नवीन थीमबाबत चर्चा

embed video टाकता येऊ नये अशी सोय करता येईल का? मोबाईलवर लेख लवकर लोड होत नाही आणि scroll ही बरंच करावं लागतं.

अपग्रेडेशनमुळे जुन्या व्हर्जनवर जाता येणार नाही, हे इथे येर्‍यागबाळ्यालाही कळलं आहे. नव्या व्हर्जनवर जुनं रुपडं आणताही येईल हेही मला माहिती आहे. मिपाला नव्या बदलावर जायचंय आहे. काळ मोबाईलचा आहे, तेव्हा व्यवस्थापन मिपा मोबाईल सदस्यांसाठी तशी सोय करु पाहात आहे. पण सध्याची थीम अजिबात युजरफ्रेंडली नाही, थीम बदलणे आणि त्यावर काम करणे आवश्यक आहे. मीपा मालकांना सध्या काम येऊन पडले आहे त्यामुले जरा रंगकाम, यंत्रकाम लांबणीवर पडलं आहे, हेही आम्हाला माहिती आहे. आम्हाला उगाच बळजबरी कशालाही चांगलं म्हणायची सवय नाही. नै लागत जीव, तर नैच लागत म्हणतो. बाकी, नीलकांतसाठी हे सर्व सहन करतो. मिपावर आम्ही एवढी नावडती माणसं सहन केली थीम क्या चीज है. आवश्यक कामं अशी - १) वरची काळी बॉर्डर [चौकट रंग] बदलणे आवश्यक. २) प्रतिसादातील हीडरवर काम करणे आवश्यक. ३) प्रतिसादातील बॉक्स बॅकग्राउंड कलर बदलणे आवश्यक. ४) मोबाईल व्ह्यू अजूनही व्यवस्थित झालेला नाही. ५) डेस्क्टॉप व्हर्जन आणि मोबाईल व्हर्जन यावर काही उदाहरणे पाहून तसे बदल आवश्यक आहेत. ६) मोबाईल व्ह्य मधे मेनूला क्लीक केलं की स्वगृह वैगरे उघडतं. तिथे एक एक गुणीलेचं चिन्ह असलं पाहिजे. म्हणजे विंडो जाग्यावर येईल. ( मोबाईलवरुन लोकसत्ता पाहा) ७) मोबाईल व्ह्य वरुन साइट कशी चालली पाहिजे. सॅम मोबाईल साइट पाहा. ८) फाँटवरही काम आवश्य्क आहे. अजून बर्‍याच गोष्टी सांगतो. मदतनीस म्हणून काम करायची तयारी आहे. वार आणि वेळ कळवावा. कामधामं सोडून हजर होईन. हाय काय अन नाय काय. मिपाची रंगसंगती मिपाची जान आहे. एवढं विसरु नका भो. सध्या जड अंत:करणाने मिपावर वावरतोय. सदस्य म्हणून आमच्या भावना समजून घ्या भो. -दिलीप बिरुटे (जुनं काहीच सोडायची तयारी नसलेला)

प्रतिसादात रचना बदलली आहे. सवय नसल्याने पटकन प्रतिसादकर्त्याचे नाव लगेच लक्षात येत नाहीये. वेळ - लेखक असं करण्यापेक्षा लेखक - वेळ असं करता येईल का? हे उर्दु सारखं उलटं वाचल्याप्रमाणे वाटतंय. वेळेत इतका इंटरेस्ट नाहीये. प्रतिसाद कुणी दिलाय ह्यात आहे..!

१. लोगो आणा मालक परत.. २. माझा सहभाग (लेख व प्रतिसाद)वाला टॅब परत आणावा.. काही अत्यंत आवडलेल्या धाग्यांना पुन्हा भेट द्यायची आहे. ३. वाचनखुण साठवण्याची सोय पुनश्च द्यावी. ४. 'सुविचार' काढता येतील का? उगाच शाळेत गेल्यासारखं वाटतंय.. बाकी सांगतो झोकं-झोकं..

वाचनखुणा सापडत नाहित

User friendly नाही. आमच्यासारख्या वाचक वेड्यांना फारच अवघड जाते हो...

जुनी थीम उत्तम होती. ही थीम अजिबात आवडलेली नाही.

काहीतरी हुकलंय. मी माझ्या सदस्यनामावर टिचकी मारून आतील 'ट्रॅक' या टॅबवर टिचकी मारली की कोणतेतरी २०१४ चे जुने धागेच दिसताहेत आणि त्यावर शेवटचे अद्यतन याखाली १४ तासांपूर्वीची वेळ दिसतेय.

