Skip to main content

ड्रींक्सचं प्रमाण किती असावं ?

लेखक प्रा.डॉ.दिलीप बिरुटे यांनी शनिवार, 30/01/2016 20:02 या दिवशी प्रकाशित केले.
नमस्कार मंड़ळी, मंडळी, आयुष्य मोठ्या गमतीदार गोष्टींनी खच्चून भरलेलं आहे. माणसाच्या आयुष्यात कोणती गोष्ट कधी येईल काही सांगता येत नाही. माणुस हा समाजशील प्राणी आहे. माणसात रमणे हा त्याचा स्वभाव आहे. ओळख, मैत्री, प्रेम, कुटुंब अशा अनेक गोष्टींमधे एकमेकांना चिकटून असतो. पण कधी कधी कोणाच्याही आधाराशिवाय माणसानं जगायला शिकलं पाहिजे. कारण कोण कधी कोणाचा आधार काढून तुम्हाला एकट्याला सोडुन स्वतः मजेत राहील याची काही गॅरंटी नाही. आणि मग एकटं वाटायला लागलं की आधारासाठी अनेक गोष्टींचा आयुष्यात प्रवास सुरु होतो. अशाच एका आयुष्यात घुसखोरी करणार्‍या एका गोष्टीची गोष्ट. कधी तरी मित्र म्हणतो 'घे रे कै होत नै' 'एक प्याक घे' 'बरं दोन थेंब घे' 'आनंदाचा प्रसंग आहे, नाही म्हणू नको यार' 'प्रमोशन झालंय तुझं बाकीच्यांचा डिसमुड करु नको' 'आनंद असो, दु:ख असो काही तरी निमित्ताने 'एकच प्यालाची' आयुष्यात सुरुवात होते आणि मग महिन्यातून एकदा, आठवड्यातून एकदा आणि दररोज असा पेयपानाचा प्रवास सुरु होतो आणि मग आपल्याला त्याचं व्यसन लागलंय इतकं ते रुटीन होऊन जातं. व्यसनाधीन होऊन पुढे पुढे काय काय होतं हे बर्‍याच लोकांना माहिती आहे. माझा काथ्याकुटाचा विषय 'व्यसन आणि त्याचे दुष्परिणाम' हा नाही. माझा विषय आहे की कधी कधी टाळताच येत नाही अशा गोष्टी असतात म्हणजे ऑफीस, मित्र, वेगवेगळ्या पार्ट्या, यात एक ६० एम.एल. म्हणा किंवा वाईन म्हणा एखादा दोन पेग घेतला की पार्टी इंजॉय होते. माझा प्रश्न आहे की माणसाला किती प्रमाणात ड्रिंक्स आरोग्यासाठी चालु शकतं ? किती प्रमाण त्याचं असलं पाहिजे ? आपण म्हणाल माणसाला झेपेल तेवढी घ्यावी पण हे काही माप होऊ शकत नाही. कोणी म्हणेल पण घेऊच नये ना ? जागतिक आरोग्य संघटना काय म्हणते ? डॉक्टर लोकांचा काय सल्ला असतो ? व्यस्त आयुष्य, बैठे काम, आणि विविध आजार हे सोबत असतांना पेयाचं प्रमाण किती असलं पाहिजे ? वाईन घ्यावी की न घ्यावी ? व्हिस्की /रम ? अशा विविध ब्रँड आणि त्याची माहिती आरोग्याच्या दृष्टीने यावी. आपलं म्हणनं दोन चार दीर्घ प्रतिसादात विविध मुद्द्यांसहित आलं तर बरं राहील. उगाच प्रतिसादांचा रतीब पाडण्यापेक्षा मुद्दा आणि त्याचं स्पष्टीकरण आलं तर भरल्या मैफिलीत कोणाचं तरी प्रबोधन करता आलं तर त्याचा फायदा अनेक मित्र मैत्रींनींना होईल म्हणुन हा काथ्याकुटाचा प्रपंच. ता.क. मी अशा गोष्टींपासून चार हात दूर आहे. उगं माझ्याकडे संशयाने पाहु नये. धन्यवाद. खुलासा संपला.
वाचने 78154
प्रतिक्रिया 280

प्रतिक्रिया

नीलमोहर मंगळवार, 02/02/2016 12:18
'दारु पिल्यानंतर ती चढली की आपण ताळ्यावर रहात नाही.. परिस्थितीचे भान रहात नाही, एकंदरीत काय चाल्लय नक्की हे कळण्याच्या स्थितीत तुम्ही नसता' - यात असंबध्द बरळणं, विनाकारण हाहा हीही करणं, बेकार जोक मारणं, किंवा मग टोटल मौनव्रतात जाणं, इ. अ‍ॅड करा. पिणार्‍यांची अशा परिस्थितीतील अवस्था पाहून करमणूक होणारी ;)

प्रा.डॉ.दिलीप बिरुटे मंगळवार, 02/02/2016 12:32
माझा एक मित्र एक नैंटी एम् एल पर्यन्त चांगल्या गप्पा मारतो ,आयुष्य, कटकट, जिन्दगी आणि मग हळु हळु ढुप होऊन जातो. जेवतांना अरे राइस घे, अरे ग्रेव्ही घे, नुसता मानेने नकार होकार. बील पेड़ करतो किंवा जे शेअरिंग असेल तेही शांततेने देतो. निरोपाच्या वेळी मात्र गोड हसून गुड नाईट म्हणतो मला आवडतं त्याला कंपनी द्यायला. -दिलीप बिरुटे

