तुम्ही आमची गळाभेट घ्या,आम्ही तुमचे गळे कापतो!

आमच्या काँग्रेसच्या काळात असं व्हायचं तेंव्हा जनता किती टीका करायची. आता सगळे लबाड संघिष्ट तोंड मिटून बसलेत.

डेडपूल, प्रथमतः डिप्लोमेसी ही काँग्रेस काळात वेगळी अन आता वेगळी आहे हा समज काढून टाका ती एकच लाइन वर आहे अगदी लुक ईस्ट पॉलिसी किंवा आत्ता ची एक्ट ईस्ट पॉलिसी ही विदेशनिती जी ९१ मधे तयार झाली त्याचा एक सबसेट आहे तसेच उदारीकरण अन सब्सिडी कमी करत जाणे हे सुद्धा १९९१ च्या "रावसिंह परिमाणावर(च)" आधारित आहे त्याला माननीय अटलजी ह्यांनी किंवा आत्ता श्रीयुत मोदी ह्यांनी सुद्धा ढलका लावलेला नाही , फ़क्त काँग्रेस काळात ही परिमाणे पाऊल पाऊल realize केली जात होती अन काळाची गरज म्हणुन आत्ताचे सरकार त्या दिशेने धावत आहे इतकेच, उरतो पठानकोट हल्ल्याचा प्रश्न तर गृहमंत्री राजनाथ सिंह ह्यांचे निषेधाचे स्टेटमेंट ऐकल्यास त्यांनी पुर्ण दोष हा "पाकिस्तानी सैन्य" अन आयएसआयला दिलाय, थोडक्यात पाकिस्तानी राज्यकर्त्यांस आर्मी खिजगणतीतही मोजत नाही हे फॅक्ट परत एकदा पुढे आले आहे अन हा हल्ला किंवा मज़ार ए शरीफ मधील वकिलाती वर केलेला गोळीबार हा फ़क्त आपले भारत विरोधवार पोसलेले अस्तित्व दाखवून द्यायचा पाकिस्तान आर्मी अन आयएसआय चा एक डेस्परेट प्रयत्न वाटतो

