Skip to main content

Cashless

लेखक निओ१ यांनी शनिवार, 19/11/2016 01:32 या दिवशी प्रकाशित केले.
नोटबंदी जाहीर झाली व ९ ला सकाळी सगळीकडे आहाकार माजला की काय असे वातावरण निर्माण झाले होते. माझ्याकडे रोख रक्कम फक्त ३४० रु होती. तर.. घरी आम्ही चार लोक आहोत. १. महिण्याचा किराणा - कार्ड पेमेंट २. गाडीसाठी पेट्रोल - कार्ड पेमेंट ३. औषधे - कार्ड पेमेंट ४. नेट बील - कार्ड पेमेंट ५. फोन बील - कार्ड पेमेंट ६. लाईट बील - कार्ड पेमेंट ७. सिलेण्डर - कार्ड पेमेंट ८. टिव्ही रिचार्ज - कार्ड पेमेंट ९. ड्रिक्स - कार्ड पेमेंट * यातील कित्येक लोकांना कार्ड मशीन घेण्यास मी गेल्या दोन वर्षापासून सांगत होतो व सकारण, उदाहरण देऊन पटवून दिले होते. त्यांनी ती घेतली होती. आम्ही हॉटेल व इतर जागी जात नाही, पण तेथे पण आता सरास कार्ड पेमेंट घेतात. प्रश्न होता रोजच्या खर्चाचा, म्हणजे भाजी, फळे इत्यादी. नियमित असलेली २-३ दुकाने निवडली त्यांना माझे काम व माझे पैसे कसे रोख नसतात हे समजवले व त्यांना नेट बॅन्कीग शिकवले, त्यांच्या खात्यात त्यांच्यासमोर पैसे मोबाईलद्वारे (IMPS payment) कसे येतात व तुम्हाला लगेच कसे मिळतात हे शिकवले. अगदी पान टपरीवाल्याला देखील व त्यांनी ते मान्य देखील केले कारण नवीन पध्दतीने खात्यात पैसे जमा झाल्याचा मोबाईल मासेज लगेच येतो व त्यांना कळते की ह्या व्यक्तीने पैसे दिले. दुसर्‍याला पैसे कसे द्यावे हे शिकवले, आपले पैसे, आपला पासर्वड आपला OTP कसा जपावा व का हे समजवले. हे झाले आमचे रामायण! पण गल्लीमध्ये अनेक असे होते की त्यांना हे समजणे अवघड होते. १. गेली अनेक महिने मी एक रु. देखील जास्त न घेता सर्वांची लाईट बील्स ऑनलाईन भरत होतो. त्यांना त्याचा फायदा आता पण झाला या १० दिवसामध्ये व इतर काही गोष्टीमध्ये देखील. २. गॅस बुकिंग देखील करत होतो. पण आता रक्क्म जमा करताना अडचण येत होती, कारण माझा व्यवसाय, माझे उत्त्पन व मी भरत असलेली रक्क्म यात ताळमेळ करणे अवघड गेले असते. ९ तारखे पासून मी किमान माझ्या जवळपास असलेल्या व ऑनलाईन व्यवहार करत नसलेल्या अनेकांना नेट बॅकिंग व कार्ड वापरण्याचे फायदे शिकवले, काही शिकले काही धडपडत आहेत, पण शिकत आहेत. माझ्या माहितीमध्ये असलेला एकही व्यक्ती एक ही दिवस एटीमच्या बाहेर उभा राहिला नाही गेल्या दहा दिवसात, मला वाटते हे माझे यश असावे. माझ्या हाती एवढे होते, तर एवढीच समाजसेवा करु शकलो. पुढील काही दिवस ही असेच निघून जातील. काही तासापुर्वीच एके ठिकाणी वाचले होते, तिरुपतीला १ मिनिटच्या दर्शनासाठी २४ तासाची किम्वा कधी कधी त्यापेक्शा मोठी रांग असते....! माझ्याकडे अजून ही ३४० रु आहेत. दिनांक १९-११-१६
लेखनविषय:
लेखनप्रकार
वाचने 17288
प्रतिक्रिया 112

