शतशब्दकथा स्पर्धा २०१७: आवाहन.

मी पाठवलेली कथा प्रकशित झालीच नाही. कदाचित रद्दबातल ठरवली असेल. हरकत नाही. पुढच्या वेळी परत प्रयत्न करू.
पण साहित्य संपादक ह्या स्पर्धेच्या बाबतीत काही खुलासा करत नाहीयेत. ह्या धाग्यावर माहिती नाही, व्य.नि.ला उत्तर नाही, शशक स्पर्धेचा वेगळा धागा येणार होता तो आलेला नाही आणि मतदानासाठीचा धागाही आलेला नाही. नक्की काय झालंय कळू शकेल का?

आयोजकांना या स्पर्धेचा विसर पडलाय असं दिसतंय !!

निकाल 28 तारखेला लागणार असं या धाग्यावर सांगितलं गेलं होतं. काही प्रॉब्लेम असला तर जरूर सांगा. परंतु काहीच न समजल्याने अनेकजण गोंधळलेल्या मनस्थितीत आहेत. तरी संपादक मंडळाने याची नोंद घ्यावी ही विनंती

मतदानाबाबत कृपया खुलासा करावा.

नमस्कार,

साहित्य संपादकांच्या वतीने, शतशब्दकथा स्पर्धा आयोजकांच्या वतीने मी तुम्हा सर्वांना हे कळवतो की काही तांत्रिक अडचणींमुळे शतशब्दकथेच्या मतदानाची व निकालाची प्रक्रिया लांबणीवर पडली आहे. सदर अडचण लवकरात लवकर सोडवण्याचा प्रयत्न चालू आहे आणि लवकरच त्यावर तोडगा निघून, मतदान व निकालाकडे या स्पर्धेची वाटचाल होईल.

तरी आपण सर्वांनी निश्चिंत रहावं, व आयोजकांच्या अडचणीला समजून घ्यावं अशी नम्र विनंती.

स्पर्धेच्या प्रक्रियेला आणि हे कळवायलाही झालेल्या उशीराबद्दल क्षमस्व.

उशीर होण्या बद्दल काहीच म्हणणं नाही. फक्त साहित्य संपादक यांच्याकडून काही उत्तर येत नव्हत म्हणून मनात थोडा गोंधळ उडाला होता इतकंच.

काहीच घाई नाही.

वाढत्या विलंबामुळे स्पर्धेतली मजा / रंगत कमी होण्याचा संभव आहे. आता लवकरात लवकर मतदान , निकाल अपेक्षित आहे.

विषयाचा विसर पडायच्या आत मतदान सुरु करावेत ही विनंती

खरंच आहे. आणखी किती वेळ लागेल? काही कल्पना मिळेल का?

सध्या मिपावर अनेक उपक्रम चालू आहेत (मराठी भाषा दिन, महिला दिन ई) त्या गडबडीत ही स्पर्धा विसरली गेली आहे की काय ?

निकालाला एवढा उशीर का होतोय कळत नाहीये. आता तर महिला दिनपण संपला, मतदान धागा काढायला अडचण नसावी.

एकूणच विलंबामुळे मतदान आणि औपचारिक निकाल यातली रंगत निघून जात आहे.
आता निदान आम्हा वाचकांना आवडलेल्या कथा कुणाच्या होत्या हे कळायला हवं. मला वाटतंय आता मतदान आणि निकाल प्रक्रियेची वाट पाहून सगळेच कंटाळलेत त्यापेक्षा ज्या त्या लेखकांनी आपापल्या कथेवर (आणि हवे असल्यास या धाग्यावरही ) आपली ओळख जाहीर करावी.

कृपया धीर धरावा अशी विनंती. साहित्यसंपादक नक्कीच मतदानाबद्दल काही उपाययोजना करतील. यात काही तांत्रिक अडचणी असतील.

निदान तारीख पे तारीख तरी द्यावी ही विनंती...

अगोदरच पूर्ण वर्षाचं प्लॅंनिंग करणं फार पटत नाही. त्यातून मिपा मध्ये असणारी सहजता निघून जाईल. त्याशिवाय साहित्य संपादक हा आयडी जरी एक असला तरी तो अनेकांकडून operate होत असावा. म्हणजे अनेकांच्या मनातल्या नवनवीन योजना इथे थोड्या चर्चेनंतर आणि convince झाल्या नंतर राबवण्यात येत असाव्यात.

हे खरं आहे की यावर्षी थोडा over डोस झाला. पण त्यातही मजा आहेच की. त्याशिवाय प्रत्येकजण प्रत्येक योजनेत भाग घेत नसतो. आपापल्या आवडीप्रमाणेच वाचन आणि लिखाण होते. त्यामुळे नवनवीन कल्पनांचे कायम स्वागतच असेल.

आता शशक संदर्भात.... काही नवीन मतदान पद्धत संपादक मंडळाच्या मनात असावी असं वाटत. आमच्या सारख्या जरा जास्तच उत्साही आयडींसाठी तरी त्यांनी काहीतरी उत्तर द्यावं ही विनंती.

आयोजकांनी निदान नियमितपणे नवीन घोषणा तरी करत रहावं ही विनंती !!