आधार कार्ड - अपडेट आणि नेमकी माहिती...

कॉलिंग साहनाजी.

माझे वैयक्तिक विचाराल तर सरकारकडे / NIC कडे आपला महत्वाचा डेटा नीट सांभाळणारी व्यवस्था / यंत्रणा आहे का?

बाकी विशेष काही माहीत नाही पण..... जगात कोणताही डेटा सेफ नाही, त्यामुळे कायद्यात रहाल तर फायद्यात रहाल. तस हा विचार reliance jio चे कार्ड घेतांना कुणे केल्याचे आठवत नाही. असो...

त्यामुळे नाईलाज आहेच हे समजून घ्या आणि आधार कार्ड काढून घ्या.

आधार पोस्ट बॅंक मोबाइलला लिंक करत आहे.

तुम्ही बेहिशोबी मालमत्ता जमवलेली नाही ना? काळे धंदे करत नाही ना? असे लोक सुद्धा आधार कार्ड राखून आहेत. मग तुम्ही कशाला आधार कार्ड काढायला आणि वापरायला नाही म्हणताय? वैयक्तीक माहिती चा गैरवापर होण्याचा धोका आहे पण आपण सजग राहीलो तर धोक्यापासून स्वताला वाचवू शकतो. आधीचे आणि आताचे सरकार आधार राबवितात म्हणजे निश्चित काही योजना आहेत. आधीचे आणि आताचे विरोधक विरोध करतायत ते बहुधा राजकीय लाभासाठी

माझ्या रोजच्या कामात आधार कार्ड आणि पण कार्ड याचा फार संबंध येतो त्यानुसार काही माहिती शेअर करतो... आता सर्वच बँकांनी आधार कार्ड शिवाय खाते उघडणे बंद केले आहे. काही दिवसांपासून पॅन कार्डही अनिवार्य झालेले आहे. आधार कार्ड आणि पॅन कार्ड लिंक करण्यापूर्वी दोन्हींवर असलेले नाव आणि जन्मतारीख तंतोतंत जुळणे आवश्यक आहे. सुरुवातीला आधार कार्ड काढताना उडालेल्या प्रचंड गोंधळात बऱ्याच जणांच्या आधार कार्ड मध्ये चुका आहेत त्या आता आधार कार्ड अपडेट करून सुधारता येतील. तसेच आपला मोबाईल नंबरही आधार कार्डशी लिंक करावा कारण त्याशिवाय कुठल्याही सरकारी योजनेचा अर्ज भरता येत नाही(बायोमेट्रिक्स चा उपयोग करून युजर आयडी बनवणे खूप जिकरीचे आहे). जर तुमचे आधार कार्ड हरवले असेल तर नवीन आधार कार्ड मिळवण्यासाठीही मोबाईल नंबर लिंक केलेला असणे आवश्यक आहे(लक्षात असुद्या, तुम्ही मोबाईल ऑपरेटरच्या गॅलरीत जाऊन मोबाईल नंबर लिंक करणे आणि आधार कार्ड सेंटरला जाऊन मोबाईल नंबर लिंक करणे या पूर्णपणे वेगळ्या गोष्टी आहेत). सर्वात महत्वाचे, तुम्ही मोबाईल गॅलरीत जाऊन मोबाईल नंबर अंधाराशी लिंक केला असल्यास ससंबंधित ऑपरेटरने त्यांच्या पेमेंट बँक मध्ये तुमचे खाते तुम्हाला न विचारता उघडले असल्यास तसे चेकवा. बऱ्याचदा आपण शेवटाला ज्या बँक खात्याशी आपला आधार नंबर लिंक करतो ते आपले प्राधान्य क्रमात वरचे खाते म्हणून निवडले जाते आणि सगळी अनुदाने त्याच खात्यावर जमा होण्याची शक्यता असते म्हणून या कंपन्या आपल्याला न विचारता असली खाती उघडत आहेत. हे एक- दोन विद्यार्थ्यांच्या बाबतीत आलेले आहे. यामुळे शिष्यवृत्ती तसेच इतर अर्ज भरताना अडचणी येतात. आणखी जसे माहिती मिळेल तसे कळवीत जाईन.

