Skip to main content

मिपावर चित्रे टाकण्याची कृती

लेखक डॉ सुहास म्हात्रे यांनी गुरुवार, 14/04/2016 00:14 या दिवशी प्रकाशित केले.
मिपावर चित्रे टाकताना बर्‍याच जणांना समस्या येतात असे दिसते आहे. या विषयावर अगोदर लिहीले गेले आहेच. परंतु सहजपणे ही माहिती समोर असावी यासाठी हा परत केलेला प्रपंच. खालील पायर्‍या वापरल्यास मिपावर चित्रे टाकणे सहजसाध्य होईल. इतकेच नव्हे तर ती योग्य आकारात व प्रमाणबद्ध दिसतील. १. प्रथम तुमची चित्रे गुगल-फोटो, फ्लिकर किंवा तत्सम संस्थळावर चढवा. २. चित्रांचे तिथले स्टेट्स "पब्लिकली शेअर्ड" असे करा. चित्रे मिपावर दिसण्यासाठी हे आवश्यक आहे. असे केल्यावर तुमची चित्रे मिपावर टाकण्यायोग्य स्थितीत येतील. ३. त्या संस्थळावर चित्र पूर्णपणे (थंबनेल अथवा छोटी आवृत्ती नव्हे) उघडून त्यावर राईट क्लिक करा आणि "Copy image URL" पर्यायावर टिचकी मारा... आता ते चित्र मिपामध्ये टाकण्यासाठी त्याचा दुवा कॉपी केला गेलेला आहे. हे चूक आहे... . हे बरोबर आहे... आता मिपावर या आणि... ४. लेखन करण्याच्या चौकोनाच्या (टेक्टबॉक्सच्या) वर असलेल्या बटणांपैकी सर्वात डावीकडच्या (सुर्योदयाचे चित्र असलेल्या) बटणावर क्लिक करा. (त्या बटणावर कर्सर ठेवल्यास Insert/edit image असा मेसेज दिसेल व "Insert/edit image टेक्स्टबॉक्स" दिसू लागेल.) . . ५. दिसू लागलेल्या Insert/edit image टेक्ट बॉक्स मध्ये खालीलप्रमाणे माहिती भरा: ......अ) Insert Image मध्ये वर कॉपी केलेली युआर एल पेस्ट करा (Ctrl + V) ......आ) Width X Height: कोरे ठेवा. ......इ) Alternate Text: इथे तुम्हाला हवे ते चित्राचे नाव टाका अथवा फक्त एकदा स्पेसबार दाबून एक स्पेस टाका. ६. OK बटन दाबल्यावर टेक्ट बॉक्समध्ये त्या चित्राचा कोड दिसू लागेल. ७. चित्र "पूर्वपरिक्षण" करुन पहा: ......अ) चित्र लेखनाच्या चौकटीत योग्य जागी दिसत असल्यास टाकलेला कोड योग्य आहे. ......आ) चित्र लेखनचौकटीबाहेर जात असल्यास आणि/किंवा उजव्या बाजूच्या मिपासंबधीच्या माहितीवर आक्रमण करत असल्यास Width मध्ये ६६० ते ३०० यामधला एक पर्याय वापरून "पूर्वपरिक्षण" करुन पहा व योग्य तो पर्याय स्विकारा. (सर्वसाधारणपणे आडव्या (लॅड्स्केप) चित्रांना ६०० ते ६६० व उभ्या (पोर्ट्रेट) चित्रांना ३०० ते ४५० Width योग्य होते) ......इ) Height नेहमीच कोरी ठेवा. मिपा तुम्ही स्विकारलेल्या Width ला योग्य ती Height वापरून चित्र प्रमाणबद्ध ठेवते. (अंदाजे Height टाकण्याच्या प्रयत्नात बहुदा चित्र वेडेवाकडे दिसते, तेव्हा ते टाळा.) ८. पायरी क्रमांक ३ ते ७ परत परत वापरून पुढच्या प्रत्येक चित्राचा योग्य कोड लेखात अंतर्भूत करा. ९. लेखाचे सर्व चित्रांसह "पूर्वपरिक्षण" करून तो मनाजोगता दिसू लागला की मगच तो "प्रकाशित करा". कारण लेख प्रकाशित केल्यावर सर्वसामान्य लेखकाला त्यात बदल करता येत नाही. १०. लेख प्रसिद्ध केल्यावर लेखनात अथवा चित्रांत काही दोष आढळले तर ते सुधारण्यासाठी साहित्य संपादकांशी संपर्क करा. .