प्रतिक्रिया

असंका मंगळवार, 06/12/2016 10:07
मी कोल्हापुरात रहातो. भर पेठ वस्तीत. माझ्या घराजवळ कमीत कमी दहा औषध दुकाने आहेत. या दहापैकी कुणीही कार्ड स्वाइप मशीन बाळगत नाही. कोल्हापुर हे महाराष्ट्रातील एक प्रमुख शहर आहे. इथे ही परीस्थिती आहे. म्हणुन मग तुम्ही जे वर्णन करत आहात तशी परीस्थिती नक्की कुठे आहे हे मला कळत नव्हते. बहुतेक आपण सांगु शकाल असे वाटले म्हणुन विचारले. जर तुम्हाला उत्तर माहित नसेल तर नका सांगु.

पैसा मंगळवार, 06/12/2016 10:14
गोव्यात अनेक ठिकाणी मिळतात. शिवाय काही ऑनलाईन साईट्स आहेत तिथे प्रिस्क्रिप्शन अपलोड करून औषधे मागवता येतात.

असंका बुधवार, 07/12/2016 11:26
त्यांचे माहीत नाही
अहो तै, तुम्हालाच काय, त्यांचं त्यांना पण माहित नाही असं दिसतंय. चोवीस तास होउन गेले तरी सांगेनात बघा.

आनंदी गोपाळ सोमवार, 05/12/2016 15:33
कशाला जिवाला घोर लावून घेताहात? इथल्या कार्ड-घासू लोकांना फुटकळ पेमेंटसाठी १०-५-७ रुपये कापून घेतले गेलेत तर काही त्रास होत नाही. बक्कळ पैकं आहेत लोकांकडे. मोठ्या ट्रँजॅक्शनवर काय होइल त्याची यांना अजूनही कल्पना आलेली नाही. खरे साहेब रिसिविंग एण्ड ला आहेत, (कॅशलेस पैसे स्वीकारण्याच्या) पण त्यांनीही कार्ड स्वाईप मशीन अजून घेतलेले नाही. पेटीएमचा बांबू अजून त्यांना लागलेला दिसत नाही. "सेल" वाढेल तसे पेटीएम यांचे पैसे कसे कापेल ते यांच्या लक्षात येईलच. मुळात, करन्सी तयार करणे व ती चालवणे या बेसिक जबाबदारीतून सरकार पळ काढत आहे व त्याचा भुर्द़ंड दररोज प्रत्येक भारतीयास १ रुपया प्रमाणे जरी आला तरी किमान रुपये सव्वाशे कोटी रोजाचा हा घोटाळा या सरकारने केलेला आहे, हे मान्यच करायला बरेच लोक तयार नाहीत. असो. या देशाचे रूपांतर अशाच लोकांच्या नंदनवनात होण्यास थोडाच काळावधी बाकी आहे, असे म्हणतो.

संजय क्षीरसागर सोमवार, 05/12/2016 15:42
पेटीएमचा बांबू अजून त्यांना लागलेला दिसत नाही. "सेल" वाढेल तसे पेटीएम यांचे पैसे कसे कापेल ते यांच्या लक्षात येईलच. हे बरोबरे!

