Skip to main content

श्रद्धांजली - व्हराडकार डॉ लक्ष्मणराव देशपांडे..

लेखक विसोबा खेचर यांनी सोमवार, 23/02/2009 12:27 या दिवशी प्रकाशित केले.

ज्येष्ठ रंगकर्मी, नाट्यशास्त्राचे गाढे अभ्यासक, 'व्हराड निघालंय लंडनला' ही अफलातून कलाकृती रंगभूमीवर आणणारे आणि गाजवणारे प्रा डॉ लक्ष्मणराव देशपांडे आज आपल्यात नाहीत.

चित्र उपलब्ध नाही

मिसळपाव परिवाराची लक्ष्मणरावांना भावपूर्ण आदरांजली...!

-- तात्या अभ्यंकर.

लेखनविषय:
लेखनप्रकार
वाचने 14969
प्रतिक्रिया 52

प्रतिक्रिया

नाटक्या सोमवार, 23/02/2009 12:35

फार वाईट वाटले वाचून. 'वर्‍हाड'ने केलेली हसवणूक अजुन लक्षात आहे. फार ताकदीचा माणूस. एकट्या माणसाने सतत ३ तास रंगमंच हसत आणि हलता ठेवणे सोपे नाही. माझी पण भावपूर्ण आदरांजली...!

- नाटक्या

३_१४ विक्षिप्त अदिती सोमवार, 23/02/2009 13:05

ताकदीचा माणूस हे त्यांचं वर्णनही अपुरंच वाटतं.

अदिती
माझ्या मतांची आणि विचारांची कोणतीही वॉरंटी नाही.

मृगनयनी सोमवार, 23/02/2009 12:38

रिअली शॉकिन्ग न्यूज!! :( :(

यशस्वी एकपात्री प्रयोगाने,नाट्यक्षेत्रात एक वेगळा ठसा उमटवणार्‍या "देशपांडे सरांना" भावपूर्ण श्रद्धांजली...

युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||

प्रकाश घाटपांडे सोमवार, 23/02/2009 12:40

एकदम डोळ्यासमोर आलं. बातमीनी एकदम हळवं केलं. "माझ्यामुळे हरभरा टरारुन वर" आठवलं. "नीस्ती हिकडुन तिकड तिकडून हिकड" या भावजय नणंदा यांच्यातल्या संबंधांविषयी लक्ष्मणरावांचे सादरीकरण अप्रतिम.
भावपुर्ण आदरांजली
प्रकाश घाटपांडे

अनिल हटेला सोमवार, 23/02/2009 12:48

भावपुर्ण आदरांजली!!!!!!!!!!!
बैलोबा चायनीजकर !!!
माणसात आणी गाढवात फरक काय ?
माणुस गाढव पणा करतो,गाढव कधीच माणुस पणा करत नाही..

दत्ता काळे सोमवार, 23/02/2009 12:51

'वर्‍हाड' ने खूप हसवलं होतं. एकपात्री नाटक त्या कलाकारासोबत इतकं चिकटून असतं कि कलाकार गेल्यावर ते नाटकही जातं - म्हणजे नंतर तेच नाटक एवंढ दर्जेदारपणे सादर करणं कुणालाही जमंत नाही. त्यामुळे देशपांडेसर गेले -उत्तम एकपात्रीकार कलावंत गेला आणि आपल्यासोबत ते नाटकंही घेऊन गेले.

मिंटी सोमवार, 23/02/2009 13:02

त्यामुळे देशपांडेसर गेले -उत्तम एकपात्रीकार कलावंत गेला आणि आपल्यासोबत ते नाटकंही घेऊन गेले.

खरयं........ एक उत्तम कलाकार हरपला....... :(

भावपुर्ण श्रद्धांजली !!!!!!!!!!!!!

परिकथेतील राजकुमार सोमवार, 23/02/2009 12:58

थोर रंगकर्मीस भावपूर्ण श्रद्धांजली.