खास सूचना :

मिपात टाकलेले फोटो (अ) साठवण केलेल्या जागी एडीट केले आणि / किंवा (आ) त्यांना दुसर्‍या अल्बममध्ये हलविले तर त्यांच्या दुव्यांच्या मजकूरात (लिंक्स) बदल होतो व त्यामुळे ते फोटो मिपातिल लेखात दिसणे बंद होते. असे फोटो लेखात परत दिसण्यासाठी त्यांचे बदलेले नवे दुवे मिपात टाकणे जरूर असते.
लेखनविषय:
लेखनप्रकार
वाचने 92961
प्रतिक्रिया 112

प्रतिक्रिया

श्रीरंग_जोशी गुरुवार, 14/04/2016 00:29
मिपावर प्रथमच फोटो प्रकाशित करताना ज्या समस्या येतात त्यांच्यासाठी हा धागा मदत पानाची भूमिका पार पाडणार याबद्दल विश्वास वाटतो. एक माहिती जोडतो. ~ फोटो पब्लिकली शेअर झाला आहे की नाही याची चाचणी ~ समजा क्रोम ब्राउझरमध्ये तुम्ही तो गुगल फोटोज, फ्लिकर किंवा तत्सम साइट्सवर तुमच्या लॉगिनने अपलोड केला व शेअर केला तर त्याचा दुवा धाग्यात दिला आहे त्या पद्धतीने मिळवून दुसर्‍या ब्राउझरमध्ये जिथे तुमचे त्या साइटवर लॉगिन नाही आहे तेथे उघडून बघा. पब्लिकली शेअर झाला नसेल तर तो तुम्हालाही दिसणार नाही. दोन ब्राउझर्स वापरत नसल्यास एकच ब्राउझर वापरूनही ही चाचणी करता येईल. फक्त फोटोचा दुवा मिळवल्यावर त्या साइटमधून लॉग आउट करायचे अन मग त्याच ब्राउझरमध्ये तो दुवा उघडावा.

खटपट्या गुरुवार, 14/04/2016 01:37
माहीती चांगली आहे पण चार क्रमांकाच्या पायरीमधील चित्र गंडले आहे. किमान मला तरी दीसत नाही. वर्तूळात आडवी रेघ येतेय...

डॉ सुहास म्हात्रे गुरुवार, 14/04/2016 13:31
छान दिसतेय की ! Height रिकामी ठेवल्याने हे चित्र मूळ चित्राच्या उंची-रुंदीचे प्रमाण राखून आहे (डिस्टॉर्शन झालेले नाही).

डॉ सुहास म्हात्रे गुरुवार, 14/04/2016 14:06
मोबाईलच्या कॉनफिगरेशनवर अवलंबून असल्याने हाय रेझॉल्युअशन चित्रे लोड होण्यासाठी जास्त वेळ लागू शकतो.

डॉ सुहास म्हात्रे गुरुवार, 14/04/2016 13:50
या ठिकाणी टाकलेले चित्र "पब्लिकली शेअर्ड" नाही त्यामुळे ते दिसत नाहीय. "पब्लिकली शेअर्ड" केल्यास ते असे दिसेल... "इंडियन स्पॉट बिल्ड डक"चा सुंदर फोटो !

कंजूस गुरुवार, 14/04/2016 20:24
डॅाक, एक साइट शोधलीय https jumpshare dot com यातून चित्र चढवता येतं का ते सांगा.पिडीएफसाठीही आहे.

