मिसळपाव
विमान असते धावत जेव्हां, वाटे जीवनी सर्व मिळावे
उंची गाठतो, कळते तेव्हां, वाटे जीवनी गुपित कळावे
विमान असते धावत जेव्हां, हद्द होते सरहद्दींची
उंची गाठतो, कळते तेव्हां, हद्द एक गोल पृथ्वीची
विमान असते धावत जेव्हां, वैभव मागे सरकत असते
उंची गाठतो, कळते तेव्हां, वैभव डोंगर द-यात असते
विमान असते धावत जेव्हां, आपुले जग आपुले असते
उंची गाठतो, कळते तेव्हां, आपुले जग आपुले नसते
विमान असते धावत जेव्हां, काळ मागे मागे जातो
उंची गाठतो, कळते तेव्हां, काळ मागे मागे येतो
विमान असते धावत जेव्हां, मोल असते वेगाचे
उंची गाठतो, कळते तेव्हां, मोल खरे नियंत्रणाचे
विमान असते धावत जेव्हां, वाटे हवी हवाई सुंदरी
उंची गाठतो, कळते तेव्हां, वाटे बरा वैमानिकही
काव्यरस
वाचने
2076
प्रतिक्रिया
6
प्रतिक्रिया
छान आहे कवितेतील तत्त्वज्ञान.
छान आहे कवितेतील तत्त्वज्ञान.
हे बहुदा उलट हवं !
खुलासा
In reply to हे बहुदा उलट हवं ! by संजय क्षीरसागर
सुंदर
धन्यवाद