Skip to main content

मी आज केलेला व्यायाम - जानेवारी २०१७

लेखक गवि यांनी सोमवार, 02/01/2017 13:03 या दिवशी प्रकाशित केले.
. नमस्कार मंडळी. "मी आज केलेला व्यायाम" या धाग्यांना उदंड प्रतिसाद मिळत आहे आणि अनेकांनी यातून प्रेरणा घेऊन व्यायाम सुरू केला आहे. व्यायाम सुरू केलेल्या आणि व्यायामात सातत्य ठेवलेल्या सर्वांचे अभिनंदन. आपण सर्वांनी केलेला व्यायाम पुढीलप्रमाणे - नोव्हेंबर २०१६ - सायकलिंग - ८०१० किमी आणि रनिंग / वॉकिंग - २४८ किमी. डिसेंबर २०१६ - सायकलिंग - ९६१३ किमी आणि रनिंग / वॉकिंग - २९१ किमी. ************************************************** मी आज केलेला व्यायाम - डिसेंबर २०१६ या धाग्यावर अनेकांनी घामटा काढला, धापा टाकल्या आणि एकमेकांचा हुरुप वाढवत एक नवीन "मिशन" लाँच केलं. अगदी आमच्यासारखे लठ्ठंभारतीदेखील पोट सावरत धावायला नाही तरी किमान चालायला तरी लागले. "सिम्पली वॉकिंग" या साध्यासरळ अ‍ॅपमुळे कोणत्याही सोशल मीडियाशिवाय आणि संपूर्ण डेटा आपल्याच डिव्हाईसवर ठेवून शेअरिंगचा कंट्रोल आपल्या हातात ठेवणं सोपं झालं. बाकी मॅप, स्टॅटिस्टिक्स वगैरे सगळं यात उत्तमपैकी आहे. तर पहिला धागा भरुन वाहू लागल्याने जानेवारी २०१७ साठी नवा भाग काढतो आहे. यावेळी सर्वांना सहज जमणारा आणि तुलनेत सुरक्षित असा "चालणे" हा जो व्यायाम आहे त्यावर भर द्यावा आणि अगदी बिगिनरपासून रेग्युलर फिटनेस फ्रीकांना "चालणारा" चालणं हा व्यायाम अधिकाधिक लोकांनी सुरु करावा आणि त्याबाबत चर्चा करावी अशी विनंती. मी स्वतः शून्य किलोमीटर चालत चालत बरीच वर्षं काढली. आता दीड महिना झाला, सातत्य बर्यापैकी आहे. भराभर चाललं की भरपूर दमतो पण तसंच न थांबता चाललं की एक प्रकारची सुखद "हाय" नशासदृश जाणीव होते. असा अनुभव आणखी कोणाला आहे का? लठ्ठ व्यक्ती वेगाने चालली असता गुडघे भरपूर दणकतात. यावर काय करावं? शिवाय मांड्या एकमेकांवर घासून वेदनादायक स्किन इरिटेशन होतं, ऑफिसच्या मधल्या वेळात चालणं साधता येतं पण इतका घाम येतो की फॉर्मल कपडे भिजून जातात आणि जवळजवळ ओल्या अंगाने एसीत परत यावं लागतं. कोणाला अशाच इतर अडचणी येतात का? चला ...लिटरली चला... चाला..... कीप वॉकिंग... चियर्स... A
लेखनविषय:
लेखनप्रकार
वाचने 46114
प्रतिक्रिया 135

प्रतिक्रिया

नावातकायआहे बुधवार, 11/01/2017 11:56
९८.९ कि मी चालणे झाले सरासरी रोज ३.१९ एक दिवस हि खाडा नाही हि जमेची बाजु..

एस बुधवार, 11/01/2017 22:29
या महिन्यात काही अपरिहार्य कारणास्तव व्यायाम पूर्ण बंद झाला. पण आता सुरू करणार आहे. गुडघ्याची शस्त्रक्रिया झालेली असल्याने पळणे किंवा जिने चढणे इ. प्रकारांवर मर्यादा आली आहे. पण तरीही अधूनमधून डोंगरयात्रा सुरू असतात. आता सायकलिंग पुनःश्च सुरू करेन.

