झटपट काजू-खोबरे बर्फी (मायक्रोव्हेव स्पेशल)

साहित्य :तिन वाटि : ओले खोबरे उचलेले दोन वाटि : साखर एक छोटी वाटि :दुध पावडर एक छोटी वाटी : काजू पावडर दुध : दोन तिन चमचे वेलदोडा पुड,केशर,पिस्ता काप कृती :खवलेले खोबरे आणि साखर व काजू पावडर मिक्सर भांड्यात तिन चमचे दुध घालुन फिरवून एकजीव करुन घेणे.हे मिश्रण मायक्रोव्हेव भांड्यात घालून दोन मिनिट हाय पोवरवर ठेवावे.दोन मिनिटानंतर मिश्रण एकदा हलवावे.परत दोन मिनिट हाय पोवरवर ठेवावे. आता या मिश्रणास बुडबुडे यायला लागतील. दोन मिनिटानंतर भांड बाहेर काढून त्यात दुधपावडर व वेलदोडा पुड घालावी.मिश्रण निट एकत्र करुन परत अर्धा मिनिटासाठि आत ठेवावे.आता जरासे घट्ट होईल. आता हे मिश्रण दहा मिनिट तसेच कोमट होउ द्यावे. एक ताटलीला तूप लाउन हे मिश्रण त्यात थापून घ्यावे.वरुन पिस्ता काप, केशर लावावे आणि सुरीने लगेच बर्फी कापावी. पूर्ण गार झाल्यावर छान बर्फि तयार होते. आता अलगद उचलून चव पहावी लगेच तोंडात विरघळते. *या बर्फित काजू ऐवजी बदाम, पिस्ता पुडहि घालता येते. नक्की करुन पहा. दिवाळीच्या सर्वांना शुभेच्छा !!