुन बरं !

=)) =))

अशक्य आहे हे

पब्लिक येडं हाय म्हनल्यावर आसलं बुवा-बापू फायदा घेनारच की.
गर्दी जमतीय आसं दिसलं की माकडवाल्याच्या आन् डोंबार्‍याच्या खेळाला जोर येतुया.
तसं या म्हाराज, बुवा आन् फुडार्‍यांच आसतं.

बरं या बाप्पूला काय प्वार-बाळ हाय का? कुनाला काय म्हाईती?

सकाळी सकाळी मस्त हसु आल लेख वाचुन.....

अनिरुद्ध बापू या शब्दाने एक मोठा काळच जागा झाला. त्यांचा दरबार अटेंड कधीच केला नाही त्यामुळे त्यांच्या विचारांविषयी मत देत नाही पण एकेकाळी त्यांचं प्रस्थ खूप होतं आणि नेहमीच्या लाईफमधे अनिरुद्धांचा विषय दिवसात एकदा तरी ऐकण्या पाहण्यात यायचाच. गुरुवारी मात्र प्रत्यक्ष प्रभाव पहायला मिळायचा..

दादर प. येथे डिसिल्वा स्कूलसमोरच नोकरी असण्याच्या काळात दर गुरुवारी तिथे त्यांचा दरबार भरायचा. त्या वेळी ते "ऑन द पीक ऑफ फेम" होते. गुरुवारी संध्याकाळी लोकलने परतीचा प्रवास फार कठीण होऊन जायचा. अक्षरश: लाखांत लोक त्या जागी हजर असायचे. बर्‍याच तासांची रांग वगैरे हे नेहमीचं असतंच. पण खास एक "कल्ट" कसा बनतो हे त्यावेळी दिसायचं. चहाच्या/सरबताच्या/मिसळीच्या टपरीवर सर्वत्र अनिरुद्धभक्त दाटीवाटीने उभे. सर्वांच्या तोंडी साक्षात्कार, दर्शन, अनुभव, अनुभूती अशा आणि अशाच प्रकारची बोलणी असत. चहा पितापिता जोक्सही अध्यात्मिक.

बापूंप्रमाणे खास लांब आणि भरघोस मिशा ठेवण्याची फॅशन भक्त पुरुषांत होती. मिसळ किंवा कोल्ड्रिंक पीत तश्या मिशीदार लोकांचे ग्रुप उभे असायचे, गणवेष असावा तशी मिशी.

बापू पेप्सीत मीठ टाकून सर्वांसमोर पितात म्हणून त्या एरियात आणि एरवीच्या आयुष्यातही पेप्सी हा ब्रँड मीठ टाकून घ्यायला असंख्य लोकांनी सुरुवात केली होती. नंदामातांची परफ्युम्स / पावडर / क्रीम अशी काही प्रकारची कॉस्मेटिक्स असायची, त्यांचा खप प्रचंड होता आणि त्यांना अध्यात्मिक वेष्टन होतं.

सुचितदादा हे बंधू. त्यांना शेषनागाचे अवतार समजत.

लोकलने परत येताना सर्व डबे भक्तांनी भरलेले असल्याने लोकलच भक्तिमय होऊन जायची. एरवी गंभीर किंवा स्थूल असणारे लोकही ठसाठस गर्दीतही मोकळेपणाने उच्चारवात गात आणि नाचत असायचे.

लेके चलो लेके चलो..
लेके चलो पालकी, दादर के लाल की,

खांदा लगा के बोलो जय अनिरुद्ध बापू की..

मग लेके चलो पालखी शेरावाली की,
खांदा लगा के बोलो जय नंदामाता की..

अशीच शेषनाग किंवा कोणाची पालखी, आणि खांदा लगा के जय सुचितदादा की.

अशा अनेक आरत्या / गाणी लोकलच्या भिंती / छत बडवून सतत चालू असायच्या.

मी जिथे राहात होतो त्यांच्या घरचे हा दरबार नियमित अटेंड करत. घरात बापू हे एक सदस्यच होते. भिंतीवर मोठा फोटो. त्याची पूजा. घरात एकमेकांशी बोलतात तसे त्यांच्याशी बोलत. वादावादी झाली की, "बापू बघताय ना?" वगैरे असं. सतत बोलणं चालायचं.

त्यांची काही नियतकालिकं यायची. बरीच जाड असायची. त्यात भक्तांच्या अनुभवांचं कथन असायचं. पेट्रोल नसतानाही बापूनामस्मरणाने कार चालत राहिली इथपासून रस्त्यात रुमाल पडला आणि एका व्यक्तीने मागून मला तो आणून दिला.. ती व्यक्ती अचानक निघून गेली आणि मग मला समजलं की ते बापूच होते, मी पाहातच राहिलो.

