शतशब्दकथा स्पर्धा २०१७: ऑक्टोबर- मार्च

३० मार्च २०१७: हॉस्पिटलच्या स्पेशल वॉर्डमध्ये विशेष लगबग होती. अ‍ॅन्टी करप्शनच्या मोहिते साहेबांना घरी सोडण्यात येणार होतं. ऑक्टोबर महिन्यात जीवघेण्या अपघातानंतर ते कोमात होते ते काल शुद्धीवर आले. त्यांची अर्धशिक्षित बायको, आई आणि अ॑ठरा वर्षांचा मुलगा किशोर आनंदात होते. साहेबांच्या अपघातानंतर किशोरने मोठं होत घर सांभाळल होतं. काउंटरवर जाण्यापुर्वी रुममध्येच किशोर खिशातून पैसे काढून मोजू लागला. "हे काय आहे ? या कोणत्या नोटा आल्या बाजारात ?" साहेबांनी विचारलं. किशोरने त्यांना मोदींनी केलेले निश्चलनीकरण, काळ्यापैशाविरुद्ध लढाई वगैरे सगळं भरभरुन सांगितलं. किशोरला माहित नसलेले , घरात लपवलेले आठ कोटी रुपये साहेबांच्या डोळ्यासमोर चमकले आणि साहेब कोसळले. ऑक्टोबरमध्ये हुकलेले यश मृत्यूने मार्चमध्ये मिळवले.