काढावं लागेल. जागोजागी विचारणा/अडवणूक होणार. असलेले बरे.

ह्या संबंधातील अजुन एक प्रश्न एक टीपिकल मध्यमवर्गीय कुटुंब. नवरा, बायको (गृहीणी), मुले (शिक्षण). सर्वांकडे मोबाईल. सर्व मोबाईल नवर्‍याच्या नावावर ऑफीस च्या corporate scheme मधुन घेतलेले. आता हे मोबाईल प्रत्येकाच्या आधार कार्डाशी कसे जोडणार ?

एक बातमी.. आधार कार्डचा असाही उपयोग होईल असे कुणाला वाटले नसेल. कॅप्टन बाजीराव रणगाडेचं बिंग आधार कार्डमुळे फुटले असते..:))

माझे आधार कार्ड बहुतांश ठिकाणी लिंक केले आहे. प्रॉव्हिडंट फंडाला लिंक झाले नाही कारण नाव/जन्मतारीख "यापैकी काहीतरी" मॅच होत नाही असे म्हणतात. नितिन केशव थत्ते आणि नितिन थत्ते/थत्ते नितिन केशव याला मिसमॅच समजले जाणार असेल तर अवघड आहे. जन्मतारीख सोडल्यास असा क्णता डेटा आधारवाल्यांकडे आहे जो मिसयुज होऊ शकतो. ठाण्यात आधार कार्ड काढण्याचे केंद्र कोठे आहे? "आपल्याला काही कसली सबसिडी घ्यायची नाहीये" असे म्हणून वृद्ध आईचे आधारकार्ड काढले नव्हते. आता ते काढणे क्रमप्राप्त आहे. पण आधीची बरीच आधारकेंद्रे बंद झाली आहेत. :(

मोदकराव, पौडफाटावगैरे विचार असेल तर पुढे काय बोलणार? स्थानिक लोक निरुत्साह दाखवतात आणि बांगलादेशींकडे रेशन,आधार कसे हा धागाही काढतील लोकं. ( एवढा सल्ला देईन की लिंक करा.) काहींच्याकडे मतदार कार्डंही नाहीत. मतदानाला जायचं नाही तर कार्डं कशाला काथ्याकुटही करतील लोक.)

अरे तू काय सायकल चालवायला आधार सक्तीचं केल्यावर आधार कार्ड काढणार का? आपल्या शासनाची योजना आहे आणि त्यातून काही चांगले होणार असेल तर देशाचा एक नागरिक म्हणून हे कारण आपले कर्तव्य आहे.

माझ्या मते आधारकार्ड हे फक्त आय डी पुरावा आहे पत्ता पुरावा नाही. दुसरे असे की मोबाईल कुणाच्याही नावाने असला तरी आधार कार्डाशी त्याचा फक्त एक नंबर म्हणून सम्बंध आहे. चार महिन्याच्या मुलाचेही आधार कार्ड काढता येते त्याचा मोबाईल कुठून असणार ?आताची मागणी मोबाईल आधारला जोडा ही आहे आधार मोबाईल ला नव्हे ! आपले काय म्हणजे आहे मंडळी.

भारतात रहात नसल्याने माझे आधार कार्ड वडिलांच्या मोबाईल जोडले आहे. OTP पद्धत भारताबाहेर रहात असल्यास वापरायला अवघड आहे. HDFC बँक आंतरराष्टीय मोबाईल नंबर OTP ला लिंक करून देते बाकीच्याचे माहिती नाही. कालच एका पुस्तकात वाचले कि भारत जगातील सर्वात मोठा वैयक्तिक माहितीचा डाटाबेस बनवत आहे. भारी वाटले.