डॉ सुहास म्हात्रे गुरुवार, 14/04/2016 23:12
हो शक्य आहे. १. आताच ही ग्राफिक फाईल तिथे अपलोड करून इथे टाकली आहे... २. टेक्स्ट फाईल असल्यास ती त्या संस्थळावर टाकून... अ) मिपावर तिचा दुवा असा देता येईल : https://jumpshare.com/v/9ZjYHACZ21RMOqeabLyH किंवा आ) तिच्या दुव्याला नाव देऊन मिपावर अशी टाकता येईल. सावधगिरीची सूचना : मिपावर (किंवा इतर कोठेही दुवे देऊन) टाकलेल्या फाईल्स भविष्यातही खात्रीने चालू राहतील अश्याच संस्थळांवर टाकाव्यात. अन्यथा फाईल्स असलेले संस्थळ बंद पडल्यास / समस्या देऊ लागल्यास / फी आकारणी करू लागल्याने तुम्ही त्याचा वापर बंद केल्यास; त्यावर असलेल्या फाईल्स मिपावर दिसणे बंद होईल.

वडापाव गुरुवार, 14/04/2016 23:45
तात्काळगावातले (instagram) फोटू चढवता येतील का? मी अॅपव्यतिरिक्त instagram वर गेलो नाही पण क्रोमवरून जाता येऊ शकतं म्हणून विचारतोय

डॉ सुहास म्हात्रे शुक्रवार, 15/04/2016 00:33
मला इन्स्टाग्रामचा अनुभव नाही. इथे प्रयत्न करून पहा. त्या माहितीचा सगळ्यांनाच फायदा होईल.

श्रीरंग_जोशी शुक्रवार, 15/04/2016 00:38
हो, इंस्टाग्रामच काय कुठलीही साइट जिथे फोटो पब्लिकली शेअर करता येतात अन प्रत्यक्ष फोटोच्या फाइलचा दुवा मिळवता येतो त्या प्रत्येक साइटचा वापर मिपावर फोटोज प्रकाशित करताना येईल. हा एक फोटो इंस्टाग्रामवरून साभार.

कंजूस शुक्रवार, 15/04/2016 05:41
धन्यवाद डॅाक.मी हे करून पाहिले परंतू चित्र उमटत नव्हते image tag वापरून म्हणून विचारले.तुमचेही चित्र,फाइलमाझ्या IE11मध्ये उघडत नाहीये आणि खात्री झाली की ही साइट नाही वापरता येणार."https" असल्याने त्या सिइट वापरण्याविषयी उत्सुक होतो. पिकासा,फ्लिकर वगैरे साइट्स चांगल्या असल्या तरी मोबाइल आणि स्लो नेटस्पीडला काही उपयोगाच्या नाहीत.एक चित्र अपलोड करून इकडे टाकायला १०एमबी डेटा सहज खातो.श्रीरंगचे इन्स्टाग्राम करून नाही पाहिले. फ्लिकर अथवा तत्सम साइटवरती तीन वेगळ्या लिंक्स मिळतात शिवाय पब्लिक अकसेसही न विसरता ठेवावे लागते. अजूनएक keepandshare dot com try करत आहे.

कंजूस शुक्रवार, 15/04/2016 22:07
tinypic dot com साइट बरोबर चालते,त्यातले फोटो सर्वांना दिसतात. "https" secure site शोधत असतो परंतू त्या साइट मोबल्यात चालत नाहीत अथवा डेटा प्रचंड खातात.संगणकातली 8+gb RAM, ब्राडबँडचे ग्लुकोज सलाइनमुळे भारी साइट्स सहज चालतात पण मोबल्याचा घामटा निघतो. छोट्या कंपन्या कधीही बंद पडतील आणि फ्री चालवण्यासाठी जाहिराती मारतात हा त्रास असतो.

डॉ सुहास म्हात्रे शुक्रवार, 15/04/2016 21:08
चित्र कोठूनही टाकले तरी त्या साईट्वर ते "पब्लिक शेअर्ड" असावेच लागेल, नाहीतर ती साईट त्या चित्राचा डेटा पाठवत नाही. गुगलफोटो वापरून पहा. या संस्थळाचा माझा अनुभव चांगला आहे. मला अजूनतरी मोठी समस्या आलेली नाही. फोटो "ओरिजिनल रिझॉल्युशन" ऐवजी "हाय रिझॉल्युशन" मधे ठेवले तर फारसा रिझॉल्युशन लॉस न होता चित्रांची बाईटसाईझ खूपच कमी होते.

