मी बी मंत्री होईन म्हणतो : नागपुरी तडका

ग — गंगाधर मुटे,
मी बी मंत्री होईन म्हणतो : नागपुरी तडका

लाल दिव्याची चमक पाहीन म्हणतो
मी बी मंत्री होईन म्हणतो...!!

शेतमालाला रास्त भाव
भेटला काय, न भेटला काय
शेतकर्‍याला दारिद्रीत जगायची
उपजत सवयच हाय
मी तरी आपलं जमवून
घेईन म्हणतो
मी बी मंत्री होईन म्हणतो...!!

शेतकर्‍याला कर्जमुक्ती
भेटली काय, न भेटली काय
शेतकर्‍याला कर्जात जगायची
उपजत सवयच हाय
मी तरी आपला खिसा भरून
घेईन म्हणतो
मी बी मंत्री होईन म्हणतो...!!

शेतीचे प्रश्न
सुटलेत काय, न सुटलेत काय
या बैताडबेलण्या शेतकर्‍याले
उपजत अक्कलच नाय
संघटनेची सीडी करून
सत्तेच्या बोहल्यावर चढेन म्हणतो
मी बी मंत्री होईन म्हणतो...!!

शेतीशी प्रतारणा करून
सत्तेत येता येते
शेतकर्‍याशी इमान राखणारा
खड्ड्यामधी जाते
शेतकर्‍याचे नाव फक्त
कामापुरते घ्यावे
सीडी चढून झाली की
खुशाल सोडून द्यावे
सत्ताकारण करावे
तरच मिळते अभय....!!
एकमुखाने बोला भाऊ!
सत्तासुंदरी की जय....!!!

