गाणी आणि आठवणी - भाग १

जी गाणी आपण वारंवार ऐकतो किंवा जी गाणी वारंवार आपल्या कानावर आपसूकच पडतात त्या गाण्यांशी आपला गाण्यांचा पलिकडचा संबंध जोडला जातो असे मला वाटते. आपण ज्या परिस्थितीमध्ये ही गाणी ऐकतो त्या परिस्थितींशी आपली आठवणींच्या रुपाने नाळ जोडून ठेवण्याचं महत्त्वाचं काम ही गाणी करत असतात. सहमत...लिहीलेले आवडले. लक्ष्मी-प्यारेंचे बॉबी, पत्थर के सनम ची गाणी माझी आवडती आहेत. तसेच मला खय्याम साहेब खुपच आवडते...त्यांची आवडती गाणी म्हणजे - ये मुलाकात एक बहाना है.., चांदनी रात मे एक बार तुम्हे देखा है, आणि बरीच गाणी.. अर्थात ही गाणी मला कधीच सुमार वाटली नाहीत. खादाडमाऊ

समीरसाहेब, छान लिहीले आहेत. अजुन येउद्या. पु.ले.शु.

झकास लिहिल आहे

'भावसरगम' ५-६ वेळा बघूनही माझी तहान भागत नाही तर दुकान चालविण्याची अफलातून हातोटी असणारा माझा मित्र पहिल्याच 'भावसरगम' ला एक साखरझोप काढतो आणि कदाचित साखरेचे भाव आणखी वाढले तर साठा करुन ठेवलेल्या साखरेचे सोने झाले आहे असे स्वप्नही पाहतो. :-) मस्त... :-) पुढचा भाग लवकर येउदेत :-) ("भावसरगम" ची चाहती)स्मिता श्रीपाद

छान सुरेल लेख.

सुरेखच उतरले आहे! ऐकलेली गाणी कशी का असेनात, ती त्या त्या काळातल्या घटना, परिस्थिती यांच्या सोबत आपल्या मनात खोलवर जतन होतात हे अगदी खरे. गाण्यामुळे आपण त्या मूड मधे जातो. मला लहानपणी ऐकलेली सकाळी ६ ते ६.३० दरम्यान मुंबई ब वर लागणारी मराठी भक्तिगीते आठवतात. भीमसेनांचे 'राम रंगि रंगले' आजही ऐकले की जो मूड तयार होतो, त्याची मुळे त्या काळात आहेत, ती तिथवर घेऊन जातात. मस्त लेखन!

समीरराव, अगदी मनापासून केलेले अतिशय सुरेख लेखन.. गाणी आणि त्याबद्दलच्या आपल्या आठवणी खूप छान आहेत, बोलक्या आहेत! औरभी आने दो बॉस! :) शास्त्रीय संगीत ऐकायला आवडत असलं तरी त्यातले काही फारसे (तसं पाहिलं तर काहीच नाही) कळत नसल्याने अनावधानाने का असेना त्याकडे थोडं (म्हणजे अगदी खूप हे चाणाक्ष मिपाकरांच्या लक्षात आलं असेलच) दुर्लक्ष होतं. कळले नाही तरी ऐकायला आवडणे हेच महत्वाचे! सबब, ऐकणे सुरू ठेवा. आमची म्हातारी पुरणपोळी कशी करते हे आजतागायत मी तरी कुठे जाणून घेतले आहे? तरीही तिच्या हातची पुरणपोळी मला आवडतेच ना?! :) भावगीते, चित्रपट गीते सुरेखच असतात हे अगदी निर्विवाद परंतु आमच्या अभिजात संगीतातही छान छान साजूक सुंदर गानमिठाईचे डबे भरून ठेवले आहेत त्याचाही आस्वाद घेणे सुरूच ठेवा..! :) आपला, (गानप्रेमी) तात्या.

अगदी खरे लिहीले आहे. आता तम्मा तम्मा लोगे हे गाणे मला उगाचच माझ्या बालपणात घेऊन जाते. कारण शाळेत २री-३रीत असताना बाई वर्गाबाहेर पडल्या की आम्ही सर्व पोरं वर्गात जोरजोरात ओरडून गायचो. :) तसे 'रूप सुहाना लगता है', 'तू मिले दिल खिले',' काश कोई लडका मुझे प्यार करता ' इ. गाणी शाळेतल्या दिवसाची आठवण करून देतात कारण तेव्हा अर्थ कळत नसतानाही ही गाणी म्हणायचो.(आणि त्या 'रुप सुहाना लगता है' गाण्यात त्या हिरोने हिरोहिनच्या **मधे तलवारीचे टोक टेकवणे बघून तर गंमत वाटे) ७वीत असलेला 'बगळा' हा धडा आणि त्याच काळात विविधभारतीवर संध्याकाळच्या वेळेला ऐकलेले 'बगळ्यांची माळ फुले' हे गाणे कायमचे घर करून बसले. का काही माहीत नाही. त्यामुळे तुमचा लेख पटला. :) पुण्याचे पेशवे Since 1984

हल्लीची गाणी आवडतात, पण कुठल्या काळाशी नाते सांगत नाहीत, असे वाटते. आणि कविता क्रुष्णमूर्ती, अलका याज्ञिक, सुरेश वाडकर, उदीत नारायण, गेला बाजार कुमार शानु, अशा गुणी गायकांना हल्लीच्या प्रीतम-रेशमिया मंडळींनी घरीच बसवले आहे. अमितकुमारही मला प्रचंड आवडायचा. `बडे अच्छे लगते हैं' म्हणावं, तर त्यानंच! महंमद अझीजची आम्ही यथेच्छ टवाळी उडवायचो. पण तरीही त्याने गायलेल्या `तू मुझे कुबूल' ला सलामच आहे आपला! बाकी, तुमच्यासारखे मळ्या-बिळ्यात व्हिडिओवर पिक्चर आम्हीपण बघितले आहेत. गेला तो काळ!!

लेख छान उतरला आहे. 'स्वर आले दुरूनी, जुळल्या सगळ्या त्या आठवणी' म्हणजे काय ते यावरून थोडेफार उमजावे. मागे रामदास यांनी 'बगळ्यांची माळ फुले'वर एक अप्रतिम लेख लिहिला होता, त्याची पुन्हा आठवण झाली.

नंदन
मराठी साहित्यविषयक अनुदिनी

थोडी गाणी इकडची तिकडे होतील पण बहुदा वेगळ्या वेगळ्या दशकातील संगीतावर वाढलेल्या प्रत्येकाचे हे मनोगत. (सकाळपासुन रात्रीपर्यंत विविधभारतीच्या संगीतावर कान कोरलेला) सहज

सगळ्यांच्या प्रतिक्रियांबद्दल शतशः धन्यवाद! लेख आपल्या सारख्या सुजाण आणि अभ्यासू मिपाकरांना आवडला हे वाचून आनंद झाला. धन्यवाद. --समीर