कंजूस शुक्रवार, 15/04/2016 19:35
rahul,18:33चे चित्र आणि डॅाकचे ""पब्लिकली शेअर्ड" केल्यास ते असे दिसेल..वाले स्पॅाटबिल्ड दोन्ही न दिसण्याचे कारण काय असेल? instagram चे फार लहान टाकले आहे का?

श्रीरंग_जोशी शुक्रवार, 15/04/2016 19:59
हो, १०० रुंदी वापरली. चाचणी म्हणून टाकले होते. त्यावर क्लिक केल्यास नव्या टॅबमध्ये मूळ आकारमानात उघडेल.

श्रीरंग_जोशी शुक्रवार, 15/04/2016 20:30

शिव कन्या शुक्रवार, 15/04/2016 20:26
तासभर प्रयत्न केले, सगळ्या पायऱ्या पार केल्या , पण गंडलं .....जौ दे....मिपा आपण काढलेल्या छायाचित्रासाठी नसावेच! :(

श्रीरंग_जोशी शुक्रवार, 15/04/2016 20:31
सर्वात महत्वाची पायरी - इमेज फाइलचा दुवा फोटोवर राइट क्लिक करून मिळवणे अन तो मिपावर वापरणे.

डॉ सुहास म्हात्रे शुक्रवार, 15/04/2016 21:12
लेखातल्या सगळ्या पायर्‍या तंतोतंत वापरल्या तर समस्या येऊ नये. विषेशतः ठळक केलेल्या पायर्‍या काळजीपूर्वक वापरा. बहुतेक समस्या तेथेच तयार होतात. वरवर जरी कठीण/लांबलचक प्रोसिजर वाटले तरी एकदा सवय झाली आणि चित्रे नीट दिसू लागली ते हातचा मळ वाटेल.

गोरगावलेकर मंगळवार, 05/03/2019 06:58
अगदी खरं आहे. आपण सांगितल्याप्रमाणे कृती करून कालच एका भटकंती धाग्याच्या प्रतिक्रियेत फोटो चढवून पहिला. सहज जमतंय. कृती सचित्र व सोपी करून सांगितल्याबद्दल धन्यवाद.

चांदणे संदीप सोमवार, 02/05/2016 20:47
सर्वसामान्य लेखकाला त्यात बदल करता येत नाही
असामान्य लेखक होण्यासाठी काय करावे लागेल? ;) Sandy

डॉ सुहास म्हात्रे शुक्रवार, 06/05/2016 10:59
गुगली आवडला ! ;) तुम्ही सामान्य नसून सन्माननिय असामान्य लेखक आहात हे अगोदरच सिद्ध झाले आहे आणि त्याचा आम्हा सर्व मिपाकरांना सार्थ अभिमान आहे ! तेव्हा असामान्यत्वाचे गुपित तुम्हीच उलगडू शकाल :) ;) वरच्या प्रतिसादात, "सर्वसामान्य (मिपाकर) लेखक" आणि "विशेषाधिकार असलेले (मिपाकर) लेखक (पक्षी : पदाधिकारी)" अशी विभागणी होती. :)

चांदणे संदीप शुक्रवार, 06/05/2016 13:33
म्हात्रेकाका!! :O माझी साधीच गुगली होती की ओ! पण, तुम्ही असा टोलवला चेंडू की तो शोधूनही सापडेना! :(
वरच्या प्रतिसादात, "सर्वसामान्य (मिपाकर) लेखक" आणि "विशेषाधिकार असलेले (मिपाकर) लेखक (पक्षी : पदाधिकारी)" अशी विभागणी होती. :)
हे अर्थातच माहिती आहे! :) Sandy

मेघना मन्दार शुक्रवार, 06/05/2016 10:49
या माहिती साठी अनेक धन्यवाद. मला फोटो टाकता आले.