प्रसाद गोडबोले सोमवार, 05/12/2016 17:01
+१ हे तर आहेच , शिवाय सगळे व्यवहार ऑनलाईन व्हावेत अशी अपेक्षा करताना बँका अगदी धुतल्या तांडळा सारख्या स्वच्छ असतात हे कोठे तरी हायपॉथेसीस आहेच , ह्या सगळ्या कॅशलेस देशभक्तगीरी मध्ये मधल्या मध्ये बँण्का कचकुन प्रॉफिट कमवताहेत त्याकडॅ कोणाचेच लक्श नाही. सेव्हिंग्स चे व्याजदर अगदी ७ % वर आणले पण लोन चे दर काही कमी करायला तयार नाहीत . लोन चे दर कमी करायची चौकशी केली तर रीस्ट्रकरिंग चार्जेस भरा म्हणाले. म्हणजे येन केन प्रकारेण ब्ञंकावाले पैसे छापणारच . ह्यावर्षी ब्यंकांचे अ‍ॅन्न्युअल रीपोर्ट आवरुन अभ्यासावे लागणार , कॉर्पोरेट बोनसेस आणि काँपेन्सेशन मधे दणदणीत वाढ होईल असा अंदाज आहे ! हॅ दिमोनोटायझेशन मुळे बँकांवर सरकारचे आणि सामान्य माणासाचे किती परावलंबित्व येणार आहे याचा कोणी विचार केला आहे की नाही देव जाणे. आता ह्या नंतर ह्या मेजर ब्यँकातील कोणी लेहमनचा भाऊ निघाला नाही म्हणजे मिळवली ! एकुणच हा सगळा कॅशलेस इनिशियेटीव्ह सावळा गोंधळ देशभक्तीची नशा उतरल्याशिवाय लोकांच्या लक्षात येणे कठीणच दिसते. अवांतर : मी नमोरुग्ण नाही , रादर भक्तच आहे , पण मोदीसरांचा हा निर्णय मात्र ठाम चुकला आहे असे मला वाटते!

प्रसाद गोडबोले सोमवार, 05/12/2016 17:42
हो . FD च म्हणायचे होते मला. FD दर जवळपास स्र्वच्या सर्व बँकानी ८ - ८.५० वरुन ७ - ७.२५ वर आणले आहेत . एव्हन आमच्या फेवरिट पोस्टाचा मिस ने देखील हा अपडेट दिलाय From 1.10.2016, interest rates are as follows:-7.70% per annum payable monthly.

प्रसाद गोडबोले बुधवार, 07/12/2016 20:14
हा सगळा कॅशलेस इनिशियेटीव्ह सावळा गोंधळ देशभक्तीची नशा उतरल्याशिवाय लोकांच्या लक्षात येणे कठीणच दिसते.
हे पहा दस्तुरखुद्द आर बी आय काय म्हणत आहे ते ! कर्ज स्वस्त होणार नाही ; उलट महागाई वाढणार - आर. बी. आय. http://maharashtratimes.indiatimes.com/business/business-news/rbi-keeps… एकदा का महागाईचा दणका बसला की लोकांना भान येईल अशी आशा आहे , आणि तसे झाले तर हिंदु महासभेने म्हणल्याप्रमाणे नोटा बंदी ही मोदींच्या राजकीय कारकिर्दीच्या शेवटाची सुरुवात ठरेल !

अभिजित - १ बुधवार, 07/12/2016 20:23
अहो किती तरी भक्त मंडळी हे पण मानत नाहीत. आज तूर डाळ घोटाळा किती महिने चालू आहे, तुम्हाला माहित असेलच. पेपर मध्ये मुंबई ग्राहक पंचायत चे लेख छापून आलेत ४ वेळा. राज्य आणि केन्द्र सरकार कशी टोलवाटोलवी करतेय याच्यावर. मी स्वतः हे काही भक्तांना दाखवले तर ते म्हणतात - जाऊ द्या हो , सरकार कुठे कुठे बघणार ? पण हाच प्रकार काँग्रेस ने केला कि मग ते मात्र एकदम करप्ट !! त्या मुळे भक्त काही जागे होणार नाहीत.

अभिजित - १ सोमवार, 05/12/2016 19:54
याची स्टोरी - http://www.misalpav.com/node/28680 बहुतेक सगळे वेल सेटल्ड (!!) लोक "आपल्या " पक्ष करता / "आपल्या" मानस करता कोणताही त्याग करायच्या तयारीत आहे. समजा २०१९ मध्ये दुसरे कोणी आले सत्तेवर , तर ते लोक हा incentive सोडणार नाहीत. त्याचा विचार काहीच नाही करत हे अंधभक्त . आत्ता सरकार जो कर जमा करते त्याचे काय रिटर्न्स जनतेला मिळत आहेत ? ते आधी सुधारा , मग नवीन कर लावा ..

