बकरी ईद आणि हैदराबाद (अर्थात हैदराबाद डायरी)

अरे मटण खाके तो देखो . ते शाकाहार पूर्व पुण्याई वैग्रे फालतू कमेंट उत्तर न दिलेलेच बरे . कोण कोणाच्या खाण्यात ढवळाढवळ करत नाही . शाकाहारी का बरे आमचे बेष्ट असे टाहो फोडून सांगतात . वास्तविक जगात अल्पसंख्यांक आहेत हे शाकाहारी . त्यामुळे बोलूच नका . सोज्वळ आणि ऑल .

खाण्यासाठी प्राण्यांची हत्या करणे हा एक भाग आहे आणि सार्वजनिक ठिकाणी अस्वच्छता असणे हा दुसरा भाग आहे. १९९३-९४ च्या सुमारास पुण्याच्या कॅम्पात शिवाजी मंडईत मध्ये असणाऱ्या असह्य अस्वच्छतेमुळे कॅन्टोन्मेंट बोर्डाच्या प्रमुख अधिकारी ब्रिगेडियर अप्पाचू यांनी तेथील सर्व मांस मटणाच्या दुकानांवर स्वच्छतेचे निकष पूर्ण होईपर्यंत बंदी आणली होती. यावर राजकारणी लोकानी मोठा आरडा ओरडा केला. निधर्मांध लोकांनी धर्मावर घाला झाल्याची कोल्हेकुई केली. हे प्रकरण न्यायालयात गेले असताना मुंबई उच्च न्यायालयाने निःसंदिग्ध शब्दात ब्रिगेडियर अप्पाचूंची बाजू उचलून धरली आणि जोवर स्वच्छतेचे सर्व नियम कसोशीने पाळले जात नाहीत तोवर सर्वच्या सर्व खाटिकांच्या दुकानावर बंदी घातली . शेवटी नाईलाजाने सर्व खाटीक लोकांनी आपल्या दुकानांमध्ये टाईल्स लावून घेतल्या व सिमेंट काँक्रीटची दुरुस्ती केली रक्त आणि मांस धुण्यासाठी भरपूर पाण्याची सोय केली मांस कापण्यासाठी लाकडाचा ओंडका आणून त्यावर रोजच्या रोज मीठ पसरणे माशा होऊ नयेत म्हणून खिडक्यांना जाळ्या आणि तसेच कीटक नाशक द्रव्यांचा रोजच्या रोज वापर.उरलेले मटण टांगून ठेवण्याच्या जागेवर कीटक येऊ नयेत म्हणून मोठे पंखे किंवा स्टेनलेस स्टीलची भांडी आणि मोठी कोल्ड स्टोरेजची यंत्रे असे अत्यावश्यक उपचार चालू केले आणि पुणे शहराला स्वच्छ मांसाचा पुरवठा सुरु झाला. काही दिवसांनी याच खाटीक लोकांनी( यात एक माझा रुग्ण होता) जे झाले ते चांगल्यासाठी हे मान्य केले. अशाच तर्हेने जसे गणपती विसर्जनासाठी तलाव बांधतात तशाच तर्हेचे जनावरांच्या कुर्बानी साठी स्वच्छ खाटीकखाने शहरात काही ठिकाणी बांधून द्यावेत तेथे स्वच्छतेचे सर्व नियम पाळले जातील आणि जनतेला उपद्रव होणार नाही हि काळजी घेतली जाईल यावर करडी नजर ठेवली गेली पाहिजे. अशा ठिकाण व्यतिरिक्त इतर सर्व ठिकाणी जनावरांच्या कत्तलीला पूर्ण बंदी घातली पाहिजे आणि तिची करड्या शिस्तीने अंमलबजावणी केली पाहिजे. प्राणिजन्य पदार्थांवर जिवाणू फार लवकर वाढतात आणि रक्त हा तर जिवाणू वाढीसाठी सर्वात चांगला पदार्थ आहे. प्राणिजन्य पदार्थामुळे होणारी अन्नविषबाधा हि फारच गंभीर स्वरूपाची असते त्याबद्दल हयगय अजिबात कामाची नाही. अशा ठिकाणहून केस कातडी हाडे सारखे टाकाऊ पदार्थ साठवणे आणि वाहून नेण्यासाठी बंद झाकणाच्या डबे इ ची सोय झाली पाहिजे. असे स्वच्छ खाटीकखाने सोडून इतर कुठेही कत्तलीस परवानगी देऊ नये.

टांगून ठेवलेले बोकड्याचे मटन खराब होते का ? खाटीक त्यावर कपडे गुंडाळून ठेवतात. -दिलीप बिरुटे

वाघ सिंह लांडगे कसे प्राणी मारतात , खटका कि हलाल की अजुन तिसरेच काय बेशुद्ध वैगेरे

मुसलमान मंडळी मासे, खेकडे, कासव, साप, बेडूक, वाघ सिंह, अस्वल इ. सजीव मारून खातात का? खायच्या आधी त्यांना हलाल पद्धतीने सुरी मानेवर फिरवून तडफडत ठेवून मारतात का?

भरपूर माहिती मिळाली या धाग्यावर.. प्राण्यांना वेदना होत रहावी अशी काळजी घ्या ही धर्माज्ञा अन ती पाळणारे लोक विचित्र वाटले. अवांतरः लवकरात लवकर प्रयोगशाळेत तयार होऊ शकेल असे कृत्रीम मांस स्वस्तात उपलब्ध होवो अशी इच्छा आहे. खाण्यासाठी वापरल्या जाणार्‍या सर्व प्राण्यांचे आता केवळ मशिन्समध्ये रूपांतर झाले आहे. त्यांचा सर्वांचा अवतार कायमचा संपावा असे वाटते.

एकदा Farm to Fridge असा शोध घेऊन समोर येणारा विडिओ नक्की बघावा. हैदराबादेत काय धुडगूस असेल इतका किळसवाणा प्रकार समोर येईल (तो सुद्धा अत्यंत सुसंस्कृत(?) आणि पुढारलेल्या (कशात?) समजल्या जाणाऱ्या पाश्चात्य देशांतून)!