हे आणखी एक वाचा - जागता पहारा Friday, January 1, 2016 पठाणकोट हल्ल्याची पार्श्वभूमी आज पहाटे पठाणकोट येथील भारतीय हवाई दलाच्या तळावर जिहादी अतिरेक्यांनी हल्ला केला. पाचपैकी चार हल्लेखोर ठार झाले व त्या कारवाईत दोन भारतीय सैनिकही शहीद झाले. एक घातपाती जखमी अवस्थेत सापडला. असा हल्ला झाला, मग तात्काळ सुरक्षा वा गुप्तचरांच्या कामात ढिलाई झाल्याचा सरसकट आरोप सुरू होतो. आजही तसेच झाले तर नवल नाही. कारण जीभ उचलून टाळ्याला वा ओढांना लावली, मग विविध शब्द उच्चारले जात असतात. पण त्याचे नेमके अर्थ बोलणार्‍याला कळतातच असे नसते. मग अशा दिवट्यांना सुरक्षा वा गोपनीयता कशासाठी असते वा तिला कुठून कसा धोका असतो, त्याची अक्कल असायचे काही कारण नसते. पठाणकोट हल्ल्याच्या ज्या बातम्या ब्रेकिंग न्युज म्हणून झळकत होत्या, त्यात सातत्याने टेक्निकल क्षेत्राला धक्का लागलेला नाही, असे सांगितले जात होते. परंतु हे टेक्निकल क्षेत्र म्हणजे काय? तर जिथे लढावू विमाने उभी वा सज्ज करून ठेवलेली असतात, असे अतिशय सुरक्षित क्षेत्र असते. हल्लेखोर त्यालाच लक्ष्य करायला आले असणार, हे वेगळे सांगायला नको. पण प्रचंड विस्तार असलेल्या या तळावर हे सुरक्षित क्षेत्र नेमके कुठे आहे, त्याची माहिती हल्लेखोरांना होती, ही खरी बातमी आहे. अन्यथा आजवर अनेक पोलिस ठाणी वा लष्करी तळावर असे हल्ले झालेले आहेत. पठाणकोटचा हल्ला नेमके लक्ष्य डोळ्यापुढे ठेवून झालेला होता. म्हणजेच त्या हल्ल्याची योजना आखणार्‍यांपाशी हवाई तळाचा बारीकसारीक तपशील उपलब्ध होता. म्हणूनच इतका लक्ष्यवेधी हल्ला होऊ शकला. सुदैवाने ठरल्या लक्ष्यापर्यंत जिहादी पोहोचू शकले नाहीत. पण ते सुदैव होते की तशी प्रतिकारक सज्जता होती, म्हणून तो हल्ला हाणून पाडण्यात यश आले? उहापोह त्याचा व्हायला हवा किंवा करायला हवा. नुसतेच हवेत बुडबुडे उडवण्याने मनोरंजन होईल. पण साध्य काहीच होणार नाही. पठाणकोटच का? हल्लेखोरांनी हेच लक्ष्य कशाला निवडले, इथून उहापोह सुरू होतो. हल्ला करणार्‍यांना नेमकी माहिती असल्याशिवाय अशा जागी हल्ला करता येत नाही. म्हणजेच पंजाबमध्ये असलेल्या अनेक लष्करी वा हवाई तळांपैकी पठाणकोट निवडण्याचे कारण तिथली संगतवार माहिती हल्लेखोरांकडे होती. मग ती माहिती त्यांना कधी, कोणी व कशी पुरवली, ही खरी बित्तंबातमी असू शकते. पण नेमकी माहिती असूनही हल्ला फ़सला, म्हणजेच हल्ल्याची शक्यताही तितकीच गृहीत धरून सज्जता राखलेली असणार ना? तर त्याची सुरूवात दोन वर्षापुर्वी झालेली होती. सुशीलकुमार हे नाव आजच्या बातम्यांमध्ये कुठे कानी आले नाही. कोण हा सुशीलकुमार? पठाणकोटच्या याच हवाई तळावरचा एक कर्मचारी सुशीलकुमार याला तब्बल दोन वर्षापुर्वी एका महिलेने सोशल माध्यमातून गाठले. त्या माध्यमातून मैत्री करताना ही महिला त्याच्याशी खुप सलगीने बोलू लागली आणि नंतर त्याच्याकडून माहिती मिळवू लागली. याच तळावरील सायबर सेलची दक्षता सज्ज होती म्हणून सुशीलकुमार व त्या महिलेच्या सोशल माध्यमातील देवाणघेवाणीवर पाळत ठेवली गेली. तो परस्पर या मैत्रिणीला तळावरची गोपनीय माहिती देत असल्याचे उघडकीस आल्यावर स्थानिक पोलिसांना कल्पना देवून सुशीलकुमारला अटक करण्यात आली. कालपरवा असाच एक हवाई दल कर्मचारी रणजित याला अटक झाली होती. त्याला संरक्षण विषयक एका मासिकाची संपादिका म्हणून ब्रिटीश महिलेने आपल्या जाळ्यात ओढले होते. सुशीलकुमारला असेच जाळ्यात ओढून माहिती काढली जात होती. या सुशीलकुमारने तिला पठाणकोट तळाची महत्वपुर्ण माहिती दिली होती. त्यानंतरच त्याला आत्काळ अटक करण्यात आलेली होती. जुलै २०१४ मध्ये त्याला पकडले आणि आज इतक्या महिन्यांनी तिथेच हल्ला झाला. कुठल्याही लष्करी वा हवाई तळावर महत्वाच्या जागा गोपनीय असतात. आधुनिक काळात असे तळ हे एकप्रकारचे किल्लेच असतात. त्या किल्ल्यातल्या अतिशय मोक्याच्या जागा म्हणजे बालेकिल्ला असतो. तशा जागांवर हल्ला केला, मग त्या तळाची भेदकता व सुरक्षा संपुष्टात येत असते. म्हणूनच अशी माहिती मिळवण्याचा प्रयत्न शत्रू करतो. सुशीलकुमार वा रणजित या हवाई दल कर्मचार्‍यांकडून नेमकी तशीच माहिती मिळवण्याचे प्रयत्न झाले होते. त्यापैकी कुठली माहिती दिली गेली त्याचीही कल्पना भारतीय यंत्रणांना होती. म्हणून अशा जागी हल्ला होण्याची शक्यता गृहित धरलेली असते. किंबहूना दिली गेलेली माहिती वापरली जाऊ नये, म्हणून असलेल्या रचना व सज्जता यात निर्णायक फ़ेरबदल केले जात असतात. बाकी हल्ला टाळणे आपल्या हाती नसते. कारण हल्ल्याची वेळ व जागा शत्रू ठरवित असतो. पण त्यात कुठलेही मोठे नुकसान होऊ नये, याची काळजी घेणे आपल्या हाती असते. इथेही नेमकी तीच सज्जता असल्याचे दिसून आलेले आहे. आकस्मिक हल्ला करूनही पाचपैकी एकही हल्लेखोर महत्वाच्या लक्ष्यापर्यंत पोहोचू शकला नाही, किंवा कुठलेही मोठे नुकसान यात होऊ शकले नाही. ही बाब लक्षात घेतली पाहिजे. याला गुप्तचर खात्याचे अपयश म्हणता येणार नाही. तर पुरेपुर सज्जता म्हणता येणार नाही. दोन दिवस आधी गुरदासपूर येथील पोलिस अधिकार्‍याचे अपहरण करण्याचे नाट्य रंगलेले होते. अशा काही किरकोळ घटना गेले काही दिवस सातत्याने घडत आहेत आणि त्याची तुलना मोदींच्या लाहोर भेटीशी करता येणार नाही. मुत्सद्देगिरी आणि गुप्तचरांनी परस्परांना शह देण्याच्या कारवाया यात सांगड घालणे अशक्य कोटीतली गोष्ट असते. मात्र ज्या गतीने पठाणकोटचा हल्ला झालेला आहे, त्यातून पाक गुप्तचरांच्या हवालदिल होण्याचे संकेत नक्की मिळतात. सुशीलकुमार वा रणजितला पकडल्यामुळे त्यांना माहिती देणारे नेटवर्क उध्वस्त होत असते. पण त्याच कालखंडात पाकिस्त्तानात अकस्मात भारताच्या पंतप्रधानांनी भेट देण्याची घटना निर्णायक काटशह आहे. पाकचे सेनाप्रमुखच नव्हेत तर गुप्तचर खातेही मोदींच्या लाहोर भेटीविषयी गाफ़ील राहिले. किंबहूना आपल्याला संपुर्ण गाफ़ील ठेवून नवाज शरीफ़ यांनी मोदींना पाकिस्तानात येऊ देतात, याचा पाक गुप्तचर व सेनादलाला धक्का बसलेला आहे. ते नुसते पंतप्रधान मोदींचे धाडस नाही किंवा भारत-पाक संबंधातील महत्वाचे पाऊल नव्हे. भारतीय मुत्सद्देगिरीने आणि गुप्तचर खात्याने पाक सुरक्षा व्यवस्थेला व घातपाती डावपेचांना दिलेला मोठा शह आहे. त्यानंतर पाक गुप्तचर वा भारतद्वेषी सेनाधिकारी मंडळींनी निमूट पराभव मान्य करण्याची अपेक्षा कोणी बाळगू शकत नाही. आजही आपण भारताला शत्रूच मानतो आणि शरीफ़शी दोस्ती केल्याने घातपात थांबणार नाहीत, असे कोणी शब्दात सांगणार नाही. किंबहूना पंतप्रधान शरीफ़ म्हणजे पाकिस्तान नव्हे. त्यांच्याशी संगनमत केल्याने पाकिस्तान निमूट बसेल अशा समजूतीत राहू नका, असे सांगण्याचा हा मार्ग आहे. पाकिस्तान शरीफ़ चालवत नाहीत तर तिथली सेना व गुप्तचर विभाग यांची हुकूमत चालते, हा पठाणकोट हल्यातला खरा संदेश आहे. हा सावल्यांचा खेळ समजून घेता आला तर अकस्मात मोदी लाहोरला कशाला गेले आणि त्यातून काय साधले गेले, त्याला अर्थ लागू शकेल. पण तेवढे करायला आजच्या ब्रेकिंगन्युज पत्रकारितेला वेळ वा संयम आहेच कुठे? ज्यांना मोदींचे धाडस वा त्यातून साधलेला डावपेच समजू शकत नाही, त्यांना पठाणकोट हल्ल्याचे रहस्य कधीच उलगडू शकत नाही. दोन देशात कुठला डाव वा जीवघेणा खेळ चालू आहे, त्याचा थांगपत्ता लागू शकत नाही. त्याच्या खोलात गेले तर पठाणकोटचा हल्ला किरकोळ असल्याचे लक्षात येईल. नाहीतर आणखी एक अतिरेकी हल्ला यापेक्षा त्याला विशेष महत्व नाही. (अपुर्ण) - भाऊ तोरसेकर

