पहिल्या महायुद्धातील कोल्हे

कोल्हा हा कुत्र्याच्या जातीतील एक अत्यंत हुशार, कळपात राहणारा, आणि अत्यंत निष्ठुर प्राणी आहे. पहिल्या महायुद्धाच्या काळात १९१६-१९१७ मध्ये कडाक्याच्या हिवाळ्यात विल्नीयस आणि मिन्स्कच्या भागात जर्मन आणि रशियन सेना एकमेकांशी लढत होत्या. बर्फात अत्यंत प्रतिकूल परिस्थितीत लढताना दोन्हीकडच्या सैन्याची अगदी दैन्यावस्था झाली होती. तेथील बर्फाळ भागात राहणाऱ्या कोल्ह्यांनाही युद्धात मृत्युमुखी पडलेल्या सैनिकांची चांगली मेजवानी मिळत होती. जिवंत माणसाच्या गरम रक्ताची चटक त्यांना लागत चालली होती. थोडा धीर दाखवून ते एकट्या दुकट्या सैनिकांवर देखील हल्ला करू लागले. परंतु पुढे पुढे कोल्ह्यांची हाव एवढी वाढली कि त्यांनी सरळ सरळ कळपाने एखाद्या सैन्याच्या तुकडीवरही हल्ला करण्यास मागेपुढे ना बघता सुरुवात केली. दोन्ही बाजूंचे सैनिक अगदी वैतागून गेले. त्यांना त्यांचे युद्धही करणे अवघड होऊन बसले. विषप्रयोग, रायफल, मशीन गन यांचाही फारसा उपयोग होत नव्हता. बॉम्ब वापरून पहिले. त्याचा थोडा फायदा झाला परंतु हे कोल्हे एवढे चवताळलेले आणि हुशार होते कि त्यांनीसुद्धा एखाद्या सैन्याच्या तुकडीसारखे वागत मेलेल्या कोल्ह्यांच्या तुकडीच्या जागी नवीन ताज्या दमाची तुकडी पाठवात सैनिकांना मारणे चालूच ठेवले. अगोदरच रशियाच्या कडक हिवाळ्यात लढणे मोठ्या मुश्किलीचे काम होते आणि त्यात हि कोल्ह्यांची ब्याद. दोन्ही बाजूंच्या त्रस्त सैनिकांनी मग आपापल्या वरिष्ठ अधिकाऱ्यांना समजावून जर्मन आणि रशियन सैन्यात तात्पुरता तह घडवून आणला आणि दोन्ही सैन्य एक होऊन कोल्ह्यांच्या विरुद्ध उभे ठाकले. गंमत म्हणजे त्यांनी तहाचा करारनामाही अगदी परिस्थितीला साजेसा बनवला. दोन्ही सैन्याने एकत्र मिळून मग त्या कोल्ह्यांवर सर्व बाजूंनी हल्ला चढवला आणि त्यांचा नायनाट केला. बरेचसे कोल्हे मेले. जे वाचले ते तो प्रदेश कायमचा सोडून निघून गेले. कोल्ह्यांचा प्रश्न निकालात निघाल्यानंतर तहाची सांगता झाली आणि कोल्ह्यांच्या त्रासाशिवाय युद्ध करण्यास मोकळे होत जर्मन आणि रशियन सैन्याने पुन्हा एकमेकांना जीवे मारण्यास सुरुवात केली. युद्धातील फोलपणा अशा उदाहरणातून जाणवल्याशिवाय राहत नाही. “An eye for an eye will make the whole world blind.” – Mahatma Ghandi संदर्भ : http://breakingitdown.co.uk/nature/animals/wolves-world-war-1/ /strong>