हॅलेचा धुमकेतु आणि त्याचे शेपुट

उल्कावर्षावाची न विसरता update दिल्याबद्दल धन्यवाद! किती वाजेपर्यंत दिसेल उल्कावर्षाव? कारण थोडं उशीरा बघितल्यास चंद्र पूर्वेकडून माथ्यापर्यंत आल्यास किंचित त्याच्या प्रकाशाची तीव्रता कमी झालेली असेल.

अरेरे....हुकणार यावेळी

१. पॅरीस की कुठल्याशा शहरात फिरून हॅलेने लोकसंख्या , मृत्यु संख्या , त्यावेळी असलेले वय , मृत्युची कारणे याबाबतचे टेबल तयार केले. ते हॅले लाइफ टेबल ह्या नावाने आजही इन्शुरन्स क्षेत्रात वापरतात.

२. एक मोठा फुगा घेऊन त्यात हॅले काही काळ पाण्याखाली जिवंत राहिला. हा फुगा म्हणजे पाणबुडीचा पणजोबा.

३. हॅलेच्या कॉमेटची कक्षा इ इ शोध लावला. त्याच्या पुढच्या भेटीचे भाकीतही त्याने लिहून ठेवले , पण कॉमेटच्या दुसर्या भेटीवेळी हॅले जिवंत नव्हता. ते भाकीत मात्र तंतोतंत जुळले.

एक शोध जमिनीवरचा , एक शोध पाण्यातला आणि एक शोध आकाशातला ! अल्ला मेहेरबान !!

मागे बहुतेक १९८७ मधे हा हॅलेचा धुमकेतु आला होता, तेव्हा त्याचे दर्शन घेतले होते. पुन्हा होइल कि नाही हे माहिती नाही. ;-)
या विषायावर श्री. वा.मो.कोळेकर यांनी "धुमकेतु" हे उत्तम पुस्तक लिहीले होते. हे माझ्या कडे होते. या पुस्तकाने धुमकेतुविषयी माझी उत्सुकता प्रचंड चाळवली गेली. पुढे १९९८ च्या आसपास हेल-बॉप हा धुमकेतु अतिशय स्वच्छ दिसत होता. बाकी धुमकेतुची माहिती देणारा सविस्तर धागा काढताय का बघा.
यावेळच्या उल्का वर्षावाची आधी माहिती दिल्याबध्दल धन्यवाद. नक्कीच पहाण्याचा प्रयत्न करेन.

हॅलेचा धूमकेतू बघण्यात आला आहे १९८६ साली .
खूप लहान होतो त्यावेळेस,पण रोज पेपर वाचण्याची आवड होती आणि त्यावेळेसच्या जवळपास सर्वच वर्तमानपत्रांनी आणि मासिकांनी हॅले च्या धूमकेतू येण्याआधीच भरपूर लेख लिहून वातावरण निर्मिती करून ठेवली होती . दहा कोटी किलोमीटर लांब शेपटी ,ताशी दोन लाख किलोमीटर चा वेग ,बर्फ़ाने आणि इतर पदार्थ व वायूंने बनलेला वगैरे माहिती वाचून अचंबा वाटलेला ,आणि दर ७६ वर्षांनी येतो हेही वाचण्यात आल्याने आता नाही तर कधीच बघायला मिळणार नाहीअशी भावना होती . त्या मुळे त्याला बघण्याची उत्सुकता ही होतीच मग जेव्हा तो आला तेव्हा त्याला बघण्यासाठी रोज संध्याकाळी सगळे बालमित्र एकत्र जमून मोकळ्या मैदानात जात असू.
माझ्या आठवणीप्रमाणे सतत दोन आठवडे या चंदेरी धूमकेतूने दर्शन देऊन आकाशाची शान वाढविली होती.

ह्या धुमकेतु वर एखादा उपग्रह लाँच करायला हवा जेणे करुन या विषयी आणखी माहिती जगाला मिळु शकेलं.