किंवा मला एकशेदोन ताप चढला. मनापासून फक्त बापूंना हाक दिली. तीन तासांत ताप उतरला.. वगैरे असे अनुभव अत्यंत भक्तीभावाने लिहीलेले असायचे.

ते समाजोपयोगी कामं करायचे असंही ऐकण्या वाचण्यात यायचं. त्यांची साईसदृश काहीतरी नावाची सेवाभावी संस्थाही आहे मला वाटतं.

सध्या बांद्रा की अन्य कुठे असतो दरबार बहुधा. पण तो दहा वर्षांपूर्वीचा "ऑरा" दिसत नाही.. किंवा सेंट्रल लाईनच्या कॉमन पब्लिकऐवजी आता वेस्टर्न्स लाईनचे एच एन आय भक्त आले असतील.

बापु म्हराज कि जै

सकाळ एकदम मस्त सुरु झाली.धन्स अर्धवट राव.
बाकी मोदकराव, अशा तथाकथित बुवांची कुंडलीच माडंलीत की राव,आणी नंबर ८) चा गुण मस्टच.

त्यात भक्तांच्या अनुभवांचं कथन असायचं. पेट्रोल नसतानाही बापूनामस्मरणाने कार चालत राहिली.

__
हे खरं असतं तर बरं झाल असतं. :). शेख लोकं बापुंचा जबर्दस्त तिरस्कार करत असणार नक्कीच :).
बापुंच नाव घेउन पेट्रोल न भरता गाडी चालली असती तर सगळा देश त्यांच्या दर"बारा"त गेला असता.

जगतुद्ढारक संकट्नाशक बाल ब्र्म्हचारी (?) मोदक महराज चिंचवड मठसेवक..
नाद खुळा

यडझव बुवा आणी त्याच्या दुप्पट त्याचे बिनडोक भक्त,बाभळीला उलट टांगुन त्याला मिरच्याची धुरी द्या,ते अनिसच विधेयक कधी पास होणार आहे,साले विधानसभेतले निम्मे तरी आमदार आणी मंत्री असल्याच बुवांच्या नादी लागलेले आहेत्,त्यामुळे सगळाच आनंदी आनंद......

या असल्या मानसिक बलात्काराविरुद्धच्या रामबाण उपायांवर कुणी वेगळा धागा काढा रे!!

हे बुवालोकांची भक्ती करणार्‍या लोकांचं डोकं पण अजब असतं. या बुवाला नावं ठेवणार आणि आपण ज्याला मानतो तो बाबा/बापू/माई/गुरु कसे चांगले आणि योग्य मार्गदर्शक आहेत त्याचं गुणगान करणार. शेवटी हेही त्याच माळेचे मणी असतात. बाकी बापूंबद्दल काय बोलणार. एक महाभाग थर्टीफर्स्टच्या रात्र मित्रांबरोबर हॉटेलमध्ये खायला वैगरे न जाता या बापूंचा 'नामजागर' करायला गेला होता. एक तारखेला सकाळी भेटल्यावर म्हणे अंग फार दुखतंय. का तर म्हणे नामजागर करताना रात्रभर नाचत होतो. :))

मी तर एका प्रोफेसरच्या घरी पाहिलय, सकाळपासून जे आपण खातो पितो ते फोटोसमोर ठेवायचं. मी जेवणापर्यंत पाहिलय. पुढे बापू जाणे.

अतिशय एकसुरी !! घ्रुणा वाटते सतत एकाबाजूने लिहीले जाणारे लेख पाहुन.. अंधश्रध्देचे समर्थन करत नसुन या संबंधी फक्त संतांबद्द्ल (? असो सध्या ह्या लोकांना दुसरा शब्द सुचत नाहीये) लिहिणारे राजकारण्यांच्या बाबतीत मौन का धरुन आहेत?

अनिरुध्द बापुंचा मी भक्त मुळिच नाही. पण, ही चर्चा करणारे गणपतीच्या वेलेस कुणिकडे असतात??

ह्या उपायांपेक्षाही एकच "सोपा आणि सरस" उपाय आपले परमपूज्य सदगुरू श्री आसारामबापू यांनी सांगितला आहे.
त्यांच्या म्हणण्याप्रमाणे दिल्लीत झालेल्या घटनेत त्या मुलीऩे जर त्यांचा हा उपाय आजमावला असता तर हा प्रसंग तिच्यावर ओढवला नसता. त्यांच्या वाणीतच हा उपाय म्हणजे "त्या मुलीने आरोपींना भाऊ म्हणत प्रार्थना करून तेथून निघून जायला हवे होते. त्यामुळे तिचा सन्मान आणि जीव दोन्ही वाचले असते."
दुवा:

दुवा:https://online3.esakal.com/esakal/20130107/5401194962162806365.htm

क्रुपया कोणि सन्गेल का अनिरुध्ह बपु कोन ?

