Skip to main content

||ओम नमः शिवाय ||

लेखक मृगनयनी यांनी सोमवार, 04/08/2008 11:56 या दिवशी प्रकाशित केले.

नमन माझे तुला नटवरा..
हे शिवशंभो, भोळ्या शंकरा..

कृपासिंधो तू, हे गौरीहरा..
प्रसन्नवदन तू , कर्पूरगौरा..

तांडव करुनि, तु ब्रह्मांड पेलिसी..
प्राशुनि हलाहल, नीलकंठे मिरविसी..

फासुनि विभुती, तू हिमालये वससि..
उमापती शिव, हस्ती त्रिशूल घेसी..

मस्तकी तुझिया चंद्र विराजे..
हाती डम डम डमरू वाजे...

तुझ्या जटा-मुकुटातुनि वाहे मुक्त मंदाकिनी..
सर्प-भुजंग खेळति देहावरी, तू शूलपाणिनी..

मुंडक-माला धारिसी तू, चिता-भस्म विलेपुनि,
विश्वजननी महामाया , असता तुझी अर्धांगिनी..

महेश्वर तू, महादेव तू, धन्य धन्य देवी सती..
पुन्हा मिळविण्या तुज भूपती, जन्मली ती पार्वती..

अनाथांचा नाथ असुनि, निराकार तू, नि:संग तू..
काळपुरूषाचा काळ रेखिसी, त्राही त्राही भगवान तू..

नमन माझे तुला नटवरा..
हे शिव-शंभो भोळ्या शंकरा..

||ओम नम: शिवाय||

लेखनविषय:
लेखनप्रकार
वाचने 10787
प्रतिक्रिया 39

प्रतिक्रिया

मदनबाण सोमवार, 04/08/2008 12:00

छानच.....

(जय भोलेनाथ)
मदनबाण.....

"First, believe in the world-that there is meaning behind everything." -- Swami Vivekananda

टारझन सोमवार, 04/08/2008 14:53

वा! सुंदर काव्य...
असेच म्हणतो .. आणि खफ वरील काव्यप्रतिभेस इकडच्या जंगलात मायग्रेट केल्याबद्दल अभिनंदन .. अजुन येऊ देत ... वाचतोय ...

(भांगप्रेमी) तात्या.
=)) =))

मला पण आरशात पाहून भांग पाडायला फार आवडते ..
मी पण भांगप्रेमी
-- ( टारझन ऊर्फ खवीस )

राधिका सोमवार, 23/02/2009 09:45

ओम नम: शिवाय|

आजच्या महाशिवरात्रीच्या शुभदिनी, वाचण्यास यथायोग्य असेच तुझे काव्य वाटते, नयनी.

ही रचना तुझी स्वतःचीच आहे ,की अजून कोणाची?

(सहज म्हणुन विचारलं, कृपया राग मानु नकोस.)

(राधिका.)

मृगनयनी सोमवार, 23/02/2009 10:10

ही रचना तुझी स्वतःचीच आहे ,की अजून कोणाची?

:) राधिका जी, ही माझी स्वत:चीच "रचना" आहे.

श्रावणातल्या सोमवारी ही "शिवस्तुती" प्रकटित करण्यात आलेली होती.... अर्थात माझ्याकडूनच!

आज महाशिवरात्रीच्या दिवशी आपण ती शोधुन काढून, वाचून त्यावर प्रतिक्रिया दिलीत, त्याबद्दल खरोखर आभारी आहे मी!

:)

|| ओम नम: शिवाय||

युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||

दशानन सोमवार, 23/02/2009 09:54

सुंदर !

नितांत सुंदर !!

जय हो बोले बाबा की !!!!

Brains x Beauty x Availability = Constant.
This constant is always zero. सत्य वचन :D

मृगनयनी सोमवार, 23/02/2009 10:06

धन्यवाद राजे!

जय हो -----भोलेनाथ!!!

:)

युद्ध माझा राम करणार | समर्थ दत्तगुरु मूळ आधार |
मी वानरसैनिक साचार |रावण मरणार निश्चित ||
|| इति अनिरुद्ध महावाक्यम् ||

ढ सोमवार, 23/02/2009 10:46

आधी वाचली नव्हती. छानच वाटलं आजच्या महाशिवरात्री दिवशी सकाळी वाचल्यावर.

सुंदर रचनेबद्दल मृगनयनी यांचे आणि धागा शोधून काढल्यामुळे वाचनाची संधी मिळाल्याबद्दल राधिका यांचे आभार!

छोटा डॉन सोमवार, 23/02/2009 10:55

सहजरावांशी सहमत ...

॥ ओम नमो: शिवाय ॥

अवांतर : दाक्षिणात्य भागात उपवासला "इडली" चालते हे ऐकुन तुम्हाला काय वाटले ???

------
( दिवसभर "उपास" घडणारच ह्या काळजीने भयभीत ) छोटा डॉन
एखाद्याला देव म्हटलं की देवाच्या चुका दाखवता येत नाहीत, चुका दाखवल्या की भक्तांना त्रास होतो.
त्यात अजुन देवाला "स्वेटर" घालणे ही तर अजुनच मजेशीर गोष्ट. असो. ;)

शेखर सोमवार, 23/02/2009 11:10

मी पण सहमत.

