+१
धन्यवाद डॉक. तुम्ही बोललात यावर ते बरं झालं.

+१०००

गणवेश घालणे कोठे आवश्यक आहे आणि कोठे नाही याचे सामान्य नियम जिला माहित नाहीत आणि/किंवा ते जी पाळत नाही, अशी व्यक्ती गणवेशधारी अधिकारी बनण्यास सर्वस्वी नालायक असते. पूर्णविराम.

चूक करणारा "आपला माणूस" असला किंवा कडक कारवाई आपल्या "राजकिय प्रतिस्पर्ध्या"ने केलेली असली तर, काही लोकांची मने मानवतेच्या आणि विचास्वातंत्र्याच्या विचाराने भरभरून ओसंडू लागतात... हल्ली (केवळ विरोधासाठी विरोध) हा भारतिय राजकारणाचा दंडक बनत चालला आहे ! :(

आणि हेच लोक परत "लोकशाही आणि सुव्यवस्थेचे" कैवारी असल्याचा आव आणून तावातावाने भांडू लागतात तेव्हा तर ते शिसारी आणणारे असते.

मी गणवेश घालायला नकोय किंवा नाही घातला तरी चालतो असे म्हणल्याचं दिसलं काय कुठे??

माझा मुद्दा निराळा आहे. ते त्यांनी ज्या पद्धतीने केले, किंवा याआधी ते ज्या पद्धतीने करत आले आहेत ते मला योग्य वाटत नाही. उगाच धाक आहे धाक आहे म्हणायचं आणि पुढे काय? कुठला पॉजिटिव्ह बदल घडलाय किंवा घडण्याची अपेक्षा आहे? त्यापेक्षा अतिशय योग्य पद्धतीने सन्मानपूर्वक घडवलेला बदल कायमस्वरूपी असत नाही का? लक्षात घ्या, इथे असेही सनदी होऊन गेले आहेत आणि अजूनही आहेत ज्यांना त्यांच्या कार्यालयातील लहानात लहान कर्मचाऱ्यांची नवे माहीत असतात आणि ते त्यांच्याशी सन्मानाने वागतात. आधीच मस्तावलेल्या विद्यार्थ्यांना छड्या मारून सुधारता येत नाही यासारखेच आहे काहीसे सरकारी कर्मचाऱ्यांचे!

कडक शिस्त बदल घडविण्यास कामाला येत नसेल तर अशी शिस्त कामाची नाही असे माझे वैयक्तिक मत आहे.

मला तर वेड लागलेलं नाहीये, पण तुमचा प्रश्न वाचून बघा वर! एकतर वाह्यात प्रश्न विचारलात आणि वरून मलाच वेड लागलाय का विचारत आहात! यावरून तुमचंच काहीतरी बिघडलेले आहे की काय अशी शंका आली.

मी उखडलोय की काय झालोय याच्याशी तुमचा काही संबंध आहे का? मुद्द्याशी मुद्दा ठेवलात तर चर्चेच्या दृष्टीने बरं होईल. नाहीतर, प्रतिसाद नाही दिलात तरी चालेल!

पीएमपीएमएल या १५८ कर्मचाऱ्यांना का निलंबित केले होते याचे तपशिल कुठं वाचण्यात आले नाहीत.
कोण होते ते १५८ ? नगरसेवक / सत्ताधारी / प्रशासन / बिल्डर-प्रमोटर यांचे नातेवाईक ? की सामान्य कर्मचारी ?
संचालक मंडळाला मुंढेसाहेब जाण्याची का वाट पहावी लागली ?

जर मुंढेसाहेबांचा निलंबन करण्याचा निर्णय योग्य असेल तर हा संचालक मंडळाचा निर्णय नामंजूर करण्याचे धाडस नवनियुक्त पीएमपीएमएल चेअरवुमन व मॅनेजिंग डायरेक्टर नयना गुंडे दाखवणार का ?

मुंढे साहेब असा जाणून बुजून कर्मचाऱ्यांवर असा अन्याय करतील असे वाटत नाही.

सिस्टीमच सडलेली आहे त्याला एकटे मुंडे काय करणार? कधीकधी पीएमटीने प्रवास करतो. अत्यंत अस्वच्छ बस, बंपर तुटलेल्या, पत्रे बाहेर आलेल्या बी आर टी बस, ज्या गाड्यांना कायम गर्दी असते त्यांची फ्रिक्वेंसी कमी, उदा. नगर रोडवरुन (वाघोली, चंदननगर, विमाननगर, येरवडा इथून ) कोथरुड, कात्रज या गाड्यांना कायम गर्दी, पण बस तासाने) , गर्दीप्रमाणे कधी स्टडी नाही कुठे किती गड्या सोडायच्या, कंडक्टर अजुनही तिकिटांना भोके पाडतोय (मशीन बिघडली की त्याच्याकडे नेहमीचा भोके पाडायचा तिकिटांचा डबा देतात), बीआरटी मार्ग असल्यामुळे सुसाट गाडी मारणारे पीएमटीचे ड्रायव्हर, त्यामुळे अचानक ब्रेक मारला की एकमेकांच्या अंगावर हेलपाटणारे कंडक्टर आणि प्रवासी ... काय विचारु नका. आणि म्हणे पुणे स्मार्ट सिटी करणारेत.