पाकिस्तानला धडा शिकवा, असे म्हणणार्‍यांना एकच प्रश्न विचारावासा वाटतो. धडा शिकवायचा म्हणजे नक्की काय करायचं? १)त्यांच्यावर हल्ला करुन युद्ध करायचं ? युद्ध करायचे झाले तर ते स्वबळावर करावे लागेल. कुठलीही महासत्ता मधे पडणार नाही. पडलीच, तर ती पाकिस्तानच्या बाजूने असेल. युद्धाचे भीषण परिणाम सोसायचा दृढनिश्चय, सर्व भारतीय करतील का ? २)त्यांच्या देशांत अतिरेकी कारवाया करायच्या ? की आणखी काही ? यावर वाचायला आवडेल.

पाकिस्तानी कलावंत भारतात भरपूर आहेत. जे पडद्यावर दिसतात ते नव्हे तर इतर देखिल. पाकिस्तानला दाऊद ला सांभाळणे गरजेचे आहे कारण तो भारताचा दुष्मनच नाही तर तेथील उद्योगधंद्याचा फायनान्सर देखिल आहे. दाउदचा करोड़ो पैसा पाकी इंडस्ट्रीत गुंतलेला आहे. उद्या जर दाउदचे आर्थिक व्यवहार आवळले तर जी सुरक्षा आज पाकिस्तान त्याला देते तशी देणार नाही.कारण खुडूक कोम्बडी कोणी जास्त वेळ पाळत नसतो. अगदी ज्याला इस्लामी जगताचा शहनशाह मानला होता तो लादेन देखिल पैसा आटल्यावर कुत्र्याच्या मौतीने मेला.

भारत पाक मुख्य आयातनिर्यात गुजरात बंदरांमधुन होते. मोदीकाका व्यापार चालु देताहेत तर आपण काय करणार ?

एकुण वृत्तांवरून पठाणकोट प्रसंग गांभीर्याने अभ्यासावा असा वाटतो, या निमीत्ताने बाकी चर्चा चालूद्यात पण काही चर्चा प्रतिसाद रचनात्मक तोडग्यापेक्षा उथळपणा कडे झुकलेले नाहीत ना अशी शंका वाटते. त्यात डेडपूल यांच्या या प्रतिसादाचा समावेश होतो. तुमच्या आमच्यापेक्षा अधिक विचार करु शकणारे राष्ट्रीय सुरक्षा सल्लागार सरकारने नेमलेले असतात शत्रुराष्ट्रात काही कारवाई करावयाची झाल्यास ते केवळ सरकारच करु शकते. मोगा यांचा हा प्रतिसाद सुद्धा भडक स्वरुपाचा आहे. सरकारच्या जबाबदार्‍या सरकारच्या असतात, सरकारने जिथे अधिकृतपणे मदत मागितली ती राष्ट्रप्रेमीमंडळींनी उत्साहाने जरुर करावी, राष्ट्रीय सुरक्षेसंदर्भातल्या प्रत्यक्ष कारवाईसंदर्भातल्या जबाबदार्‍या सर्वसामान्यांनी स्वतःच्या डोक्यावर घेणे शक्यही नसते म्हणून त्या संदर्भाने कोणतीही उचकवा उचकवी रास्त ठरत नसावी. बाकी सर्वसामान्यांनी (सिव्हीलीयन्सनी) सुद्धा अशा समस्यांचे अधिकाधीक कंगोरे कसे लक्षात घेतले जाऊ शकतील आणि रचनात्मक तोडगे काय असू शकतील याची अभ्यासपूर्ण चर्चा करणे उत्तमच.

नमो एकच उत्तर द्या, अजून किती शहीद हवे आहेत? बाकी आपली डिप्लोमसी चालू द्या! एका रोगावर आपण अनेक पॅथींची औषधे घेतो. अहो ! परीणाम तर पहा. मग बोला. काही काळ जाऊ द्या. नमो म्हणजे काही जादुची कांडी आहे का ? कालच म्हणे वजीरेआलम नवाज शरीफ यांनी पठाणकोट संदर्भात मोदींशी चर्चा केली. असे कधी घडले होते ? बोलणी सुरु नव्हती तेव्हा सुध्दा शहीद होतच होते.

