संवाद मनातले

नमस्कार , हा एक निखळ मनोरंजक धागा उघडत आहे.

मेरे पास मा है

किंवा

कितने आदमी थे ?

असे अनेक अतिशय लोकप्रिय संवाद आपण अनेकदा ऐकलेत. पण काही संवाद (चित्रपट्/नाटक यातले) कदाचित इतके लोकप्रिय नसूनही आपल्या मनात घर करुन राहिले असतील. असे (हिंदी/मराठी वा हवे असल्यास इंग्लिश चित्रपट/नाटक यातील) आपल्या आवडीचे संवाद सदस्यांनी इथे टाकायचे (म्हणजे शेअर करायचे). याला अधिक रंगतदार बनवण्यासाठी हवे तर चित्रपटाचे नाव न सांगता इतर सदस्यांना ते ओळखण्याची संधी द्यावी व एक-दोन दिवसात कुणालाच ओळखता न आल्यास स्वतः ते नाव सांगावे हा संवाद तुम्हाला का आवडला, त्याविषयीच्या तुमच्या काही आठवणी असतील तर त्या पण सांगू शकता. इतर सदस्याना त्या संवादात काही शब्द अचूक नाही असे आढळल्यास त्यांनी प्रतिसादात ते सुधारण्यास मदत करावी.