                     - गंगाधर मुटे "अभय"
~~~~~~~~~~~~~~~~~~~~~~~~~~~~
175574 वाचन
💬 प्रतिसाद (484)

अभ्या..
Tue, 07/19/2016 - 21:37 नवीन
मुटे सरांचे प्रतिसाद पाहून मला (पिक्चरात पाहिलेल्या) रणांगणात एकट्याने दांडपट्टा फिरवणाऱ्या शूरवीराची आठवण आली. खूप दिवसांनी आले सर पण पार धुराळाच केला.

गंगाधर मुटे
Tue, 07/19/2016 - 21:49 नवीन
तुमचा प्रतिसाद पाहून मलाही सिनेमाची आठवण झाली. गुंडांच्या टोळीचा नि:पात झाल्यानंतर पिक्चरमधे सामान्य जनता जशी खुशीने नाचायला लागते, तसंच वाटलं.
↩ प्रतिसाद: अभ्या..

ब़जरबट्टू
गुरुवार, 07/21/2016 - 11:55 नवीन
अभ्या.. पार सामान्य जनतेच्या क्यातागिरीत गेला.. :) मुटे सर प्रतिसाद द्यायला परत धाग्यावर येतात, हे याची देहा पाहिले.. _/\_
↩ प्रतिसाद: गंगाधर मुटे

अभ्या..
गुरुवार, 07/21/2016 - 14:30 नवीन
सामान्यच हाय मी. त्यात काय लाजायचं. आणि मला खरच असली साउथ स्टाईल फायटिंग आवडती. एकटा हिरो लुंगी गुंडाळून सेंटरला. चारी साईडने सगळे कोयतेवाले.बाजूला कोर्पिओ, तवेरा, क्वालीस, सफाऱ्या. हे घापघीप घापघिप, नुसता धुराळा. येण्णा रासकला, मिनिस्टरा बेकू, हे घीप. शेती बेकू, हे गहिप्पप्प. पत्ता बेकू हे घीप. नुसती फायतांफाईट. पैशे वसूल.
↩ प्रतिसाद: ब़जरबट्टू

जव्हेरगंज
गुरुवार, 07/21/2016 - 21:47 नवीन
बेक्कार हासलो!!!! =))))))
↩ प्रतिसाद: अभ्या..

अभ्या..
Fri, 07/22/2016 - 14:59 नवीन
संदीपाअण्णा, जस्ट आलेला वॉस्सप. . सलमाणः अपना मुवी ईदको आता है आमीरः अपना क्रिसमसको शारुखः अपना तो दिवाली को. . रजनीआन्ना: येन्ना रासकला, जिस दिन अप्ना मुवी आता है वई हॉलिडे होता है.
↩ प्रतिसाद: संदीप डांगे

गंगाधर मुटे
Fri, 07/22/2016 - 04:47 नवीन
आपल्या आस्वादासाठी माझा एक शेर; कायम गहाण सारे करण्यास सातबारा बँकेसमोर झाले लाचार शेत आहे (मिसळपाववर पूर्वप्रकाशित)
↩ प्रतिसाद: अभ्या..

गंगाधर मुटे
Fri, 07/22/2016 - 04:44 नवीन
आपल्या आस्वादासाठी माझा एक शेर; कोणीतरी यांची आता, पडजीभ उपटली पाहिजे नाटकी बोलतात साले, की गरिबी हटली पाहिजे (मिसळपाववर पूर्वप्रकाशित)
↩ प्रतिसाद: ब़जरबट्टू

मितभाषी
Tue, 07/19/2016 - 23:03 नवीन
मुटे सरांचे प्रतिसाद पाहून मला (पिक्चरात पाहिलेल्या) रणांगणात एकट्याने दांडपट्टा फिरवणाऱ्या शूरवीराची आठवण आली. खूप दिवसांनी आले सर पण पार धुराळाच केला.
=)) हाहाहा काकांची चौफेर फटकेबाजी चालू आहे.
↩ प्रतिसाद: अभ्या..

गंगाधर मुटे
Fri, 07/22/2016 - 04:48 नवीन
आपल्या चरणावर आस्वादासाठी माझा एक शेर अर्पण करतो; घे `अभय` दांडगाई सोसून लांडग्यांची झोपून वाघ असली जोवर गुहेत आहे (मिसळपाववर पूर्वप्रकाशित)
↩ प्रतिसाद: मितभाषी

जावई
Tue, 07/19/2016 - 21:38 नवीन
तुम्हाला नेमकं काय साध्य करायचे आहे या सगळ्यातून.

गंगाधर मुटे
Tue, 07/19/2016 - 21:53 नवीन
तुम्हाला काय म्हणायचे? की या दहावीस आयड्यांनी माझ्या धाग्यावर येऊन तमाशा करावा आंणि मी माजघरात दडावं?
↩ प्रतिसाद: जावई

राका
Wed, 07/20/2016 - 17:13 नवीन
हे शाब्बास मुटे सर... कुत्सित नव्हे खरंखुरं शाब्बास... धुरळाच उडवून दिलात...
↩ प्रतिसाद: गंगाधर मुटे

गंगाधर मुटे
Fri, 07/22/2016 - 04:49 नवीन
आपल्या चरणावर आस्वादासाठी माझा एक शेर अर्पण करतो; पेरले 'अभय' अनेक बीज जाणतोस तू हे प्रभो! निदान एक अंकुरायला हवे (मिसळपाववर पूर्वप्रकाशित)
↩ प्रतिसाद: राका

मितभाषी
गुरुवार, 07/21/2016 - 21:59 नवीन
साध्य बिध्य काय गरज? त्यांना जावयाला धोंडा द्यायचा असेल. यंदा धोंड्याचा महिना कब है?
↩ प्रतिसाद: जावई

गंगाधर मुटे
Fri, 07/22/2016 - 04:51 नवीन
आपल्या आस्वादासाठी माझा एक शेर; श्वापदे पिसाळलीत शस्त्र घ्यायला हवे झोपले असेल शेत जागवायला हवे (मिसळपाववर पूर्वप्रकाशित)
↩ प्रतिसाद: अनुप ढेरे

आदिजोशी
Tue, 07/19/2016 - 22:03 नवीन
आत्तापर्यंतच्या सगळ्या सरकारांनी जे केले नाही ते मुटे काका मंत्री होऊन करणार आहेत असं ते म्हणतायत. पण मुळात समस्या काय आहे हेच ते सांगत नसल्याने मिपाकर विचारू पहात आहेत. हे थोडं केजरीवालांसारखं होतंय ना? निवडणुकीच्या आधी ते सुद्धा असंच बोलायचे. निवडून आल्यानंतर आनंदी आनंद झाला.