बाळ सप्रे गुरुवार, 12/01/2017 10:34
गुडघ्याची शस्त्रक्रिया झालेली असल्याने पळणे किंवा जिने चढणे इ. प्रकारांवर मर्यादा आली आहे
फिजिओथेरपी/ रीहॅब सातत्याने चालू ठेवा.. अजिबात दुर्लक्ष करू नका.. शस्त्रक्रीयेनंतरही पुन्हा धावता येतं ..

गवि गुरुवार, 12/01/2017 13:53
तीन किमी एका फेरीत चाललो. माझ्यासाठी अचिव्हमेंटच. आता ध्येय चार किमी. मग पाच. सातत्य जास्त महत्वाचं. वजन पुढे फार नाही उतरलं तरी सलग "चालता येतंय", " दम कमी लागतोय", "पूर्ण श्वास येतोय" हेच आनंदाचं वाटतंय.

गवि गुरुवार, 12/01/2017 15:28
तुम्हाला आमच्याकडून प्रेरणा मिळणं म्हणजे नळाच्या आशीर्वादाने पाऊस पडण्यापैकी आहे.

डॉ श्रीहास गुरुवार, 12/01/2017 17:29
गतवर्षी.... ५९४७ किमी सायकलींग,पळणं आणि चालणं असं झालंय; ह्या वर्षाची सुरवातच पायाच्या दुखावण्यानी झाली आहे पण बरं वाटलं (त्याहून महत्वाचं आळस झटकला की ) जोमात सायकलींग सुरू करणार आहे !

बाळ सप्रे गुरुवार, 12/01/2017 18:30
बापरे !!! एवढ अंतर माझं ३-४ वर्षात मिळून झालं असेल.. दंडवत _/\_

डॉ श्रीहास गुरुवार, 12/01/2017 22:12
जमतय तेवढं केलं.... ह्या व्यायामाच्या धाग्याचा फार चांगला परिणाम दिसून येतो आहे !! तुम्ही मॅरेथाॅनर आहात ... पळणाऱ्या लोकांबद्दल फाऽऽऽर आदर आहे मला म्हणून तुम्हाला _/\_..... Keep going....Keep inspiring!!

अप्पा जोगळेकर शुक्रवार, 13/01/2017 10:54
सप्रे साहेब फक्त मॅरेथॉनर नाहीत. ते बीआरेम ला सायकल वगैरे पण चालवत असतात. त्यांच्या प्रतिसादात तसे लिहिले होते २-३ वेळा. आणि बहुधा एन्ड्युरो पण केली आहे.

अनरँडम गुरुवार, 12/01/2017 19:13
मी जवळ जवळ ७-८ महिन्यांपासून रोज किमान ३ ते ४ मैल (ट्रेडमिलवर) पळतो. या काळात माझे वजन वीसेक पाउंड्स कमी झाले आणि पोटाचा घेर लक्षणीय कमी झाला (पण पूर्णपणे सपाट झाले नाही). नोवेम्बर-डिसेंबर काळात पळणे एकदमच थांबले. मागच्या दोन आठवड्यांपासून पुन्हा सुरू झाले. एकदा सवय झाल्यानंतर पळणे हे एक उत्तम तणावमुक्तिचे औषध आहे. सुरूवातीला (सवय नसल्यास) पळणे २-३ मिनिटांपेक्षा अधिक करवत नसे. पण रोज थोडीफार प्रगती होते. मागच्या खेपेला एकदा मी सलग ८ मैल पळू शकलो होतो. मी कुठलेही अ‍ॅप वापरत नाही. काल २३ पुश-अप्स आणि साडेतीन मैल पळणे.

अनरँडम शुक्रवार, 13/01/2017 22:49
कालचे पळणे : साडेतीन मैल पुशअप्स : २४ माझ्या फोननुसार पळणे सोडून इतरत्र चालणेणे: ६१११ पावले

जावई शनिवार, 14/01/2017 16:03
कृपया समस्त जाणकार मिपाकरांनी मार्गदर्शन करावे .. मला माझा धावण्याचा (100m,1600m)स्टॕमिना वाढविण्यासाठी पूरक व्यायाम सुचवा...आणि आहार पण सुचवा.

प्रशांत शनिवार, 14/01/2017 22:50
आज 41 किमी सायकल चालवली

वेल्लाभट रविवार, 15/01/2017 14:45
गेले दोन दिवस ३ किमी ३ किमी धावलो. त्यात अर्धा किमी स्प्रिंट अंतर्भूत होती.