कैलासवासी सोन्याबापु मंगळवार, 02/02/2016 12:20
इतकी प्यायचीच नसते तै! जो तितकी पितो तो दर्दी नाही बेवड़ा असतो. There's a difference between connoisseur and chronic alcoholic people!! जो स्कॉचच्या फ्यूमिंगचा आनंद घेऊ शकत नाही तो व्यर्थ पितो असे मत आहे आमचे

अनिरुद्ध.वैद्य मंगळवार, 02/02/2016 12:26
एवढी अवस्था होईपर्यंत कधीच घेत नाही हो चांगले पिणारे. वर बापूसाहेबांनी म्हंटले तसे दर्दी लोक जबाबदारीनेच घेतात.

संदीप डांगे मंगळवार, 02/02/2016 12:36
हे फक्त दारूबद्दल नाही, प्रत्येक नशा देणार्‍या गोष्टीबद्दल (यात वस्तु, वास्तु, व्यक्ती, स्थावर, जंगम, सत्य, काल्पनिक) सगळंच आलं) आहे. ताळतंत्र सुटणे फक्त दारूत होतं असा गैरसमज आहे. बाकी बापुसाहेबांनी म्हटल्याप्रमाणेच.

प्रा.डॉ.दिलीप बिरुटे मंगळवार, 02/02/2016 12:56
काही आम्ही पिलोय हे दाखवतात त्यामुळे काही ज़रा अति करतात. पण ताळतंत्र कोनाचं सुटत नाही. सालं बदनाम पिणारे झाले. -दिलीप बिरुटे

अभ्या.. मंगळवार, 02/02/2016 12:38
आपण ताळ्यावर रहात नाही.. परिस्थितीचे भान रहात नाही.. एकंदरीत काय चाल्लय नक्की हे कळण्याच्या स्थितीत तुम्ही नसता..
काय सांगायचं पिराताई तुम्हाला. फक्त दारुनेच असे होत नाही हो. कित्येक लोक साध्या साध्या गोष्टीत ताळ सोडतात, परिस्थितीचे भान राहात नाही. अगदी आमच्या एका मित्राची बायको, भांडायला लागली की ताळ्यावर राहात नाही, परिस्थितीचे सोडा स्व्तःचे, स्वतःच्या नवर्‍याचे, मुलांचे पण भान राहात नाही. बाकी इतर वेळी अगदी नॉर्मल. बरेच लोक असतात हो असे. कुणाला वादाची नशा, कुणाला बुध्दीमत्तेची, कुणाला सौन्दर्याची तर कुणाला पैशाची. बच्चनसाह्यबांचं गाणं नाही का पाह्यलं? "नशा शराब मे होती तो नाचती बोतल" ;) भीती काय वाटायची त्यात?

पिलीयन रायडर मंगळवार, 02/02/2016 13:25
आदुबाळ आणि तुमच्या बोलण्यात पण मुद्दा आहे हां.. ताळ्यावर रहायचाही कंटाळा येतोच की.. आणि दारु पिल्यावरच लोक डोक्यावर पडल्यासारखे वागतात असेही नाही.. मला दारूचे वावडे वगैरे काही नाही.. फक्त दारुचा वास बराच उग्र असतो.. आणि चवही.. त्यात नक्की काय न कसे एन्जॉय करायचे हे न कळल्याने प्रगती झाली नाही.. नाही तरी आम्ही पण मेगाबायटी प्रतिसाद दिले असते हो!! (म्हणुन समानता हवी.. ह्या गोष्टी का नाही शिकवत आम्हाला सुद्धा.. काय माहिती... ;) )

नीलमोहर मंगळवार, 02/02/2016 14:22
- दारुचा वास बराच उग्र असतो, लांबूनही सहन होत नाही. चव कशी असते ? एवढे कौतुक करण्यासारखं काय असतं त्यात ? दारूच्या थेंबालाही स्पर्श न केलेली, लांबून गंमत बघण्यात समाधान मानणारी :)

प्रा.डॉ.दिलीप बिरुटे मंगळवार, 02/02/2016 14:26
मग उग्र वास आणि कडवटपनाचंही काही वाटत नाही असे म्हणतात. ड्रिंक्स करनं म्हणजे काय सोपं काम थोड़ी असतं :) -दिलीप बिरुटे

पिलीयन रायडर मंगळवार, 02/02/2016 14:34
मी थेंबालाही स्पर्श केला नाही कॅटेगरी नाहीये.. चव उग्रच असते.. नक्की का पित आहेत ते कळत नाही.. मला तरी काही हलकं.. किंवा रीलॅक्स इ वाटलं नाही.. कदाचित मी पुरेशी पिली नसेल ;)

