इतर भारतीय भाषांमधुन मराठीत अनुवादीत पुस्तके सुचवा.

भैरप्पांची सर्वच.

शिवराम कारंथ (कन्नड) -अशी ही धरतीची माया,चोमा महार, मुकज्जी, डोंगराएव्हढा(हे मात्र कुठेच मिळत नाही)

तकळी शिवशंकर पिल्लै (मल्ल्याळी) - दोन शेर धान, चेम्मीन

भीष्म सहानी (हिंदी) - तमस

रावबहादुर कुलकर्णी (कन्नड़) - ग्रामायण

घरी असलेली आता इतकीच आठवत आहेत. बाकीची घरी गेल्यावर पाहून सांगतो.

अमिश:- शिवा ट्रीलॉजी.

दिनकर जोशी यांनी गुजरातीत लिहिलेली कादंबरी. याचा स्मीता भागवत यांनी केलेला अनुवाद 'प्रकाशाची सावली' जरूर वाचा. गांधीजींच्या मुलांवर आधारीत आहे. तसेच 'शाम आवोनी आंगने' या कादंबरीचा मराठी अनुवाद 'परतुनी ये घनशाम' हेसुद्धा वाचनीय आहे. कृश्णाच्या मृत्युनंतरची कथा आहे पण कथानायक तरीही कृष्णचं. ही सुध्हा दिनकर जोशी लिखीत आहे. या दोन्ही कादंबर्‍या शाळेत असताना वचल्या होत्या.या व्यतीरीक्त डॉक्टर झिवागो बोरीस पॅस्त्रोवनिक व पॅवेलियन ऑफ वूमन ही पर्ल बक लिखीत कादंबर्‍यांचा मराठी अनुवाद उपलब्ध आहे. अनुवादक आठवत नाही.

माझ्या प्रोफाईलला विजीट दे. त्यामधली बहुतांश पुस्तकं भाषांतरीत आहेत आणि जबरदस्त आहेत. त्यामधे तोत्तोचान, २०००० लीग्स अंडर द सी, जर्नी टु द सेंटर ऑफ अर्थ, स्पेस ट्रँगल ही कादंबरी, द टाईम मशिन (एच.जी.वेल्स वाली) अ‍ॅडव. जशी सुचेल तशी पुस्तकं सुचवेन तुला. अधिक माहितीकरता व्यनि कर.

गुजराथी लेखक धृव भट्ट यांची अंजली नरवणे यांनी अनुवादित केलेली ३ पुस्तके - सागरतीरी, तत्त्वमसि,अकूपार.

कविता महाजनांनी भारतीय लेखिका नावाची एक मालिका संपादित केलेली आहे. त्यात विविध भारतीय भाषांमधल्या लेखिकांच्या उत्कृष्ट साहित्याचा मराठीत अनुवाद आहे. मी ओडिया पुण्यतोया आणि तमिळ अम्बई वाचलंय.

गुलजार च्या रावीपार चा विजय पाडळकरांनी केलेला अनुवाद विशेष आवडला नाही.

नॅशनल बुक ट्रस्ट ची कथा भारती योजने अंतर्गत येणारी कन्नड्,तमिळ,पंजाबी, उर्दू, बंगाली, तेलुगु आणि गुजराथी भाषांमधुन मराठीत अनुवादित कथासंग्रह आहेत.

अंमृता प्रीतम च्या बर्‍याच पुस्तकांचे मराठी अनुवाद उपलब्ध आहेत.

रविंद्रनाथ ठाकुरांची पोरवय ही लघुकादंबरी मराठीत फार छान अनुवादित केली आहे. अनुवादक आठवेनात.
एकविंशति हा रविंद्रनाथांचाच मोठा कथा संग्रह मराठीत उपल्ब्ध आहे.

अक्षयपात्र - मूळ लेखिका बिंदु भट्ट (गुजराथी)अनुवाद अंजली नरवणे
लेडीज कूपे - मू ले - अनिता नायर अनु- अपर्णा वेलणकर
पथेर पांचाली- मू ले - विभुतीभूषण बॅनर्जी - अनु - प्रसाद ठाकूर

सध्या एवढेच आठवतायत. घरात शोधुन सांगते अजून..