मी भारत शासनाचा पेन्शनर असून गेली कित्येक वर्षे भारताबाहेर राहात आहे. मजपाशी भारतातील असा घराचा पत्ता नाही. माझे पेन्शन दरमहिना माझ्या भारतातील बँकखात्यात बिनबोभाट भरले जाते. बँकेत कधी काही चौकशी इत्यादिसाठी जायची वेळ आले तर माझे मेव्हणे ते काम करतात. माझा परदेशातील पत्ता बँकेकडे KYCसाठी नोंदविलेला आहे. सुमारे एकदीड वर्षांपूर्वी माझे आधार कार्ड लागेल असे बँकेने आम्हाला सांगायला सुरुवात केली. आधार कार्डाचा अर्ज भारायचा मी प्रयत्न केला तर तो पूर्ण भरलाच जाईना कारण अर्जामध्ये Postal Code No हा केवळ भारतातील PIN असायला लागतो तो मजपाशी नव्हता. तेव्हा मी खोलात जाऊन संशोधन केले आणि मला असे दिसले की १) आधार कार्ड घेणे वा न घेणे हा संपूर्ण ऐच्छिक प्रकार आहे आणि २) आधार कार्ड घेण्यास तोच पात्र आहे की जो भारताचा 'निवासी' आहे. त्याच वेळी सर्वोच्च न्यायालयामध्ये आधार कार्डासंबंधात काही दावे चालू होते. हे सर्व बँक कर्मचार्‍यांच्या नजरेत वेळोवेळी आणून देत होतो पण त्यांचे समाधान होत नव्हते. सुदैवाने पेन्शनच थांबविण्यासारखे आततायी कृत्य बँकेने केले नाही. आमच्यासारख्यांची संशयाची स्थिति Central Board of Direct Taxes ने ५ एप्रिल २०१७ ला जारी केलेल्या Notification/Press Release मुळे संपली. ह्यामध्ये खालील स्पष्ट घोषणा आहे: "It is clarified that such mandatory quoting of Aadhaar or Enrolment ID shall apply only to a person who is eligible to obtain Aadhaar number. As per the Aadhaar (Targeted Delivery of Financial and Other Subsidies, Benefits and Services) Act, 2016, only a resident individual is entitled to obtain Aadhaar. Resident as per the said Act means an individual who has resided in India for a period or periods amounting in all to one hundred and eighty-two days or more in the twelve months immediately preceding the date of application for enrolment. Accordingly, the requirement to quote Aadhaar as per section 139AA of the Income-tax Act shall not apply to an individual who is not a resident as per the Aadhaar Act, 2016." Aadhaar Card Authority कडून १५ नोवेंबर २०१७ ला काढण्यात आलेल्या No 6-1/2016 - UIDAI (DBT) ह्या प्रसिद्धिपत्रकामुळे हीच बाब अधिकच स्पष्ट झाली आहे. त्याचा परिच्छेद ४ असा आहे: "4. The laws regarding submitting/linking of Aadhaar for availing the services/benefits applies to the resident as per the Aadhaar Act, 2016. In view of the foregoing, most of the NRIs/PIOs/OCIs may not be eligible for Aadhaar enrolment as per the Aadhaar Act, 2016. However, the implementing agency may devise a mechanism to ascertain the genuineness of status of such NRIs/PlOs/OCIs. " येथील सदस्यांपैकी कोणास बँक वगैरे आधार कार्डासाठी त्रास देत असेल तर त्यांना उपयुक्त व्हावे म्हणून हा प्रतिसाद दिला आहे.

सर्वोच्च न्यायालयाचे ५ न्यायाधीशांचे घटना पीठ आधार कार्ड सक्तीचे असावे की नाही ह्यावर दोन्ही बाजूंच्या वकिलांचे प्रतिपादन ऐकून निर्णय देणार आहे. तेवढ्या साठीच सरकारने ३१ मार्च २०१८ पर्यंत मुदत वाढ केली आहे. तरी त्या निर्णयाची वाट पहावी असे वाटते. माझ्या मते ज्यांना सरकारी सवलती ब्यांकेत त्यान्च्या खात्यात अनुदान रूपाने मिळत नसतील अशांच्या बाबतीत सक्ती नसावी.

आधारला लोकांचा का विरोध आहे , समजत नाही. एकाच वेळी , फोटो , नाव , पत्ता , जन्मतारीख यांचा एकाच कागदात पुरावा होइल. यावरच पॅन नंबर् अपडेट करायला हवा . बापाचे नावही आहे. आईचेही लिहा. यावरच पुढे डिग्र्या , रजिस्ट्रेशन नंबर्स इ अपडेट होतील तर बरे होइल.