नीलमोहर मंगळवार, 02/02/2016 14:45
'हलकं.. किंवा रीलॅक्स इ वाटलं नाही..' - तुम्ही ड्रग्ज वगैरे ट्राय केले का ? अगदीच गेलाबाजार झोपेच्या गोळ्या ? हवेत तरंगत असल्याचा फील अशा गोष्टींनीही येतो म्हणतात ;) 'ड्रिंक्स करणं म्हणजे सोपं काम थोडी असतं' - कठिण कामं करायचा किती तो सोस :)

गवि मंगळवार, 02/02/2016 12:58
या निमित्ताने डीबी सरांच्या धाग्यावर जुनाट चोप्य पस्ते..: ............. "साहेब कुठली ओतू?" पटवर्धनच्या मोठ्ठ्या आवाजाने सगळ्या सोनेरी चंदेरी बाटल्या किणकिण हलल्या.. रॉयल चॅलेंज नाव छान वाटतं..पण त्याला आर सी म्हणायचं.. .. .. "नको हो आज पटवर्धन..मी काय पट्टीचा नव्हे हो..कशाला .. असू दे.. मी पेप्सी घेतो.." "बसा हो.. घ्या..ए एक आर सी इकडे आणून ठेव रे.." .. .. चला..पटवर्धन म्हणतोय एव्हढा मनापासून तर बसूया आज.. .. .. "पण स्मॉल बनवा हो.. मला ड्राइव्ह करायचंय.." ग्लास भरला.. म्हणजे भरूनच आला.. आता त्यात किती ड्रिंक आणि किती सोडा कसं कळणार..?? घोट कडवट लागत होता..घसा आणि पोट गार गार जळालं.. पुढचा पेप्सी मधे घालूनच घ्यावा.. .. "अजून एक ओततोय बरं का साहेब.." "आता बास् पटवर्धन..!!" सालं आज काही खरं नाही.. हा आज ऐकत नाही.. एव्हढा एक गटागट पिऊन बास करायचं.. गटक गटक गटक.. "ए जगन्या..साहेबांचा ग्लास संपला की रिपीट करत जा.. विचारायचं नाही.." अत्यंत खालच्या आवाजात पटवर्धन वेटरला बोलला.. मला काही ते नीट ऐकू आलं नाही.. जाउदे च्या मारी.. त्याची पार्टी आहे.. चालायचंच.. जगन्या.. म्हणजे जगन असणार.. अजूनही इतकी ओल्ड फॅशन्ड नावं ठेवतात? लहान दिसतो तसा..बालमजूर वाटतोय.. जाऊ दे..पोटाला तर मिळतंय ना त्याच्या.. तिसरा की दुसरा ग्लास आहे हा..? ग्लास म्हणायचं की पेग.. पेग बरं वाटतं.. देशी थोडीच आहे ही.. आता हा पटवर्धन "मराठी विरुद्ध अमराठी", किंवा एकदम "महाभारतातली द्रौपदी" असला काहीतरी विषय काढणार.. बरं असतं ड्रिंक्स सोबत..दोन तीन झाली की मग कुठलाही विषय मस्तच.. मस्तच.. मस्तच..मस्तच.. हे सालं कुठलं मधलंच गाणं लावलंय ?? ना धड दु:खी ना धड आनंदी.. एक तर गझल लावा किंवा मस्त अपटाऊन गर्लबिर्ल लावा.. इथे प्यायला बसलोय.. केस कापायला नव्हे.. हा चौथा की तिसरा ग्लास .. साला जगन सगळेच लार्ज भरत चाललाय वाटतं.. तो तरी काय करणार बिचारा.. पटवर्धनने ऑर्डर दिलीय ना..जाऊ दे भेंडी.. नुसते दाणे..?? चिजलींग तरी ठेवायची.. हाश्श्श.... "साहेब हळू सावकाश...!!" पटवर्धनचा आवाज कानात गूं करून घुसला.. अरे तिच्या मारी.. मी ग्लास जर्रा जोरात खाली ठेवला म्हणून लग्गेच.. "आय अॅम परफेक्टली अोक्के पटवर्धन!!.. एक सुरमई फ्राय सांगा लवकर".. सुरमई.. सुरमई.. सुरमई शाम इस तरह आये.. भूक लागलीय तिच्या आयला... सहावा की पाचवा ? की साडेचारावा ?? ग्लास आत्ता तर संपवला होता.. आपोआपच भरतोय.. नीट लक्ष ठेवलं पाहिजे.. लोक तरी किती आलेत पार्टीला..फ़ुकटचे खायला लगेच येतात लतकोडगे.. खाबू साले..खाबू खाबू खाबू ... आत्ता चार पावलं फिरून आलं पाहिजे.. तरच मज्जा.. समोर जोश्या बसलाय.. त्याचा शर्ट वर गेलाय.. बाजरीच्या कणकेसारखं त्याचं पोट दिसतंय.. तरंगत जाऊन मस्त कणीक तिंबून काढावी का ?? का का का.. का का का.. कू कू कू.. अरे यार.. आपल्याच हाताच्या तळव्याकडे बघायला किती मजा येतेय.. वेडावाकडा हलतोय हात.. द्यावी का कोणाला ठेवून राप्पकन.. ?? धम्माल येईल.. लोक म्हणतील साहेबाला चढली.. त्याने तमाशा केला.. पण मला अजिबात चढत नाही हे त्यांना कोण पटवणार.. ?? शांत बसणं सेफ.. उगीच गैरसमज नको कोणाचा.. गैरसमज.. गैरसमज..बम बम.. आठवा ग्लास ?? काहीतरीच.. आपली एव्हढी कपॅसिटी नाहीच आहे..पाचवाच असेल फारतर.. पटवर्धन घेईल काळजी.. ही चायनीज चिंकी कधी आली.. चिकणी बनलीय एकदम..बेब.. हिचं सालं नावच विसरलो.. चिंकी.. चिंकी.. चिकणी.. चिकणी.. चिकन दिसतंय मख्खनवालं.. बुफे टेबलवर.. चिकन जाईल का आपल्याला आता.... पण पोट स्टफ झालंय.. अरे इतके ग्लास लिक्विड.. ****.. पोटाची काशी केलीत.. ... च्यायला.. आले आधार देऊन उठवायला वगैरे.. ज़रा दोन चार पेग घेतले की यांना वाटतं की टल्ली झाला.. मी काय त्यातला दिसतो काय.. मला उठवायला पटवर्धन कशाला.. चिंकीला तरी पाठवायचंत.. मी शांत आहे.. एकदम मस्त शांत.. किंचितही मरगळ नाही..एकदम फ्रेश.. मी उठून ड्राइव्ह करत मसणातही जाऊ शकतो.. मरगळ मरगळ..बरगळ बरगळ.. मळमळ मळमळ .. काहीतरी यमक जुळतंय .. मी उठून लिफ्ट पर्यंत सरळ चालत आलो तरी कुणाला पत्ताच नाही.. मस्त उत्तम भिकार फकीरचंद मूड.. जाळून टाकूया का मस्तपैकी जग..की मस्त नाच करुया.. इपडी पोडे पोडे पोडे पोडे.. टॉयलेट कुठे आहे इथे भेंडी..!! जागेवर टॉयलेट ठेवत नाहीत.. कुत्रे साले.. ... मागे पटवर्धन अत्यंत हलक्या आवाजात कोणालातरी सांगतोय.. "साहेबांचं हे मस्त आहे.. कितीही प्यायले तरी एकदम सोबर माणूस..!!"