©º°¨¨°º© प्रसाद ©º°¨¨°º©
निश्चयाचा महामेरु, बहुत जनांसी आधारु
अखंडस्थितीचा निर्धारु, श्रीमंत योगी...
आमचे राज्य

प्रमोद देव सोमवार, 23/02/2009 13:10

प्रा. लक्ष्मणराव देशपांड्यांचे 'वर्‍हाड निघालंय लंडनला' हे एकपात्री नाटक आणि त्याचा लैकिक काही औरच होता पण दूर्दैवाने ते प्रत्यक्ष रंगमंचावर कधीच पाहता आले नाही. सुदैवाने इटीव्हीमुळे ते घर बसल्या तुकड्या तुकड्याने पाहता आले तेव्हा कळले की आपण केव्हढ्या मोठ्या आनंदाला मुकलो होतो ते.
देशपांडेसाहेबांच्या स्मृतीला माझीही आदरांजली.

आनंद घारे सोमवार, 23/02/2009 16:59

नेमके हेच वाटत होते. आता तात्यांनी दुवा दिला आहे त्यावर सवडीने पाहता येईल. कै.देशपांडे यांना श्रद्धांजली.
आनंद घारे
मी या जागी चार ओळी खरडल्या आहेत, जमल्यास वाचून पहाव्यात.
https://360.yahoo.com/abghare
https://anandghan.blogspot.com/

चित्रा मंगळवार, 24/02/2009 01:41

डॉ. लक्ष्मणराव देशपांडे यांना आदराने श्रद्धांजली.

काही कारणाने मी हे नाटक पहायला खूप उशीर झाला, तोवर नुसतेच ऐकले होते. आणि कसे असेल असे वाटे, पण जेव्हा पाहिले तेव्हा खूप आवडले. आता आठवणींना उजाळा देण्यास तात्यांचा दुवा कामी येईल. तात्यांचे दुव्याबद्दल आभार.

शशिकांत ओक सोमवार, 23/02/2009 13:56

प्रा. देशपांड्यांचा एकपात्री हातखंडा नाट्याविष्कार इतका तोंडात बसला होता की वऱ्हाड-कार आता स्व. झाले तरी व्हाया लंडन होऊनच गेले असावेत.
विनम्र श्रद्धांजली span style="color: #000099;">शशिकांत

पक्या सोमवार, 23/02/2009 13:59

श्री देशपाड्यांना भावपूर्ण आदरांजली !!!
खूप वर्षापूर्वी हे नाटक पाहिले होते. परत एकदा रंगमंचावर हे नाटक पहायची ईच्छा होती. पण योग आला नाही.

बबलु सोमवार, 23/02/2009 14:04

परवाच "वर्‍हाड" चा प्रयोग ऑनलाईन बघत होतो. एकट्या माणसाने असं हसत ठेवायचं म्हणजे कठीण खरंच.
"वर्‍हाड" बसवतांना त्यांनी एकपात्रीतील काही अगदी innovative प्रकार जन्माला घातले.
"वर्‍हाड"मधल्या अनेकानेक पार्टी लोकांचा जन्मदाता गेला (जॉनबाबासहित).

"देशपांडे सरांना" भावपूर्ण श्रद्धांजली.

....बबलु

आपला अभिजित सोमवार, 23/02/2009 14:21

`वर्‍हाड'मधला एक विनोद फार आवडायचा.

आधी नणंदेविषयी बरीच निंदानालस्ती करून झाल्यावर घरची बाई एकदम त्या येताना दिसल्यावर `अगं बाई, वन्सं' करून त्यांची वारेमाप स्तुती करायला लागते!

आपला अभिजित सोमवार, 23/02/2009 14:21

`वर्‍हाड'मधला एक विनोद फार आवडायचा.

आधी नणंदेविषयी बरीच निंदानालस्ती करून झाल्यावर घरची बाई एकदम त्या येताना दिसल्यावर `अगं बाई, वन्सं' करून त्यांची वारेमाप स्तुती करायला लागते!

प्राची सोमवार, 23/02/2009 15:37

'व्हराड निघालंय लंडनला' दूरदर्शनवर पाहिले होते.पण प्रत्यक्षात आता ते कधीच पाहता येणार नाही :(
डॉ लक्ष्मणराव देशपांडे यांना भावपूर्ण श्रद्धांजली...

योगी९०० सोमवार, 23/02/2009 15:38

एकपात्री प्रयोगांचा शहेनशहा असेच प्रा डॉ लक्ष्मणराव देशपांडे यांचे वर्णन करावे लागेल.

त्यांना भावपूर्ण श्रद्धांजली.