तेजस आठवले रविवार, 15/01/2017 20:00
पायऱ्या चढणे हा कितपत चांगला व्यायाम आहे ? विशेष करून हृदयाची कार्यक्षमता वाढवण्यासाठी वगैरे ? घर सहावा मजला आणि कार्यालय दहाव्या मजल्यावर आहे. पूर्वी सोळा मजले चढत असे.(वेगवेगळ्या वेळी, एकत्र नाही). हा चांगल्या प्रतीचा व्यायाम म्हणावा का ?

बाळ सप्रे सोमवार, 16/01/2017 12:28
हि पोस्ट दिसत नाहिये पण http://www.timingindia.com/result.html इथे तुम्ही ४:१० वेळेत मॅरॅथॉन पूर्ण केल्याच दिसतय !! जबरदस्त कामगिरीबद्दल अभिनंदन !!

बाळ सप्रे सोमवार, 16/01/2017 12:31
मुंबई मॅरॅथॉनसाठी जोरदार तयारी करुनही यावर्षी मनासारखी वेळ आली नाही.. ४:२९ गेल्यावर्षीपेक्षा ६ मिनिटं जास्ती लागली. पण कुठलाही त्रास न होता संपवल्याबद्दल समाधान मानतोय!!

शलभ सोमवार, 16/01/2017 14:04
बाळ सप्रे आणि आनिल मोरे..अभिनंदन..खूप मस्त वेळ आहे तुम्हा दोघांचा..४.१०, ४.२९..रियली हॅट्स ऑफ.. माझी पहिलीच पुर्ण मॅरेथॉन..५.४१ वेळ आहे..मी ४.३० तासाखाली पुढच्या वर्षीसाठी टार्गेट ठेवतो आता.. तुम्ही दोघांनी आता लेख लिहा पुर्ण मॅरेथॉन च्या तयारीसाठी..

हकु मंगळवार, 17/01/2017 00:31
अनिल मोरे, बाळ सप्रे आणि शलभ, तुम्हा तिघांचंही हार्दिक अभिनंदन! हाफ मॅरेथॉन धावल्यावर फुल मॅरेथॉन धावायला काय कष्टं करावे लागत असतील याचा पुरेपूर अंदाज आला. प्रचंड प्रचंड विल पॉवर लागत असणार, नक्कीच!

सूड सोमवार, 16/01/2017 14:34
गेल्या आठवड्यापासून माझं काहीतरी गंडतंय ब्रेस्ट स्ट्रोक करताना, मध्यापर्यंत व्यवस्थित जातोय. शेवटपर्यंत जाऊ की नाही ही भीती म्हणा की आणखी काही, नंतर किक नीट होत नाही. कोणाला असा अनुभव आलाय? असल्यास काय केलं परत रुळावर यायला?

बाळ सप्रे सोमवार, 16/01/2017 14:39
३-४ लॅप्स फक्त किकची प्रक्टिस करा.. बोर्ड घेउन. .. तसे केल्याने मसल मेमरी बिल्ड होते.. सगळं ताळ्यावर येतं !!

हकु मंगळवार, 17/01/2017 00:26
कालची माझी पहिलीच हाफ मॅरेथॉन. २तास १४ मिनिटे लागली.

माझीही शॅम्पेन गुरुवार, 19/01/2017 15:31
सर्व मॅरेथॉन पटु नच मनःपूर्वक अभिनंदन __/\__ सलग २१ / ४२ किमी पळणे म्हणजे काय हे फक्त पळलेले लोकच सांगू शकतात , हा असा प्रकार आहे जो तुम्ही सुरु करू शकता पण माघार घेऊ शकत नाही मी घोट्याची दुखापत घेऊन हाफ मॅरेथॉन यशस्वी पूर्ण केली आणि आता पूर्ण बरा आहे , ह्या वर्षी राहिलेली कसर भरून काढण्यात येईल , सातत्याने पळत असताना जो शरीर बरोबर सवांद साधला जातो तो खरंच अप्रतिम असतो जसा सायकल वाल्यांचा व्हाट्सअँप ग्रुप आहे तसा लॉन्गरनर्स चा करूया का ( भ्रमण ध्वनी व्यनि करावा)

अप्पा जोगळेकर मंगळवार, 24/01/2017 12:34
साहेब, मला अअ‍ॅडवाल का या ग्रुप मधे. नंबर व्यनि करतो. या रविवारी हाफ मॅरेथॉन धावणार आहे. पाहू काय होत ते. पहिलीच हाफ मॅरेथॉन आहे.