मराठी कथालेखक सोमवार, 05/12/2016 18:47
मी ही paytm वापरतोच, तरी म्हणेन paytm हे योग्य solution नाहीच. paytm ची monopoly होणं घातकच ठरेल. UPI based ewallet चा प्रचार आणि प्रसार नीट न झाल्याने सध्या paytm ला शरण जाण्यावाचून पर्याय नाही.

अभिजित - १ सोमवार, 05/12/2016 20:29
काँग्रेस ने लोकांना सगळे फुकट खायची सवय लावली आहे हा तुमचा नेहमीचा / अतिशय आवडीचा प्रतिसाद असतो ... भाजप पण आता तेच करत आहे गोवा मध्ये . http://www.loksatta.com/desh-videsh-news/free-internet-data-talktime-fo… अर्थात तुम्ही कितपत मान्य कराल शंकाच आहे. कारण काँग्रेस ने केले कि चूक पण तेच भाजप ने केले कि बरोबर, असा तुमचा दृष्टिकोन आहे. बाकी पेटीम वरून पण इथे कल्लोळ उठला आहे. वाचला का तुम्ही ? अजून सुपात आहात तुम्ही. म्हणून पेटीम चे समर्थन करत असता ..

आनंदी गोपाळ सोमवार, 05/12/2016 21:23
लोकं "कॅशलेस" व्हायला लागलीत. http://m.hindustantimes.com/mumbai-news/rbi-needs-to-consider-issue-of-… सहकारी बँकांना नोटाबंदीतून वगळल्याने शिक्षकांचे पगार थकले. कंपन्यांमधून नोकरकपात सुरू झाली. लोकंहो, आपापली कार्डे पेटीएमे सांभाळा. बिनाकार्ड/पेटीएम वाले कुणी संतापात ते हिसकावून पळून गेलं तर काय होईल? * बाकी टेररिस्ट लोकांची चांगली सोय झाली. डीजिटल व आयटी सॅव्ही भारताच्या सरकारी साईट्स हॅक करणे किती सोपे आहे, हे सर्वज्ञात आहेच. ३५ लाख वगैरे डेबिट कार्डं ऑक्टोबरात हॅकली होती ना? मज्जाय कार्डं घासणार्‍यांची..

डोके.डी.डी. सोमवार, 05/12/2016 22:42
मी मागील 3 वर्षांपासून नेटबँकिंग paytm mobikwik वापरतोय नेट बँकिंग सुद्धा boi sbi maharashtra bank icici एवढ्या बँकांची आहे. महाराष्ट्र बँकेत सुद्धा imps neft कितीही वेळा केलं तरी फ्री आहे. Light bill sbi वरून भरतो ऑटो पे आहे त्यामुळे नो प्रॉब्लेम. बाकी mobikwik हे wallet पैसे ट्रँस्फर फ्री देत आहे सध्या. माझे बँक ऑफ इंडिया नेट बँकिंग व्यवस्थित चालत आहे

पिलीयन रायडर मंगळवार, 06/12/2016 02:54
मी एच.डी.एफ.सी मधुन नेट बॅंकिंग वापरते. वीजबील, दुसर्‍या खात्यात पैसे टाकणे, इतर ऑनलाईन पेमेंट्स असे बरेच. फ्री आहे. पेट्रोल सुद्धा कार्ड्ने भरते. सरचार्ज पडतो आणि २-३ दिवसात परत रिफंड होतो. कॅश नसती तर मी किराणा तसाही महिन्याच्या पेमेंटने आणते. तिथे भाजीही मिळते. पण बिग बास्केट आणि तत्सम अ‍ॅपचा माझा अनुभव उत्तम आहे. दुध सुद्धा किराणाच्या दुकानातुनच येते. मॉल्स मध्ये प्रश्न नाही, पण ९०% दुकानात मी कार्ड पेमेंट करते. फार क्वचित २% चार्ज पडला. तेव्हा तुम्ही म्हणताय ते शक्य आहे. रोज होणारे व्यवहार कॅशलेस होऊ शकतात. पण अचानाक काही बारिक सारिक खरेदी रस्त्यावर केली तर कसे ते माहित नाही. जे देश आधीच कॅशलेस आहेत, ते डेटा सिक्युरिटी कधी हॅण्डल करतात?