तमस - भीष्म सहानी
जयकांतनच्या गोष्टी - तमिळ लेखक जयकांतनच्या अनुवादित कथांचा संग्रह
मैला आँचल - फणीश्वरनाथ रेणू
फेलूदाच्या रहस्यकथा

यातल्या एकाचेही अनुवादक आठवत नाहीत :(

बाली बेलसरे यांनी अनुवादित केलेल्या आहेत. विलास गीते यांनी केलेला अनुवादही प्रसिद्ध आहे. पोरवय पु.लं.नी अनुवादित केलेलं आहे बहुतेक. मनगंगेच्या काठी हे सबिता गोस्वामींचं आत्मचरित्र आहे. सुंदर आहे.

हे वाचा...
https://www.misalpav.com/node/31787

अमिशची शिवा ट्रीलोजी अत्यंत फालतु मालीका आहे.
वेळ आणी पैसा वाया जातो.
हुच्च लोकांचा बिनडोक पणा कसा डोक्यावर घेतला जातो याचे उदाहरण.
भग्गुला पण याच्यात जोडा.
अमिशचे इश्वाकु ही अत्यंत फालतु आहे.

१००% सहमत आहे . अश्या कादंबर्यांवर खरं तर बंदी घालायला हवी

व्यक्तिशः मला अनुवादीत पुस्तके वाचायला आवडत नाही.. (आजकाल वाचायचाच कंटाळा येतो, ही गोष्ट अलहीदा). कमीत कमी ज्या भाषा येतात (हिंदी आणि इंग्रजी मुख्यतः, अहोमियाची सवय चांगल्याप्रकारे जडण्याआधीच सुटली), त्यांत तरी मुळ भाषेत पुस्तक वाचणे जास्त आवडते. म्हणजे "जॉन ट्रिनीटी स्केअरवरुन अ‍ॅलिस्टर अ‍ॅवेन्युला जाण्यासाठी सिल्व्हेस्टर लेनवर वळला" असं काही वाचतांना डो़कंच दुखेल माझं.. :-) कदाचित आतापर्यंत चांगले अनुवाद वाचले नसतील, त्यामुळेही असेल, पण हे एक 'इनहिबीशन' आहेच.
मात्र भारतातल्या आणि जगातल्या ज्या शेकडो भाषा येत नाहीत आणि शिकणेपण अशक्य आहे, त्यांतील चांगली पुस्तके कळायला अनुवादच वाचावे लागतील. म्हणून ही वाखु साठवत आहे.
मी लहानपणी 'मांजरीचे डोळे' नावाची एक कादंबरी वाचली होती. जास्त काही आठवत नाही, पण मुळ भाषा कदाचित कन्नड होती आणि त्यावेळी ती कादंबरी फार आवडल्याचे आठवते..

पं नेहरूंची इंदिरेस पत्रे, कर्नल मनोहर माळगावकरांची अनेक पुस्तके, (यातल्या कान्होजी आंग्रे ह्या चरित्राचा पु.ल.देशपांडे यांनी उत्कृष्ट अनुवाद केला आहे.) अरुंधती रॉय, सर विद्याधर नायपॉल, नीरद चौधरी, सलमान रशदी, विक्रम सेठ, झुम्पा लाहिरी, चेतन भगत, अरविंद अडिगा यांची पुष्कळशी पुस्तके मराठीत आहेत.
तॉल्स्टॉय, दस्तयेवस्की, चेकोव, हे इंग्रजीतून मराठीत आले आहेत.
बाकी इंग्रजी लेखकांमध्येमध्ये जेम्स हॅडले चेस सारखे अनेक थ्रिलर्स, भयकथालेखक, युद्धधकथा, संदेहकथा, रहस्यकथा, एस्केप-स्टोरीज, पॉप्युलर पल्प फिक्शन, पॅपिलॉन वगैरे) मराठीत आहेत. पूर्वी कुमुदिनी रांगणेकर (या रामकृष्ण भांडारकरांच्या पणती) या चाळीसपन्नास वर्षांपूर्वी अ‍ॅगथा ख्रिस्ती वगैरेंचे महिला-अनुकूल (कस्टमर-फ्रेंड्ली प्रमाणे) सरळ साधे पण वाचनीय अनुवाद करीत आणि ते त्या वेळच्या ललना, माहेर इ. दिवाळी अंकात छापून येत. त्यात मिल अँड बून टाइप रोमान्स-कथाही असत. व्यंकटेश माडगूळकर यांनी काही शिकारकथा, पर्यावरणकथा (सेरेन्गटी शुड नॉट डाय) यांचे अनुवाद केलेले आहेत. मॅन-ईटर्स ऑव्ह कुमाऊं मराठीत आहे.
मराठीतला अनुवादसाहित्य विभाग संपना आहे आणि तो अधिकाधिक संपन्न होत चालला आहे.