शुचि मंगळवार, 17/01/2017 04:48
आज ४६ मिनिटांचा व्हिडीओ सुरु केला पण १८ मिनिटात घामाघुम झाल्याने आणि मुख्य धाप लागल्याने, थांबले. गेले काही दिवस १२ सूर्यम्नमस्कार घातले. डॉक्टर म्हणाले वजन कमी होण्याकरता कार्डिओ व्यायाम हवा. खालील व्यायामपटुचे व्हिडीओ जे की पहात एकाच जागी चालता येते, अए डॉक्टरांनी सुचविले. पाहू यात. . या वर्षी तरी फिट होण्याचे सिरीअस ध्येय ठेवले आहे. https://www.youtube.com/user/walkathomemedia .

पिरतम बुधवार, 18/01/2017 13:23
सारखे धावल्यानंतर उत्साहित वाटणे, थकवा येण्याऐवजी जास्त पाळावे असे वाटणे याला runners high असे म्हणतात....विकी वर आणखी माहिती आहे https://en.m.wikipedia.org/wiki/Neurobiological_effects_of_physical_exe…

अप्पा जोगळेकर मंगळवार, 24/01/2017 12:37
हॅ. रनर्स हाय हा एक वेगळाच प्रकार आहे. सुखद वाटणे म्हणजे रनर्स हाय नव्हे. बहुधा लॅक्टिक अ‍ॅसिडच पुन्हा लॅक्टोज बनते आणि अगणित काळ धावत राहता येईल असे वाटते त्याला रनर हाय म्हणतात. ते फक्त अल्ट्रा मॅरेथॉनलाच अनुभवता येते असे वाचले आहे.

अनरँडम बुधवार, 18/01/2017 23:30
रोज साधारण पावणे चार मैल पळालो. सातत्य हा पळणार्‍याचा सर्वात मोठा मित्र आहे असे माझे मत झाले आहे. गुडघे, मांड्या, पोटर्‍या प्रत्येक भागाने अनेकदा चालता न येण्या इतपत असहकार पुकारलेला असतांनाही मी सातत्याशी मैत्री बाळगल्याने आता फारसा त्रास होत नाही.

डॉ श्रीहास शुक्रवार, 20/01/2017 18:57
सोमवार ते शुक्रवार मिळून १६१ किमी सायकलींग झालयं .

प्रशांत सोमवार, 23/01/2017 13:03
मागच्या आठवड्यात एकुन २६४ किमि सायकलिंग झाली. त्यातली १ मोठी राईड भुलेश्वर ची १३५ किमि या राईड्ला मोदक आणि सागर सोबत होता.

मोदक सोमवार, 23/01/2017 13:16
येस्स.. भुलेश्वरला मजा आली. येताना हॉटेल कांचनला व्हेज बिर्याणी आणि दालतडका जिरा राईस चांगले मिळाले. माझे मागच्या आठवड्याचे एकूण सायकलिंग - ३८२ किमी.

अमर विश्वास मंगळवार, 24/01/2017 11:02
दोन महिन्यांच्या खंडानंतर आज परत व्यायामाला सुरवात केली प्रभात रोडच्या नालपार्क मध्ये ४ किमी धावलो. २६ मिनिटे लागली. त्यानंतर माफक स्ट्रेचिंग ...

वेल्लाभट मंगळवार, 24/01/2017 11:34
वॉर्म अप १५ जोर १५ + १५ बैठका (बॉडीवेट) १५ पुश अप्स १५ सिट अप्स १५ हॅमर कर्ल्स आणि ५-६ बुलवर्कर चे व्यायामप्रकार हे सगळं अजिबात न थांबता

मोदक बुधवार, 01/02/2017 14:24
मंडळी, जानेवारीमध्ये केलेला व्यायाम येथे नोंदला गेला नसल्यास जरूर नोंदवा. या महिन्याचा धागा काढत आहे.

प्रशांत बुधवार, 01/02/2017 22:52
या महिन्यात एकुन ५०५ किमि सायकल चालवली.