गोदो आला गोदो आला

गोदो आला गोदो आला
खेळखेळणी घेउन आला
गोदो आला गोदो आला
अहा हर्ष तो मनी दाटला!

गोदो आला गोदो आला
कसा दरबार पाहा सजला
स्वागत करण्या एक गलबला
हरहर गोदो निनाद झाला

गोदो आला गोदो आला
ओवाळावे पटकन त्याला
भेटवस्तु द्या माणिकमोती
त्रिशुलतलवार बरछ्याभाला

गोदो आला गोदो आला
जो जो बोले कुजबुजवाला
कोल्ह्यांची ती ऐकून कुई
हरिण बोलले सिंहच आला

गोदो आला गोदो आला
हिरवी राने हिरवा पाला
दुधात न्हाले गोकुळ सगळे
आनंदी त्या गोकुळबाला

गोदो आला गोदो आला
जलौघ वाहे अरण्यातला
तूतीवरचा रेशमकीड़ा
खुशीत आला अन् वळवळला!

गोदो आला गोदो आला
अंधास दिसे पंगु धावला
बहिरा ऐके मुक्यास वाचा
मंदबुद्धि तो पंडित झाला

गोदो आला गोदो आला
कोण पुसे त्या अंधाराला
ओढा त्यावर सफ़ेद वस्त्रे
ओहोटी का आनंदाला?

गोदो आला गोदो आला
कोण रडला नि कोण हासला?
रडणाऱ्यांचे मुसमुसणे ते
हसणाऱ्यांचा झिंगालाला!

गोदो आला गोदो आला
उन्मादाचा नाद टिपेला
गोदो आला जगणे झाले
देवकिनन्दन जय गोपाला

- स्वामी संकेतानंद

लेखनविषय:	कविता

वाचने 5299

प्रतिक्रिया 31

प्रतिक्रिया

म्हातारबाबांना प्रचंड जास्त

कैलासवासी सोन्याबापु बुधवार, 10/08/2016 08:38

म्हातारबाबांना प्रचंड जास्त आवडेल अशी कविता

म्हाताऱ्याचे आठवत नाही, पण

स्वामी संकेतानंद बुधवार, 10/08/2016 08:57

म्हाताऱ्याचे आठवत नाही, पण मागच्या वर्षी फेसबुकवर ही कविता टाकली होती तेव्हा त्याच्या समविचारी दाढीवाल्या कवींनी ही कविता शेअर केली होती! :D :D

वेटींग फॉर गोदो नाटकाची आठवण

प्रमोद देर्देकर बुधवार, 10/08/2016 09:00

वेटींग फॉर गोदो नाटकाची आठवण झाली.

काहीच कळले नाही, हुच्च असावे

स्पा बुधवार, 10/08/2016 09:01

काहीच कळले नाही, हुच्च असावे

+१

नावातकायआहे बुधवार, 10/08/2016 11:03

झेपले नाही...
असो.

प्लस वण टू पांडुब्बा.

अत्रुप्त आत्मा बुधवार, 10/08/2016 16:48

प्लस वण टू पांडुब्बा.

अत्रुप्त आत्मा बुधवार, 10/08/2016 16:49

प्लस वण टू पांडुब्बा.

प्लस टू.... टू

मुक्त विहारि बुधवार, 10/08/2016 19:29

स्पा.

झकास

मन१ बुधवार, 10/08/2016 09:10

झकास. मस्त गेयता आहे. पण अ‍ॅब्सर्डिस्ट हा प्रकार नाटक पाहिलं तेव्हाही झेपला नव्हता, अजूनही समजत नाही.