प्रा.डॉ.दिलीप बिरुटे मंगळवार, 02/02/2016 13:09
क्लास ! आवडलं. मस्त. ''मास्तर केव्हाच मेला आहे, आता तू येऊ नकोस. तुझा चाफा नको आणि मोगराही नको'' -दिलीप पटवर्धन ;)

निओ बुधवार, 03/02/2016 23:53
एक तर गझल लावा किंवा मस्त अपटाऊन गर्लबिर्ल लावा.. इथे प्यायला बसलोय.. केस कापायला नव्हे.. 1 नं. ह ह पु झा

कैलासवासी सोन्याबापु मंगळवार, 02/02/2016 13:10
२०० झाले अभिनंदन सर! भरू का एक लार्ज? :D

प्रा.डॉ.दिलीप बिरुटे मंगळवार, 02/02/2016 13:19
आईस आणि तळलेले पापड पण लागतील. हॉटेल मधे चखना म्हणून कुरडाया देतात का तिकडे ? -दिलीप बिरुटे

कपिलमुनी मंगळवार, 02/02/2016 15:25
एकच उत्तर " ओकू नये एवढा असावा" ओकार पब्लीक डोक्याला ताप असता. बाय द वे , आमचा एक जाणकार मित्र सांगतो , पार्टीच्या आधी ओमेझ किंवा पॅन डी टॅबलेट घ्यावी त्रास होत नाही. खखोदेजा

कैलासवासी सोन्याबापु मंगळवार, 02/02/2016 16:37
कश्याला आमेज़ अन पॅन-डी चे प्रयोग करावे म्हणतो मी , हिमालया ड्रग कंपनी ने पार्टी स्मार्ट कॅप्सुल काढल्या आहेत ती एक घ्यायची वक्का वक्का पण नाय अन दूसरे दिवशी हैंगओवर पण नाही होत अजिबात! (मुळ मुद्दा हा की वक्का वक्का इतकी पिऊच नये) तरीही, कोणाचा वक्का वक्का चा ट्रॅक रेकॉर्ड असल्यास अन पार्टीचा रंग बेरंग करायचा नसल्यास ही ती गोळी बघा .

सुबोध खरे मंगळवार, 02/02/2016 20:24
बापूसाहेब हे PARTISMART जे दावे करत आहेत कि त्यामुळे अल्कोहोल किंवा अल्डीहाईड डी हायड्रोजनेज विकराची पातळी वाढवते ते जर खरं असेल तर आपल्याला नशा येण्यासाठी जास्त दारू प्यावी लागेल. कारण प्यायलेली दारू यकृतात विघटन पटकन केली जाईल. त्यामुळे पुढच्या वेळेस फाजील अत्न्विश्वासाने आपण जास्त दारू प्याल आणी आपले हसे होईल. बाकी त्यांनी केलेले दावे आणी प्रत्यक्ष पुरावा यांचा मेळ बसताना दिसत नाही. असो Party Smart Ingredients: Party smart contains a smorgasbord of herbal (read: ineffective) ingredients that prevent the buildup of acetaldehyde in the liver—which is produced by the partial oxidation of ethanol and is the cause of hangovers. The Morning After: "Caution: PartySmart will not prevent intoxication and is not intended to treat or prevent the consequences of excessive alcohol consumption.” This is actually on the back of the Party Smart package. So, you really can't call them out for false advertising. Needless to say, second time was not a charm. There's nothing charming about emailing your work friends and telling them you're going to be penning articles from your bed as you're curled up in a fetal position. Conclusion: PartySmart forces you to be smart in the way that you party, because herbal remedies don't work.