हरवलेली / पळून गेलेली / पळवून नेलेली लहान मुले (ज्यांचे आधार कार्ड बनलेले आहे अशी) सापडल्यावर अल्पावधीत त्यांच्या पालकापर्यंत पोलीस पोहोचवू शकत आहेत, असे समजते. जुन्या दिल्लीत कोणतेही अधिकृत ओळखपत्र (राशन कार्ड, पॅन, विजेचे बील, व्होटर आयडी वगैरे) नसतानाही तीनशे-पाचशे रुपयात आधार कार्ड बनवून मिळते, असेही ऐकले आहे. आधार क्रमांक विचारण्याचा कायदेशीर अधिकार कोणकोणत्या संस्थांना आहे, हे सरकारने स्पष्टपणे जाहीर करणे गरजेचे आहे.

परवा महाराष्ट्र टाईम्स मध्ये जानेवारीला फोन वरून एकाच OTPने आधार कार्ड लिंक करण्यासाठी व्यवस्था करण्यात येणार आहे असं आलं आहे मी बातमी छापील आवृत्ती मध्ये वाचली आहे विमा कंपन्या ही सोय त्यांच्या संकेतस्थळी देत आहेत आधार कार्डच निराधार होऊ नये याची काळजी घेतलेला नाखु

पोस्ट ऑफिसमधल्या सर्व सेवांसाठी आधार कार्ड अनिवार्य आहे. माझे बँक ऑफ इंडियामध्ये फक्त सार्वजनिक भविष्यनिर्वाह निधी खाते आहे. त्यासाठी तिकडे चौकशी केली असता सार्वजनिक भविष्यनिर्वाह निधी खात्यासाठी आधार कार्ड क्रमांक जोडणे गरजेचे नाही असे समजले. भविष्यात त्याने काही अडचण येणार नाही ना?

इथे भारतात बहुसंख्य लोकांना पेंशन नाहीये... ९-१० तासाची ड्युटी करून private कंपनी वाले ७००-८०० रुपये पेन्शन घेताहेत ....वर्षातून ६ महिने ..अन तेही रोज ४/५ तास सरकारी बाबू ४०-५० हजाराची पेंशन जीवावर युरोप तूर करत आहेत... काका तुम्ही परदेशात राहत राहत आहेत.. म्हणजे तुमचा मुलगा/मुलगी तुम्हाला म्हातारपणी नक्कीच चांगले सांभाळू शकत आहेत..द्या ना सोडून भारतातली पेन्शन ...कशाला आधार/पत्ता/खाते करायच्या भानगडीत पडत आहेत? राग मानू नका पण जरा देशातील गरिबांचा करा आणि करा सुरुवात तुमच्यापासून .....

दादाभौ तुम्ही जीव द्या, त्रासातून सुटाल असा सल्ला तुम्हाला दिला तर चालेल?

https://uidai.gov.in/enrolment-update/aadhaar-enrolment/aadhaar-data-up… ह्या दुव्यावर बघा, आता फक्त पत्ता ऑनलाईन बदलता येतो. नाव, जन्मतारिख वगैरे आता फक्त एनरोलमेंट सेंटर/उपडेट सेंटरवरती बदलले जातिल. खुप अडचणी निर्माण होत आहेत. आधार सेंटर्स वर तुफान गर्दि जमत आहे. ह्यावर लवकर काहितरी उपाययोजना व्हायला हवी. नाहितर आधार योजनाच गुडाळन्याची वेळ येईल असे वाटते....

मला ठाण्याच्या केंद्रावर आधार अपडेट करता येईल का? (मुलुंड मध्ये राहतो आणि मुंबईतील केंद्र कुर्ल्याला आहे)

महाराष्ट्रात कुठेही आधार कार्ड अपडेट करता येईल. अपडेट करायला किती रुपये घेतात हे चेक करा ? कायद्याने रु १५ घ्यायला पाहिजेत पण काही केंद्र खूप जास्त पैसे घेतात.

मॅरेज सर्टिफिकेटलाही आधार जोडायचे म्हणे. ते कसे ?