मंत्र माझा बापू म्हणणार | १०८ बाय अकरा वेळा घेणार |
मी वानरचाळे करणार | रावण नपुंसक निश्चीत ||
|| एन्टी बलात्कार महावाक्यम् ||

०४. ज्या व्यक्तीस लिहिता वाचता येत नसेल अशा व्यक्तीने पूर्ण विश्वासाने व प्रेमाने फक्त अनिरुद्ध अनिरुद्ध म्हंटले तर सर्व वाचन स्वतः सद्गुरु करतील व त्याचा संपूर्ण फायदा त्या व्यक्तीस मिळेल.
>>>
हे असं काही केलं तर बलात्कार करणारा हसत हसत बलात्कार करेल इतकेच ;)

(अवांतर : बलात्काराविरूद्धचा रामबाण उपाय असे गुगलताना दुसर्‍या बापुनी सुचवलेला हा उपाय सापडला
In the 6th July, 1926, edition of the Navajivan, Gandhi wrote that “He would kiss the feet of the (Muslim) violator of the modesty of a sister” (Mahatma Gandhi, D Keer, Popular Prakashan, p-473). Just before the partition, both Hindu and Sikh women were being raped by the Muslims in large numbers. Gandhi advised them that if a Muslim expressed his desire to rape a Hindu or a Sikh lady, she should never refuse him but cooperate with him. She should lie down like a dead with her tongue in between her teeth. Thus the rapist Muslim will be satisfied soon and sooner he leave her. (D Lapierre and L Collins, Freedom at Midnight, Vikas, 1997, p-479)

जाणकार मिपाकर ह्या "उपाया"च्या सत्यासत्यतेवर प्रकाश टाकतिल का ?)

च्यायला कसली मुक्ताफळे उधळली आहेत या बापूंनी..

च्यायला कसली मुक्ताफळे उधळली आहेत या बापूंनी..

- पिंगू

च्यायला ह्या बापू लोकांमुळे बलात्कार करून बाप लोक वाढत चालले आहेत.

फालतु भोंदुगिरि दुसरा काय?

यात नविन असं काय आहे? महालक्ष्मी स्तोत्रात तरी काय वेगळ सांगीतलय?

महालक्ष्म्यष्टकं स्तोत्रं यः पठेद्भक्तिमान्नरः ।
सर्वसिद्धिमवाप्नोति राज्यं प्राप्नोति सर्वदा ॥९॥
(9.1: Whoever reads this Mahalakshmi Ashtakam with Devotion, Will attain all Success through the Grace of Mother Mahalakshmi.)
एककाले पठेन्नित्यं महापापविनाशनम् ।
द्विकालं यः पठेन्नित्यं धनधान्यसमन्वितः ॥१०॥
(Reading this Once Every Day will Destroy Great Sins,Reading this Twice Every Day will bring Prosperity.)

त्रिकालं यः पठेन्नित्यं महाशत्रुविनाशनम् ।
महालक्ष्मिर्भवेन्नित्यं प्रसन्ना वरदा शुभा ॥११॥
(Reading this Thrice Everyday will Destroy Great Enemies, And will bring Joy in Life with the Blessings of Mahalakshmi.)

https://my.fakingnews.com/2013/01/08/godman-seen-praying-to-the-lion-af…

मस्त लेख आहे. याच दुव्याचा मी पण शोध घेत होतो. मला आधी वाटलं की उगीच कुणीतरी या बापूच्या नावावर पिल्लू सोडून दिलं असावं. पण याचे प्रवचन म्हणजे निखळ करमणूक आहे. ;) ..... असं जर कुनी नपुंसक वगैरे व्हायला लागलं आणि ते देखील लगेच जाहीर व्हायला लागलं तर बघायला नको. ;)
या बापूंना खरं तर बाप दाखवण्याची वेळ आली आहे. इकडे अनिरुद्ध बापू आणि तिकडे आसारामबापू ;)

ह्या सर्व बापुमंडळी संबंधात पण धाग्यातील विषया पेक्षा थोडा वेगळा प्रश्न पडला आहे. देव एकावेळी किंवा एका कालखंडात पृथ्वीतलावर किती "अवतार" घेऊ शकतात ह्याबद्दल कोणाला माहिती आहे का? पुराणातील कथांनुसार देवांनी साधारणपणे एकच अवतार एकावेळी घेतला आहे. पण सद्ध्या स्वताला एखाद्या देवाचे अवतार म्हणवून घेणार्‍या "बाबा", बापू", व "संत" ह्यांच्या दाव्याप्रमाणे भगवान विष्णुचे चार ते पाच, भगवान शंकरांचे तीन ते चार, देवी दूर्गेचे चार ते पाच अवतार एकाचवेळी , भूतलावरील एकटया भारतात मौजुद आहेत. यापैकी नेमका कोणत्या रुपातील अवतार खरा, का सगळेच खरे, का सगळेच .......??