पिजा मंगळवार, 06/12/2016 22:37
तुमचं अकाउंट प्रिव्हिलेज बँकिंग वगैरे मध्ये मोडतं का? कारण मला NEFT ला चार्जेस पडतात. http://www.hdfcbank.com/personal/making-payments/fund-transfer/emonies-…

विशुमित मंगळवार, 06/12/2016 13:04
दोन आखोदेखी उदाहरणं, कृपया लगेच देश द्रोही ठरवू नका. एक: पर्वा आत्याला सावडून (तिसरा) पंढरपूर वरून पुण्याला एस टी ने येत होतो. कंडक्टर कडे स्वॅप मशीन नव्हते (महामंडळाकडे स्वॅप मशीन नाहीच आहे). रोख पैसे देऊन तिकीट काढले. त्याच्या मागील सीटवर तोंडावर रुमाल टाकून हुश्श करून बसलो. गाडी चालू झाली, नातेपुतेला एक तरुण गाडीत चढला. कंडक्टरने तिकिटाचे पैसे मागितले तर म्हणाला रु.४० कमी आहेत, डेबिट कार्ड आहे, स्वॅप करा. साहजिकच कंडक्टर ने स्वॅप मशीन नाही म्हणून हात वर केले त्याला पुढच्या स्टोपवर उतरायला सांगितले. याने तो तरुण इतका बिथरला की त्याने मोदीजींना आयामायावरून २-४ शिव्या हासडल्या. हे पाहून एक मोदी समर्थक प्रवासी खवळून उठला आणि नोट बंदी, काळा पैसा, मागील ६० वर्षातील त्रास इतर ज्ञानामृत पाजू लागला. याने तो दुष्काळी गडी अजूनच खवळला. मोदी समर्थकाच्या बायकोने आपल्या नवऱ्याला हाताला धरून खाली बसवले आणि म्हणाली बास झाला तुमचं "मोदींपुराण". मला नाही राहवलं, कंडक्टरला १० च्या ४ नोटा दिल्या(मेहवण्याची पुण्याई) आणि तिकीट द्याला सांगितले. तरुण माझ्या जवळ येऊन बसला. तरुणाने त्याच्या आई ने त्याला दिलेली १ पपई मला देऊ केली. मनात आले अजूनही खऱ्याची दुनिया आहे. दोन: काल गावातील बडोदा बँकेत पत्नीचे नवीन पास बुक अपडेट करायला गेलो होतो. बँकेत अगोदरच भल्यामोठ्या ४ ओळी होत्या. मला बाहेरील पास बुक प्रिंटिंग मशीन मधून प्रिंट काढायला सांगितले. तांत्रिक कारणामुळे प्रिंट नाही निघाली. मी पुन्हा बँक कर्मचाऱ्याकडे गेलो, ते म्हणाले प्रिंट सारख्या शुल्लक कारणासाठी सारखे सारखे येऊ नका, पैश्यासाठी गर्दी दिसत नाही का? गर्दी पाहून मी पण मान खाली घालून निघालो. जाता जाता गर्दीतल्या एकाला विचारले किती पैसे मिळातातय खात्यातून? त्याचे उत्तर १ हजार. बँक कर्मचारी तिकडून-PDC वाले तर रु. ५०० च देतायतय. आमच्या मेहवण्याची पुण्याई पुन्हा आठवली.

विशुमित बुधवार, 07/12/2016 14:13
साहेब आमचे शहर नाही हो, गाव आहे.... आजू बाजूच्या ६-७ गावं मिळून बडोदा आणि PDC अशा फक्त २ च बँका आहेत. त्यात PDC मध्ये सर्व ऊस सभासदांचे खाती आहेत. आणि वाई शहराला मी चांगले ओळखतो. नुसते चौका चौकात कट्टे करून बसलेल्या पोरांच्या घोळक्यांचे शहर बाकी तुमचा विश्वास फक्त पेटीएम करणाऱ्यांवरच आहे म्हंटल्यावर आमच्या सारख्यांवर तुम्ही कसे विश्वास ठेवणार म्हणा..!! जाऊ द्या

धनावडे बुधवार, 07/12/2016 15:53
साहेब पेटिऐम मीही वापरत नाही आणि वापरणार पण नाही कॅशलेशच्या चर्चेत मी पडत ही नाही पण अजून १००० च मिळतात अस फेकू तरी नका.

