Skip to main content

चंद्र चांदण्या समुद्र पाऊस

लेखक रातराणी यांनी शनिवार, 06/08/2016 14:11 या दिवशी प्रकाशित केले.
चंद्र चांदण्या समुद्र पाऊस सगळ्या कविता झाल्या करून मग पाटी कोरी केली आणि खूप वाट पाहिली पण काहीच सुचेना मग एक चंद्र काढला आभाळासारख्या पाटीवर उठून दिसला मग त्याला सोबत म्हणून चार चांदण्या भरतीच्या लाटा आदळल्या खडकांवर मग लगोलग पाऊसही बरसला ओलेत्या वाळूत तुझं नावही लिहिलं तुला आवडतात म्हणून सगळ्यांना आणलं होतं सोबत चंद्र चांदण्या समुद्र पाऊस पण नेमकी तू आली नाहीस तळव्यावर मेंदीचा अजून रंग ओला एवढंचं कळवलंस मी त्या मेंदीत चंद्र असेल का? चांदण्या असतील का? समुद्राच्या लाटांसारखी नक्षी असेल का? तुझ्या डोळ्यातल्या पावसाने मेंदी ओलीचं राहिली का? काय काय विचार करत बसलो अचानक कुठून सर आली चंद्र चांदण्या समुद्र पाऊस सगळं चित्र पुसून गेलं तुझ्या मेंदीला रंग चढला असावा कारण माझी पाटी कोरीच राहिली
काव्यरस
मुक्त कविता
लेखनविषय:
वाचने 3870
प्रतिक्रिया 23

प्रतिक्रिया

ज्ञानोबाचे पैजार शनिवार, 06/08/2016 14:46
कविता आवडली. छानच लिहिली आहे. मनापासुन. कविता वाचताना मिकाची आठवण आली. त्याची कविता लिहायची स्टाईल काहीशी अशीच आहे. सध्या स्वारी कुठे आहे त्याची कोणास ठाउक. पैजारबुवा,

अभ्या.. शनिवार, 06/08/2016 15:19
एहेहे, भारिय हे. भारी म्हणजे काय एकदम दिलको छु लेनेवालेच है. मिकाची आठवण आली हे मात्र खरं. बँकॉक वरून आल्याशिवाय काय भेटत नाय तो.

प्रचेतस शनिवार, 06/08/2016 15:37
तुम्ही सध्या दमदार लेखन करताय :)

नीलमोहर शनिवार, 06/08/2016 15:50
सुरेख लिहिलेय, सुरेश वाडकरांचं 'तळव्यावर मेंदीचा अजून रंग ओला, माझ्या मनी प्रीत तुझी घेते हिंदोळा' आठवलं.

चाणक्य रविवार, 07/08/2016 03:07
छान उतरलीये.

प्रा.डॉ.दिलीप बिरुटे रविवार, 07/08/2016 07:40
आवडली कविता. -दिलीप बिरुटे

एक एकटा एकटाच रविवार, 07/08/2016 14:04
मस्त

अभिजीत अवलिया रविवार, 07/08/2016 17:59
:)

मिसळलेला काव्यप्रेमी सोमवार, 08/08/2016 00:05
फार सुंदर रचना. आवडली. पाऊस असतोच त्रासदायक.