सगळे नुसती नावं ठेवताहेत. पण काय करायला पाहिजे होतं आहे यावर कोणीच काही बोलत नाहीये. मागच्या वर्षात पाकिस्तानबरोबरच्या चर्चा थांबवल्या म्हणून शिव्या घातल्या. मोदी पाकिस्तानात गेले नव्हते तोपर्यंत पण गेले नाही म्हणून लोक्स शिव्या घालत होते. आता गेले तरी शिव्या घालताहेत. एकूण काय फक्त शिव्या घालायच्या हा एकच उद्देश दिसतोय. चूक असेल तेथे टीका करायलाच पाहिजे पण मग नक्की काय चुकलं, ती चूक दुरुस्त करण्यासाठी काय करायला पाहिजे आणि बरोबर काय आहे हे सांगण्याची जबाबदारी पण टीका करणार्यांवर येते. ते ती घेत नाहीत. गळाभेट घेतली तर मग अपेक्षा काय होती की मोदींनी गळाभेट घेताना वाघनखं खुपसून शरीफना मारायचा, मग सुपरम्यान सारख जाउन दाऊदला, हाफिजला मारायचं मग स्पायडरम्यान सारखं सगळ्या दहशतवाद्यांना जाळ्यात पकडून भारतात घेवून यायचं? सलमान खुर्शीद आणि इतर काँग्रेसचे मान्यवर पाकिस्तानात जाउन काय बरळून आले त्यावर काही भाष्य केलं नाही कोणी. तृणमूलच्या इद्रीस अलीनी तर मोदींचे दहशतवाद्यांशी संबंध असल्याचा आरोप केला. सुशीलकुमार शिंदे म्हणतात भाजपच्या काळात दहशतवादी हल्ले जास्त होतात. यावर इथे कोणाला आक्षेप घेण्यासारखे काहीच वाटत नाही? एकीकडे मोदी मुस्लिमविरोधी आहेत म्हणून बोंबा मारायच्या आणि दुसरीकडे त्यांना दहशतवाद्यांशी संबंध आहेत म्हणायचं! काही शहाणे पत्रकार तर सगळ्यात चुकीचे प्लानिंग असलेली कारवाई आहे म्हणतात. म्हणे लष्कराच्या वरिष्ठ लोकांनी यांच्याकडे येवून हितगुज केलं म्हणे की आर्मीला बाजूला करून NSG ला कारवाई करायचे अधिकार दिले. त्यामुळे कारवाई एवढी लांबली वगैरे वगैरे. नाव न सांगण्याचा अटीवर सांगितले म्हणालं की झालं पुढचे प्रश्न विचारायचे नाहीत. लष्कराचे वरिष्ठ अधिकारी एवढे सहज पत्रकारांकडे बोलतात का? एवढी मोठी कारवाई चालू असताना अधिकारी जेवण झाल्यावर शतपावली करत करत निवांतपणे येवून पत्रकारांना भेटले आणि नाराजी व्यक्त केली! काहीही हं xx…

"पाकिस्तानको उसीकी भाषामें जवाब देना चाहिये, ये लवलेटर लिखना बंद करो" असे माननीय नमो साहेबांचेच विधान आहे. आता ह्यालाही ते चुनावी जुमला म्हणत असतील तर धन्य असो. योग्य बोललास रे संदीपा.मनमोहन असताना हा हल्ला झाला असता तर 'देशाचे नेत्रूत्व कमकुवत माणसाच्या हाती असल्याने हे सगळे होतेय' असे फेसबुकी अनुमान निघाले असते. 'मनात आणले तर आपण पाकिस्तानला तीन दिवसांत संपवू शकतो.. फकत हवी ती प्रखर देशभक्ती व खंबीर नेत्रूत्व' अशी वाक्ये तुमच्या त्या ट्वीटरवरच वाचली होती.असो. हा प्रश्न वाटतो तेवढा सरळ नाही हे एव्हाना कळले असेल.

नियमित कालावधीदरम्यान प्रसिद्ध होणार्‍या काही बारीकसारीक बातम्यांवरून गेले कित्येक महिने माझ्या मनात अशी एक आशंका निर्माण होते आहे की पंजाबमध्ये काहीतरी शिजतेय. पंजाब अस्वस्थ आणि अशांत करण्याचे प्रयत्न चालू आहेत. केवळ पैसा हेच आमिष नसावे. इन्फिल्ट्रेशन आणि इन्डॉक्र्टिनेशनचाही भाग त्यात असावा.

@"ट्रेड मार्क" मोदींनी काय करावे हे पण सांगा कोणीतरी. म्हणजे पाकिस्तानशी चर्चा करावी का नाही, केली तरी पंप्रबरोबर करावी का सैन्यप्रमुखाबरोबर का ISI प्रमुखाबरोबर. जर या तिघांपैकी एकाबरोबर चर्चा केली त्याचा दुसर्याला राग येवून त्यांनी काही घातपाती कारवाई केली तर काय करायचं. पाकिस्तानी पन्तप्रधान / सैन्यप्रमुख / ISI प्रमुख यापैकि फक्त पन्तप्रधान बरोबर मोदि गळाभेट करुन आले ते पण सर्व international / political protocall तोडुन ?? मोदि अन शरिफ फार जुने / जिगरी मित्र आहेत का ? ??????? पाकीस्तानात कोण कोणाच्या तालावर नाचते ही एक रहस्य / गुप्त बातमी आहे काय ?? यानन्तर पठानकोट घट्ना एक नेहमीची घट्ना समजायची काय ?? ********************************************************************* ********************************************************************* ज्यांना मोदींचे धाडस वा त्यातून साधलेला डावपेच समजू शकत नाही, त्यांना पठाणकोट हल्ल्याचे रहस्य कधीच उलगडू शकत नाही. ज्याना मोदींचे धाडस व डावपेच समजले त्यानी तरी एक क्लु द्यावी धाडस व डावपेच बद्दल. धाडस व डावपेच नावाखाली काय होइल ?? सध्या वाघा सीमेवर BSF व PAKISTANI RANGERS चा कार्यक्रम होतो उद्या कच्छ आखातात भारतीय / पाकिस्तानी नौदलाचे fleet review होइल आणि हवाई दलाचे सराव होतील गप्प बघत बसायचे काय ?? जसे आत्ता गप्प बसावे असे वाट्ते. ********************************************************************** ********************************************************************** जाता जाता पाकीस्तानी पन्तप्रधान शरिफ नी श्रीलंका राजधानी कोलंबो येथुन भारतीय पन्तप्रधान मोदींबरोबर पठाणकोट हल्ल्याबद्दल चर्चा केली ??? काय डावपेच आहेत ते काय समजले नाहि. सत्य हे आहे कि शरिफनी पाकीस्तानातुन काय बोलावे हे शरिफ ठरवु शकत नाहि. यापुढे काय बोलावे गप्प बसलेले चांगले.