कैलासवासी सोन्याबापु मंगळवार, 02/02/2016 21:20
बापरे! हे असे असते तर!! मी कधीतरी खच्चुन पार्टी होणार असे दिसले की ही गोळी घेत असे , लिमिट कधी क्रॉस केली नाही किंवा तसा निग्रह असला तरी! अर्थात ओकायचे झालेच कधी तर शिस्तीत वॉशरूम ला जाऊन फ्रेश होऊन येत असे (असे जास्त वेळ झालेच नाही) कारण दारू मजा पुरती बरी धतिंग नको हा हिशेब असे पण २-३ वेळ प्यायलोय ओकेपर्यंत! :D अर्थात नोकरीत आल्यापासुन पिण्याला सुद्धा एक वेगळी डिसिप्लीन आली आहे! अन सुदैवाने पार्टी स्मार्टची गरज पडेल अश्या पार्टी आजकाल करायची इच्छा होत नाही अन पटत ही नाही! तरीही शास्त्रोक्त माहीती करीता अनेक धन्यवाद

सुबोध खरे मंगळवार, 02/02/2016 20:15
ओकारी हा शरीराची संरक्षक प्रितीक्षिप्त क्रिया( PROTECTIVE REFLEX) आहे. पोटात कोणतेही विषारी द्रव्य गेले तर शरीर ते बाहेर टाकण्यासाठी ओकारी करते. आपण जेंव्हा दारू प्रमाणापेक्षा जास्त पितो(दारूचे यकृतात विघटन होण्याच्या क्षमतेपेक्षा) तेंव्हा आपले शरीर "अति सर्वत्र वर्जयेत" या उक्ती प्रमाणे( अति मीठ किंवा साखर खाल्ली तरी शरीर उलटी करते) जास्त झालेली दारू बाहेर टाकण्याचा प्रयत्न करते. यासाठी उलटी होऊ नये म्हणून घेण्याची औषधे (पॅन डी मधील डी- DOMPERIDONE हा घटक ) घेतली तर काय होईल हा विचार करून पहा. राहिली गोष्ट ओमेझ (OMEPRAZOLE) किंवा पॅन भाग ( PANTOPRAZOL) हे जठरात दारूने दाह झाल्याने तयार होणारे आम्ल कमी करते. (पायावर किंवा हातावर झालेल्या जखमेवर दारू ओतून पहा कसे जळजळते ते) मुळात जठराचा दाह होण्य़ा इतकी दारू आपण प्यावीच का हा एक मूळ प्रश्न आहे? (कारण हा दाह जठराच्या कर्करोगाला आमंत्रण देतो तो भाग वेगळा) जठराचा दाह होतो किंवा उलटी येत आहे याचा अर्थच आपण प्रमाणापेक्षा जास्त दारू पीत आहात आणी आता आपल्या जठरात गरजेपेक्षा जास्त दारू "साठली" आहे. म्हणजेच काही काळाने हीच दारू आपल्या रक्तात शोषली जाऊन आपण टाईट होणार आहात.या वेळेस आपला ग्लास धरून ठेवला( (HOLDING YOUR DRINKS) तर आपली नशा कमी होणार नाही पण आपण टाईट पण होणार नाही. आपल्या जठराने दिलेले संकेत दुर्लक्ष करायचे कि नाही हे स्वतः ठरवणे आवश्यक आहे. शरीर संकेत देत आहे कि जास्त झाली आहे आणी मित्र आग्रह करीत आहेत. यात आपण अजून दारू पिता याचा अर्थ आपल्या मेंदू आणी विचारशक्तीवरील ताबा दुसर्याकडे गेलेला आहे. याचा सरळ अर्थ असा आहे कि दारूचे दुष्परिणाम होण्यासाठी औषधे घेण्यापेक्षा आपली दारू कमी करणे आवश्यक आहे. मग आपण टाईट होई पर्यंत दारू प्यायची आहे का मजेसाठी हा मूळ प्रश्न उभा राहतो. ज्या वेळेस आपल्याला ओकारी होत आहे किंवा जठराचा दाह होत आहे त्या वेळेस आपण आपला ग्लास नुसता हातात धरायला( प्यायला नव्हे) शिकायला पाहिजे. हे होत नसेल तर उगाच माझा स्वतः वर पूर्ण ताबा असतो या वल्गना करू नयेत. राहिली गोष्ट दारू ज्याने त्याने आपल्या पैशाने लायकी आणी मगदुराप्रमाणे प्यावी. या धाग्याच्या सुरुवातीला दिलेल्या दुव्यात अगोदरच्या धाग्यात केलेला उहापोह आहेच.