महासंग्राम सोमवार, 05/09/2016 11:55
फ्लिकर वर राईट क्लिक केलं तर 'कॉपी इमेज ऍड्रेस' ऑप्शनच येत नाही. आणि मिपावर फोटो अपलोड करण्यासाठी .jpg असलेली लिंक पाहिजे असते ती मिळवायची.

डॉ सुहास म्हात्रे सोमवार, 05/09/2016 18:12
कोणतेही चित्र दुसरीकडे प्रसिद्ध करण्यासाठी ते चित्र पूर्ण आकारात पाहून मगच त्याचा "इमेज अ‍ॅड्रेस" मिळविणे जरूर असते... आल्बममधिल थंबनेल आकाराने कितीही मोठे दिसले तरी त्याचा इमेज अ‍ॅड्रेस या कामी येत नाही. अश्या योग्य इमेज अ‍ॅड्रेसचे एक्सटेन्शन कोणते आहे हे महत्वाचे नाही. इमेज स्टोअर करणारे संस्थळ मुळ इमेजचेच एक्सटेन्शन वापरतेच असे नाही. उदा : मूळ इमेजचे एक्सटेन्शन काहीही असले तरी हल्ली गुगल फोटो .no हे स्वतःचे एक्सटेन्शन वापरते.

डॉ सुहास म्हात्रे मंगळवार, 06/09/2016 12:21
कोणतीही पायरी न वगळता सर्व पायर्‍या योग्य क्रमाने पार केल्या तर समस्या येऊ नये. ही प्रक्रिया सुरुवातीच्या एकदोन प्रयत्नांत जरा कठीण वाटते, पण सवय झाली की सहजपणे होते.

डॉ सुहास म्हात्रे सोमवार, 12/09/2016 14:55
जमलं की ! सुंदर चित्र ! फक्त एक छोटी सूचना. चित्र टाकताना फक्त width टाका, height रिकामी ठेवा. असे केल्याने मिपा तुम्ही दिलेल्या width ला योग्य ती height निवडून (आस्पेट रेशो कायम राहिल्याने) चित्र उभे किंवा आडवे ताणल्यासारखे/चेपल्यासारखे डिस्टॉर्टेड) न दिसता मूळ चित्रासारखे वास्तविक दिसेल. तुमचेच चित्र वरच्याप्रमाणे टाकल्यावर दिसणारा फरक पहा :

सपे-पुणे-३० सोमवार, 12/09/2016 14:52
बहुदा चित्र टाकायला जमलं... तिकडे पैसाताईंचा उकडीच्या मोदकाच्या फोटोवर प्रतिसाद आलाय. तसं असेल तर उकडीच्या मोदकांपेक्षा जास्त आनन्द झालाय.

सिरुसेरि बुधवार, 02/11/2016 15:59
उपयुक्त माहिती . कॄपया , व्हिडीओ अपलोड कसा करावा त्याचीही माहिती द्यावी.

डॉ सुहास म्हात्रे शनिवार, 13/01/2018 16:09
व्हिडिओ टाकण्यासाठी खालील कृती करा : चालू व्हिडिओवर राईट क्लिक करा व "copy embed code" निवडा आणि तो कोड मिपात चिकटवा (पेस्ट करा)... बस झाले काम ! उदा: वर टाकलेला कोड असा आहे (कोड एक्झेक्युट होऊ नये यासाठी कोडाच्या दोन्ही टॉकाच्या सगळ्यात बाहेर अँग्ल्ड ब्रॅकेट्सच्या ऐवजी गोल ब्रॅकेट्स वापरल्या आहेत)... (iframe width="854" height="480" src="https://www.youtube.com/embed/OoI57NeMwCc" frameborder="0" allow="autoplay; encrypted-media" allowfullscreen>

