एवढ्यात काय खरेदी केलंत?- ३

माझ्या आईचा वाढदिवस झाला... पण तिला कुठल्याच प्रकारची भेट वस्तू मी दिली नव्हती,तिला आवडेल आणि ती आवडीने वापरेल अशी कोणती तरी वस्तू मला तिला द्यायची होती ! तिला साडी देण हा पर्याय मला नको होता,तसहीं आता तिच्याकडे इतक्या आहेत कि त्यात तिला काही वेगळा आनंद मिळेल असं त्यात काही नव्हतं. तिला मी सांगितले कि मला तुला आवडेल अशी भेट वस्तू मला सुचेल तेव्हाच मी ते देइन. तिने ते मान्य केले. काही दिवसांनपूर्वीच तिच राहिलेल भेट वस्तू मला देता आली... :) ते गिफ्ट म्हणजे सारेगम कारवां म्युझिक प्लेअर... तिला गाण्यांची फार आवड आहे हे मला पक्के ठावूक होते,त्यामुळे ही भेट तिला आवडली. :) जुन्या काळातील ५००० गाणी या प्लेअर मध्ये बिल्टइन आहे शिवाय गीतमाला देखील यात आहे. स्वंयपाक घरात काम करत असताना गाणी ऐकत तिचा वेळ जातो. :) अ‍ॅमेझॉनवर हा रेडियो उपलब्ध आहे आणि तो मी बराच आधी पाहुन ठेवला होता, पण त्यावर निर्णय घेतला नव्हता.हल्लीच माझ्या एका मित्राने याचे लेटेस्ट मॉडल जे एका रिमोट सकट उपलब्ध आहे त्याचा फोटो कायअप्प वर पाढवला आणि माझ्या मनाने उचल खाल्ली.परंतु याची साउंड क्वालिटी मला जाणुन घ्यायची होती, म्हणुन अ‍ॅमेझॉन वरुन मी हे न घेता दुकानात आधी जाउन आवाज ऐकुन मगच घ्यावयाचे असे ठरवले.मला आवाज ठीक-ठाक वाटल्यावर मी तो घेतला. सकाळी सकाळी उठल्यावर रेडियोवर गाणी ऐकण्याची मजा काही वेगळीच आहे... :) जाता जाता :- आज्जे तुझी "रुम्बा" इस्टोरी वाचल्यावर मला मी हल्लीच पाहिलेला व्हिडियो आठवला, तो इथे देत आहे.

मदनबाण.....

आजची स्वाक्षरी :- दिल की बातें दिल ही जाने... :- Roop Tera Mastana (1972)

फ्लिपकार्टने ५ ऑक्टोबरपर्यंत वाट पहा अश्या चारपाच धमक्या देऊन झाल्यावर काल दसर्‍याच्या मुहुर्तावर हे मिळाले...

नुकताच नोकिया ६ घेतला. १४,९९९ ला मिळाला. भारतात बनलेला आहे. चिनी वस्तू घेणे शक्यतो टाळतो आहे.

रेडमी नोट ४ (६४ जीबी) घेतला १० दिवसांपूर्वी १३००० रु. ला. चांगला फोन आहे

दोन गुडडे ची दहावाली आणि एक पार्लेजीचे पाचचे, चितळे म्हशीचे दूध अर्धाला लिटर आणि सोबत २ १२ किलोचे डायपर घेतले. उगाच मस्ती म्हणून ४०रु किलोचा कोलम तांदूळ घेतला.. होऊ दे खर्च म्हणून. :) *बाप झाल्यावर कळते पैसे कोठे व कसे खर्च करावेत असे कोणीतरी मला म्हणाले होते येथेच मिपावर, आता अनुभव घेतोय :P

बरी अर्धीसाठी चिनी बनावटीचा नसलेला चतुर भ्रमणध्वनी संच शोधत होतो. चिनी बनावटीच्या वस्तू शक्य तिथे टाळायच्या असे ठरविले आहे. शेवटी सॅमसंग जे ७ मॅक्स हा संच १६,८०० ला मिळाला. कोरिअन कंपनीच्या या संचाचे उत्पादन भारतात झाले असून चार्जर व इएरफोन्स व्हिएटनाममध्ये बनलेले आहेत. वायफायसाठी जिओचे डोंगल घेतले (रू. १०००). पहिल्या ९० दिवसांसाठी (१ जीबी प्रतिदिन) ६०० रूपये दिले. पहिले ९० दिवस संपल्यानंतर पुढील प्रत्येक ९० दिवसांसाठी ५०० रूपये भरावे लागतील. डोंगल खिशात घालून कोठेही नेता येत असल्याने अतिशय सोयिस्कर आहे.

कोणी ऍमेझॉनवरून किंवा online स्टील थाळी आणि वाट्या असे सेट्स घेतले आहेत का? कोणता चांगल्या qualityचा आहे. मला १०-१५ थाळीसेट घेण्यासाठी कृपया लिंक द्या. जास्त heavy नको आहे पण एकदमच तकलादूपण नको. अंदाजे १५ थाळी , १५ ग्लास आणि ७५ छोट्या वाट्या असा विचार आहे.

गणेश चहा अर्धा किलो पाकिटवर (रु २०० ) ही पॅालीप्रापलिन बॅाटल(रु७०) फुकट! मार्चच्या नवीन लॅाटमध्ये आहे

१६० रू. देऊन एक किलो सफरचंदे घेतली.

भोर तालुक्यातून 100 किलो इंद्रायणी तांदूळ घेतला. ५२ रु/किलो + वाहतूक खर्च (१२ जणांचा प्रत्येकी १०० किलो छोटा हत्ती मध्ये आणला, अजून भाडं नाही दिलं) २०० किलो घ्यायचा होता, पण शिल्लक नव्हता. दुकानात मिळतो तो, आणि हा थेट शेतकऱ्याकडून घेतलेला... वासात लै फरक आहे.