सातकापे aka सातकप्पे घावन

लागणारा वेळ: ३० मिनिटे लागणारे जिन्नस: घावन बनवण्यासाठी - २ वाट्या तांदूळ पिठी, २ वाट्या नारळ पाणी आणि चवीसाठी मीठ सारण बनवण्यासाठी - १ वाटी खवलेले खोबरे, साधारण अर्धा ते पाऊण वाटी गूळ, अर्धा चमचा वेलची पूड १ टेस्पू खसखस तेल घावनासाठी आणि तूप सारण बनवण्यासाठी. क्रमवार पाककृती: १. प्रथम गॅसवरील पातेल्यात १-२ चमचे तूप घालून त्यात खोबरे, गूळ, वेलची पूड, खसखस हे एकत्र करुन सारण बनवून घ्या व थंड करायला ठेवा. २ .घावनासाठी पीठ तयार करताना तांदळाच्या पिठीमध्ये नारळपाणी घालत हलवत रहा, कुठेही गुठळ्या राहणार नाहीत असे पहावे. चवीपुरते मीठ घालावे. ३. तवा गरम करुन त्यावर आधी तेल सोडावे व त्यावर घावनाचे पीठ घालावे (डोश्याप्रमाणे) बाजूने तेल सोडावे. ४. घावन खालून सुटू लागले की त्यातील अर्ध्या भागात सारण पसरावे व उरलेला अर्धा भाग त्यावर उलटून झाकावा. - १ ला कप्पा ५. रिकाम्या अर्ध्या भागात आता पुन्हा घावनाचे पीठ घालावे व तो भाग शिजत आला की त्यावर सारण पसरुन, आधीचा कप्पा त्यावर उलटावा - २ रा कप्पा. असे ७ कप्पे होईतोवर करायचे व सातवा कप्पा झाला की खाली उतरवायचे.. थंड झाले की गट्टम् करायचे! कोणी केले तर प्लीज फोटो टाका.