अरविंद कोल्हटकर शनिवार, 13/01/2018 04:54
हा धागा वर काढण्याचे कारण असे की मी जे करतो ते सर्वांना सांगावे. ज्यांना तसे करावेसे वाटेल त्यांना लाभ होईल कारण मी करतो ते अत्यंत सोपे आहे. मी स्वतः अगदीच टेक्नोमंद आहे म्हणून ही automated पद्धत वापरतो. प्रथम गूगलमध्ये स्वतःचा एक ब्लॉग सुरू करा आणि एक New Post सुरू करा. मिपाकडे पाठवायचे चित्र तेथे आणा, ज्यासाठी तेथेच लिंक आहे. पान सेव करून राइट क्लिकने Copy image address निवडा. आता चित्राचा URL तुमच्या क्लिपबोर्डावर येऊन बसला आहे. पुढील HTML Code मी आपल्यापाशी तयार ठेवलेले आहे.
तयार कोड
ह्या कोडिंगमध्ये चित्राची रुंदी ५०० पिक्सेल्स, चित्र आणि आणि शीर्षक मध्यावर येणे आणि इटॅलिक्समध्ये येणे हे घातलेले आहे. २ अथवा अधिक चित्रे घालायची असल्यास पहिले चित्र घालून त्याचे पूर्ण कोडिंग कॉपी करून खाली चिकटवा आणि केवळ URL बदला आणि वर्णन बदला. ह्या ब्लॉगवर कितीहि चित्रे चढविता येतील. पुढेमागे एखादे चित्र कोठे आहे हे शोधायची वेळ आली तर सोपे जावे म्हणून मी प्रत्येक महिन्यासाठी वेगळी New Post उघडून तिला त्या महिन्याचे नाव देतो. सवय झाली की ह्या मार्गाने कितीहि चित्रे वेगाने लेखामध्ये घालता येतात. पानाच्या डाव्या/उजव्या बाजूस चित्र चिकटविणे, टेबलमार्गे अनेक चित्रे चिकटवणे असले प्रकार मी टेक्नोमंद असल्यामुळे सहसा टाळतोच पण त्याचेहि असे कोडिंग एकदाच करून जवळ ठेवून देता येईल.

डॉ सुहास म्हात्रे शनिवार, 13/01/2018 15:59
उत्तम कल्पना ! पण, खास यासाठीच ब्लॉग बनवायची गरज नाही. (अ) मी वारंवार वापरत असलेल्या चित्रांच्या आकारमानांची आणि (आ) फॉर्मॅट्सची (उदा, सेंटरिंग, एकाच ओळीत अनेक चित्रे... त्यातही ती चित्रे एकाच उंचीची / रूंदीची असलेले, इ) कोड टेम्प्लेट्स (इमेज अ‍ॅड्रेसची जागा रिकामी ठेवून) मी वर्ड फाईलमध्ये ठेवले आहेत. मिपावरचे लेखन करताना ती वर्ड फाईल उघडी ठेवतो आणि तिच्यातून जरूर ती टेंप्लेट लेखात कॉपी करतो. आता त्या टेंप्लेटमध्ये हव्या त्या चित्राचा/चे इमेज अ‍ॅड्रेस टाकला की चित्र हवे त्या आकारात, पानावर हवे तेथे चपखल बसते !

कंजूस मंगळवार, 16/01/2018 15:14
एक विनंती हा धागा फार लांबला आहे आणि फोटोंमुळे जड झाला आहे - दुसरा भाग काढावा. # अरविंदरावांची आइडिया बरोबर आहे कारण १) ब्लॅागरपोस्ट पब्लिकच असतात, २) ब्लॅागरच्या लिंकस गुगलवाले बदली करत नाहीत, ३) गुगलमध्ये पिकासो, सर्कल,प्लस, फोटो असे नवनवे प्रकार बदलत राहिल्याने त्यातल्या लिंकस गंडलेल्या आहेत पण ब्लॅागरच्या तशाच आहेत. प्राब्लेम फक्त विंडोज मोबाइलवाल्यांचा झाला. अगोदर सपोर्ट होता तो गुगलने काढून घेतल्याने ब्लॅागर बंद पडले. पुर्वी वेबसाइट वापरायचो पण नंतर ते अॅप डाउनलोड करा सांगतात आणि ते अँड्राइड नसल्याने चालत नाही. फेसबुक हा सर्वोत्तम उपाय आहे.