समजा, आजच्या घटकेला माझ्याकडे आधार आणि मोबाईल दोन्ही नाहीत. मोबाईल घ्यायला गेलो तर तो मिळणार नाही कारण आधार नाही. आधार कार्ड काढायला गेलो तर ते देणार नाहीत कारण मोबाईल नाही. (आधी कोंबडी की आधी अंडं?) असो. विनोद सोडा, आपल्या नोकरशाहीची (आणि नेतृत्वाची) गम्मत ही आहे की सर्व शक्यतांचा विचारच कोणतीही योजना सुरु करताना, कोणतीही घोषणा करताना, करायचाच नाही. अडचणी आल्या की प्रथम अडेलतट्टूपणा करायचा, मग खूपच ओरडा झाला म्हणजे मुदत वाढवायची, सवलती द्यायच्या, अपवाद करायचे, आणि अशा प्रकारे मूळ योजनाच पातळ करून टाकायची. पण काय करणार, जुगाड करणे ही आपली संस्कृतीच आहे ना?

शेवटी काय ठरले मोदकाचे? आधार लावणार का?

वयस्क मंडळींना आधार कार्ड मिळाल्यांनतर मोतीबिंदू झाल्याने तो काढण्यासाठी डोळ्यावर शस्त्रक्रिया करावी लागते. तसे केल्या नन्तर त्यांचा डोळ्याचा फोटो त्यांच्या आधीच्या आधार कार्डासाठी काढलेल्या फोटोशी विसंगत होतो का ? मिपाचे डॉक्टर सदस्य या बाबत मत देऊ शकतील का ?मोतीबिंदू काढल्यावर पुन्हा आधार कार्ड काढले पाहिजे का ?

१) एमटिएनेल आणि बिएसेनेल या कंपन्या अगोदर प्रुफ घेतात नंतरच कार्ड देतात त्यामुळे माफ आहे. परंतू आता करावं लागेल बायोमेट्रिक. २) बहिणीचे स्टेट बँकेत पैसे पडून होते. परदेशातून इथे आल्यावर काढायला गेली तर ते म्हणाले अकाउंट ब्लॅाक झालं आधार न दिल्याने दोन वर्षांपुर्वी. - -चेकने ट्रान्सफर करा. - चेक बुक द्या . - असं लगेच मिळणार नाही. पोस्टाने घरी पाठवतो. - मी सात दिवसासाठी शेवटची आले आहे, इथे राहातच नाही. पेसे द्या आताच. - म्यानेजरला विचारा. - मी देऊ शकत नाही. वरून विचारतील हे ओपन का/ कसे केले? - पोलिसांना घेऊन बहिण बँकेत आली. - म्यानेजरने पोलिसांना विटनेस सह्या घेऊन पैसे दिले. ** एचडिएफसी बँकेने पासपोर्ट + ग्रीन कार्ड पाहून तिकडेच मागे कळवले होते - इकडे येण्याची गरज नाही तिकडूनच खाते चालवा. नो प्राब्लेम.

आता आधार लिंक करण्याची डेडलाइन ३१ मार्च २०१८ https://maharashtratimes.indiatimes.com/india-news/government-extends-a…

आधार नोंदणी केंद्राची मुंबई विभागाची यादी आजच्या मटामध्ये आली आहे. http://epaper.timesgroup.com/Olive/ODN/MaharashtraTimes/get/MTMUM-2017-…

एअरटेल ने ग्राहकांनी मोबाईल क्रमांकासाठी जोडलेल्या आधार कार्डांची माहिती वापरुन ग्राहकाच्या संमंतीविना एअरटेल पेमेंट बँक खाती उघडली आहेत. सध्या सुमारे २३ लाख लोकांनी याविरुद्ध तक्रार नोंदविली आहे. या खात्यांत आतापर्यंत एलपीजी सबसीडीचे ४७ लाख रुपये जमा झाले आहेत. यावरुन युआयडीएआय ने एअरटेल चे 'ई-केवायसी' लायसन्स सध्यासाठी निलंबीत केले आहे. आधार चा आधार घेऊन केल्या जाऊ शकलेल्या घोटाळ्यांमधे हा माहित झालेला पहिलाच मोठा घोटाळा असावा.