खादाडमाऊ

वाटाड्या... सोमवार, 23/02/2009 16:37

माझीही..त्यांच वर्‍हाड नक्कीच वैकुंठ देशी गेलं असेल. इतक्या लोकांना हसवुन हसवुन त्यांच जीणं हलकं करुन सोडण्यार्‍या व रोजनीशीतल्या कटकटींना विसरायला लावणार्‍या या अव्वल कलाकाराला भावपुर्ण श्रद्धांजली..

मुकुल...

विनायक पाचलग सोमवार, 23/02/2009 16:48

भावपुर्ण आदरांजली
मी माझे भाग्य समजतो की गेल्या वर्षी त्यांच्या कार्यक्रम मला प्रत्यक्ष पाहता आला

छानसे वाचलेले

विनायक पाचलग

शिवापा सोमवार, 23/02/2009 17:27

आयुष्यात मळभ आल्यानंतर व्हराड पहावे आणी फ्रेश व्हावे हा असा आयुष्याभराचा कार्यक्रम. किती वेळा पाहिले आठवत नाहि. लाखो लोकांना खदखदुन हसविणा-या आकाशाएवढ्या मोठ्या माणसाला सलाम!

चतुरंग सोमवार, 23/02/2009 18:09

ही हाळी आता रंगमंचावरुन पुन्हा ऐकू येणार नाही! रंगभूमीचं 'होल वावर इज अवर' म्हणणारा बबन्या ह्या वावराला पोरका करुन गेलाय.
लक्ष्मणरावांचं जाणं मराठीसाठी, मराठी रंगभूमीसाठी, नाट्यकर्मींसाठी प्रचंड नुकसान आहे.
देव आत्म्याला शांती देवो!

(अवांतर - त्यांचा एकपात्री बघितल्यावर त्यातल्या जास्तीतजास्त व्यक्तिरेखांच्या बारकाव्यांसह तो घरी करायचा ह्याची चढाओढ असे. त्या एकपात्रीचा मनावर खोल ठसा उमटला होता इतका की कधीतरी जवळजवळ सगळे संवाद पाठ होते...)

चतुरंग

टुकुल सोमवार, 23/02/2009 22:37

जानराव, काशिनाआथ आणी बाप्पा यांची अप्रतीम संवाद्फेक प्रत्यक्षात नाही पाहु शकलो याची खंत वाटते...
देव देशपांडे सरांच्या आत्म्याला शांती देवो!!!

टुकुल

नीधप सोमवार, 23/02/2009 18:36

वर्‍हाडमधली अनेक वाक्ये, फ्रेजेस वाकप्रचार म्हणून रूढ झाले नंतर...
होल वावर इज अवर
हिक्कडं या!
इत्यादी..

वाईट झालं.

- नी
https://saaneedhapa.googlepages.com/home

जयवी सोमवार, 23/02/2009 18:44

धक्कादायक !!
आपल्याला आवडलेली माणसं कायम आपल्यातच रहावी असं वाटतं असतं आपल्याला. पण कधी ना कधी तरी विरह सहन करायलाच लागतो. तसाच हा ही विरह सहन करावा लागणार आहे.
एकपात्री प्रयोगातून आपल्या अफाट अभिनयानं त्यांनी लोकांना अगदी मुग्ध करुन टाकलं. या महान रंगकर्मीला भावपूर्ण श्रद्धांजली !!

भास्कर केन्डे सोमवार, 23/02/2009 21:20

देशपांडे सर गेले हा एक धक्काच आहे.

आपल्याला आवडलेली माणसं कायम आपल्यातच रहावी असं वाटतं असतं आपल्याला.
अगदी खरे.

आपला,
(वर्‍हाडी) भास्कर

संदीप चित्रे सोमवार, 23/02/2009 20:57

'वर्‍हाड'कारांना माझी श्रद्धांजली.
जानराव आणि बाप्पा ही पात्रं तर त्यांनी अजरामर करून ठेवलीत.

सुक्या मंगळवार, 24/02/2009 05:17

बातमी वाचुन खुप वाईट वाटले. देशपांडे यांना भावपूर्ण श्रद्धांजली.

सुक्या (बोंबील)
चंद्रावर जायला आम्ही केव्हाही तयार असतो.