Skip to main content

प्रश्न साधासाच होता...

लेखक प्राची अश्विनी यांनी मंगळवार, 16/01/2018 15:16 या दिवशी प्रकाशित केले.
प्रश्न साधासाच होता, त्याने उत्तर टाळले.. आणि अबोलीचे फूल तिच्या केसात माळले. त्याचा रोजचाच खेळ, चार दाणे पक्ष्यांसाठी.. पाखरांच्या नकळत, त्याने हक्काने पाळले. क्षणभर विसावला जीव बकुळीच्या खाली.. सडे अनाम दु:खाचे तिने पायाशी ढाळले. आहे सुखाचा पाऊस, डोळे भरले कशाने? वेडे मन तुझे का ग मृगजळास भाळले?
काव्यरस
भावकविता
लेखनविषय:
वाचने 5070
प्रतिक्रिया 16

प्रतिक्रिया

राघव मंगळवार, 16/01/2018 15:30
माय.. खूप सुंदर लिहितेस गो! निरतिशय आवडले. यानिमित्तानं तुझ्या काही जुन्या कविताही वाचल्यात परत.. छान वाटले. लिहित रहा! :-)

सस्नेह मंगळवार, 16/01/2018 17:19
आहे सुखाचा पाऊस, डोळे भरले कशाने? वेडे मन तुझे का ग मृगजळास भाळले?
...हे अगदी खास !!