शेखर

>> अवांतर : दाक्षिणात्य भागात उपवासला "इडली" चालते हे ऐकुन तुम्हाला काय वाटले ???
अवांतर उत्तरः गणपती दुध पीत असेल तर इडली पण चालु शकते ;)

प्रा.डॉ.दिलीप बिरुटे सोमवार, 23/02/2009 10:51

आधी वाचली नव्हती. छानच वाटलं आजच्या महाशिवरात्री दिवशी सकाळी वाचल्यावर.

सुंदर रचनेबद्दल मृगनयनी यांचे आणि धागा शोधून काढल्यामुळे वाचनाची संधी मिळाल्याबद्दल राधिका यांचे आभार!

अनिल हटेला सोमवार, 23/02/2009 11:19

सहमत !!

जय शिवशंकर ! जय भोलेनाथ !!!
बैलोबा चायनीजकर !!!
माणसात आणी गाढवात फरक काय ?
माणुस गाढव पणा करतो,गाढव कधीच माणुस पणा करत नाही..

जागु सोमवार, 23/02/2009 11:00

धन्यावाद मृगनयनी महाशिवरात्रीच्या दिवशी घरी काही वाचता नाही आले पण इथे वाचायला मिळाले महादेवावर.
||ओम नमः शिवाय ||

धमाल मुलगा सोमवार, 23/02/2009 11:24

नैनीबाई,
धन्यवाद!

छान रचना :)

-(नंदी) ध मा ल.

----------------------------------------------------------------------------------------
::::हल्ली चालु असलेल्या मराठी-आंतरजालीय-टोळीयुध्दाचा आपण एक भाग नाही आहात? काय सांगता? स्वतःला कर्कवृत्ती मराठी माणुस कसे काय म्हणवता? ::::

सागर सोमवार, 23/02/2009 15:20

अप्रतिम आणि सुंदरच....

आज महाशिवरात्रीच्या दिवशी एवढी सुंदर शिवस्तुती वाचून मन प्रसन्न झाले
अशाच छान रचना करीत रहा मृगनयनी....

||ॐ नमः शिवाय ||
(शिवभक्त) सागर

विसोबा खेचर सोमवार, 23/02/2009 17:15

महशिवरात्रीनिमित्त लालबागच्या राजाच्या वडिलांचा विजय असो.. :)

आपला,
(गणेशभक्त) तात्या.

वाहीदा सोमवार, 23/02/2009 18:26

मला शिव बध्दल जास्त माहीत नाही पण तु लिहलेल्या ओळी सुंदर आहेत .. स्पेशली ...
अनाथांचा नाथ असुनि, निराकार तू, नि:संग तू..
काळपुरूषाचा काळ रेखिसी, त्राही त्राही भगवान
अप्रतीम ...
~ वाहीदा

प्राजु सोमवार, 23/02/2009 21:08

मी ही वाचलीच नव्हती.
खूपच सुंदर आहे हे काव्य. :)
नयनी.. अभिनंदन इतक्या सुंदर रचनेबद्दल. :)
- (सर्वव्यापी)प्राजु
https://praaju.blogspot.com/

राधिका बुधवार, 02/03/2011 12:20

काय गं नयनी!... किती वर्षं या एकाच शिवस्तुती'वर महाशिवरात्र साजरी करायची! :)
नवीन लिहि काही तरी

ओम नमः शिवाय |

शशिकांत ओक बुधवार, 02/03/2011 12:55

मृगनयनीजी,
आजच नाडीग्रंथांवरील प्रतिक्रियांच्या संदर्भात आपले नाव आठवले आणि पहातो तो महाशिवरात्रीला आपण काव्यरचना घेऊन अवतरित! असो.

ज्यांच्या प्रेरणेचा अदभूत चमत्कार - नाडीग्रंथ अशा शिवशक्तीला
शिव भक्ती लागी तनु ही झिजू दे| शिव चरणकमली मन हे निजू दे ।
शिव स्मरणी ठेवी ही वाचा रिझाया | नमस्कार माझा तुला शिवराया ||
|| ओम नम: शिवाय ||

टारझन बुधवार, 02/03/2011 16:45

आहो णाडीचार्य , त्या ३ वर्षांपुर्वीच अवतारल्या होत्या ... णाडीवर णिट लिहील्या नाहीये का ? Mon, 04/08/2008 हे पहावं :)

- शिस्पेंसिल टोक

अमोल केळकर बुधवार, 02/03/2011 16:53

----------------------------

शास्त्राभ्यास नको श्रुती पढुं नको

तीर्थासि जाऊ नको !

योगाभ्यास नको व्रते मख नको

तीव्र तपें तीं नको !

काळाचें भय मानसीं धरु नको

दुष्टांस शंकूं नको !

ज्याचीया स्मरणें पतीत तरती

तो शंभु सोडूं नको !!!
------------------------
अमोल

राधिका सोमवार, 22/08/2011 11:50

॥ओम नमः शिवाय॥

मी दर श्रावणी सोमवारी तुझी ही कविता वाचते. ;)

तूर्तास, तू काहीतरी नवे लिहावेस्, अशी अपेक्षा. :)