विशुमित बुधवार, 07/12/2016 16:37
तुम्हाला रु.२०००० मिळाले यावर मी अविश्वास दाखवला का? तुम्ही मला, माझ्या गावाला, माझ्या गावातील बँकेला न ओळखता, मला फेकू कसे काय म्हणू शकता? का फक्त नोट बंदीला विरोध दर्शिवला म्हणून? (माझा विरोध किंवा समर्थन नाहीच आहे नोट बंदीला, फक्त यामुळे निर्माण झालेल्या समस्या आणि त्याचा आऊटपुट काय असेल याबद्दल अजून ही साशंक आहे) साताऱ्यामध्ये आजच माझ्या मित्राला ऍक्सिस बँकेतून एकरकमी रु. १९,००० मिळाले, त्या पण २०००, १००, २०, आणि १० च्या नोटा. सगळी कडे सारखी च परिस्थिती नाहीय, कृपया एवढे ध्यानात घ्या.

विशुमित बुधवार, 07/12/2016 16:49
आणि हो बँकेतून किती पैसे मिळतात हा माझा मुद्दा नव्हताच, पासबुकचे प्रिंट काढणे याला नोटबंदी पुढे शुल्लक ठरवले म्हणून माझा रोष होता. मला माझ्या पत्नीचे पासपोर्ट काढण्यासाठी लागणारे रहिवासी दाखला म्ह्णून बँकेचे पासबुक सादर करायचे होते पण ती प्रिंट न मिळाल्यामुळे तूर्तास ते लांबणीवर पडले. असो नोटबंदी समोर माझा हा प्रश्न तसा शुल्लकच आहे.

धनावडे बुधवार, 07/12/2016 17:13
करा की विरोध माझ काय जातय माझ्याकडे नोटाच नाहीत त्यामुळे बंदी घातली काय आणि नाही काय सारखच. आणि तुम्ही वाईला टवळाच गाव म्हणू शकता ते चालत..

विशुमित बुधवार, 07/12/2016 17:26
वाई गावाला बोल्याबद्दल एवढं वाईट वाटून घेऊ नका हो.... आमच्या बारामतीला आणि बारामतीकरांना लोक (तुम्ही नाही बरका) उठसूट सारखे टोमणे आणि दगड मारत असतात, आम्हाला पण वाईट वाटतं पण काय करणार सहन करतोच ना आम्ही... तसे वाई मला खूप आवडते, त्यातल्या त्यात कृष्णामाईच्या वेळेस तर खूपच... कृपया गैरसमज नसावा...

अभिजित - १ मंगळवार, 06/12/2016 20:48
प्लास्टिक मनी वापरताय...सावधान! Maharashtra Times | Updated: Dec 3, 2016, 11:52 PM ईस्ट एकीकडे ऑनलाइन व्यवहारांना चालना मिळावी म्हणून प्रोत्साहन दिले जाते. मात्र सायबर गुन्हे रोखण्यासाठी मात्र यंत्रणा कुचकामी ठरत आहेत. त्यामुळे ज्या व्यक्तीची ऑनलाइन फसवणूक झालेली आहे त्याचा गेलेला पैसा परत मिळण्याची शक्यता कायदा असूनही धुसर झालेली आहे. http://maharashtratimes.indiatimes.com/cold-wave/ravivar-mata/take-prec… जे प्लॅटिक मनी बाबत खरे आहे , तेच कॅशलेस बाबत पण खरे आहे. विचार करा ..