थीम मधील बदल नक्कीच स्वागतार्ह!

एखाद्या लेखकाचे सर्व लेखन शोधण्याचा पर्याय मिपावर नाही असे वाटते. मग माझे लेखन याची लिंक देता यायची. ज्यात सभासद क्र. असायचा. मला वाटते आता तोही पर्याय नाही. का माझे काही चुकत आहे ? मी पूर्वी ही लिंक दिली की सर्व लेखनांची लिंक समोरच्याला मिळायची. आता काय करावे लागेल ? कोणी सुचवेल का ?

मोबाईलवर लेखाच्या नावातले फक्त चार-पाच शब्द दिसतात. उरलेले शीर्षक दिसत नाही. लेखकाचे नावही दिसत नाही.

खेदपूर्वक म्हणावं लागतंय कि नवीन थीम चांगली नाही. १. मोबाईल वर स्क्रोल करून करून बोट दुखायला लागली. ठराविक चौकानातच सगळी मांडणी दिसतीये आधी असे नव्हते. २. मुखपृष्ठावर कलादालन विभागातील नवे लेख दिसायला हवेत पण प्रतिसाद संख्येनुसार दिसत आहेत बहुतेक. ३. मुखपृष्ठावरची बरीच जागा वाया गेली आहे असे वाटत राहते, शिफारस जास्तच मोठी वाटते खासकरून मोबाईलवरती! ४. काकू करणे महाकठीण झालाय मोबाईल वरून. "पानाच्या शेवटी" जाण्याचे सुद्धा एखादे बटण केले पाहिजे! ५. काळा, राखाडी आणि पांढरा हि रंगसंगती उगाच ऑफिस चा फील देतेय (हा माझा वैयक्तिक अनुभव असू शकतो!) ६. सुविचार उगीच जागा खातोय असे वाटतंय! ;)

आज लॅागिन असताना/नसताना , ब्राउजर सेटिंग्ज बदलून वेगवेगळ्या पद्धतीने अनुक्रमणिका दिसते आहे. लेखकाचे नाव, प्रतिसादांची संख्या नवे/जुने ,लेख प्रथम लिहिल्याची तारीख असे बघायची पुर्वीची सवय होती आता काहीही बोध होत नाही एका दृष्यात.

एकदम साधी, सरळ, सोप्पी, आणि सूट-सुटीत थीम आहे... खरे तर हा मिपा मध्ये एक आमूलाग्र बदल आहे, आणि तो नेहमीच आवश्यक असतो... आत्ताच्या थीम कडे पहिले कि खूपच समाधान वाटतेय..रंगाचे मिश्रण अति-उत्तम.. सर्व डेव्हलपर्स चे मनापासून कौतुक !!!

थीम बदलल्यानंतर संकेतस्थळाला रोज किती लोक भेटी देत आहेत, ती संख्या पाहून ठरवा.

"काथ्याकूट" मुख्य पानावर दिसत नाहीए. आत्ता बुलेट ट्रेन विषयावर एक पोस्ट टाकली. मेंन पेज वर ती आलीच नाही. असे अजून काय काय दिसत नाही , माहित नाही ..

http://www.misalpav.com/comment/784262 नक्की कुठे गेले कि हा धागा दिसेल ? आत्ता तो बेपत्ता आहे !! पण माझी पोस्ट तर आत्ताची आहे. हा धागा वर का येत नाहीए मग ?

मिपाचे नवीन रूप आवडले. पुढील वाटचालीसाठी मिपास शुभेच्छा !

जर एकापेक्षा जास्त पाने असतील तर पहील्या पानाच्या पुढील पानावरच्या नवीन प्रतिसादांना "नवीन" असे शिर्षक येत नाही .

प्रकाशित करताना काहीतरी लोचा होत होता. फक्त ब्लँक पाण दिसत होते

वरच्या मेनु मधे मिपा विशेषांक वर टिचकी मारली असता "वारंवार विचारले जाणारे प्रश्न." हे पान उघडत आहे. असच होण अपेक्शित आहे का?

मोबाईलवरुन अजूनही फार युजर फ्रेंडली थीम नाही. मोबाईलवरुन मला तरी मिपावर यावं असं अजिबात वाटत नाही. डेस्क्टॉपवरुन मिपावर येत असतो. धन्यवाद आणि शुभेच्छा. चालु द्या....! -दिलीप बिरुटे

थीमच काहीतरी करा राव! काही बरे वाटेना... स्वगृह तर अस्ताव्यस्त झाल्या सारखं वाटतंय आणि मोबाईल वरून महाकठीण झालंय!