संदीप डांगे मंगळवार, 02/02/2016 20:34
पूर्ण प्रतिसादाशी संपूर्ण सहमत. __/\__ ओकारी वाईट नाही. चांगलीच असते शरीरासाठी. पिण्याचं प्रमाण कळू न शकणार्‍याला लोक हसतात, पिणार्‍याला वाटतं ओकारीला हसतात. बिचारी ओकारी बदनाम.

चिगो शुक्रवार, 05/02/2016 13:59
ओकण्याइतपत पिऊ नये, हा शहाणपणा.. पण मुद्दाम 'मद्यधुंद' होईपर्यंत प्यायलातच (मी एक-दोनदा असं ठरवून टल्ली होईपर्यंत प्यायलो होतओ.. स्वतःला तपासून बघायची खाज आहे मला.. ), तर गपगुमान ओकून टाकावं.. शरीराचं प्रोटेक्शन मेकॅनिझ्म आहे ते.. अवांतर : मी तरी कधी बेक्कार अ‍ॅसिडीटी झाली तर 'वमन पद्धती'चाच वापर करतो..

नाव आडनाव मंगळवार, 02/02/2016 15:29
दारू एक जहाल विष आहे, . दारू एक जहाल विष आहे, . . . चला आपण सगळे घोट-घोट पिऊन ते संपवून टाकू एकदाचं :)

हेमंत लाटकर गुरुवार, 04/02/2016 22:47
प्रमाण कितीही घेतले तरी शरीराला अपायकारकच. कमी घेतली तर ६० जास्रत घेतली तर ४० ला राम नाम सत्य.

हेमन्त वाघे शुक्रवार, 05/02/2016 07:52
http://content.time.com/time/magazine/article/0,9171,2017200,00.html http://www.cracked.com/article_20142_5-seemingly-harmful-things-that-ma… हेला आपली बुद्धिमत्ता आपल्या नावाप्रमाणेच आहे का? हे बेवडे इतके कसे जगले ? १ फ्रांक सिनात्रा - ८३ वर्षे २ चर्चिल ८९ varshe ३ राजेश खांना - ७० वर्षे ४ खुशवंत सिंघ ९९ वर्षे ५ दिन मार्टिन ७८ वर्षे ६ Ulysses S. Grant ६३ वर्षे

हेमंत लाटकर शुक्रवार, 05/02/2016 09:15
त्यांची जीवनशैली वेगळी होती. वय मागे पुढे होऊ शकते. ते बेवडे नव्हते गटारात पडणारे. वा पिणार्यांना साजेसे उदाहरम दिले आहे. पिणे काही मर्दपणा नव्हे. अंवातर: लिहताना भाषा चांगली वापरावी वाघे.

प्रा.डॉ.दिलीप बिरुटे शुक्रवार, 05/02/2016 10:17
पण काका सर्वच पिणारे गटारात थोड़ी पडतात पिणा-यांबददलही आदराने बोललं पाहिजे असं नाही का वाटत ? आता मर्दपणाही विषय आणि व्यक्तिपरत्वे बदलतो असे नाही का वाटत ? -दिलीप बिरुटे

हेमन्त वाघे शुक्रवार, 05/02/2016 10:14
हेला ६० ची डेड लाइन तुम्ही दिली होती .... त्याचप्रमाणे तुम्ही मी दिलेले लेख वाचलेले दिसत नाहीत ( ते इंग्रजी भाषेत आहेत ) तुम्हाला एखाद वेळी माहित नसेल पण टाईम हे एक फार मोठे आणि प्रतिष्टीत नियतकालिक आहे ( तुम्हाला तो अमेरिकेचा संध्यानंद वाटला का? ) तसेच वरील यादीत खुशवंत सिंघ सोडून बाकी सर्व जबरदस्त पिणारे होते ... आपल्याला गुगळे हि सीते माहित आहे की ? त्यात वरील पैकी कोणाचेही नाव आणि ड्रिंकिंग असे लिहिल्यास बरीच माहिती मिळेल . ( इंग्रजी भाषेत )

एस रविवार, 07/02/2016 11:50
मला वाटलं की 'सिंहीण' इकडेपण आली की काय!

सुबोध खरे शुक्रवार, 05/02/2016 10:20
वाघे साहेब असे एक दोन नावानी काय होणार? या नात्याने मोरारजी देसाई सुद्धा ९९ वर्षे जगले म्हणून सर्वांनी शिवांबू प्यायला पाहिजे असे म्हणावे लागेल. असे "समर्थन" देण्याची गरज नाही. बाकी अमुक इतकी एम एल दारू वाईट आणी अमुक तितकी चांगली याबद्दल मला काहीच म्हणायचे नाही.

उगा काहितरीच रविवार, 07/02/2016 00:55
काहीही म्हणा पण या धाग्यावरील प्रतिक्रिया पुन्हा वाचतानाही मज्जा येतेय . नुसता दारूच्या उल्लेखाने मज्जा येत असेल तर कदाचित पिल्यानेही मज्जा येत असावी . ;-)

प्रा.डॉ.दिलीप बिरुटे रविवार, 07/02/2016 11:28
आत्ताच एका एका वाचक मिपाकराने छायाचित्र पाठवलं आणि म्हटलं की प्रमाण इतकं असावं. साला आज रविवार साधुन दुपारीच बसला आहे. सोबत गझल असली पाहिजे म्हणुन मी त्याला 'जीस दिन के साजन बिछडे है ' लाव म्हटलं. :) IMG_20160206_163138 -दिलीप बिरुटे

लॉरी टांगटूंगकर रविवार, 07/02/2016 11:46
Jack जॅक आत्ता नाही, थोडं कामात आहे...