अमर विश्वास मंगळवार, 06/12/2016 22:20
मी गेली दहा वर्षे ऑनलाईन व्यवहार करतोय तसेच डेबिट कार्ड / क्रेडिट कार्ड सर्रास वापरतो थोडीशी काळजी घेतली तर आपल्याला फसवणुकीची शक्यता कमी असते खिशात कॅश असतानाही पाकीट मारले जाऊ शकतेच ना? तसेच ऑनलाईनचे ही हल्ली two factor authentication मुळे ऑनलाईन व्यवहार पूर्णपणे सुरक्षित आहे. प्लासिक मनी (डेबिट / क्रेडिट कार्ड ) वापरताना पुरेशी काळजी घेतली तर फारसा धोका संभवत नाही. तसेच transaction account आणि saving account वेगळे ठेवले तर एकूण रिस्क कमी करता येते तेंव्हा योग्य काळजी गया व कॅशलेस व्हा

अजया बुधवार, 07/12/2016 11:48
स्वाइप मशिनचा डेमो नं एक आणि माहिती क्लिनिकसाठी मिळाली.हे IDBI बँकेने दिले आहे. (पुढच्या आठवड्यात HDFC बँकेकडून सवलतीत मशिन्स देण्याची आॅफर आणि डाॅक्टर लोकांना फुकटचे गिळायला, मुख्य म्हणजे प्यायला देऊन नोंदणी करुन घेणे असा एका रिसाॅर्टला प्रोग्रॅमच ठेवलाय!) IDBIअटी- बिझनेसचे करंट अकाउंट आवश्यक आहे. बँकेत एफ डी असणे आवश्यक आहे.पाच लाखाचे तरी! बाकी माहिती खालील फोटोत पहा. . .

अजया बुधवार, 07/12/2016 12:29
ओके.बघते हे पण. स्वाइप मशिन कितपत उपयोगी पडेल शंका येतेय. बँका चार्जेस वाढवत यात पैसा कमावणार नक्की. फक्त रोजचे बँकेत नेऊन भरण्याचे काम कमी होईल.पण बँक अगदीच शेजारी आहे.लागोपाठ चार बँका क्लिनिकच्या लाइनीत आहेत! त्यामुळे सध्याचे चेक आणि कॅश बरे पडतेय.त्यात आमचे उधार पेशंट अनेक.अतिपरिचयात् अवज्ञा! दुसरी मजा म्हणजे जो येतो तो गुलाबी गांधी माझ्याकडे सुटे करायला येतो! आता पंधराशे खाली सुटे देणे बंद करावे लागले आहे!जुन्या नोटेत देऊ का विचारते! मग लोक सुटे काढतात!मी तरी कुठून आणणार रोज शंभरचे जुडगे! एका ओळखीच्या ताईकडे पन्नासचा आहे म्हणे;) गोव्याला जायचा विचार करतेय ;) त्यामुळे सगळेच पर्याय वापरून बघते.

पैसा बुधवार, 07/12/2016 12:37
ये गोव्याला! इकडे ५० १०० ५०० काय पायजे ते मिळेल. गुलाबी गांधी देणार्‍यांना डॉ खर्‍यांचं औषध बरंय. १५०० चा चेक देते म्हणून लिहायला सुरुवात कर डायरेक्ट!

संजय क्षीरसागर बुधवार, 07/12/2016 12:47
बँका चार्जेस वाढवत यात पैसा कमावणार नक्की. कार्ड स्वाइपींगवर मर्चंटला चार्जेस भरायला लागतात. ते तो कस्टमरला लावणार की नाही ? दाखवा म्हात्रे साहेबांना.

अभिजित - १ बुधवार, 07/12/2016 20:29
कॅशलेस होण्याकरता सरकार कोणत्याही स्तरावर जात आहे .. आत्ता पर्यन्त OTP म्हणजे मोठी सेफ्टी होती. आता नाही. तुमचा नंबर कोणाच्याही हाती लागला तर २ हजार च्या आतील व्यवहार OTP शिवाय होणार असल्याने कोणीही गैरफायदा घेऊ शकतो. http://www.loksatta.com/desh-videsh-news/otp-does-not-requires-for-onli… दोन हजार रुपयांपर्यंतच्या व्यवहारांना ओटीपी आवश्यक नाही ऑनलाईन व्यवहारांना चालना देण्यासाठी निर्णय लोकसत्ता ऑनलाइन | December 7, 2016 5:14 PM