ऐसी अक्षरे वरील लेख चुकून इथे आला काय?

झगा आणि हॅट घालून एखादी पाववाली चर्च ऐवजी तुळजा भवानीच्या मंदीरात गेली तर कसे वाटेल?

या प्रतिसादांकडे दुर्लक्ष केलेलं होतं, पण पुन्हा वाचून बघितल्यावर त्यावर काहीतरी बोलण्याची गरज आहे हे जाणवलं. मला सुबोध खरेंबद्दल आदर आहे. त्यांचं लेखन मी आनंदाने वाचलेलं आहे. मात्र या लेखावर अशा कॉमेंट करणं खटकलं हे नोंदवावंसं वाटतं. ऐसी अक्षरे आणि मिसळपाव ही दोन स्वतंत्र संस्थळं आहेत. मी दोन्ही ठिकाणी लिखाण करतो. त्यामुळे हा अमुक आयडी कुठूनतरी बाहेरून येऊन आपलं मिसळपावचं मंदीर बाटवतो यासारखी टिप्पणी अप्रस्तुत आणि बिनगरजेची वाटली. गवि, आदूबाळ, अभ्या, सुनील आणि इतरही अनेक मान्यवर आयडी कुठचाही आपपरभाव न बाळगता दोन्ही संस्थळांवर वावरतात. आणि ते करावंसं वाटत नसेल तर निदान पोलरायझेशन करण्याचा तरी प्रयत्न करू नये ही विनंती. मिपा हे तुमच्या दृष्टीने मंदीर वगैरे असेल, पण सर्वांसाठी ते आख्खं गाव आहे. तिथे शाळा आहे, गप्पाटप्पा करण्याची चावडी आहे, उत्तम काही सादर करण्याचा मंच आहे, आणि शिट्या मारण्यासाठी लावणीचा बोर्डही आहे. इथे विद्वान आहेत तसेच टवाळही आहेत. या बहुविध लोकांनी बनलेल्या गावाकडे मोकळेपणाने बघावं ही विनंती. बाकी राहिला द्वयर्थी लिखाणाचा मुद्दा - तुम्ही सभासद होण्याआधीही हे चालू होतं, यापुढेही चालू राहील. त्याचा आनंद घेणं हे काही हीन अभिरुचीचं लक्षण नाही. किमानपक्षी मिपाचं मंदीर इतक्या क्षुल्लक गोष्टीन बाटण्याइतकं मिपा लहान नाही.