प्रा.डॉ.दिलीप बिरुटे रविवार, 07/02/2016 11:55
आवडलं आहे. -दिलीप बिरुटे (बीझी)

काकासाहेब केंजळे रविवार, 07/02/2016 12:00
मला स्वतःला दारुमध्ये बिअरची चव त्यातल्या त्यात बरी वाटते ,विस्कि, रम वगैरे प्रकार अत्यंत कडवट व नंतर हॅंगओवर देणारे असतात.एकदा हातभट्टीची दारु पिल्यानंतर माझे घरही मला सापडत न्हवते,एकाने घरी नेऊन सोडला.नंतर बापाने दोन कानाखाली ठेउन दिल्या.इथे परदेशी दारु नावे सांगून फुशारक्या मारणार्यांनी एकदा हातभट्टीची पिऊन दाखवावीच,,शंभर मीटर चालोत्सोवर गटारात पडतील याची खात्री आहे.

तर्राट जोकर रविवार, 07/02/2016 19:26
सगळा हुच्चभ्रूंचा, हुच्चवारुण्यांचा क्लब हाय इथं जमलेला. आपला देशी ठर्र्र्याबद्दल कोणच नाय बोलत. पौव्वा, चपटी, गिलास १० रुपये, किदर है? ताडी, माडी, मोहाची, पैल्या धारंची, बांधावरच्या अनधि़कृत गाळणारांची, कै आठवन तर असु द्या हो हुच्च्च्वारुणीय.... काकासाहेब बोल्ला तो इतं आलो.

वामन देशमुख मंगळवार, 09/02/2016 15:52
माझेही दोन प्रश्न : व्हिस्की (
  1. किंवा इतर कोणतेही मद्य) नीट (पाणी किंवा इतर द्रव घालून विरल न करता) पिण्याचे फायदे-तोटे काय आहेत?
  2. हिप फ्लास्क मध्ये नीट व्हिस्की घालावी की तिच्यातपाणी वगैरे घालून पातळ करून घालावी?
    3. विस्कळीतपणाबद्धल क्षमस्व.

कैलासवासी सोन्याबापु मंगळवार, 09/02/2016 17:24
१. ह्याचे वैद्यकीय उत्तर जाणकार देऊदेत पण सामान्यतः फायदे अन तोटे आपल्या कोट्यावर अवलंबून असतील असे वाटते २.माझ्या माहीती प्रमाणे फ्लास्क मधे सामान्यतः ब्रांडी किंवा जिन भरली जाते, क्वचित् प्रसंगी डार्क रम ह्यातील ब्रांडी अन रम कोरा घोट मारल्यास कानसुले गरम करणारे प्रकार असतात तस्मात् अन फ्लास्क ची कैरिंग कैपेसिटी पाहता dilute मदिरा फ्लास्क मधे भरण्यात काही हशील नसावा असे वाटते, क्वार्टर जरी फ्लास्क मधे मावत असली तरी dilute केल्यावर ९० कशीबशी मावल अन इतकी कमी सोबत बाळगण्यात काही पॉइंट असेलसे वाटत नाही, अर्थात हे मी अंदाजे अदमासे सांगतोय हो! मला फ्लास्क वापरायचा अनुभव नाही

अगम्य बुधवार, 10/02/2016 10:01
सोन्याबापुंनी व्यवस्थित सांगितले आहे. स्वानुभवाची पुस्ती माझ्याकडून.

आनंदी गोपाळ बुधवार, 10/02/2016 20:52
प्राण म्हणजे तेच आपले हिंदी पिच्चरमधले व्हिलन. हा फ्लास प्राणसाहेबांना पाहूनच माहिती झालाय. अन दुसरी ती व्हिस्कीच्या ग्लासात चिरुटाची राख झाडून हलवून पिण्याची कन्सेप्ट. कुठला पिच्चर ते विचारू नका. तर, या फ्लास्कमधे दारू भरणारे लोक, अट्टल असतात. त्यांना पाणी घालून पातळ करून घातलेल्या दारवा 'पुरणार' नाहीत. यात दारू कोणती भरावी याबद्दल वेगवेगळ्या कन्सेप्ट्स आहेत. "नीट" पिता येईल अशी कोणतीही दारू भरता येते. व्हिस्की : स्कॉच किंवा बर्बन कोणतीही. ब्रॅंडी, रम, गेला बाजार लिक्युअर देखिल भरून आणलेली पाहिली आहे. पण ह्यात वाईन किंवा बियर भरायचा बालिशपणा चुकूनही करू नये. चवीने प्यायची असेल, तर टेस्टी काँबो करता येतात. व्होडका भरायची असेल, तर तिच्यात फ्लेवरसाठी आवडीचं सरबत. ७ औंसाचा फ्लास्क असेल, तर १ औंस पिनाकोलाडा अन उरलेले ६ औंस = १ क्वार्टर (१८० मिली) अ‍ॅब्सोल्यूट. हे मिक्स्चर. पिनाकोलाडाऐवजी रसना, किंवा वाळ्याचं सरबत किंवा अगदी रूहअफझाही चालेल ;_) पसंद अपनी अपनी. मी स्वतः ६ औंस बकार्डी प्लस ३ औंस मालिबू हे काँबो वापरतो. एकदम मस्त लागतं. माझा फ्लास्क ९ औंसाचा (दीड क्वार्टर साईज) आहे. यातून दारू पिण्याचे फायदे म्हणजे हवा तेव्हा हवा तिथे रिचार्ज मारता येतो. बाटली फुटत नाही. "मागच्या" खिशात व्यवस्थीत मावते. प्रवासात चांगला पडतो हिप फ्लास्क. तोटा म्हणजे गाऽर वगैरे करता येत नाही. अन भरण्यासाठी मेझरिंग सिलिंडर किंवा तत्सम व फनेल नसेल, तर हमखास दारू सांडते. घोर पातक ;)

