एक अशीही राधा !!

एक अशीही राधा !! 'अनोळखी' म्हणून भेटला खरा 'आत्ताच ओळख झाली' म्हणाला खरा तिनेही मग तसेच सावरून घेतले कसे सांगू कसले ओझे मनावर घेतले ! त्याच्याचसाठी राखून ठेवले होते शब्द, लिहून मग न धाडलेली हजार पत्रं , मजकूर त्याला कधी कळला नसता डोळ्यातला भाव फक्त बोलला असता ! वाटेवर डोळे लावून बसलेली ती राधा गुंतलेले मन कि फक्त उसवणारा धागा , तिलाच कळेना कसा हा घननिळा खरच 'अनोळखी' कि नुसतीच त्याची लीला ! जे तिचे नव्हते कधीच, ती गमावून बसली होती त्याने मात्र गमावले, जे फक्त 'त्याचेच' होते , 'आहे खुशीत मीही' हेच भासवले मग तिने कसले हे प्रेम अन 'त्याच्या ' प्रेमात जीणे ! त्याचे प्रेम म्हणजे फक्त एक स्मितहास्य, ओठांवर फुललेलं ! तिचे प्रेम म्हणजे नुसतीच एक नीर ओळ, डोळ्यात दाटलेली ! त्याचे प्रेम म्हणजे एक श्वास, आतून गहिवरलेला ! अन तिचे प्रेम म्हणजे एक हुंदका , कुणाला न कळलेला ! ……… असा हा कान्हा आणि अशी हि राधा !! ....फिझा