"उचलली जीभ लावली टाळ्याला" ही या धाग्याला शोभून दिसेल अशी म्हण आहे. कुणाच्या हि प्रतिसादाला प्रतिसाद न देत मी मला जेवढे सांगणे शक्य आहे तेवढेच सांगेन. १) भारत आणि पाकिस्तानची सीमा २९००( दोन हजार नऊ शे किमी आहे). किती अंतरावर आणि कसे सी सी टी व्ही लावणार? त्याच्यावर २४ X ७ लक्ष ठेवायचे कुणी आणि कसे त्याला लागणारी वीज आणि देख्भैसाठी लागणारा खर्च कसा आणि कुणी करायचा? सगळ्या दिल्लीत सी सी टी व्ही लावणार होते त्याचे काय झाले हे आपल्याला सर्वाना माहित आहे. २) पंजाब शांत असला तरीही त्यात खालीस्तानचे स्वप्न उराशी बाळगून असणारे लोक कमी नाहीत.अशा काही असंतुष्ट लोकांना हाताशी धरून घातपाती कृत्य करणे एखाद्या राष्ट्राला करणे सहज शक्य असते. ३) पाकिस्तान लष्कराला शांतता नकोच आहे कारण शांततेच्या काळात लष्कराचे महत्त्व कमी होत जाते. यासाठी दहशतवाद्यांना हाताशी धरून अशी कृत्ये घडवून आणली जाणारच हे आपल्या सरकारला माहित आहे. शिवाय भारत पाकिस्तान मध्ये व्यापार सुरु झाला तर अनेक गोष्टीची आयात निर्यात होऊन सामन्य जनतेला त्याचा फायदा होईल पण या गोष्टींच्या तस्करीला आळा बसेल. उदा पाकिस्तानात पान कोपर्या कोपर्यावर मिळते पण ते सर्व भारतातून तस्करी करून आणलेले असते. जर व्यापार सुरळीत झाला तर भारत आणि पाकिस्तान सरकारला कर मिळेल पण तस्कर आणि लष्कर यांचा हितसंबंध दुखावतो. असे अनेक उद्योग आहेत. यात लष्कराचे हितसंबंध गुंतलेले आहेत त्यामुळे त्यांना भारत पाकिस्तान व्यापारी संबंध सुरळीत होणे परवडणारे नाही. या न त्या प्रकारे ते त्यात खीळ घालण्याचा प्रयत्न करणारच ४) दहशत वाद्यांच्या या कारवाईची तयारी कमीत कमी ४-६ महिने चालू असल्याशिवाय त्यांना भारतीय वायुसेनेच्या तळावर हल्ला करणे शक्य नव्हते. तेंव्हा हि कारवाई लगेच झाली हे म्हणणे सोपे आहे. ५) वायुसेनेच्या तळावर हल्ला होऊन एकही विमान किंवा महत्त्वाची उपकरणे दहशतवाद्यांना नष्ट करता आली नाहीत हि एक फार महत्त्वाची गोष्ट आहे. कारण या गोष्टी कुठे आहेत याची संपूर्ण माहिती त्यांना होती तरीही भारतीय गुप्तहेर खात्याने त्यांचा हा बेत नाकाम ठरवला. या उलट पाकिस्तान च्या नौदलाच्या तळावर हल्ला झाला तेंव्हा तेथे त्यांनी १८ सैनिक मारले आणि P ३ C ओरायन हि (३५० कोटी रुपयांना एक अशी) दोन विमाने नष्ट केली. ६) मोदी साहेबांनी संयुक्त अरब ऐमिरातीशी केलेल्या करारात दावूद इब्राहीम ची मालमत्ता गोठवण्याची सुरुवात झालेली आहे.दावूदची मालमत्ता लष्कराच्या आशीर्वादानेच उभी राहिली आहे आणि त्यात लष्कराच हातही आहे. त्यामुळे असे होणे हे त्यांना महाग पडू लागले आहे. http://www.oneindia.com/india/dawoods-bad-days-begin-as-uae-probes-his-… ७) मी एकदा असे म्हटले होते कि प्रत्येक माणसाला असे वाटते कि राजकारण आणि क्रिकेट यात आपल्याला सगळे समजते आणि त्यावर खास टिप्पणी करणे हा आपला जन्मसिद्ध हक्क आहे. त्यामुळे सचिन तेंडूलकर ने ब्याट कोणती वापरावी पासून पंतप्रधानांनी चीन पाकिस्तान बरोबर संबंध सुधारणे कसे चूक आहे यावर आपण सल्ला देऊ शकतो. असो

मुद्दा क्रमांक २, ३, ४ शी विशेष सहमत.