राजाभाऊ बुधवार, 10/02/2016 23:32
पोर्टेबिलिटी हा सगळ्यात मोठ्ठा अ‍ॅडवांटेज, फ्लास्कचा. फॉलमध्ये, प्रत्येक फेअरवेवर सिंगल माल्टचे मारलेले दोन घोट स्वर्गिय आनंद देतात. आणि खरा शोकिन सिगारची राख स्कॉच मध्ये टाकत नाहि तर सिगारचं टोक (शिलगावलेलें नाहि) स्कॉच मध्ये बुडवुन झुरका घेतो. सिगार क्युबन अस्ली तर उत्त्तम... ;)

उगा काहितरीच गुरुवार, 11/02/2016 00:38
आणि खरा शोकिन सिगारची राख स्कॉच मध्ये टाकत नाहि तर सिगारचं टोक (शिलगावलेलें नाहि) स्कॉच मध्ये बुडवुन झुरका घेतो. सिगार क्युबन अस्ली तर उत्त्तम... ;)
काय तो व्यासंग ! बाबौ !!

आनंदी गोपाळ शनिवार, 13/02/2016 19:44
व्हय जी. चिरुटाचा प्रकार म्हणजे धुरापेक्षा चावून तंबाकू खाण्याचा मजा जास्त अशी गम्मत असते. स्पेशल आधीच दारूत भिजवलेल्या तंबाखूच्या पानांचाही सिगार मिळतो. अवांतरः सिगार/चिरुट/पाइप वि. सिगारेट, विडी यांच्यात तंबाकू 'कुजवण्याचा' फरक असतो. चहाची पाने जशी विशिष्ट प्रकारे कुजवतात तशी तंबाखू प्रोसेस् केली जाते. त्यामुळे सिगारेट / विडी यातील आयोनाईज्ड निकोटीन धुरातून रक्तात घेण्यासाठी जास्त मोठ्या (सरफेस एरिया) पृष्ठभागाची गरज लागते. ज्यासाठी हा धूर छातीत घ्यावा लागतो. सिगार/चिरुटचा धूर फक्त तोंडात घेऊन बाहेर सोडला तरी पुरेसे असते.

mahayog मंगळवार, 09/02/2016 22:56
प्राध्यापक बिरुटे यांनी मनापासून हा धागा काढलेला आहे. अगदी बारकाईने ते नजर ठेवून आहेत. सोन्याबापूंचे प्रतिसाद मनापासून आहेतच.

प्रा.डॉ.दिलीप बिरुटे बुधवार, 10/02/2016 12:17
आम्हाला ज्या गोष्टी आवडतात त्यांच्यावर आम्ही मनापासून प्रेम करतो, याला काय वाटतं आणि त्याला काय वाटेल यांचा अजिबात विचार करत नाही. आपला ब्रांड आणि प्रमाण नाही सांगितलं तुम्ही. बाकी, कौतुकाबद्द्ल आभारी आहे. मिपावर लिहित राहा. :) हम तो बनेही तबाह होने के लिए थे...! उसका मिलना तो इक बहाना था..! -दिलीप बिरुटे

अभ्या.. गुरुवार, 11/02/2016 00:44
आमच्यात पोरं पोरं बसली की कुणी एक उत्साही खंबा गलासात ओतायचा जिम्मा घ्यायचा. त्याने पुरती ओतायच्या आत कुणाचा तरी आवाज घुमायचाच. "मापात खोट त्याच्या बापात खोट" बिचारा तीन्तीनदा बघून ओतायचा. . असले काही लिक्योर कोट्स नाहीत का कुणाकडं?

उगा काहितरीच गुरुवार, 11/02/2016 00:57
आमच्या काही महाभागांचे व्हिडीओ आहेत. अशक्य डिक्शनरी असते . पब्लिकली नाही सांगता येत . ;-)

चेक आणि मेट बुधवार, 10/02/2016 14:05
छे .... "हातभट्टीतली पिऊन गटारीत लोळण्यात जी मज्जा हाय,ती कशातच नाय." असे एक बेवडा म्हणत होता ओ.