आदिजोशी
Tue, 07/19/2016 - 22:11 नवीन
घोडा चतूर... घोडा चतूर करू नका... स्वतः कविताबाह्य उत्तरे देता आणि त्याबद्दल कुणी विचारलं की कवितेत लिहिलं आहे का म्हणून विचारता. ए नाॅय चाॅलबे...
↩ प्रतिसाद: गंगाधर मुटे

गंगाधर मुटे
Tue, 07/19/2016 - 22:13 नवीन
पुन्हा एकदा वाचा. मी स्वतःहून कविताबाह्य विषय सुरू केलेला नाही आहे. प्रतिसादावर उपप्रतिसाद देत आहे.
↩ प्रतिसाद: आदिजोशी

गंगाधर मुटे
Tue, 07/19/2016 - 22:05 नवीन
आता दरवर्षीप्रमाणे यंदाही अन्य धाग्याप्रमाणे याही धाग्यावर श्री अनूप ढेरे यांचे आगमन झालेले आहे. कंपूच्या वतिने पुढील किल्ला ते लढवतील.

आदिजोशी
Tue, 07/19/2016 - 22:14 नवीन
मिस्टर अनूप माझ्या कंपूत नाहीत. किंबहुना माझा कुठलाही कंपू नाही ह्याची नोंद घ्यावी.
↩ प्रतिसाद: गंगाधर मुटे

गंगाधर मुटे
Tue, 07/19/2016 - 22:18 नवीन
कंपू म्हणण्यात माझी चूक झाली. कंपू नियोजित असतो. अकस्मात आलेल्या संधीत हात धुवून घ्यायला काही लोक जमावात मिसळतात. त्याला कंपू नव्हे तर झुंड म्हणतात. चुकीची दुरुस्ती केल्याबद्दल आभार!
↩ प्रतिसाद: आदिजोशी

अनुप ढेरे
Tue, 07/19/2016 - 22:34 नवीन
माझाही नाही कुठला कंपू. पण आपणाला माझा प्रतिसाद दखलपात्र वाटला याबद्दल आभारी आहे. फोटो आवडला का?
↩ प्रतिसाद: आदिजोशी

सामान्य वाचक
Tue, 07/19/2016 - 22:12 नवीन
सतरंजी उचला रात्र झाली भारतात आता उरलेली करमणूक उद्या सकाळी

सुबोध खरे
Tue, 07/19/2016 - 22:15 नवीन
तरुण आहे रात्र अजुनी ही कविताच आहे हं कवितेच्या बाहेरचं का-ही नाही.
↩ प्रतिसाद: सामान्य वाचक

सुबोध खरे
Tue, 07/19/2016 - 22:20 नवीन
हा धागा महाप्रलयाच्या दिशेने वाटचाल करू नये म्हणून प्रतिसादांना या धाग्यावर मी उपप्रतिसाद देण्याचे यानंतर टाळणार आहे. कवितेवर वाचक आपापल्या आकलनानुसार मत नोंदवू शकतात. तो त्यांचा अधिकार आहे हे मी मान्य करतो. कोण कोणास केंव्हा आणि का म्हणाले?

आनन्दिता
Wed, 07/20/2016 - 00:23 नवीन
=))
↩ प्रतिसाद: बोका-ए-आझम

गंगाधर मुटे
Tue, 07/19/2016 - 22:28 नवीन
हा धागा महाप्रलयाच्या दिशेने वाटचाल करू नये म्हणून प्रतिसादांना या धाग्यावर मी उपप्रतिसाद देण्याचे यानंतर टाळणार आहे. कवितेवर वाचक आपापल्या आकलनानुसार मत नोंदवू शकतात. तो त्यांचा अधिकार आहे हे मी मान्य करतो. कोण कोणास केंव्हा आणि का म्हणाले?
मीच म्हणालो. पण कवितेवर वाचक आपापल्या आकलनानुसार मत नोंदवू शकतात. हे कळतंय ना तुम्हाला?

माम्लेदारचा पन्खा
Tue, 07/19/2016 - 22:41 नवीन
नाही तर १००० नेही नाही... तसं काय नक्की नसतं ब्वा....! आपले सेहवाग हिट विकेट झाले तर...नाही तर आज शामत आहे...
↩ प्रतिसाद: सुबोध खरे

गंगाधर मुटे
Tue, 07/19/2016 - 22:42 नवीन
@माम्लेदारचा पन्खा नको ते अनावश्यक काम करण्यापेक्शा पत्ता द्याना सायब पत्ता?
↩ प्रतिसाद: माम्लेदारचा पन्खा

माम्लेदारचा पन्खा
Tue, 07/19/2016 - 22:47 नवीन
सायेब.... हितंच बोला...लै मज्जा येऊन रायली मले...!
↩ प्रतिसाद: गंगाधर मुटे

माम्लेदारचा पन्खा
Wed, 07/20/2016 - 00:27 नवीन
))
↩ प्रतिसाद: गंगाधर मुटे

गंगाधर मुटे
Tue, 07/19/2016 - 22:41 नवीन
किती प्रतिसाद आलेत याचेशी मला काहीही देणेघेणे नाही. मात्र यानिमित्ताने आपल्या देशात, देशाच्या कोनत्या भागात कोणकोनत्या तर्‍हेचे लोकं राहतात, त्यापैकी कीती बोलघेवडे, ढोंगी, पाखंडी, चालबाज, धूर्त, वगैरे तर्‍हेचे लोक राहतात, याचा सुक्ष्मसा अंदाज यायला मदत होते.
↩ प्रतिसाद: सुबोध खरे

आदिजोशी
Tue, 07/19/2016 - 22:42 नवीन
पण मी काय म्हणतो, मुटे काका सरळ सांगून का टाकत नाहीत की कृती करणे हा माझा प्रांत नाही... मी फक्त कविता करणार. मॅटर फिनिश...

गंगाधर मुटे
Tue, 07/19/2016 - 22:44 नवीन
मी काय करतो, कृती करतो की नाही हे बघायला माझ्या गावाला या. संपूर्ण पत्ता देतो. वाटल्यास जाण्यायेण्याचा खर्च देतो. या. नुसत्या तोंडाची वाफ का दवडता?
↩ प्रतिसाद: आदिजोशी