इस्रायल सारखा देश आणि तेथील राजकारण्यांची जाज्वल्य देशभक्ती पाहिली तरीही तेथेही दहशतवादी हल्ल्यात लोक बळी पडतातच ना? स्वातंत्र्याची किंमत हि आयुष्यभर मोजत राहायला लागतेच.स्वातंत्र्याचे रक्षण करणे हे सोपे नाही. अजून किती शहीद हवेत हा प्रश्नच गैरलागू आहे. बघा आता कशी पाकिस्तानांची जिरवतिल!हि काय जादूची कांडी आहे का? तुम्ही एका अण्वस्त्र सज्ज अशा बेजबाबदार राष्ट्राची गोष्ट करत आहात कि एका टिनपाट गुन्हेगाराची? तुम्हाला काय सर्वंकष युद्ध हवे आहे का? ज्यात कोट्यावधी भारतीय बळी पडतील. पाकिस्तान समूळ नष्ट होईल पण हि किंमत परवडेल का? नारेबाजी करणे सोपे आहे. मी वर लिहिले आहे तसे दावूदची आर्थिक नाकेबंदी करणे, लष्कराच्या आर्थिक नाड्या आवळणे हे उपाय सुरु केलेले आहेतच. पाकिस्तानी जनतेला जेंव्हा हे कळून चुकेल कि त्यांना बंदुका नाही तर पुस्तकांची आणि नोकर्यांची गरज आहे( शिक्षण) तेंव्हा हे लष्कर आणि दहशतवादी यांना जनतेचा आधार मिळणे कमी होईल. गरिबी हि क्रांती आणि गुन्हेगारी यांची माता आहे. क्रांतीच्या नावाखाली निरक्षर आणि बेकार तरुणांची माथी भडकावणे जास्त सोपे असते आणि त्यातून धर्माच्या नावाखाली गुन्हेगारी हीच क्रांती आहे असे डोक्यात भरवून दिले कि दहशतवाद पसरवणे सोपे होते. त्यामुळे पाकिस्तानी जनतेची साक्षरता आणि तीवर लष्कराचा कमी होणारा ताबा हि तेथील गुन्हेगारी आणि दहशतवाद कमी होण्यासाठी मदत करेल. तेथील लष्कराला तस्करीतून मिळणारा पैसा जर तुम्हाला तेथील जनतेकडे वळवता आला तर जनतेला लष्करापेक्षा मुलकी सरकारचे महत्त्व समजून येईल. Journalist Lifschultz's famous article revealed that General Zia himself was doing heroin through Hamid Hasnain, chief executive of Habib Bank in Islamabad, who was found in possession of General Zia's personal documents like cheque books. The man was nabbed after his agent was arrested in Oslo in 1983. General Zia's wife Shafiqa tried to interfere in the court case against Hamid Hasnain but was effectively prevented by the government of Norway. Western sources named ten Noriegas in Pakistan. Air force chief Anwar Shamim, very close to General Zia, was refused as Zia's ambassador by Canada because his heroin connection. In 1986, two army officers were arrested in Karachi with 900 kilos of heroin on them worth $4 billion. Major Zahooruddin was taken from police custody to a military base from where he 'miraculously' escaped; Flight Lieutenant Rehman feigned illness and escaped equally 'miraculously' from the hospital. In all, 14 officers were arrested for heroin in 1989. In 1987, squadron leader Farooq Ahmad Khan was arrested in New York with two kilos of heroin on him and within a week squadron leader Qassim was arrested in Karachi. The officers used army-owned NLC trucks to smuggle heroin (in one case 10 metric tons) across Pakistan to outlets, including National Shipping Corporation, to be later white-washed by the BCCI which laundered $4 billion for its Pakistani patrons. Gadoon Area near Peshawar was used for poppy growing, supported by NWFP politicians. The PPP government, pushed by the US, pretended to move against Ayub Afridi of Landi Kotal and Mirza Iqbal Baig of Lahore. Baig was arrested in 1989 linking him to a Japanese courier caught in Amsterdam with 17.5 kilos of heroin in 1988. This was also a General Zia connection, But the Lahore High Court freed Baig 'for lack of evidence'. Ayub Afridi kept dodging arrest by moving around, in which he was 'helped' by the authorities. Ayub 'financed' a number of PPP leaders win election. Benazir however fired General Hameed Gul 'who was controversial for his alleged involvement in drug trade under the Zia regime', and arrested General Fazle Haq, fired Brigadier Imtiaz for alleged drug trade connections, which offended the GHQ top brass. The army put together the IJI against the PPP, comprising most of the pro-heroin elements who began bribing the PPP members. Benazir offered a PPP ticket to Malik Waris Khan Afridi of the Khyber Agency, making him state minister and member of her cabinet. Other heroin peddlers whom the PPP took in its fold were Amanullah Gichki, Muhammad Ali Rind (a former Zia connection) from Balochistan and Malik Moin Khan Afridi who was elected to the 1988 National Assembly. Later, Zardari was reported to have run a heroin smuggling network to enrich himself. बाकी बलुचिस्तान किंवा सिंध प्रांतातील फुटीरतावादाला भारतीय गुप्तहेर संस्था खत पाणी घालत आहेत हा पाकिस्तानचा आरोप आहेच.

