(डोलकरांचे मनोगत)
शतदा भरला एक प्याला शेवटचा
मी तृप्त पाहुनी खंबा हा टिचर्सचा
रिचवले हजारो पेग मी उदरात
सदैव राहो, दरवळ हा गोल्ड फ्लेकचा
चखण्याची देउन आहुती पोटाला
मी किंचित पिळले अलगद त्या लिंबाला
नसता जेवण व्यर्थ मानले असते
मज आहे कारण आज घरी जाण्याला
धडपडत लटपटत रिक्षात पाय ठेवियले
कुठे जायचे ते अडखळत सांगितले
जरी घरी आल्यावर पडली उपेक्षा पदरी
निळकंठा सम ते अमृत मानूनी प्राशीयले !!
हे विजय मल्या थोर तुझे उपकार
तू दिली आम्हाला रम व्हिस्की बीयर
गायबला जरी तू बँकांना देउन तुरी
सदैव राहिल तुझी आठवण यार
मोह नसे अन्य कुठलाही देहाला
सिंहाचा वाटा जरी असे पार्टीला,
डोळे फिरले पाय जरी लटपटले,
मी नाही घालले लोटांगण धरणीला !!
- थोडा दानव
प्रतिक्रिया
12 Jan 2017 - 12:10 pm | संजय क्षीरसागर
टायटलपासून कविनामापर्यंत सगळंच भारी !
आता मोह नित्यनवे या देहाला,
बाला बाराची यावी मम सेवेला,
हे हृदय हर्षिले, शीश उचलले,
वंदन करण्या त्या टंच गोरीला !!
12 Jan 2017 - 12:19 pm | ज्ञानोबाचे पैजार
क्या बात है सर... जिओ....
बाराची बाला खरोखर सेवेला आली तर मात्र पंचाईत होईल.
बार बालांबद्दल वाचताना "शीश" ऐवजी चुकून भलतेच काहितरी वाचले गेले आणि दांडी उडाली
पैजारबुवा,
12 Jan 2017 - 12:29 pm | टवाळ कार्टा
=))
क्विता जब्राट
12 Jan 2017 - 3:16 pm | कवि मानव
:)))
12 Jan 2017 - 12:25 pm | हतोळकरांचा प्रसाद
पैजारबुवा, जबरदस्त हो! खरा काजू काय, चलदूर अंघोळकर काय, थोडा दानव काय, एकसे बढकर एक, तोड नाही!
12 Jan 2017 - 1:51 pm | आदूबाळ
थोडा दानव :))
12 Jan 2017 - 2:59 pm | एस
आशीर्वाद असू द्या माऊली! _/\_
12 Jan 2017 - 3:00 pm | नीलमोहर
प्रेरणा कवितेतील विचार काय, तुम्ही लिहिता काय,
यामुळेच आपला देश आज जिथे आहे तिथे(च) आहे. लोक घ्यायचं ते घेत नाहीत, नाही ते घेतात.
काय मेलं त्या बाटल्यांत जीव अडकतो काय माहीत.
12 Jan 2017 - 3:17 pm | कवि मानव
अचूक बोललात _/\_
12 Jan 2017 - 3:07 pm | नीलमोहर
सिरिअसली मी डोलकर, दर्याचा राजा वाल्या डोलकराचे मनोगत वाचायला आले होते :(
12 Jan 2017 - 3:54 pm | सूड
डोलकर म्हटल्यावर दर्याचा राजा आठवणं, हे पुणेकर नसल्याचं लक्षण आहे.
13 Jan 2017 - 2:49 pm | नीलमोहर
एकवेळ अज्ञानी असल्याचं लक्षण आहे म्हणा, पुणं किंवा पुणेकर काही नाही त्यात,
डोलकर हे स्थळ सापेक्ष असतात :)
12 Jan 2017 - 3:16 pm | कवि मानव
:))))))))))))))))))))))))))))))))))
अल्टिमेट विडंबन....
सावरकर सुद्धा हसत असतील वरून :)))))
12 Jan 2017 - 4:40 pm | पैसा
काय हे!
12 Jan 2017 - 5:35 pm | प्रचेतस
पैजारबुवा रॉक्स....!!!
12 Jan 2017 - 5:46 pm | देशप्रेमी
अगागागा..... अलौकिक आहे हो तुमची प्रतिभा .......
विडंबन सम्राटाला आमचा सलाम !!
12 Jan 2017 - 10:12 pm | शार्दुल_हातोळकर
अप्रतिम !! पैजारबुवांचा अजुन एक जबरदस्त षटकार !!
13 Jan 2017 - 12:18 am | रातराणी
हा हा! हे कसं काय राहून गेलं वाचायचं! तुफान जमलंय :)
13 Jan 2017 - 10:16 am | अनन्त्_यात्री
मूळ "कविता" ट ला ट अन री ला री करून "जुळवलेली" , अन त्यावर "इड॑बन" . कमाल आहे सहनशक्तीची
13 Jan 2017 - 10:28 am | खेडूत
धडपडत लटपटत रिक्षात पाय ठेवियले
रिक्षात? एकट्यानंच का जायचं पण?
असो, कविता जब्बरदस्त- नेहेमीप्रमाणेच.
(हे नेहेमी का म्हणायचे? बाकरवडीपेक्षा सातत्य आहे आपल्या काव्याच्या चविष्टपणात)
18 Jan 2017 - 11:19 am | प्रसाद_कुलकर्णी
डोळे फिरले पाय जरी लटपटले,
मी नाही घालले लोटांगण धरणीला !!