फेलूदाच्या रहस्यकथा - मुळ लेखक - सत्यजीत रे , अनुवादक - अशोक जैन , रोहन प्रकाशन , पुणे .
यांतील गाजलेल्या कथा - सोन्याचा किल्ला , बादशाहि अंगठी
तसेच ब्योमकेश बक्षी यांच्या रहस्यकथांचेही अनुवाद उपलब्ध आहेत .

मनोहर माळगांवकर या तुलनेने दुर्लक्षित भारतीय लेखकाच्या पुस्तकांचे मराठी अनुवाद आहेत. "अ बेंड इन द गँजेस" आणि "द प्रिन्सेस" (the princes) या दोन्ही खिळवून ठेवणाऱ्या कादंबर्या आहेत. कान्होजी आंग्रे यांच्यावरच्या चरित्रात्मक ग्रंथाचा अनुवाद पु ल देशपांड्यांनी केला आहे.

एस. एल. भैरप्पा (कन्नड)- आवरण, पर्व
मुन्शि प्रेमचन्द (हिंदी)- गोदान

आजवर वाचलेली आणि आवडलेली अनुवादित पुस्तके

एका कोळियाने- अनुवादन पु.ल. देशपांडे
टेल मी युअर ड्रिंम्स-मुळ लेखक सिडने शिल्डन
रुद्रप्रयागचा नरभक्षक चित्ता- मुळ लेखक जिम कोर्बेट

पोपिलॉन- लेखक आणि अनुवादक दोन्ही आठवत नाहीत

किरण नगरकर यांची cuckold अर्थात मराठीत अनुवादित 'प्रतिस्पर्धी'...अप्रतिम आहे!!

रान

[The trees],

शिवार

[The Fields] आणी

गाव

[The Town]
ही 'Conrad Richter' यांची पुस्तके.

अरुंधती रॉयची 'गॉड अॉफ स्मॉल थिंग्ज' वेगळ्याच विश्वात घेऊन गेली.
एक भारावलेले दु:खद सावट संपुर्ण कांदबरीभर आहे.
खुप आवडली.

परवाच भैरप्पांचं तंतू आणि पारखा (तब्बलियु निनदे मणगे) ही दोन उमा कुलकर्णींनी अनुवादित केलेली पुस्तके घेतली. तंतू तर महाकादंबरी आहे.

मेहता नी तर अनुवादाचं दुकानच काढलं आहे
पुस्तकं खुपचंच डिस्कांऊट मध्ये असतात
पदरी चांगले अनुवादकहि आहेत,
एव्हडी पुस्तकं वाचणार कधी
नॉट विदावूट माय डॉटर आवर्जून वाचा, एकदम मस्त

और ईन्सान मर गया - रामानंद सागर [रामायण मालिकेचे निर्माते] फाळणीच्या वेळी आलेले अनुभव, कोणी अनुवाद केला आहे आठवत नाहीत.
अग्निपंख- अब्दुल कलाम
काबुलीवाला- रविंद्रनाथ टागोर
येस, आय डेअर- किरण बेदी

और इन्सान मर गया
अनुवाद चुकत नसेल तर श्रीपाद जोशी

marathit anuvadit ahe

अकूपार, तत्वमसि आणि अतरापि. - मूळ लेखक ध्रुव भट. गुजराथी भाषेतून ही पुस्तके मराठीमध्ये भाषांतरीत झाली आहेत. अकूपार आणि तत्वमसिचे भाषांतर अंजनी नरवणे ह्यांनी केले आहे. समुद्रांतिके ह्याही कादंबरीचे भाषांतर नरवणे ह्यांनी केले आहे, जी आता मिळत नाही.

शिवराम कारंथ यांचे 'डोंगराएव्हढा' कुणाकडे आहे का? आवृत्ती संपल्याने ते कुठेही मिळत नाहीये.
अनुवाद- उमा कुलकर्णी.

विना लवनकर यांची एक होता काव्ह॔र कथा.खूप inspirational आहे.Jorg Vashington karver नावाच्या अमेरिकन शास्ञज्ञाची ही कथा आहे. जो 4 महिन्यांचा असल्यापासून अनाथ असतो. त्यांच्या अफाट जिद्दीचे फारच सुंदर वण॔ण लेखिकेन केलय.

नॉट विदाउट माय डॉटर

काबुलीवाल्याची बायको.