___/\___

१) भारत आणि पाकिस्तानची सीमा २९००( दोन हजार नऊ शे किमी आहे). किती अंतरावर आणि कसे सी सी टी व्ही लावणार? त्याच्यावर २४ X ७ लक्ष ठेवायचे कुणी आणि कसे त्याला लागणारी वीज आणि देख्भैसाठी लागणारा खर्च कसा आणि कुणी करायचा? सगळ्या दिल्लीत सी सी टी व्ही लावणार होते त्याचे काय झाले हे आपल्याला सर्वाना माहित आहे. आंतरराष्ट्रीय सीमा हा सर्वस्वी केन्द्र सरकारच्या अखत्यारीत येणारा विषय आहे. केन्द्र सरकारने छान काम केले तर कौतुक नक्किच होइल. त्याची तुलना " दिल्ली राज्य सरकार " बरोबर कशाला?. २९०० किमी सीमा संभाळणे हा साक्षात्कार ६० वर्षांने सत्तेत आल्यावर झाला का ? २) पंजाब शांत असला तरीही त्यात खालीस्तानचे स्वप्न उराशी बाळगून असणारे लोक कमी नाहीत.अशा काही असंतुष्ट लोकांना हाताशी धरून घातपाती कृत्य करणे एखाद्या राष्ट्राला करणे सहज शक्य असते. थोडयाफार फरकाने दहशदवाद पंजाब व काश्मीर येथे सुरु झाला. आज पंजाब मधील दहशदवाद औषधासाठी असेल (पुर्ण सम्पला बोलणे धाड्साचे होइल) . पण काश्मीर येथे थोडाफार आहे. पंजाब मधील दहशदवाद भरपुर कमी होण्यास कोण कारणीभुत कोण? सरकार का सुरक्षा यन्त्रना की पंजाब मधील लोक....... बोलण्याचा उद्देश असा कि एखाद्या राष्ट्राकडे बोट हव्या त्या पध्दतीने करुन आपली जबाबदारी टाळु शकत नाहि ६० वर्षा नन्तर सुध्दा तेच तेच विधान एकत बसायचे काय ? ३) पाकिस्तान लष्कराला शांतता नकोच आहे कारण शांततेच्या काळात लष्कराचे महत्त्व कमी होत जाते. यासाठी दहशतवाद्यांना हाताशी धरून अशी कृत्ये घडवून आणली जाणारच हे आपल्या सरकारला माहित आहे. शिवाय भारत पाकिस्तान मध्ये व्यापार सुरु झाला तर अनेक गोष्टीची आयात निर्यात होऊन सामन्य जनतेला त्याचा फायदा होईल पण या गोष्टींच्या तस्करीला आळा बसेल. उदा पाकिस्तानात पान कोपर्या कोपर्यावर मिळते पण ते सर्व भारतातून तस्करी करून आणलेले असते. जर व्यापार सुरळीत झाला तर भारत आणि पाकिस्तान सरकारला कर मिळेल पण तस्कर आणि लष्कर यांचा हितसंबंध दुखावतो. असे अनेक उद्योग आहेत. यात लष्कराचे हितसंबंध गुंतलेले आहेत त्यामुळे त्यांना भारत पाकिस्तान व्यापारी संबंध सुरळीत होणे परवडणारे नाही. या न त्या प्रकारे ते त्यात खीळ घालण्याचा प्रयत्न करणारच. जर पाकिस्तानात पान भारतातून तस्करी करून जात असेल तर मी असे म्हणेन कि भारतात पान तस्करी माध्यमातुन काळा पैसा तयार होत आहे. सरकारने सध्या तयार होणारा हा "काळा पैसा" रोखावा. ते पान पाकिस्तान लष्करातील लोक / अतिरेकी खातात आणि भारतात येवुन थुन्कतात. ४) दहशत वाद्यांच्या या कारवाईची तयारी कमीत कमी ४-६ महिने चालू असल्याशिवाय त्यांना भारतीय वायुसेनेच्या तळावर हल्ला करणे शक्य नव्हते. तेंव्हा हि कारवाई लगेच झाली हे म्हणणे सोपे आहे. दहशत वाद्यांनी भारतीय वायुसेनेच्या तळावर हल्लाचा सराव काहि पाकीस्तानी विमानतळावर केला अशी बातमी आली. आता यावर काय बोलायचे . ५) वायुसेनेच्या तळावर हल्ला होऊन एकही विमान किंवा महत्त्वाची उपकरणे दहशतवाद्यांना नष्ट करता आली नाहीत हि एक फार महत्त्वाची गोष्ट आहे. कारण या गोष्टी कुठे आहेत याची संपूर्ण माहिती त्यांना होती तरीही भारतीय गुप्तहेर खात्याने त्यांचा हा बेत नाकाम ठरवला. या उलट पाकिस्तान च्या नौदलाच्या तळावर हल्ला झाला तेंव्हा तेथे त्यांनी १८ सैनिक मारले आणि P ३ C ओरायन हि (३५० कोटी रुपयांना एक अशी) दोन विमाने नष्ट केली. भारतीय गुप्तहेर खाते व सशस्त्र सेनेने हा बेत हाणुन पाडला. पठाणकोट एअरबेस वर अतिरेकि एका पोलिस आयुक्तच्या गाडितुन धोका देवुन गेले. अन्यथा हि कारवाइ एअरबेस गेटवरच झालि असती. व्ही आय पी लोकाना अडवायचे कसे या मानसिकतेचा फायदा अतिरेक्यानी घेतला हे फार लाजिरवाणे. ६) मोदी साहेबांनी संयुक्त अरब ऐमिरातीशी केलेल्या करारात दावूद इब्राहीम ची मालमत्ता गोठवण्याची सुरुवात झालेली आहे.दावूदची मालमत्ता लष्कराच्या आशीर्वादानेच उभी राहिली आहे आणि त्यात लष्कराच हातही आहे. त्यामुळे असे होणे हे त्यांना महाग पडू लागले आहे. http://www.oneindia.com/india/dawoods-bad-days-begin-as-uae-probes-his-p... हि काय मोठी बातमी आहे. ?????? काँग्रेसचे लोक दावुदला काहि करु शकत नाहित असा एक समज आहे ..दावुद ला युती / वाजपेयी काळात दणका दिला असता तर बरे झाले असते, आज केंद्रात भा ज प सरकार असुन पुर्वी दावुद ची भारतातील मालमत्ता खरेदी केलेल लोक न्यायालयात चकरा मारत आहेत मालमत्तेचा ताबा मिळावा म्हणुन. ७) मी एकदा असे म्हटले होते कि प्रत्येक माणसाला असे वाटते कि राजकारण आणि क्रिकेट यात आपल्याला सगळे समजते आणि त्यावर खास टिप्पणी करणे हा आपला जन्मसिद्ध हक्क आहे. त्यामुळे सचिन तेंडूलकर ने ब्याट कोणती वापरावी पासून पंतप्रधानांनी चीन पाकिस्तान बरोबर संबंध सुधारणे कसे चूक आहे यावर आपण सल्ला देऊ शकतो. सल्ला देण्याची बिलकुल इच्छा नहि. जेव्हा चीनी पन्त्प्रधान थेट अहमदाबाद येथे दौरयावर आले तेव्हाच चीनी सैन्याने लडाख प्रदेशात अतिक्रमण केले होते, तेव्हा अतिक्रमण सोडुन बाकी गोष्टीनचा उदो उदो केला गेला. कशाला सल्ला देवु ???????? ज्या लाहोरच्या वेशीवर भारतीय सैन्याने ६५ व ७१ च्या युध्दात धडक मारली होती त्या लाहोरला international / political protocall तोडुन स्वतंत्र भारतात जन्मलेले भारतीय पन्त्प्रधान विमानाने गुपचुप जाउन आले. ६० वर्षात असे घडले नव्हते.

यापुढे "डिप्लोमसि" शी संबंधित सगळे निर्णय फक्त तुमचेच असतील असा कायदाच करून टाकू आपण. हाकानाका.

याच विषयावर हा एक वेगळे मुद्दे मांडणारा लेख - How swift action saved the day in Pathankot

@ नितिन थत्ते स्विफ्ट अ‍ॅक्शन सेव्ह्ड द डे अनुशंगाने तुम्हि जे लिहिले त्या संदर्भात एक मत लिहावे असे वाट्ते हल्ल्याची पूर्वकल्पना होती. हल्ल्याची पूर्वकल्पना होती तर प्रतिहल्ल्याची तयारी पण झालीच असणार. पण अशी टिप मिळाली होती का अतिरेकी सरकारी / पोलिस अधिक्षकाच्या गाडीतुन घात करुन येतील म्हणुन. मुंबई हल्ल्यानन्तर व्ही व्ही व्ही आय पी शाणे झालेत असे वाट्ते काय ?? आज पण व्ही व्ही व्ही आय ना सिक्युरीटि चेक ला कसे अड्वायचे हा सुरक्षा यंत्रणाना प्रशन पड्तोच. लष्कर/कमांडो यांची काय झाल्यावर काय करायचे याची SOP ठरलेली असते. कृपा करून भारतीय सशस्त्र सेनेवर शंका करु नका. आज आपण जी लोकशाही "न कळणारया" आनन्दात जगतो कारण भारतीय सशस्त्र सेनेला माहीत आहे की बराकीत कधी जायचे आणि बराकीबाहेर कधी यायचे ते पण एकदा या देशाने आणिबाणी अनुभलेली असताना.

गंमत अशी आहे, की नक्की काय झालंय याची माहिती न घेताच लोक लिहीत असतात. हल्ला होणार आहे (आणि तो तळाबाहेरून होणार आहे) असं इंटेलिजन्स इन्पूट होतं. हे इंटेलिजन्स इनपूट दिल्ली ला कळायला वेळ लागला कारण स्थानिक पोलिसांनी वेळ घेतला. पण त्या आधीच अतिरेकी तळात घुसले होते याची कल्पना सुद्धा संबंधीत लोकांना आली नाही. हल्ला बाहेरून होण्याऐवजी आतूनच आत झाला (http://indianexpress.com/article/india/india-news-india/pathankot-attac…). बाहेर केलेली सर्व तयारी त्यामुळे वाया गेली. शिवाय नक्की हल्ला कुठे होणार आहे ते कुणालाच माहिती नव्हतं कारण पठाणकोट ला बाकीची पण इन्स्टॉलेशन्स आहेत (तसंच मिसाईलचा तळ सुद्धा आहे). तरीसुद्धा गरुडांनी आणि एन एस जी नं अतिरेक्यांना २५०मी बाय २५०मी एरियात कोंडलं होतं. मारले गेलेले बहुतांश दुर्दैवाने मारले गेलेले आहेत. अतिरेक्यांच्या हुशारीमुळे नव्हे. भाग १: http://indianexpress.com/article/india/india-news-india/probing-pathank… भाग २: http://indianexpress.com/article/india/india-news-india/probing-pathank… भाग ३: http://indianexpress.com/article/india/india-news-india/probing-pathank…

कितीही मागे गेलो तरी पाकिस्तान सोबत जेव्हा केव्हा भारतीय (सरकारी स्तर) चर्चा करतात तेव्हा लागोलग अतिरेकी हल्ले होत राहिले व सामान्य नागरिकांचे प्राण जात राहिले. याला विपक्ष नेहमीच गाफिलपणा म्हणत आला. आजच्या समयी मोदी सरकार अतिउत्साही म्हणून पुन्हा गाफिल राहीले व पुनःश्च पाक अतिरेकी मनात आणल्यावर कुठेही नागरी भागात हल्ला लीलया करु शकतात हे दिसले, किंबहुना लष्करी तळावर हल्ला होणे तोदेखील सीमे पलीकडुन हे अधोरेखांकित करते की आपले रक्षणकर्ते आजही झोपा काढतायत व सरकारला कधीच सोयरंसुतक नव्हते. याखेपेला तर मी परखडपणे असे म्हणेन की " आ बैल मुझे मार".

यात सगळ्यात संशयास्पद हे बीएसेफ आणि पंजाब पोलिस आहेत. तो पंजाब पोलिस एस्पी हा सपोजेडली बॉर्डरवर ड्रग डील फायनलाइज करायला गेला होता. ड्रग डीलर्स अतिरेकी निघाले अशीही थिअरी आहे. बीएसेफ्च्या हवालदाराला अटक देखील झाली आहे. http://indiatoday.intoday.in/story/pathankot-terror-attack-bsf-mans-arr…